Ngaahi Pulusinga Kimuʻá
Ako

Ako

ʻĪmisi
lightbulb-purple

Ko e hā ʻe fie fakatau ai ʻa e kakaí meiate aú?

Taimí:Seti ʻa e uasí ke miniti ʻe 60 ʻa e konga ki he Akó.

Lau:ʻOku fie maʻu ke tau tohoakiʻi mai ka kau fakatau tokolahi ange pea mo fakatau atu ke lahi ange, ke fakatupulaki ʻetau pisinisí! ʻOku fakamoleki ʻe he kakaí ʻenau paʻangá ki he meʻa ʻoku nau mahuʻingaʻia aí. Ko e lahi ange ʻenau mahuʻingaʻia ʻi ha meʻá, ko e lahi ange ia ʻenau fakamole ki aí.

Koeʻuhí ke ola lelei ʻa e fakatau atú, ʻe fie maʻu ke tau ʻiloʻi ʻa e meʻa ʻoku mahuʻingaʻia ai ʻetau kau fakataú, meʻa ʻokú ne tohoakiʻi mai ʻa e kau fakataú, pea fakatau atu kiate kinautolu ʻa e meʻa ʻoku mahuʻingá! Pea kuo pau ke tau ʻoatu ʻa e meʻa ʻoku nau mahuʻingaʻia aí ʻo laka ange ʻi he ngaahi pisinisi ʻoku tau feʻauʻauhí.

Mamata:“Sell, Sell, Sell” (Konga I mo e II) (ʻIkai ha vitiō? Lau ʻa e peesi 160.)

Aleaʻi:Naʻe ʻiloʻi fēfē ʻe Kuami ʻa e ngaahi meʻa ʻoku mahuʻingaʻia ai ʻa e kau fakataú?

Lau:FEHUʻI ʻO E UIKÉ—ʻE founga fēfē haʻaku tohoakiʻi mai ʻa e kau fakataú mo fakapapauʻi ha fakatau?

NGĀUE ʻO E UIKÉ—Te u ʻahiʻahiʻi ʻa ʻeku ngaahi fakakaukau fakamāketí mo muimuiʻi ʻa e ngaahi olá. Te u ako mei he kau fakataú pea mo ʻahiʻahiʻi ha ngaahi founga ke fakaleleiʻi e ngaahi palopalema ʻa e tokotaha fakataú.

Akoako Fakahoko:Aleaʻi ʻa e meʻa ko ʻení mo ha mēmipa ʻo e kulupú:

  1. Mou fefakamatalaʻi ʻaki hoʻomou kau fakataú. Fakamahinoʻi. Ko e hā honau taʻu motuʻá? Tangata pe Fefine? Paʻanga Hū Maí? Ko e fē ʻa e taimi ʻoku nau fakatau ai hoʻo koloá? ʻI fē?

  2. Ko e hā ha ʻuhinga te nau fakatau ai hoʻo koloá? Ko e hā hano mahuʻinga kiate kinautolu? Hiki ki he lahi taha te ke lavá, hangē ko ʻení:

    • ʻOku mokomoko ʻeku vaí

    • ʻOku sivi ʻeku vaí

    • ʻOku ou fakafaingofuaʻi hono fakatau mai ʻeku vaí

    • ʻOku ou anga fakakaumeʻa mo ui ʻa e kau fakataú ʻaki honau hingoá

  3. Ko e hā ha meʻa mahuʻinga te ke ʻoange ʻoku ʻikai fakahoko ʻe he ngaahi pisinisi ʻoku mou feʻauʻauhí? ʻOku lelei ange hoʻo mahuʻingá, tuʻuʻangá, pe meʻa ke fili mei aí? ʻOku ui ʻeni ko ho faingamālie ʻi he feʻauʻauhí. Ko e ʻuhinga ia ʻoku fili ai ʻe hoʻo kau fakataú hoʻo pisinisí kae ʻikai ko e feʻauʻauhí.

ʻOku ʻiloʻi ʻe he kau pisinisi leleí ʻa e ʻuhinga ʻoku fakatau ai ʻe he kau fakataú ʻenau koloá.

Lau:ʻOku mahino ki he kau pisinisi leleí ʻa ʻenau kau fakataú ʻaki haʻanau fai ha ngaahi fehuʻi lelei ke ʻilo lahi ange ki heʻenau ngaahi palopalemá mo e founga ke tokoniʻi ai kinautolú.

