Kapitlu 8: Wettaq il-Ħidma permezz ta’ Miri u Pjanijiet
“Kapitlu 8: Wettaq il-Ħidma permezz ta’ Miri u Pjanijiet,” Ippriedka l-Evanġelju Tiegħi: Gwida biex Naqsmu mal-Oħrajn l-Evanġelju ta’ Ġesù Kristu (2023)
“Kapitlu 8,” Ippriedka l-Evanġelju Tiegħi
Immaġni
Morru, Mela (Morru, Mela, u Għallmu l-Ġnus Kollha), ta’ Harry Anderson
Kapitlu 8
Wettaq il-Ħidma permezz ta’ Miri u Pjanijiet
Ikkunsidra Dan
Għalfejn għandi bżonn infassal l-miri?
Kif jistgħu l-indikaturi ewlenin għall-konverżjoni jgħinuni niffoka fuq l-progress spiritwali tal-individwi?
Kif għandi nfassal miri, nagħmel pjanijiet biex inwettaqhom, u nimplimenta l-pjanijiet tiegħi?
Kif għandi mmexxi sessjonijiet ta’ ppjanar ta’ kull ġimgħa u ta’ kuljum?
Kif nista’ nuża l-app Preach My Gospel biex tgħinni nwettaq ħidmieti?
X’inhu l-prinċipju tal-kontabilità? Dan kif se jbierek l-isforzi tiegħi?
Int assenjat biex tgħin fil-ħidma tal-Mulej f’żona speċifika. Huwa jridek tbierek l-individwi bl-imħabba u l-verità tiegħu. Huwa jridek tistedinhom u tgħinhom jiġu għandu.
il-Mulej jixtieqek li int “tkun ingaġġat bil-ħeġġa kollha f’[din] il-kawża mill-aktar kbira.” Huwa jitlob li int “tagħmel bosta ħwejjeġ minn jeddek, u ġġib ħafna ġustizzja” (Duttrina u Patti 58:27; ara vrus 26–29). Agħmel kemm tista’ biex tħalli l-qasam jew il-fergħa fejn isservi aqwa minn meta int wasalt fiha.
Dan il-kapitlu se jgħinek biex titgħallem tfassal l-għanjiet, tagħmel pjanijiet biex twettaqhom, u timplimenta l-pjanijiet b’diliġenza. Jiddeskrivi l-indikaturi ewlenin tal-konverżjoni, li jiggwidaw l-isforzi tiegħek biex tgħin lil ulied Alla jagħmlu progress spiritwali. Imbagħad jippreżenta proċess sempliċi kif tfassal il-pjanijiet li inti tista’ tuża fl-aspetti kollha tal-ħidma missjunarja, inkluż l-għanijiet personali tiegħek u tas-sħubija tiegħek. Jispjega wkoll kif tmexxi sessjonijiet ta’ ppjanar ta’ kull ġimgħa u ta’ kuljum flimkien mal-kumpann tiegħek.
Li inti titgħallem tfassal miri u tagħmel pjanijiet aktarx li jbierkek għal ħajtek kollha. Dan jista’ jgħinek tagħmel u tħares patti ma’ Alla, isservi b’mod fidil fil-Knisja, tiżviluppa fl-edukazzjoni tiegħek, tikber fl-impjieg tiegħek, u trabbi familja b’saħħitha.
Studju tal-Iskrittura
X’tista’ titgħallem mis-siltiet tal-iskrittura li ġejjin dwar kif wieħed għandu jippjana biex iwettaq il-ħidma ta’ Alla.
Fejjaq Bosta b’Mard Differenti, ta’ J. Kirk Richards
Għin lil Oħrajn Jikkonvertu għas-Salvatur
Iffoka fuq l-Għan Missjunarju Tiegħek
Forsi ġieli ħsibt liema hu l-aktar importanti fost id-dmirijiet tiegħek bħala missjunarju. Din hija mistoqsija tajba biex tikkonsidra meta tfassal il-miri u tippjana kull ġimgħa u kull jum. Biex tiipprova tweġibha, aħseb fuq l-għan tiegħek bħala missjunarju:
“Nistiednu oħrajn sabiex jersqu lejn Kristu billi ngħinuhom jirċievu l-evanġelju rrestawrat permezz tal-fidi f’Ġesù Kristu u l-Espjazzjoni tiegħu, l-indiema, il-magħmudija, li jirċievu d-don tal-Ispirtu s-Santu, u li jibqgħu sħaħ sal-aħħar.”
Ħalli l-għan missjunarju tiegħek jiggwida l-miri u l-pjanijiet tiegħek. Iffoka fuq kif tista’ tgħin individwi jeżerċitaw l-aġenzija tagħhom biex isiru konvertiti għas-Salvatur u jirċievu l-evanġelju tiegħu.
Fittex il-gwida tal-Ispirtu u kkonsulta mal-kumpann tiegħek hekk kif tfassal il-miri u tagħmel il-pjanijiet. Imbagħad kompli bil-pjanijiet tiegħek u uża l-ħin tiegħek b’mod effettiv.
Immaġni
Il-President Dallin H. Oaks
“Aħna ma nippridkawx u ma ngħallmux sabiex “inġibu lin-nies fil-Knisja’ jew biex inżidu s-sħubija fil-Knisja. Ma nipprodkawx u ma ngħallmux sempliċiment biex nipperswadu lin-nies jgħixu ħajja aħjar. … Aħna nistiednu lil kulħadd biex jiġi għand Kristu għall-indiema u l-magħmudija u l-konferma ħalli niftħu l-bibien tas-saltna ċelestjali lil ulied Alla. Ħadd iżjed ma jista’ jagħmlu dan” (Dallin H. Oaks, “L-Objettiv tal-Ħidma Missjunarja,” xandira bis-satellita għall-missjunarji, Apr. 1995).
Studju tal-Iskrittura
Dawn il-missjunarji u profeti kif wettqu l-pjanijiet tagħhom bl-għajnuna tal-Mulej?
Il-mexxejja tal-Knisja identifikaw sitt indikaturi ewlenin għal konverżjoni. L-indikaturi ewlenin jgħinuk tiffoka fuq il-progress spiritwali ta’ wlied Alla. Huma maħsuba sabiex jgħinuk tfassal l-isforzi tiegħek ta’ kuljum mal-għanijiet missjunarji tiegħek.
