Punaoa mo le Puleaina o Manaoga Faaleatamai

E ese foi le auala tatou te aafia ai i manaoga faaleatamai. O gafatia tatou te maua o le a lava lea e faataunuu ai le galuega a le Atua pe afai tatou te faalagolago ia te Ia e faaatoaina le eseesega i le va o o tatou tomai ma mea o loo manaomiaina. O fautuaga o i lalo e mafai ona fesoasoani i nisi o faafitauli. Ia tagai foi i le vaega o le “Mataupu Faavae Lautele mo le Puleaina o le Atuatuvale” i le itulau 17–22 mo nisi manatu faaopoopo.

Elder missionaries engaged in companion

A

Aoaoina o le Gagana

• Suesue le mataupu 7 o leTalai La’u Talalelei. Ia faaaoga ma le agaga tatalo le mataupu lenei, “E Mafai Faapefea Ona Sili Atu Lo’u Aoaoina o le Gagana a La’u Misiona?”

• Faaauau pea ona galue malosi. Faalagolago i le Alii e faamanuia oe i le meaalofa o gagana e pei ona e manaomiaina e faataunuu ai mea ua Ia finagalo i ai. Manatua, e toalaiti faifeautalai e lelei atoa le tautatala i se gagana fou. E silafia oe e le Alii, na Ia valaauina oe, ma o le a Ia faaaogaina ou malosiaga e faamanuia ai isi. O le a Ia faaatoatoaina ou vaivaiga. Ia foai atu uma meaalofa ua ia te oe.

• Ia fiafia i lau gagana fou. O nisi taimi e faigofie atu ona tautala i se gagana fou pe a tatou le faamoemoeina i tatou lava ia avea ma ni tagata tomai sili o na gagana.

E

Tumau i le Faatulagaina o Sini ma Fuafuaga

• Faaaoga ia meafaigaluega mo le faatulagaina [o fuafuaga] na tuu atu ia te oe i le Talai La’u Talalelei. Suesue le mataupu e 8, “E Faapefea Ona Ou Faaaogaina Tatau O’u Taimi?” O nei meafaigaluega sa atiaeina ma le totoa mo faifeautalai ma o le a fesoasoani ia te oe e ausia ai ou faamoemoega. Taulai atu i le mea e tasi i le taimi, ma aua nei lofituina.

• Aua nei faalagolago tau lava o mea e te manatuaina. Tusi i lalo ni igoa, tuatusi, taimi faatulagaina, fuafuaga o lesona, ma sini. Tuu ni faamanatu mo mea taua i luga o le faitotoa, le pusaaisa, talaane o lou moega, po o lau api o fuafuaga.

Faamaumau i lau api o fuafuaga

• Auala e faaaoga ai ma le atamai ni nai taimi laiti

• Fuafuaga o aso mo sauniuniga

• Igoa, tuatusi, taimi faatulagaina, fuafuaga o lesona

• Tuu uma mea o le a e manaomiaina i le aso e sosoo ai i se nofoaga faapitoa ae e te lei moe. Ona le mafai lea ona galo ia te oe se mea taua. Tuu pea mea taua i le nofoaga lava e tasi ina ia e le faamaumaua ai le taimi e tau sue ai.

• Pe a faalavelaveina lou mafaufau, ia toe faasagatonu atu ma le agalelei ae ia mautu lou gauai i lau galuega. Ia faia soo lenei mea i le tele e te manaomia ai.

• Lafo atu lou aso i le Alii. A uma loa mea e mafai ona e faia e fuafua ai ma le maeaea, ole atu ia te Ia e galueaiina faatasi ia mea mo lou lelei. Ia fetuutuunai ma nofouta i le Agaga.

An elder missionary studying.

“E pei lava ona le tatau ai ona tatou tuumaualaloina tulaga faatonuina ua uma ona faatulaga e le Alii mo amioga a Ana auauna, ua faapena foi ona le faatagaina i tatou e siitia i luga. … Ia mautinoa e leai ni ou tulaga faatonuina e maualuga atu mo oe lava ia po o isi nai lo mea ua faatulagaina e le Alii” (“Perfection, Perceptions, Pressures, and Principles” [Provo Missionary Training Center devotional, Mar. 19, 2002], 2–3).

—Elder Cecil O. Samuelson Jr.

I

Le Lagonaina le Atamai po o le Gafatia e pei o Isi

• Afai e faigata ia te oe le faitautusi, suesue, po o le taulotoina o mau, ia onosai ia te oe lava. Fai soo nai malologa pupuu mo le taimi muamua; ona faasolosolo lea ona suesue mo ni nai minute umi atu i lea taimi ma lea taimi. Fai ni faamatalaga o mea e te faitauina e fesoasoani ai ia te oe e manatua. Faitau leotele (pe leleoa) pe a aoga. Taumafai e tauloto e ala i le (1) tau soo o mea faaleotele, (2) faitauina po o le tusiaina o mea faatele, po o le (3) fealuai solo ma faatino ni mea a o e aoaoina. Tagai po o le fea metotia e sili ona aoga mo oe. Faaaoga isi malosiaga o ia te oe, e pei o le faafesootaiina o tagata sailiili faaolioli, faatonutonu, po o le faafiafiaina.

  Sister Missionary reading the scriptures against a white background.

• Faatumau lou lagona o le agamalie pe a e faia se mea sese. Ona toe taumafai lea.

• Saili le malosiaga o i se vaivaiga. O nisi taimi o le i ai o se vaivaiga e aoao ai i tatou i malosiaga e pei o le agaalofa, loto malamalama, onosai, lotomaualalo, ma le faalagolago i le Alii. O nisi taimi o se vaivaiga (e pei o le tosina gofie atu i se tagata) ua i ai se malosiaga e o faatasi ai (e pei o le matauina o mea e misi e isi tagata). Tagai mo malosiaga e ono sau mai i ou vaivaiga.

• A e lagonaina le lotoleaga i tomai o se isi tagata, toe faataulai atu lou gauai i lau misiona patino. Tuu lou malosi i le atiaeina o ou malosiaga ma saofaga atu i le galuega. O lau misiona lenei. (Tagai Talai La’u Talalelei, 11–.)