Akoako Fakahoko:Fakataha mo ha hoa ngūaé. Lau ʻa e fokotuʻutuʻu ko ʻení:

Fakaʻaongaʻi ʻa e tēpile ʻi laló ke hiki ai hoʻo ngaahi fakakaukau ki ha founga ʻe lava ai ʻe Māteni ʻo fai ha ngaahi fehuʻi lelei kia Fēlisé (ʻoku ʻoatu heni ha sīpinga).

KO HONO FAI ʻO E NGAAHI FEHUʻI LELEÍ

1. Ko e hā ʻa e meʻa ʻoku ou fie ʻilo fekauʻaki mo e tokotaha fakataú?

2. Ko e hā te u lava ʻo ʻeke ke u ʻiloʻí?

Ko e hā ʻa e palopalema ʻoku haʻu ke fakaleleiʻi ʻi hení?

ʻOku hangē ʻokú ke lolotonga fai ha ngāue pea hoko ha palopalemá. ʻE founga fēfē haʻaku lava ʻo tokoni atu?

Vahevahe mo e kulupú ʻa e ngaahi fehuʻi ʻokú ke pehē ʻoku totonu ke fai ʻe Māteni kia Fēlisé.

Akoako Fakahoko:Fakakaukau he taimí ni ki hoʻo kau fakataú. Hiki ʻi he kōlomu ʻuluakí, ʻa e ngaahi meʻa ʻoku fie maʻu ke ke ʻilo fekauʻaki mo hoʻo kau fakataú (ʻoku ʻoatu heni ha sīpinga). Hiki ʻi he kōlomu hono uá, ʻa e ngaahi fehuʻi te ke lava ʻo faí ke ke ʻiloʻi aí.

KO HONO FAI ʻO E NGAAHI FEHUʻI LELEÍ

1. Ko e hā ʻa e meʻa ʻoku ou fie ʻilo fekauʻaki mo e tokotaha fakataú?

2. Ko e hā ʻa e meʻa te u lava ʻo ʻeke ke u ʻiloʻí?

Ko e fē ʻa e taimi ʻe mateuteu ai ʻeku tokotaha fakataú ke fai ʻene fakataú?

Ko e fakatau ʻeni ki ha meʻa mahuʻinga? ʻE fai ia ʻafē?

Fevahevaheʻaki mo ha mēmipa ʻo e kulupú ha niʻihi ʻo e ngaahi meʻa ʻoku fie maʻu ke ke ʻilo kau ki hoʻo kau fakataú. Vahevahe ʻa e ngaahi fehuʻi te ke fai ke ʻiloʻi aí.

Aleaʻi:Aleaʻi fakakulupu ha ngaahi founga ke mou ʻilo lahi ange ai ki hoʻomou kau fakataú pea mo e meʻa te ke lava ʻo fai he uiké ni ke kamata ai hoʻo akó.

ʻE founga fēfē haʻaku tohoakiʻi mai ha kau fakatau tokolahi ange?

Aleaʻi:Fakakaukau ki he taimi naʻá ke fakatau mai ai ha meʻa mei ha pisinisi naʻe teʻeki ai ke ke ʻalu tuʻo taha ki ai. Ko e hā naʻá ne tohoakiʻi koe ki he pisinisi ko iá? ʻOku tohoakiʻi fēfē ʻe he ngaahi pisinisí ʻa e kau fakataú ʻi homou feituʻú?

Akoako Fakahoko:Hiki ʻa e koloa pe faʻahinga ngāue ʻokú ke fakataú, ʻi he ʻotu laine ʻoku ʻatā ʻi laló. Hili ia peá ke fakahū mo e meʻa ʻokú ne tohoakiʻi koe ki he ngaahi pisinisí (vakai, ngaahi sīpingá).

KO E HĀ ʻOKÚ NE TOHOAKIʻI AÚ? KO E HĀ NAʻÁ KU FAKATAU MAI AÍ?

Koloa pe Ngāue Naʻá ku Totongí

Fakatau Atu Fakatautaha

Fakaongoongoleleiʻi

Tuʻuaki

Fakatau atu

Meʻa Kehé

Lole

Naʻe talamai ia ʻe ha taha pisinisi

Naʻe talamai ʻe hoku kaungāʻapí ʻoku totonu ke u ʻahiʻahiʻi

fakamaʻamaʻa 20%

Koloa ʻahiʻahiʻi

Vala

Naʻe talamai ʻe ha taha tuʻuaki koloa ʻa e fakamaʻamaʻá

Naʻá ku fakatokangaʻi ha tuʻuaki ʻi he ʻaá

Fakatau mai ʻa e 1 pea fakamaʻamaʻa peseti ʻe nimanoa ʻa e 1

Vesitapolo

Naʻe talamai ʻe haku kaungāmeʻa ke u ʻahiʻahiʻi

Naʻá ku sio ai he nusipepá

Koloa ʻahiʻahiʻi

Aleaʻi:Fevahevaheʻaki mo ha mēmipa ʻe taha ʻo e kulupú ʻa e meʻa kuó ke tohí. Ko e fē ʻa e ngaahi founga ʻe lava ʻo ʻaonga ki hoʻo pisinisí?

