« អ្នកមានគោលបំណងមួយ » ការអភិវឌ្ឍផ្ទាល់ខ្លួន ៖ សៀវភៅណែនាំកុមារ ( ឆ្នាំ ២០១៩ )
« អ្នកមានគោលបំណងមួយ » ការអភិវឌ្ឍផ្ទាល់ខ្លួន ៖ សៀវភៅណែនាំកុមារ
អ្នកមានគោលបំណងមួយ
ព្រះវរបិតាសួគ៌ និង ព្រះរាជបុត្រាទ្រង់ គឺព្រះយេស៊ូវគ្រីស្ទ ទ្រង់ស្គាល់អ្នកហើយស្រឡាញ់អ្នក ។ អ្នកគឺជាផ្នែកមួយដ៏សំខាន់នៃកិច្ចការដ៏អស្ចារ្យរបស់ពួកទ្រង់ ។ អ្នកអាចជួយធ្វើឲ្យពិភពលោកកាន់តែមានភាពប្រសើរជាងមុន ។
ព្រះវរបិតាសួគ៌បានប្រទានទេពកោសល្យ និងអំណោយទានទាំងឡាយខាងវិញ្ញាណដល់អ្នក ។ ទ្រង់ចង់ឲ្យអ្នកប្រើអំណោយទាន និងទេពកោសល្យ ទាំងនេះដើម្បីឲ្យអ្នកអាចមានភាពរីករាយ និងប្រទានពរដល់អ្នកដទៃ ។ ទ្រង់អាចជួយអ្នកដឹងអំពីរបៀបធ្វើដូច្នេះតាមរយៈ ព្រះវិញ្ញាណបរិសុទ្ធ ។
សៀវភៅណែនាំការអភិវឌ្ឍផ្ទាល់ខ្លួននេះ អាចជួយអ្នកនៅពេលអ្នកអភិវឌ្ឍអំណោយទានទាំងឡាយ និងការដើរតាមព្រះយេស៊ូវគ្រីស្ទរបស់អ្នក ។ អ្នកអាចប្រែក្លាយជាមនុស្សដែលព្រះវរបិតាសួគ៌ ជ្រាបថាអ្នកអាចប្រែក្លាយ ។