L-indikaturi ewlenin għal konverżjoni jidhru hawn taħt.
Immaġni
missjunarji jieħdu b’id raġel
Nies Ġodda Qed Jiġu Mgħallma. Kull persuna (mhux mgħammda) li rċeviet lezzjoni f’ġimgħa partikolari (imma ma kinitx mgħallma fit-tliet ġimgħat li għaddew) u aċċettat appuntament speċifiku ta’ ritornar. Lezzjoni tipikament tinkludi talb (meta xieraq), it-tagħlim ta’ tal-inqas prinċipju wieħed tal-evanġelju, u li nestendu stedina.
Immaġni
Missjunarji jgħallmu
Lezzjonijiet ma’ Membru li qed Jipparteċipa. In-numru ta’ lezzjonijiet f’ġimgħa partikolari li fiha persuna (mhux mgħammda) kienet mgħallma u membru pparteċipa.
Immaġni
familja fil-knisja
Nies Qed Jiġu Mgħallma Li Jattendu l-Laqgħa tas-Sagrament. Kull persuna (mhux mgħammda) li qed tgħallem u li attendiet il-laqgħa tas-sagrament f’ġimgħa partikolari.
Immaġni
familja titlob
Nies b’Data tal-Magħmudija Kull persuna li qablet li tkun mgħammda u kkonfermata f’data speċifika.
Immaġni
magħmudija
Nies Li Huma Mgħammda u Kkonfermati. Kull membru ġdid li rċieva l-ordinanzi tal-magħmudija u tal-konferma u li għalih ġiet sottomessa formola elettronika f’ġimgħa partikolari. (Ara kapitlu 12 għad-definizzjoni ta’ magħmudija ta’ xi ħadd li kkonverta u għal informazzjoni dwar kif toħloq rekords.)
Immaġni
nisa fil-knisja
Membri Ġodda Jattendu Laqgħa tas-Sagrament. Kull membru ġdid li l-Magħmudija u l-Konferma tiegħu kienet sottomessi fl-aħħar 12-il xahar u li attenda l-laqgħa tas-sagrament f’ġimgħa partikolari.
Fil-qosor, agħti prijorità biex tgħin lin-nies jagħżlu biex jipparteċipaw f’dawn l-esperjenzi. Iċċentra l-isforzi tiegħek fuq l-attivitajiet li ġejjin:
Dawn li jgħinuk issib nies ġodda biex tgħallem
Dawk li jgħinu lin-nies jimxu ’l quddiem biex jagħmlu u jżommu mal-patti.
Dawk li jgħinu lin-nies li tgħammdu u ġew ikkonfermati matul is-sena li għaddiet.
Jekk ma tistax tara kif l-isforzi tiegħek jistgħu jgħinu persuna tagħmel progress b’mod li huwa rifless fl-indikaturi ewlenin tiegħek, evalwa jekk l-attività hija użu tajjeb tal-ħin tiegħek.
Fil-każ ta’ nies li tqatta’ inqas ħin magħhom, kompli kkoltiva l-interess tagħhom fl-evanġelju. Tista’ tistieden lill-membri biex ikellmuhom. Tista’ wkoll tuża t-teknoloġija biex tinkuraġġihom u tkompli timministrahom. Ara “Uża t-Teknoloġija” f’kapitlu 9 għal iktar ideat.
Immaġni
Il-Presbiteru Quentin L. Cook
“L-objettiv aħħari tal-ippjanar u t-tfassil tal-miri huwa biex nagħmlu dixxipli—jiġifieri, li jkollna kkonvertiti kkonsagrati li jagħmlu u jħarsu l-patti, mill-patt tal-magħmudija sal-patt tat-tempju” (Quentin L. Cook, “Għanijiet u Ppjanar,” seminar tat-tmexxija tal-missjoni, 25 ta’ Ġunju, 2019).
Fassal Miri tal-Indikaturi Ewlenin u Agħmel Pjanijiet
Matul l-ippjanar tal-ġimgħa, int u l-kumpann tiegħek fasslu miri għall-indikaruri ewlenin kollha. Il-miri tal-indikaturi ewlenin għandhom jirriflettu x-xewqa tiegħek biex tgħin aktar nies jesperjenzaw il-barkiet tal-konverżjoni.
Fassal miri u agħmel pjanijiet biex tagħmel affarijiet fil-kontroll tiegħek li jistgħu jinfluwenzaw ir-riżultati tal-indikaturi ewlenin. Per eżempju:
Tista’ tfassal mira għal indikatur ewlieni biex tibda tgħallem numru speċifiku ta’ nies ġodda matul il-ġimgħa. Jekk tilħaqx l-għan jew le jiddependi fuq il-volontà ta’ nies oħrajn. Imma agħmel dak li hu taħt il-kontroll tiegħek biex tilħqu. Mod wieħed huwa li tfassal mira biex titkellem ma’ ċertu numru ta’ nies ġodda kull jum. Imbagħad ippjana kif se tagħmel dan. Ara l-ideat f’Appendiċi 2 ta’ dan il-kapitlu u f’kapitlu 9.
Int tista’ tfassal il-miri għall-indikaturi ewlenin biex ikollok numru speċifiku ta’ membri ġodda u nies li qed tgħallem jattendu l-laqgħa tas-sagrament. Jekk jiġux jew le jiddependi mill-volontà tagħhom. Imma agħmel dak li hu fil-kontroll tiegħek biex tinfluwenza r-riżultati ta’ dawn l-indikaturi ewlenin. Ippjana meta se tistedinhom u kif se terġa’ tarahom.
Int tista’ tfassal mira għal indikatur ewlieni biex tħeġġeġ lill-membri jipparteċipaw f’numru speċifiku ta’ lezzjonijiet matul il-ġimgħa. Jekk tilħaqx din il-mira jew le jiddependi mill-membri u min-nies li qed tgħallem. Imma agħmel dak li tista’ biex tinfluwenza r-riżultat ta’ dan l-indikatur ewlieni. Fassal mira biex taħdem mal-mexxejja tal-qasam biex ikun hemm membri preżenti. Imbagħad ippjana kif se tikkoordina l-parteċipazzjoni tagħhom.