Lau:Ko e ngaahi pisinisi ne tau toki talanoa ki aí ʻoku ʻikai tupukoso pē ʻenau tohoakiʻi mai ʻa e kau fakataú. Naʻa nau maʻu ʻa e ngaahi fakakaukau ki he founga hono tuʻuaki atu ʻenau koloá pe ngāué.

Aleaʻi:Naʻa nau maʻu mei fē ʻa e ngaahi fakakaukau ko iá?

Mamata:“Marketing?” (ʻIkai ha vitiō? Lau ʻa e peesi 161.)

Lau:ʻOku kau ʻi he fakamāketí ʻa e:

  • Ngaahi fakakaukau fekauʻaki mo e founga hono kumi mo fakalotoʻi ʻa e kau fakataú.

  • Meʻa ʻoku tau fakaʻamu ke fai ʻe he kau fakataú.

Akoako Fakahoko:Ngāue mo e tokotaha ʻi ho tafaʻakí.

  1. Fetokoniʻaki ʻi hono fakakaukauʻi ha ngaahi fokotuʻutuʻu ke tokoniʻi ha kau fakatau tokolahi ange ke nau ʻiloʻi hoʻo pisinisí mo fakatau ʻa e meʻa ʻokú ke fakatau atú. Aleaʻi ʻa e ngaahi founga lelei taha ʻi homou feituʻú.

  2. Hiki ha foʻi fakakaukau ʻe taha pe lahi ange ʻi lalo. Hili ia pea mou fetokoniʻaki ʻi hono hiki ʻa e ngaahi ola ʻoku mou fie maʻú (ʻoku ʻoatu heni ha sīpinga).

    NGAAHI FAKAKAUKAU KI HE FAKAMĀKETÍ

    Fakakaukau

    ʻOla ʻOku Fie Maʻú

    Kapau te u fakaʻaongaʻi ha meʻa fakaongo leʻo lahi ke fakahā ki he kakaí ʻoku fakamaʻamaʻa 40% ʻeku ʻū seá …

    ʻE haʻu ʻa e kau fakataú ki hoku falengāué ʻo fakatau ʻa e seá.

ʻE founga fēfē haʻaku ʻahiʻahiʻi ʻeku palani fakamāketí?

Lau:Te tau ʻilo fēfē pe ʻe ngāue ʻetau ngaahi fakakaukaú? ʻOku tau fie maʻu ha founga ke siviʻi ai kinautolu. ʻOku tau fie maʻu ha founga ke fuatautau ʻaki ʻa e ngaahi olá.

Akoako Fakahoko:Ngāue mo e tokotaha ʻi ho tafaʻakí. Aleaʻi pea mo hiki ha ngaahi fakakaukau fakamāketi pea mo ha ngaahi ola ʻokú ke fie maʻu ki hoʻo pisinisí. Fakakau ai ha faʻahinga fakakaukau ʻoku ngali lolotonga ngāue he taimí ni. Hiki ʻa e founga te ke fuatautau ai ʻa e ngaahi ola ʻi he foʻi fakakaukau takitaha. Ko hoʻo ngaahi fakakaukaú ʻe liliu pea mo fakalakalaka ʻi he fakalau atu ʻa e taimí, ʻi hoʻo ʻahiʻahiʻi mo fuatautau kinautolú.

KO HONO ʻAHIʻAHIʻI ʻO ʻEKU NGAAHI FAKAKAUKAU FAKAMĀKETÍ

Fakakaukau

ʻOla ʻOku Fie Maʻú

Fuatautaú

Kapau te u fakaʻaongaʻi ha meʻa fakaongo leʻo lahi ke fakahā ki he kakaí ʻoku fakamaʻamaʻa 40% ʻeku ʻū seá …

ʻE haʻu ʻa e kau fakataú ki hoku falengāué ʻo fakatau ʻa e ʻū seá.

ʻI he ō mai ʻa e kau fakataú, te u ʻeke ange pe naʻe founga fēfē ʻenau fanongo ki he fakamaʻamaʻa 40%. Te u tauhi ha lekooti ʻo e tali ʻa e kau fakataú.

