vahine ’e te tamari’i e hi’o ra i te roro uira na’ina’i

Mau mana’o nō te fa’a’ohipara’a i te fa’anahora’a Vaira’a buka ’evanelia

Fa’aro’o

Hō’ē rāve’a maita’i roa nō te tuatāpapa i te mau pāpa’ira’a mo’a ’o tē fa’aro’ora’a ïa i te mau haruharura’a. E nehenehe ’oe e rave i te reira i roto i tō ’oe ’utuāfare ’aore rā fātata nā te mau vāhi ato’a. E nehenehe ato’a ’oe e fa’aro’o ma te fa’atano te vitiviti ’e nā roto i te mau reo ta’a ’ē.

Tuatāpapa nā te tumu parau tāta’itahi

E nehenehe ’oe e ’ite mai i te mau pāpa’ira’a mo’a nō ni’a i te hō’ē tumu parau tei hōro’ahia nā roto i te fa’a’ohipara’a i te tuha’a mā’imira’a ’e i muri iho e hi’o fa’ahou i te mau mā’imira’a tano. E nehenehe ato’a ’oe e fa’a’ohipa i te ha’apararera’a Tumu parau o te ’Evanelia ’o tē hōro’a mai i te mau pāpa’ira’a mo’a niu nō te hō’ē tumu parau i hōro’ahia.

Fa’anaho nā te tumu parau

E nehenehe ’oe e fa’anaho i te mea e vai ra nā te mau tumu parau ma te fa’a’ohipa i te mau « Tāreta » ’e te « Buka nota ». E nehenehe teie mau tumu parau e fa’a’ohipahia ’ia fa’aineine ana’e ’oe i te hō’ē a’ora’a ’aore rā, i te hō’ē ha’api’ira’a.

Tāpa’ora’a

E nehenehe ’oe e fa’a’ū ’aore rā e rēni i tā ’oe mau pāpa’ira’a mo’a ma te mā’itira’a i te hō’ē tuha’a ’e i muri iho e mā’iti i te hō’ē huru ravera’a. E nehenehe te huru ravera’a e riro ’ei tu’ura’a i te ’ū ta’a ’ē ’e te rēnira’a ’aore rā te tāpa’ora’a.

Hāmani te tū’atira’a

E nehenehe ’oe e hāmani i te mau tū’atira’a nā roto i te mau pāpa’ira’a mo’a, te mau a’ora’a o te ’āmuira’a rahi, ’e te tahi atu mau mea e vai ra. E nehenehe te reira e tauturu ia ’oe ’ia ha’amana’o ’e ’ia ’imi ’oi’oi i te mau tū’atira’a tā ’oe i rave.

Pā’imi i te mau tātarara’a

E nehenehe ’oe e pā’imi ’ōhie i te tātarara’a o te hō’ē ta’o i roto i te mau pāpa’ira’a mo’a nā roto i te mā’itira’a i te reira ’e te tāumira’a i te pitopito « Tātara ».

Fa’a’ohipa i te mau tāpa’o tai’ora’a ’e te mau paruai

E nehenehe ’oe e ho’i ’oi’oi mai i te vāhi i mā’itihia ma te fa’a’ohipara’a i te mau tāpa’o tai’ora’a nō te tāpe’a mai te vaira’a o te tahi mau vāhi ’e te mau paruai. E nehenehe te fa’a’ohipara’a i te mau tāpa’o tai’ora’a e fa’ati’a ia ’oe ’ia tāpe’a matara noa i te mau pene e rave rau ’e te tahi mau mea e vai ra i te hō’ē ā taime.

Ha’amau i te hō’ē tārena

E nehenehe ’oe e hāmani i te hō’ē fa’anahora’a nō te tuatāpapara’a ’o tē tauturu ’ia ’oe ’ia hi’o i tō ’oe nu’ura’a i mua nō te tuatāpapara’a i te mau pāpa’ira’a mo’a. E nehenehe ato’a ’oe e ha’amau i te mau ha’amana’ora’a nō te tauturu ia ’oe ’ia fa’aoti i tā ’oe mau ’ōpuara’a nō te tuatāpapara’a. E nehenehe te hō’ē tārena e tauturu ia ’oe ’ia pe’e i te tārena Mai, pe’e mai ’aore rā ’ia tai’o ’oe iho i te Buka a Moromona.