Bħala sħubija, int tfassal il-mira tal-indikaturi ewlenin għar-reġjuni tiegħek. Ibbażahom fuq (1) il-progress ta’ dawk li qed tgħallem u (2) l-bżonn li ssib nies ġodda biex tgħallem. Li ssib nies ġodda biex tgħallem huwa bżonn kostanti.
Il-miri tal-indikaturi ewlenin imferxa mal-missjoni kollha huma bbażati fuq l-għanijiet imfasslin minn kull sħubija.
L-app Ippriedka l-Evanġelju Tiegħi se tgħinek tibqa’ ffukkat fuq in-nies hekk kif tfassal l-miri għall-indikaturi ewlenin. Din l-app se tgħinek ukoll titgħallem mill-miri passati u turik il-progress lejn il-mirikurrenti.
Il-mri tal-indikaturi ewlenin u r-riżultati huma rrappurtati awtomatikament lill-mexxejja tal-missjoni tiegħek u lill-mexxejja tal-missjunarji żgħażagħ permezz tal-app Ippriedka l-Evanġelju Tiegħi.
Oqgħod attent li ma tenfasizzax iżżejjed mira ta’ indikatur ewlieni partikolari fuq l-oħrajn. Li tiffoka b’mod kontinwu fuq l-indikaturi ewlenin kollha se tgħinek konsistentament tistieden lill-oħrajn biex jersqu lejn Kristu u jagħmlu l-patti.
Immaġni
Il-President Thomas S. Monson
“Meta l-prestazzjoni titkejjel, il-prestazzjoni titjieb. Meta l-prestazzjoni titkejjel u tiġi rrapportata, ir-rata ta’ titjieb taċċellera” (ikkwotat minn Thomas S. Monson, “Int Għalliem li Ġej minn Alla,” Improvement Era, Dec. 1970, 101).
Aħdem b’mod Diliġenti
Il-Mulej jixtieqek “taġixxi bid-diliġenza kollha” fis-servizz missjunarju tiegħek (Duttrina u Patti 107:99). Id-diliġenza hija sforz konsistenti u qalbieni.
Aħdem b’diliġenza fuq il-miri tal-indikaturi ewlenin. Stieden lin-nies biex jagħmlu l-patti li jwasslu għall-konverżjoni. L-isforzi diliġenti tiegħek jistgħu jispirawhom biex jieħdu azzjonijiet li se jgħinuhom jersqu lejn Kristu (ara 2 Nefi 2:14–16).
Għallem l-evanġelju b’modi li jilħqu l-bżonnijiet tan-nies. Id-duttrina, meta tiġi introdotta mill-Ispirtu, tispirahom biex jaġixxu ħafna aktar minn kull ħaġa oħra.
Fl-istess ħin, agħraf li l-miri tal-indikaturi ewlenin jiddependu fuq il-volontà tal-oħrajn. Dejjem irrispetta l-volontà tan-nies.
Ftakar li l-indikaturi ewlenin mhumiex l-mira aħħarija. Minflok, jirrapreżentaw il-potenzjal tal-progress spiritwali ta’ persuna lejn il-magħmudija, il-konferma, u l-konverżjoni li tibqa’. Il-progress attwali tan-nies se jiddependi mill-għażliet tagħhom. Int tissapportja l-progress tagħhom billi teżerċita l-fidi fi Kristu f’isimhom hekk kif tħejji l-miri, tippjana, taġixxi b’diliġenza, u timministrahom b’mod li tispirahom.
Kif Tfassal il-Miri u Tagħmel Pjanijiet biex Twettaqhom
It-tfassil tal-miri u l-ippjanar huma atti ta’ fidi. Il-miri jirriflettu x-xewqat ta’ qalbek u l-viżjoni tiegħek li tgħin lilek innifsek u lill-oħrajn jersqu lejn is-Salvatur.
Miri u pjanijiet li ġew ikkunsidrati b’attenzjoni se jagħtuk direzzjoni ċara. Jistgħu jgħinuk fit-tagħlim u l-isfidi tiegħek biex issib nies biex tgħallem. Jistgħu jiggwidawk biex tgħin lil dawk li tgħallem iqawwu l-fidi tagħhom u l-progress tagħhom lejn il-konverżjoni.
Għamel it-tfassil tal-miri u l-ippjanar tiegħek esperjenza ta’ ispirazzjoni. Itlob bil-ħrara, eżerċita l-fidi mal-kumpann tiegħek, u imxi fuq is-suġġerimenti tal-Ispirtu. Hekk kif tippjana b’dan il-mod, int se tħoss lill-Mulej jaħdem permezz tiegħek biex ibierek lill-oħrajn.
Immaġni
Il-President M. Russell Ballard
“Għan huwa destinazzjoni jew objettiv, filwaqt li pjan huwa rotta kif tasal s’hemmekk. … Li tfassal miru huwa essenzjalment bidu b’objettiv f’moħħok. U meta tippjana tkun qed toħloq mod kif tasal sal-objettiv tiegħek,” (M. Russell Ballard, “Irritorna u Rċievi,” Liahona, Mejju 2017, 62–63).
Prinċipji biex Tfassal u Tilħaq il-Miri
Il-proċess li ġej se jgħinek tfassal u tilħaq il-miri.
Immaġni
tabella li tfassal il-miri
Bl-għajnuna tat-talb fassal miri u agħmel pjanijiet. Fassal miri li huma realistiċi imma li jkabbruk u li jirrikjedu l-fidi. Evita li tfassal miri li jkunu wisq diffiċli jew wisq faċli. Ippjana kif int se twettaqhom.
Irrekordja u oħloq skeda. Irrikordja l-miri u pjanijiet fi skeda dettaljata.
Aġixxi fuq il-pjani tiegħek. Aħdem b’mod dilġenti biex tilħaq il-miri tiegħek. Eżerċita l-fidi fil-Mulej biex jgħinek.
Irrevedi u erġa’ ltaqa’. Evalwa l-progress u rrikordja l-isforzi tiegħek regolarment. Iddeċiedi x’se tagħmel differenti u kif se ttejjeb lilek innifsek. Biddel il-pjanijiet kif meħtieġ.