Lau:Tau ō ʻo ʻahiʻahiʻi ʻetau ngaahi foʻi fakakaukaú ʻi he uiké ni. ʻOku ʻikai fie maʻu ia ke tau ʻahiʻahiʻi kotoa ʻetau ngaahi fakakaukaú ʻi he taimi pē taha. Pea ʻoku malava pē ke ʻikai ngāue ha ngaahi fakakaukau ʻe niʻihi—ka ʻoku sai pē ia. Te tau kei ahiahiʻi pē ʻa e ngaahi fakakaukaú mo vakaiʻi ʻa e ngaahi olá. ʻE faifai pē pea te tau maʻu ʻa e ngaahi founga lelei taha ke tokoni ki he kakaí ke nau ʻiloʻi kitautolu mo fakatau ʻa e meʻa ʻoku tau fakatau atú.

ʻE founga fēfē haʻaku ʻai ʻa e kau fakataú ke nau fakatau?

Lau:Ko e hā ʻoku fakatau ai ʻa e kau fakatau ʻe niʻihi kae ʻikai ke fakatau ʻa e niʻihi iá? ʻOku lahi ʻa e ngaahi ʻuhingá. Ka te tau lava ʻo fai ha meʻa ki he fili ko iá!

Mamata:“Please Buy Something!”” (ʻIkai ha vitiō? Lau ʻa e peesi 162.)

Aleaʻi:Ko e hā naʻe ʻikai ke lava ai ʻa Malia ʻo fakalotoʻi ʻa e kau fakataú ke nau fakatau ʻene fuaʻimoá? Naʻe fakakaukau nai ʻa Malia kiate ia pe ko ʻene kau fakataú?

Lau:Koeʻuhí ke tau lava ʻo fakalotoʻi ʻa e kau fakataú ke nau fakatau, kuo pau ke tau fehuʻi, fakafanongo, pea mo fokotuʻu ange.

1. FEHUʻI:

Ko e hā ʻoku fie maʻu moʻoni ʻe he tokotaha fakataú? Ko e hā hono ʻuhingá?

2. FAKAFANONGO

ʻOku ou fakafanongo moʻoni nai?

3. FOKOTUʻU ANGE

ʻOku ʻi ai haʻaku ngaahi fili ʻe fakatou ʻaonga kiate au pea mo e tokotaha fakataú?

ʻOku fakaʻaongaʻi ʻe he kau pisinisi leleí ʻa e founga ko ʻení ke fakalotoʻi ha kau fakatau tokoalahi ange ke fakatau ʻenau koloá mo ʻenau ngāué.

Ko e kau pisinisi leleí ʻoku nau fehuʻi, fakafanongo, pea mo fokotuʻu ange.

Mamata:“Ask, Listen, Suggest” (ʻIkai ha vitiō? Lau ʻa e peesi 163.)

Aleaʻi:Ki muʻá, naʻe fai ange ʻe Malia ha fehuʻi pē taha kia Samuela mo Lūsia: “ʻE lava ke u tokoni atu?” Ko e hā ha meʻa naʻe kehe hono fai ʻe Malia he taimi ko ʻení ke maʻu ai ha ola lelei angé? Naʻe fakahaaʻi fēfē ange ʻe Malia kia Silivia ʻokú ne fakafanongo moʻoní?

Aleaʻi:Fakakaukau ki ha taimi naʻe fakalotoʻi ai koe ʻe ha taha ke ke fakatau, kae mahalo naʻe ʻikai ke ke palani koe ki ai. Ko e hā ʻa e lea naʻe fai ʻe he tokotaha ko iá naʻe tupu ai hoʻo fakakaukau ke fakataú?

Lau:ʻOku hā ʻi he saati ʻi laló ha founga ʻe nima, mo ha ngaahi sīpinga, te tau lava ʻo fakaʻaongaʻi ke fakalotoʻi ʻetau kau fakataú ke nau fakatau ʻetau koloá. ʻOku ui ʻeni ko e “tau ʻa e fakataú.”

Akoako Fakahoko:Kau fakataha mo ha toko ua ʻi he kulupú. Akoako fakahoko ʻa e ngaahi founga takitaha ke tau ai ʻa e fakataú. Feinga ke fakatau ange hoʻo koloá kiate kinaua. Ngāue ʻaki ʻa e tēpile ʻi laló ke hiki ai ʻa e founga lelei taha ke tau ai ʻa e fakataú ʻa ia te ke lava ʻo ngāue ʻaki ke fakatau atu ki hoʻo kau fakataú. Hiki ha fokotuʻu ʻe taha pe lahi ange ki he founga takitaha.

