Misyonaryong Pagpangandam Pag-adjust sa Kinabuhing Misyonaryo

Kini nga seksyon usa ka summary sa materyal nga imong nadawat pinaagi sa internet sa dili pa mosulod sa MTC.

Imahe

Sister missionaries.

Komon alang sa bag-ong mga misyonaryo nga makasinati og lain-laing matang sa stress o pagkadili komportable sa ilang pagbiya sa pamilya, kahigalaan, ug mga butang nga naandan nilang buhaton. Ang normal nga mga transisyon sa pagbalhin, bag-o nga mga kompanyon, ug bag-o nga mga buhaton nagkinahanglan usab og pag-adjust. Pagmapailubon samtang nagkat-on ka sa pag-ila sa mga panalangin sa mas hingpit nga pagpahinungod sa imong kinabuhi ngadto sa Manluluwas. Hinumdumi, ang Espiritu magauban kanimo samtang mohimo ka niini nga transisyon ug motabang kanimo sa pag-adjust ngadto sa imong bag-ong misyonaryo nga mga responsibilidad.

Pag-adjust ngadto sa Bag-ong mga Kasinatian

Sama sa kadaghanan nga mosulod sa usa ka bag-ong sitwasyon, ang mga misyonaryo kasagaran moagi sa upat ka mga yugto, o ang-ang, sa ilang emosyonal nga pag-adjust kon sila mosulod sa MTC ug usab kon mosulod na sila sa natad sa misyon:

Upat ka Ang-ang sa Pag-adjust

1 Pagpaabot	2 Pagdiskobre sa Wala damha	3 “Makahimo Ko Niini”	4 Pagsalig sa Kaugalingon sa Emosyonal nga Paagi
Tingali mobati ka nga naghinam-hinam sa hagit (tan-awa sa 1 Nephi 3:7). Tingali mobati ka og dugang nga pagbati sa katuyoan ug pagkamaunungon ngadto sa Langitnong Amahan (tan-awa sa 3 Nephi 5:13). Tingali mobati ka og kalipay ug naghinam-hinam nga makighimamat og bag-ong mga tawo ug makasinati og bag-ong mga dapit.	Tingali mingawon ka sa panimalay, pamilya, ug mga higala ug gani magduhaduha sa imong desisyon sa pagserbisyo (tan-awa sa Alma 26:27). Tingali makabantay ka og pisikal nga mga timailhan sa stress, sama sa dili maayo nga pagkatulog, kausaban sa kinan-an, o daling mairita. Tingali imong mabantayan imong kaugalingon nga manaway ug walay pasensya sa mga lagda ug mga ekspektasyon.	Ang imong mga kahanas sa pagtudlo ug sa pinulongan misugod sa pag-uswag. Nakat-on ka nga andam nga mosunod sa mga lagda ug mga ekspektasyon sa misyon. Nagpakita ka og pagkamapailubon sa imong kaugalingon samtang nagkat-on ka “lagda ngadto sa lain nga lagda” (tan-awa sa Isaias 28:10; Mosiah 4:27). Ang imong pisikal nga mga sintoma sa stress, kon anaa ka man, mosugod sa pagkawala.	Komportable na ka nga mobuhat sa imong inadlaw nga mga buluhaton. Imong giila ang imong personal nga mga kalig-on ug pag-uswag. Nakakab-ot ka og panabut kon unsa ang kahulugan sa pagpakabuhi sa hinayhinay (tan-awa sa D&P 98:12). Nakapalambo ka og mas dakong pagsalig sa kaugalingon ug dugang tinguha sa pagserbisyo.

Pagpaabot

Pagdiskobre sa Wala damha

“Makahimo Ko Niini”

Pagsalig sa Kaugalingon sa Emosyonal nga Paagi

Tingali mobati ka nga naghinam-hinam sa hagit (tan-awa sa 1 Nephi 3:7).

Tingali mobati ka og dugang nga pagbati sa katuyoan ug pagkamaunungon ngadto sa Langitnong Amahan (tan-awa sa 3 Nephi 5:13).

Tingali mobati ka og kalipay ug naghinam-hinam nga makighimamat og bag-ong mga tawo ug makasinati og bag-ong mga dapit.

Tingali mingawon ka sa panimalay, pamilya, ug mga higala ug gani magduhaduha sa imong desisyon sa pagserbisyo (tan-awa sa Alma 26:27).

Tingali makabantay ka og pisikal nga mga timailhan sa stress, sama sa dili maayo nga pagkatulog, kausaban sa kinan-an, o daling mairita.

Tingali imong mabantayan imong kaugalingon nga manaway ug walay pasensya sa mga lagda ug mga ekspektasyon.