Hekk kif tuża dan il-proċess biex tfassal il-miri, il-Mulej se jkabbar l-isforzi tiegħek. Int se tikber fil-kapaċità bħala instrument f’idejh. Int se tagħmel ħafna ġid fit-tberik ta’ wlied Missierna fis-Smewwiet.
Fassal il-Miri u Agħmel Pjanijiet f’Kull Parti tal-Ħidma
Bl-għajnuna tat-talb fittex il-gwida tal-Ispirtu hekk kif tapplika l-proċees tat-tfassil tal-miri f’kull aspett tal-ħidma missjunarja. Uħud minn dawn huma:
Tgħin lin-nies li qed tgħallem jagħmlu progress (ara Appendiċi 1 f’dan il-kapitlu).
Issib nies ġodda biex tgħallem (ara Appendiċi 2 f’dan il-kapitlu).
Taħdem mal-membri u sservi nies fil-komunità u l-qasam (ara kapitlli 9 u 13).
Taħdem f’unità mal-kumpann tiegħek (ara punt 6 fi “Sessjoni tal-Ippjanar ta’ Kull Ġimgħa”).
Evita li tfassal indikaturi ewlenin għal missjunarji oħrajn. Madanakollu, tista’ tiggwidahom u tinkuraġġihom biex japplikaw il-prinċipji tat-tfassil tal-pjan hekk kif ifasslu l-pjanijiet tagħhom.
Oqgħod lura milli tagħmel paraguni ma’ oħrajn.
Tużax it-twettiq ta’ mira bi skop ta’ kwota, għall-għarfien pubbliku, jew biex tikkoreġi jew timbarazza lil xi ħadd fil-pubbliku.
Immaġni
Il-Presidenty Spencer W. Kimball
“Aħna fil-fatt nemmnu fit-tfassil tal-miri. Aħna ngħixu skont il-pjanijietira [waħda] importanti huwa li nwasslu l-evanġelju għand in-nies kollha. … L-għan tagħna huwa li niksbu l-ħajja eterna. Dak huwa l-ikbar mira fid-dinja” (Spencer W. Kimball, seminar tar-rappreżentanti reġjonali, Apr. 3, 1975, 6).
Mexxi Sessjonijiet ta’ Ppjanar ta’ Kull Ġimgħa u ta’ Kull Jum
L-ippjanar ta’ kull ġimgħa jgħinek tara l-istampa sħiħa u tiffoka fuq in-nies. Jgħinek ukoll li tiffoka fuq dawk l-attivitajiet li huma l-iktar importanti. L-ippjanar ta’ kuljum jgħinek tadatta u tipprepara biex tieħu azzjonijiet speċifiċi kull jum. Int trid tkun produttiv, mhux sempliċiment okkupat.
Waqt is-sezzjonijiet tal-ippjanar, staqsi lilek innifsek mistoqsijeit bażiċi dwar dak li taħseb li l-Mulej kieku jgħidlek biex tagħmel. Fittex ispirazzjoni biex twieġeb dawn il-mistoqsijiet b’modi li huma xierqa għal kull sitwazzjoni u persuna. It-tweġibiet imbagħad għandhom jieħdu forma fil-pjanijiet tiegħek.
Sezzjonijiet tal-Ippjanar ta’ Kull Ġimgħa
Organizza sessjoni tal-ippjanar ta’ kull ġimgħa mal-kumpann tiegħek f’jum u f’ħin deċiż mill-president tal-missjoni tiegħek. Segwi l-passi t’hawn taħt.
Itlob u fittex ispirazzjoni. Staqsi lill-Missier fis-Smewwiet biex jiggwidak fil-pjanijiet li jgħinuk tilħaq l-għanijiet tiegħek. Staqsih biex ibierek l-isforzi tiegħek biex tgħin lin-nies jiprogressaw u jersqu lejn Kristu.
Fassal miri u agħmel pjanijiet għall-indikaturi ewlenin kollha permezz tal-app Ippriedka l-Evanġelju Tiegħi. Uża l-proċess biex tfassal il-miri deskritti aktar ’il fuq f’dan il-kapitlu. Ibda b’:
Nies li huma mgħammda u kkonfermati matul dan l-aħħar żmien.
Nies li għandhom data ta’ magħmudija.
Nies li qed tgħallem u li jattendu l-laqgħa tas-sagrament.
Nies ġodda qed jitgħallmu.
Membri li qed jirritornaw, familji part-member, u presbiteri prospettivi.
Nies li ġa ġew mgħallmin.
Ara Appendiċi 1 f’dan il-kapitlu għal ideat dwar il-proċess tat-tfassil tal-miri fil-ħidma man-nies li qed tgħallem.
Uża l-proċess biex tfassal il-miri biex issib nies biex tgħallem (ara Appendiċi 2 f’dan il-kapitlu u kapitlu 9 għall-għajnuna biex issib).
Uża l-proċess biex tfassal il-miri biex tibni relazzjonijiet mal-mexxejja u l-membri tal-qasam. Fassal miri u agħmel pjanijiet għal kif se tissapportjahom fl-isforzi tagħhom biex taqsam magħhom l-evanġelju (ara ideat f’kapitlu 9 u 13). Ipprepara għal-lagħqa tal-qasam ta’ koordinazzjoni ta’ kull ġimgħa (ara kapitlu 13).
Irrevedi l-pjanijiet u l-mirit fl-app Ippriedka l-Evanġelju Tiegħi. Ikkonferma l-appuntamenti u l-laqgħat tiegħek.
Organizza kunstill tas-sħubija. Normalment dan jinkludi l-elementi li ġejjin:
Jekk mixtieq, aqsam mal-oħrajn miripersonali li huma xierqa u staqsi lill-kumpann tiegħek għall-għajnuna biex tilħaqhom.
Iddiskuti l-qawwa tar-relazzjoni tiegħek. Iddiskuti xi diffikultajiet li ssib biex tkun ubbidjenti jew biex taħdem f’unità. Irrisolvi xi kunflitti billi (1) tħalli lil kull persuna tesprimi b’mod sħiħ il-ħsibijiet tagħha, (2) tifhem u taċċetta t-tħassib ta’ kull persuna, u (3) taslu għal soluzzjoni flimkien li tindirizza l-aktar tħassib importanti.