KO E TAU ʻA E FAKATAÚ

1. Fili lelei ʻe ua

2. “Kapau”

3. Meʻa mahuʻinga

4. Sīpinga

5. Meʻa kehe

Te ke fie maʻu ʻa e siainé pe ko e mangó?

Kapau te u lava ʻo maʻu ʻa e mahuʻinga ko iá, te ke fie maʻu ke u hū mai aí?

Te u lava ʻo ʻai ke maau ʻoku teʻeki hoko ʻa e ʻaho fāʻeleʻi ho uaifí.

ʻAhiʻahiʻi ʻeni. Kou tui te ke saiʻia ange ʻi he taha ko ʻení.

Fēfē kapau te ke fakatau ʻa e ongo suú fakatouʻosi kau fakamaʻamaʻa atu?

Mou tuʻu kotoa ki ʻolunga he taimí ni. Takatakai ʻi he lokí ʻo ʻahiʻahi fakahoko hoʻomou ngaahi founga kehekehé. Fai ʻeni ʻi ha miniti ʻe ua.

Ko e kau pisinisi leleí ʻoku tau ʻenau fakataú.

Aleaʻi:Aleaʻi mo e kulupú kotoa ʻa e meʻa ʻokú ke pehē ko e founga lelei taha ia ke fakatau ai hoʻo kau fakataú mei hoʻo pisinisí. Ko e hā ʻoku hoko ai ʻeni ko e founga lelei taha ki hoʻo kau fakataú?

ʻE founga fēfē haʻaku fakafaingofulaʻi ke hokohoko atu ʻenau fakataú?

Lau:ʻOku ʻai ʻe he kau pisinisi leleí ke faingofua mo fakafiefia ke fakatau ʻa e kau fakataú meiate kinautolu.

ʻOku ʻai ʻe he kau pisinisi leleí ke faingofua ʻa e fakataú.

Akoako Fakahoko:Kau fakataha mo hao hoa ʻo toe vakaiʻi fakataha ʻa e sīpinga ko ʻení.

Lau ʻa e meʻa ne aʻusia ʻe Piuela ʻi he Falekoloa 1 pea mo e Falekoloa 2. Hili ia peá ke lau ʻene ngaahi tali ki hono kaungāmeʻá. Aleaʻi mo ho hoa ngāué ʻa e ʻuhinga ʻokú ke pehē ai ʻoku fokotuʻu mai ʻe Piuela ʻa e Falekoloa 1.

MEʻA NE AʻUSIA ʻE PIUELA ʻI HEʻENE FAKATAÚ

Falekoloa 1

Falekoloa 2

Meʻa naʻe aʻusia ʻe Piuelá

Kuo laka hake ʻi he tuʻo 15 ʻa e ʻalu ʻa Piuela ki he falekoloa ko ʻení. ʻOku saiʻia ʻi he totongí, meʻa ke fili mei aí, mo e tokotaha ʻoku ʻaʻaná.

Kuo tuʻo taha pē ʻa e ʻalu ʻa Piuela ki he falekoloa ko ʻení. ʻOkú ne pehē ʻoku faingataʻa ke mau ai ʻa e meʻa ʻokú ne fie maʻú. Naʻe ʻikai ke tokoniʻi ia ʻi he taimi naʻe ʻi ai ai ʻene fehuʻí.

Ko e lea ʻa Piuela ki hono kaungāmeʻá

“Tau ō ki he Falekoloa 1. ʻOku ou ʻalu maʻu pē ki ai. ʻOku faingofua ʻaupito ke maʻu ʻa e meʻa ʻoku ou fie maʻú. ʻOku ou saiʻia ʻi he feituʻu ko iá.”

“ʻOku ʻikai ke u saiʻia au he Falekoloa 2. ʻOku fuʻu faingataʻa ke maʻu ʻa e meʻa ʻoku ou fie maʻú. Pea naʻe ʻikai fie tokoni ʻa e kakai ʻi aí ʻi he taimi naʻá ku ʻeke aí.”

Lau:ʻOku toutou foki mai ʻa e kau fakataú ki he pisinisí ʻi he taimi ʻoku fai ai ʻe he taha ʻoku ʻaʻaná pea mo e kau ngāué ʻa e meʻa ko ʻení:

  • ʻIloʻi ʻa e hingoa ʻo ʻenau kau fakataú

  • Malimali ki heʻenau kau fakataú

  • Fakafanongo mo tokoni ki he ngaahi fie maʻu ʻa e kau fakataú

Aleaʻi:Ko e hā ʻoku fie maʻu ke ke fai ʻi hoʻo pisinisí ke toutou foki mai hoʻo kau fakataú? Ko e hā ha meʻa te ke tānaki ki he lisi ʻi olungá?