Ang imong mga kahanas sa pagtudlo ug sa pinulongan misugod sa pag-uswag.

Nakat-on ka nga andam nga mosunod sa mga lagda ug mga ekspektasyon sa misyon.

Nagpakita ka og pagkamapailubon sa imong kaugalingon samtang nagkat-on ka “lagda ngadto sa lain nga lagda” (tan-awa sa Isaias 28:10; Mosiah 4:27).

Ang imong pisikal nga mga sintoma sa stress, kon anaa ka man, mosugod sa pagkawala.

Komportable na ka nga mobuhat sa imong inadlaw nga mga buluhaton.

Imong giila ang imong personal nga mga kalig-on ug pag-uswag.

Nakakab-ot ka og panabut kon unsa ang kahulugan sa pagpakabuhi sa hinayhinay (tan-awa sa D&P 98:12).

Nakapalambo ka og mas dakong pagsalig sa kaugalingon ug dugang tinguha sa pagserbisyo.

Mga Butang nga Imong Mabuhat Karon

Pangita og mga paagi sa pagserbisyo sa uban. Ang misyonaryo nga buhat usa ka tawag sa pagserbisyo. Pag-focus nga dili maghunahuna sa kaugalingong kalisud aron sa pagpangalagad niadtong nagkinahanglan og mabinationg pulong, buhat sa kamanggiloy-on, o panaghigalaay. (Tan-awa sa Isangyaw ang Akong Ebanghelyo, 205–07.)
Pakigsulti sa uban kabahin niini nga pag-adjust. Gahini og panahon sa paghisgut sa mosunod nga mga pangutana uban sa mga ginikanan, mga lider sa priesthood, o sa mga higala nga returned missionary:
- Unsay atong makat-unan gikan sa mga ehemplo sa kasulatan nga ang Dios nagsugo sa mga tawo sa pagbuhat og mga butang nga sobra sa ilang mahimo? (Tan-awa sa Exodo 4:10–12; Jeremias 1:6–9; Alma 17:10–12; 26:27; Ether 12:23–27; Moises 6:31–32.)
- Ngano nga importante man ang pagkatulog ug pagmata sa saktong oras, pagkaon og makapabaskog nga pagkaon, pag-ehersisyo kanunay, ug adunay personal nga mga pag-ampo?
- Sa unsang paagi ang pagsulat sa journal makatabang kanato sa panahon sa mahagitong mga kasinatian?
- Unsaon nato sa pagresponde kon ang makahasol nga mga hunahuna ug pagbati dili mawala?
Basaha ang artikulo nga “Preparing Emotionally for Missionary Service” ni Robert K. Wagstaff (sa Ensign, Mar. 2011, 22–26; anaa online sa LDS.org).
Pag-focus sa pagpalig-on sa imong relasyon uban sa imong Langitnong Amahan. Tinguhaa ang Iyang Espiritu pinaagi sa personal nga pag-ampo, pagtuon sa kasulatan, makabayaw nga musika, pagbasa sa imong patriyarkal nga panalangin, ug uban pang mga paagi nga imong nasayran nga makatabang.
Pagmabination sa imong kaugalingon ug sa uban. Sultii ang imong kaugalingon sa sama nga makahupay, mabination nga mga pulong nga sa imong hunahuna maoy gamiton sa Manluluwas. Hinumdumi, ang mga hunahuna nga walay pulos,walay paglaum, o mapintas nga panghimaraut dili gikan sa Ginoo.
Pangandam sa bisan unsa nga wala damha. Ang imong kasinatian isip usa ka misyonaryo dili mahimong sama sa kasinatian sa uban. Dili tanan mahitabo sumala sa imong giplano o sa imong gihunahuna. Ang pagsuhid sa imong mga ekspektasyon makatabang kanimo nga mahimong bukas ug madawaton sa kausaban.

Summary

Sa imong pagmisyon, pangandam sa paghangup sa kausaban. Ang kinabuhi isip usa ka misyonaryo malagmit lahi sa bisan unsa nga imong nasinati sukad, apan kon mianhi ka uban sa usa ka positibo nga kinaiya, adunay hugot nga pagtuo sa Ginoo, ug nag-andam og pailub sa imong kaugalingon ug sa uban, ang Ginoo moganti ug mopanalangin kanimo. Hinumdumi ang tambag nga gihatag ngadto kang Propeta Joseph Smith atol sa usa ka lisud kaayo nga panahon sa iyang kinabuhi: “Ikaw masayud, akong anak, nga kining tanan nga mga butang makahatag kanimo og kasinatian, ug alang sa imong kaayohan” (D&P 122:7).