Aqsam mal-kumpann tiegħek dak li taħseb li huma l-ħiliet tiegħu jew tagħha. Staqsi għas-suġġerimenti dwar kif tista’ ttejjeb lilek innifsek.
Fassal miri li se jgħinuk ittejjeb ir-relazzjoni tiegħek.
Il-kunsilli tas-sħubija jistgħu jgħinuk tiżviluppa ħiliet importanti li int tista’ tuża fil-ħajja personali u tal-familja tiegħek, fis-servizz tal-Knisja, fix-xogħol, u f’okkażjonijiet oħrajn.
Spiċċa permezz ta’ talba.
Sezzjonijiet ta’ Ippjanar ta’ Kuljum.
Fassal miri u agħmel pjanijiet mal-kumpann tiegħek għal 30 minuta kull filgħodu. Segwi l-passi t’hawn taħt.
Itlob u fittex ispirazzjoni.
Irrevedi l-progress lejn il-miri tal-indikaturi ewlenin ta’ kull ġimgħa.
Irrevedi l-pjanijiet tiegħek biex tgħin lin-nies li qed tgħallem. Iprijoritizza l-isforzi tiegħek biex tgħin lil dawk li l-aktar qed jagħmlu progress. Biddel il-miri u l-pjanijiet ta’ kuljum hekk kif meħtieġ.
Ikkommetti għall-azzjonijiet li se tieħu f’dak il-jum biex issib nies ġodda biex tgħallem u biex tgħin lin-nies li qed tgħallem.
Ippjana kif se taħdem mal-mexxejja u l-membri lokali.
Spiċċa permezz ta’ talba.
Studju Akkumpanjat
Irrevedi Appendiċi 1 u Appendiċi 2 fl-aħħar ta’ dan il-kapitlu għall-ideat dwar kif għandek tapplika l-proċess biex tfassal il-miri fit-tagħlim u s-sejbien. Identifika kif tista’ tuża xi ftit minn dawn l-ideat.
Uża l-App Ippriedka l-Evanġelju Tiegħi
Dwar dawk li tgħammdu fi żmienu, Moroni qal, “Isimhom kien miżmum, ħalli jkunu mfakkrin u mgħajxin bil-kelma t-tajba t’Alla, sabiex jibqgħu fit-triq it-tajba” (Moroni 6:4). Li żżomm rekords tajbin huwa mod wieħed li bih tista’ tapplika dan il-prinċipju.
Irreġistra l-Ħsibijiet Tiegħek
Li żżomm rekords hija parti mill-ħarsien diliġenti tar-reġjun tiegħek b’imħabba u interess. Żomm ir-rekords tiegħek preċiżi u aġġornati. Dan se jgħinek tiftakar x’għandek tagħmel biex tgħin lin-nies.
L-app Ippriedka l-Evanġelju Tiegħi tħallik tikkoordina u taqsam mal-oħrajn informazzjoni importanti mal-mexxejja u l-membri lokali fuq il-progress tan-nies u tax-xogħol.
Segwi l-Linjigwida tad-Data u tal-Privatezza
Segwi l-linjigwida tad-data u tal-privatezza meta tirreġistra l-miri u l-pjanijiet fl-app Ippriedka l-Evanġelju Tiegħi u fl-għodda pprintjati. Għall-informazzjoni, ara Standards tal-Missjunarji għad-Dixxipli ta’ Ġesù Kristu, 7.5.
Staqsi lilek innifsek il-mistoqsijiet li ġejjin qabel iżżomm rekord jew taqsam informazzjoni fl-app Ippriedka l-Evanġelju Tiegħi, fl-imejl, midja soċjali, noti, jew komunikazzjonijiet oħrajn:
Din il-persuna kif se tħossha dwar dak li qed nirreġistra jiena?
Kif kont inħossni jiena kieku xi ħadd qasam ma’ ħaddieħor din it-tip ta’ informazzjoni dwar?
Qiegħed nimxi mal-polisis tal-Knisja u mal-liġijiet tal-privatezza tad-data tar-reġjun tiegħi jekk nirreġistra jew naqsam din l-informazzjoni?
Immaġni
missjunarji jitolbu
Kontabilità
Il-prinċipju tal-kontabilità huwa fundamentali fil-pjan etern ta’ Alla (ara Alma 5:15–19; Duttrina u Patti 104:13; 137:9). Dan il-prinċipju jinfluwenza kif taħseb u tħoss dwar ir-responsabbiltà sagra li l-Mulej tak. Il-kontabilità tinfluwenza wkoll kif int tiffaċċja xogħlok.
Matul il-ministeru tiegħu fid-dinja, is-Salvatur ta essajnments lid-dixxipli tiegħu biex jgħinhom jikbru, jiżviluppaw, u jilħqu xogħolhom. Hu tahom ukoll l-opporunitajiet biex ikunu kontabbli għax-xogħol li ngħataw jagħmlu (ara Luqa 9:10; 3 Nefi 23:6–13). Bħala missjunarju, int ukoll għandek tkun kontabbli għax-xogħol li l-Mulej tak biex tagħmel.
Ħares lejn it-tfassil tal-miri u tal-ippjanar bl-idea li int se tagħti kont lill-Mulej permezz tat-talb kull ġurnata. Kun ukoll kontabbli lejk innifsek u lejn il-mexxejja tal-missjoni tiegħek.
Li tagħti kont għandha tkun azzjoni ta’ mħabba u esperjenza pożittiva li fiha l-isforzi tiegħek jiġu rikonoxxuti u li permezz t’hekk tidentifika modi li bihom int tista’ titjieb.
Ikkunsidra s-sentenza li ġejja mill-ittra tas-sejħa tiegħek: “Hekk kif tiddedika ħinek u l-attenzjoni tiegħi fil-qadi tal-Mulej, u hekk tħalli warajk l-affarjiet personali kollha, il-Mulej ibierkek b’għarfien iu testimonjanza imkattrin ta’ Ġesù Kristu u tal-evanġelju rrestawrat Tiegħu.” Staqsi lilek innifsek dawn il-mistoqsijiet li ġejjin, u rrikordja l-ħsibijiet tiegħek.
Kif sejjer fid-dedikazzjoni tal-ħin u l-attenzjoni tiegħi biex inservi lill-Mulej?
X’barkiet esperjenzajt?
