ebusua ebusua a worusũa kyerɛwsɛm

Adwenkyerɛ Horow a edze Botu W’Ebusua Kyerɛwsɛm Adzesũa Mpon

Daa daa ebusua kyerɛwsɛm adzesũa yɛ kwan a ɔyɛ ndam a ɔboa w’ebusua ma wosũa asɛmpa no. Mber tsentsen na mber dodow a wɔkenkan dɛ ebusua no nnhia dɛ ma hɔn mbɔdzembɔ dɛ wɔwɔw do yɛ tse no. Ber a ema kyerɛwsɛm adzesũa kã w’ebusua abrabɔ mu afãmudze tsitsir ho no, ebɔboa w’ebusuafo ma wɔatwe abɛn Jesus Christ yie na wɔatow hɔn dasee wɔ N’asɛm ne fapem do.

Susu nsɛmbisa a odzidzi do yi ho:

• Ibesi dɛn bɛhyɛ w’ebusuafo nkuran ma hɔnankasa woesũa kyerɛwsɛm no?

• Ebɛnadze na ibotum ayɛ dze ahyɛ w’ebusuafo nkuran ma wɔakyɛ dza worusũa no?

• Ibesi dɛn betsĩ fapem a worusũa no kyerɛwsɛm no mu no do wɔ dabiara nkyerɛkyerɛ mber mu?

Kaa dɛ fie no nye bea pa tsitsir a wɔdze sũa na wɔdze kyerɛkyerɛ asɛmpa no. Ibotum esũa na akyerɛkyerɛ asɛmpa no wɔ fie wɔ akwanhorow a onnkotum ayɛ yie do wɔ Asɔr adzesũa bea. Ma wo bɔadze su nda edzi ber a edwen akwanhorow a edze bɔboa w’ebusua ma woesũa efi kyerɛwsɛm no mu. Susu adwenkyerɛ a odzidzi do no mu binom ma w’ebusua kyerɛwsɛm adzesũa no mpontu.

Fa Ndwom

Tow ndwom a otsĩ fapem a wɔakyerɛkyerɛ no kyerɛwsɛm mu no mu.

banyin na basiaba rusũa kyerɛwsɛm

Kyɛ Kyerɛwsɛm a Ntseasee wɔ mu

Ma ebusua mu mba no kwan ma wɔnkyɛ kyerɛwsɛm nsɛnsin a woenya ntseasee wɔ mu wɔ hɔnankasa hɔn adzesũa ber mu.

Fa Wankasa Wo Nkasafua

To nsa frɛ ebusua mu mba no ma wɔmfa hɔnankasa hɔn nkasafua mbɔ dza wosũa fi kyerɛwsɛm no mu no tɔw.

Fa Kyerɛwsɛm no dzi dwuma wɔ W’abrabɔ mu

Wɔakenkan kyerɛwsɛm mu asɛnsin bi ewie no, serɛ ebusua mu mba no ma wɔnkyɛ akwan ahorow a asɛnsin no fa hɔn abrabɔ mu ho.

Bisa Asɛmbisa bi

To nsa frɛ ebusua mu mba ma wombisa asɛmpa no ho asɛmbisa bi, na nkyii wɔmfa mber nhwehwɛ nyiyimu a obotum aboa eyi asɛmbisa no ano.

Fa Kyerɛwsɛm bi kyerɛ

Fa kyerɛwsɛm nyiyimu bi a ntseasee wɔ mu ma wo, na fa si bea bi a ebusua mu mba no bɛtaa ehu. To nsa frɛ ebusua mu mba no ma hɔn mu kor biara inya kwan nyi kyerɛwsɛm a wɔdze bɛkyerɛ.

Yɛ Kyerɛwsɛm Nkyerɛwee Nkorkor

Dɛ ebusua no, wɔnsan mu mfa kyerɛwsɛm nyiyimu pii a wɔbɛpɛ dɛ wɔbɛkã ho asɛm dapɛn a ɔreba no mu.

Sũa Kyerɛwsɛm Gu Wo Tsir mu

Yi kyerɛwsɛm asɛnsin bi a ohia ma w’ebusua, na ma ebusua mu mba no wonsi do daa daa nkã anaa agordzi bi do nsũa ngu hɔn tsir mu.

Kyɛ Adzesuadze a Ɔfa biribi Pɔkyee ho.

Hwehwɛ ndzɛmba a ɔfa kyerɛwsɛm etsir anaa nyiyimu a wɔrekenkan dɛ ebusua no ho. To nsa frɛ ebusua mu mba no ma wɔnkã mbrɛ adze kor biara si fa nkyerɛkyerɛ a ɔwɔ kyerɛwsɛm no mu no ho asɛm.

ɔbaa rekyerɛkyerɛ abofra

Yi Nsɛngyinado bi

Ma ebusua mu mba no kwan nkorkor ma wɔmfa nsɛngyinado a ebusua no bɔbɔ mu esũa. Fa Topical Guide, Bible Dictionary, anaa Kyerɛwsɛm no Kwankyerɛ no (scriptures.ChurchofJesusChrist.org) fa hwehwɛ kyerɛwsɛm nsɛnsin fa nsɛngyinado no ho.

Drɔw Mfonyin bi

Wɔnkekan kyerɛwsɛm nyiyimu kakra dɛ ebusua, na nkyii ma ebusua mu mba no mber ma wɔndrɔw biribi a ɔfa dza wɔakenkan no ho. Wɔmfa mber mpɛnsapɛnsa hɔn nsaano mfonyin ho asɛm mu nkorkor.

Fa Asɛm bi Yɛ Ɔyɛkyerɛ

Wɔakenkan asɛm bi ewie no, ma ebusua mu mba no mfa nyɛ ɔyɛkyerɛ. Ekyir no, wɔnkã mbrɛ asɛm no si fa ndzɛmba a wɔrefa mu ho dɛ ankorankor na ebusua ho asɛm.

Elder David A. Bednar kyerɛkyerɛɛ dɛ: “Ebusua mpaabɔ kor biara, ebusua kyerɛwsɛm adzesũa aber kor biara, nna fie ewimbir nhyiamu kor biara yɛ adrɔw nsanee kor wɔ hɛn akoma adrɔw tam do. Adze kor biara a osi rennyɛ dɛ ma ɔyɛ fɛw anaa nkaadze dodoodow. Mbom dɛ ma ‘paint’ akokɔangoa na sika na kɔben nsaneensanee bɔ mu bɛyɛ mfonyin fɛɛfɛw no, dɛm ara so na hɛn nwɔw do dze yɛ ndzɛmba a ɔyɛ dɛ osusuar no begya akɔ sunsum mu nsunsuando akɛse ho” (“More Diligent and Concerned at Home,” Liahona, Ɔberɛfɛw 2009, 19–20).