Kif ġiet imsaħħa t-testimonjanza tiegħek?
Kif nista’ ntejjeb lili nnifsi?
Ħu ftit mumenti biex taħseb dwar l-aħħar ġurnata tiegħek fl-għalqa tal-missjoni. Meta dik il-ġurnata tasal:
Kif tixtieq li tkun ir-relazzjoni tiegħek mal-Missier fis-Smewwiet u ma’ Ġesù Kristu?
X’tixtieq li sirt?
Fil-ġurnal tal-istudju tiegħek, ikteb tweġiba għal kull waħda minn dawn il-mistoqsijiet. Uża l-proċess tat-tfassil tal-miri biex tippjana x’tista’ itagħmel ssa biex tirsisti ħa tilħaq dawn il-miri. Irrekordja l-pjanijiet tiegħek.
Kumpann tal-Istudju u Skambju ta’ Kumpann
Uża l-app ta’ Ippriedka l-Evanġelju Tiegħi biex twieġeb il-mistoqsijiet t’hawn taħt:
Ir-rekords huma kollha kurrenti u preċiżi?
Missjunarju li huwa ġdid fir-reġjun se jibbenifika mir-rekord tal-isforzi tiegħek biex isib nies ġodda biex jgħallem?
Kieku kellek tirrevedi l-app bħalissa, tgħinek issir taf fejn qegħdin in-nies bħalissa? Se tgħinek tkun taf dwar il-progress tagħhom?
Kunsill tad-Distrett, Konferenzi taż-Żona, u Kunsill tat-Tmexxija tal-Missjoni
Stieden lill-missjunarji biex jaqsmu ma’ ħaddieħor dak li tgħallmu u kif is-salvagwardji għenuhom. Eżempji jafu jinkludu miri u pjanijiet biex tgħin lin-nies:
Jiżviluppaw fidi ikbar fis-Salvatur.
Jindmu u jagħmlu tibdil biex jersqu aktar viċin ta’ Alla.
Jitgħammdu u jiġu kkonfermati.
Jerġgħu lura fi ħdan il-Knisja u jġeddu l-patt tal-magħmudija tagħhom.
Aqra waħda minn dawn is-sitwazzjonijiet li ġejjin lill-missjunarji. Aqsam lill-missjunarji fi gruppi żgħar. Itlob lil kull grupp juża passi 1 u 2 fil-proċess tat-tfassil tal-miri biex jgħinu lin-nies f’dawn l-eżempji jagħmlu progress lejn il-magħmudija u l-konferma. Itlob lil kull grupp jaqsam l-ideat mal-oħrajn.
Persuna li qed tgħallem aċċettat l-istedina biex tattendi l-knisja din il-ġimgħa.
Persuna aċċettat stedina tal-magħmudija u fasslet mira miegħek biex titgħammed.
Persuna aċċettat l-invit tiegħek biex taqra l-Ktieb ta’ Mormon u ħadet impenn li taqra 1 Nefi 1.
Stieden lill-membri jużaw l-app Ippriedka l-Evanġelju Tiegħi biex tgħinhom ifasslu miri realistiċi iżda diffiċli billi:
Jirrevedu l-istorja u l-progress ta’ indikaturi ewlenin tal-passat.
Ifasslu miri għal kuljum, għall-ġimgħa, u għax-xahar.
Iżidu nies fil-miri tal-indikaturi ewlenin.
Iddiskuti kif dawn il-passi jistgħu jgħinu lill-missjunarji jippjanaw b’mod iktar effettiv hekk kif jgħinu lin-nies jagħmlu progress. Staqsi lill-missjunarji biex jikkonsidraw dan li ġej:
Kif se tuża l-app Ippriedka l-Evanġelju Tiegħi fil-futur inti u tippjana?
Liema modi oħrajn skoprejt biex tuża l-app b’mod iktar effettiv?
Mexxejja tal-Missjoni u Konsulenti tal-Missjoni
Irrevedi ta’ spiss l-app Ippriedka l-Evanġelju Tiegħi tal-missjunarji. Stedinhom biex jaqsmu miegħek kif jużawaha biex jintraċċaw l-għanijiet u l-pjanijiet tagħhom biex jgħinu lin-nies jagħmlu progress
Xi drabi osserva s-sessjonijiet tal-ippjanar għall-ġimgħa u għal kuljum tal-missjunarji.
Appendiċi 1
Applika l-Proċess tat-Tfassil tal-Miri ma’ Nies li Qed Tgħallem
Din is-sezzjoni tipprovdi eżempji ta’ kif tista’ tapplika l-proċess biex tfassal l-miri biex tgħin lin-nies li qed tgħallem.
1. Fassal Miri u Agħmel Pjanijiet
Permezz tat-talb ikkunsidra l-bżonnijiet spiritwali tan-nies li qed tgħallem. Fassal miri u agħmel pjanijeit biex tgħinhom jilħqu dawn il-bżonnijiet. Uża l-app ta’ Ippriedka l-Evanġelju Tiegħi biex tirrevedi l-progress ta’ kull persuna. Uża l-indikaturi Ewlenin għal Konverżjoni biex tidentifika l-azzjonijiet li se jgħinu lil kull persuna tieħu l-pass li jmiss biex tersaq lejn Kristu.
Hekk kif tfassal il-miri u tagħmel il-pjanijiet, staqsi lilek innifsek mistoqsijiet bħal dawn:
Xi jfisser għalik li jkollok il-fidi f’Ġesù Kristu?
X’esperjenzi qed ikollha l-persuna mal-Ispirtu?
Xi sfidi jista’ jkun li hi jew hu qed jesperjenzaw?
X’nistgħu nitgħallmu aktar minn din il-persuna biex ngħinuha?
Xi jrid jiġri biex ngħinu lil din il-persuna tiżviluppa l-fidi f’Ġesù Kristu, tħoss u tagħraf l-Ispirtu, tindem, u tkun mgħammda?
Kif nistgħu nippreparaw għal-lagħqa ta’ koordinazzjoni tal-qasam ta’ kull ġimgħa biex tinkludi l-mexxejja u l-membri tal-qasam biex tgħin lil din il-persuna? (Ara kapitlu 13.)
X’miri tal-indikaturi ewlenin nistgħu nfasslu li jirriflettu l-fidi tagħna fil-Mulej?
2. Irrekordja u Skeda l-Pjanijiet Tiegħek
Uża l-app ta’ Ippriedka l-Evanġelju Tiegħi biex tirrikordja u tiskeda l-miri u l-pjanijiet tiegħek fid-dettall. Dan jgħinek sabiex torganizza xogħlok u tidentifika l-azzjonijiet. Segwi l-liġijiet tal-privatezza tad-data fir-reġjun tiegħek.
Hekk kif tirrekordja u tiskeda l-pjanijiet tiegħek, staqsi lilek innifsek mistoqsijiet bħal dawn:
X’affarijiet speċifiċi nistgħu nagħmlu kuljum u din il-ġimgħa biex nissapportjaw il-progress ta’ din il-persuna?
X’duttrina (jew lezzjoni) se tgħin lil din il-persuna tiżviluppa fidi aktar qawwija fi Kristu u tgħix l-evanġelju? Kif nistgħu ngħallmu d-duttrina biex hu jew hi jifhmuha u jedifikawha mill-Ispirtu s-Santu?
Kif u meta se nikkonfermaw l-appuntamenti?
Xi stediniet għandna nestendu jew insegwu? Kif u meta se nsegwu?
Kif u meta se ngħinu lill-persuna tattendi l-knisja, taqra l-iskrittura, titlob, u żżomm il-patti li jwasslu biex nagħmlu l-patti ma’ Alla?
Kif jistgħu jipparteċipaw il-membri?
X’riżorsi onlajn nistgħu naqsmu mal-persuna?
Xi pjanijiet sekondarji nistgħu nagħmlu jekk xi ħaġa ma tmurx kif ippjanata?
3. Aġixxi fuq il-Pjanijiet Tiegħek
Żomm talba f’qalbek matul il-ġurnata hekk kif taġixxi fuq il-pjanijiet tiegħek. L-Ispirtu se jgħinek tkun taf fejn għandek tmur, x’għandek tagħmel, x’għandek tgħid, u x’aġġustamenti għandek tagħmel.
Matul ġurnata, staqsi lilek innifsek mistoqsijiet bħal dawn:
Kif nistgħu naħdmu fil-fidi, nafdaw fil-Mulej biex jgħinna u nkabbru l-isforzi tagħna biex inservu lil uliedu?
Kif nistgħu nkunu kreattivi u kuraġġużi meta naġixxu fuq il-pjanijiet tagħna?
Kif nistgħu nadattaw il-pjanijiet tagħna skont il-bżonnijiet u ċ-ċirkustanzi tan-nies?
Il-pjanijiet mhux dejjem imorru kif nisperaw. Kun flessibbli u uża pjanijiet sekondarji meta meħtieġa.
4. Reviżjoni ta’ Progress u Segwitu
Mal-kumpann tiegħek, irrevedi l-progress lejn il-miri li fassalt biex tgħallem lin-nies u tgħinhom jimxu ’l quddiem. Ippjana modi bħala segwitu. Biddel il-pjanijiet tiegħek kif meħtieġ hekk kif tagħmel l-almu tiegħek biex tilħaq il-miri.
Staqsi lilek innifsek mistoqsijiet bħal dawn:
In-nies li qed ngħallmu qegħdin jimxu iżommu l-patti ma’ Alla?
Xi sfidi qed jiffaċċjaw? X’inhu t-tħassib tiegħek?
X’nistgħu nagħmlu llum biex ngħinuhom u ninkoraġġuhom biex jaġixxu—meta niltaqgħu u anke permezz tat-teknoloġija?
Qed ikollhom esperjenzi li fihom iħossu l-Ispirtu?
Għandhom kuntatt mal-mexxejja u l-membri tal-Knisja u mal-bini tal-ħbiberiji? Min jista’ jipparteċipa d-darba li jmiss li ngħallmu?
X’nistgħu nitgħallmu minnhom?
Kemm morna tajjeb fil-miri li lħaqna? Hemm xi ħaġa li għandna bżonn inbiddlu jew nagħmlu differenti?
Huwa l-ħin għal inqas kuntatt frekwenti?
Ara kapitlu 11 għal iktar prinċipji u ideat kif tibqa’ ssegwi lin-nies u tgħinhom jagħmlu progress.
Appendiċi 2
Applika l-Proċess tat-Tfassil tal-Miri sabiex Issib Nies biex Tgħallem
Din is-sezzjoni tipprovdi eżempji ta’ kif tista’ tapplika l-proċess tat-tfassil tal-miri sabiex issib nies ġodda biex tgħallem. Uża l-proċess fl-ippjanar tiegħek għall-ġimgħa u għax-xahar.
1. Fassal Miri u Agħmel Pjanijiet
Flimkien mal-kumpann tiegħek, ikkonsidra bl-għajnuna tat-talb x’jixtieqek li tagħmel il-Missier fis-Smewwiet sabiex issib iktar nies biex tgħallem. Agħmel dan kull ġimgħa u kull jum. Ara li jkollok il-fidi li Hu qed iħejji nies għalik (ara Duttrina u Patti 100:3–8).
Fassal miri ta’ sejbien ta’ kuljum. Agħmel pjanijiet ta’ azzjoni fil-kontroll tiegħek li jinfluwenzaw riżultati tal-indikaturi ewlenin. Xi eżempji jinkludu:
Kemm nies ġodda se tkellem dwar l-evanġelju kull jum.
Kemm-il darba se ssaqsi membri, nies li int tgħallem, u nies li inti tagħmel kuntatt magħhom jekk jafux lil xi ħadd li jista’ jkun interessat fil-messaġġ tiegħek.
Kemm se tirrispondi malajr għal referimenti jew kummenti fuq posts tal-midja soċjali.
Irrevedi l-app ta’ Ippriedka l-Evanġelju Tiegħi u staqsi lilkom infuskom mistoqsijiet bħal dawn li ġejjin:
X’jixtieqna nagħmlu l-Missier fis-Smewwiet illum u din il-ġimgħa biex insibu nies li ngħallmu?
X’miri ta’ indikaturi ewlenin nistgħu nfasslu sabiex insib nies biex ngħallmu?
Liema attività ta’ sejbien hija l-aqwa għal dan il-ħin tal-ġurnata u dan il-post?
Kif nistgħu nispiraw u nappoġġjaw lill-membri tal-qasam fl-isforzi tagħhom biex jaqsmu l-evanġelju ma’ oħrajn permezz tal-prinċipji tal-imħabba, tat-tixrid, u tal-istedin?
Liema membri ġodda nistgħu nikkuntattjaw biex ngħinuhom jattendu laqgħa tas-sagrament? Għandhom ħbieb li forsi jistgħu jistiednu?
Kif nistgħu naħdmu mal-kunsill u l-parteċipanti tal-qasam fil-laqgħa ta’ koordinazzjoni ta’ kull ġimgħa fil-qasam biex nidentifikaw familji part-member, membri li qed jirritornaw, u presbiteri prospettivi, sabiex nikkuntattjawhom?
Liema nies li bħalissa qed jiġu mgħallma, nies li ġew mgħallma diġà, u nies referuti, nistgħu nikkuntattjaw? Kif se nikkuntattajawhom? (Fil-persuna, pwermezz tat-teknoloġija bit-telefon, jew b’modi oħra)
X’inhuma xi modi ġodda li bihom nistgħu nsibu n-nies?
X’talenti u x’ħiliet personali nistgħu nużaw?
Kif nistgħu ntejbu l-ħila tagħna biex insibu nies sabiex ngħallmu?
Kif nistgħu ngħinu lil dawk li nikkuntattjaw iħossu l-influwenza tal-Ispirtu s-Santu?
Għal eżempji ta’ attivitajiet ta’ sejbien, ara kapitli 9, 10, u 13.
Uża l-app Ippriedka l-Evanġelju Tiegħi biex tgħinek tidentifika attivitajiet ta’ sejbien li kienu effettivi fil-passat. Per eżempju, tista’ ssib kif ikkonvertiti riċenti nstabu.
Fittex ispirazzjoni u kien miftuħ għal impressjonijiet u ideat ġodda. Evita li tinqabad f’rutina. Il-missjunarji li konsistentament isibu nies ġodda biex jgħallmu ta’ spiss jużaw varjetà ta’ metodi kull ġimgħa. Qatt ma jaqtgħu jippruvaw affarjiet ġodda.
2. Irrekordja l-Pjanijiet Tiegħek u Oħolqilhom Skeda
Flimkien mal-kumpann tiegħek, uża l-app Ippriedka l-Evanġelju Tiegħi biex tirrekordja u tiskeda fid-dettal il-miri u l-pjanijiet tiegħek. Li tirrekordja u tiskeda l-pjanijiet tiegħek se jgħinek tidentifika x’azzjonijiet għandek tieħu u meta għandek teħodhom.
Staqsi lilkom infuskom mistoqsijiet bħal dawn:
Kif u meta se nikkuntattjaw lin-nies? Kif l-aħjar li nikkomunikaw magħhom? Fejn huma l-aqwa postijiet? X’inhuma l-aħjar ħinijiet tal-ġurnata għall-metodi differenti biex insibu in-nies?
Kif nistgħu jkollna taħditiet sinifikattivi man-nies li niltaqgħu magħhom?
Kif iu meta se nużaw metodi onlajn permezz tal-midja soċjali u teknoloġija oħra?
Meta se nikkuntattajaw nies li kienu referuti lilna?
Xi pjanijiet sekondarji nistgħu nagħmlu jekk xi ħaġa ma tmurx kif ippjanata?
3. Aġixxi fuq il-Pjanijiet Tiegħek
Bi bżulija kollha fittex li tikseb il-miri tiegħek li ssib nies sabiex tgħallem. Żomm talba f’qalbek matul il-ġurnata kollha. Kun dejjem lest li ssellem u titkellem ma’ nies li tiltaqa’ magħhom. L-Ispirtu se jgħinek tkun taf fejn għandek tmur, x’għandek tagħmel, x’għandek tgħid, u x’aġġustamenti għandek tagħmel.
Matul ġurnata, staqsi lilek innifsek mistoqsijiet bħal dawn:
Kif nistgħu naħdmu fil-fidi, billi nafdaw fil-Mulej biex jgħinna u nkabbru l-isforzi tagħna biex inservu lil uliedu?
Kif nistgħu nkunu kreattivi u kuraġġużi meta naġixxu fuq il-pjanijiet tagħna?
Kif nistgħu nadattaw il-pjanijiet tagħna skont il-bżonnijiet u ċ-ċirkustanzi tan-nies?
Kif nistgħu ngħinu lin-nies iħossu l-influwenza tal-Ispirtu s-Santu?
Il-pjanijiet mhux dejjem imorru kif tispera. Kun flessibbli u uża pjanijiet sekondarji meta meħtieġa.
4. Reviżjoni ta’ Progress u Segwitu
Matul il-ġurnata u l-ġimgħa, irrevedi l-progress bl-għajnuna tat-talb biex tilħaq il-miri tiegħek li ssib lin-nies biex tgħallem. Staqsi lilek innifsek mistoqsijiet bħal dawn:
Kemm morna tajjeb biex nilħqu l-miri tagħna u nsegwu l-pjanijiet tagħna?
X’aġġustamenti għandna nagħmlu biex nilħqu l-miri tagħna li nsibu n-nies.
Kif nistgħu nevitaw li naqgħu f’rutina li mhix effettiva biex insibu nies sabiex ngħallmu?
X’inhi dik il-ħaġa ġdida li nistgħu nippruvaw f’dan il-ħin tal-ġuranta?
X’inhuma wħud mill-ideat li nistgħu niddiskutu fil-laqgħa ta’ kull ġimgħa tal-koordinazzjoni tal-qasam biex jgħinuna nsibu nies biex ngħallmu. (Ara kapitlu 13.)
Bħala sħubija, użaw it-tabella “Niskopru Sforzi” f’kapitlu 9 biex tevalwaw l-sforzi tagħkom tal-ġimgħa u tal-jum biex issibu nies li tgħallmu. Irrikonoxxu dawk l-affarjiet li qed tagħmlu sew, u kkonsidraw kif tistgħu titjiebu.
Matul il-ġurnata, ieqaf għal ftit minuti biex tirrikonoxxi l-id ta’ Alla fil-ħidma tiegħek.