« គំនិតសម្រាប់ការរីកចម្រើននៅគ្រប់ស្ថានភាពនៃជីវិត » ការអភិវឌ្ឍផ្ទាល់ខ្លួន ៖ សៀវភៅណែនាំកុមារ ( ឆ្នាំ ២០១៩ )
« គំនិតសម្រាប់ការរីកចម្រើននៅគ្រប់ស្ថានភាពនៃជីវិត » ការអភិវឌ្ឍផ្ទាល់ខ្លួន ៖ សៀវភៅណែនាំកុមារ
យោបល់នានាសម្រាប់ការរីកចម្រើននៅគ្រប់ស្ថានភាពនៃជីវិតរបស់អ្នក
នៅទំព័រខាងក្រោម មានគំនិតអំពីរបៀបដែលប្អូនៗអាចធ្វើតាមព្រះអង្គសង្គ្រោះ និងគំនិតសម្រាប់ការរីកចម្រើននៅគ្រប់ស្ថានភាពនៃជីវិតរបស់ប្អូនៗ ។ អ្នកមិនចាំបាច់ប្រើគំនិតទាំងអស់នេះក៏បាន— គំនិតប្រសើរបំផុត អាចជាគំនិតរបស់ប្អូនៗផ្ទាល់ ! សូមអធិស្ឋានអំពីអ្វីដែលប្អូនៗអាចធ្វើក្នុងពេលនេះ ។
អ្នកអាចស្វែងរកគំនិតបន្ថែមទៀតនៅគេហទំព័រ ChildrenandYouth.ChurchofJesusChrist.org ។
គំនិតសម្រាប់ការរីកចម្រើនខាងវិញ្ញាណ
តើប្អូនៗមានគំនិតអ្វីខ្លះ?
អានព្រះគម្ពីរមរមនជារៀងរាល់ថ្ងៃ ។
សូមធ្វើឲ្យក្លាយជាទម្លាប់នៃការអានរាល់ថ្ងៃ ទោះបីតែពីរបីខក្តី ។
ការរៀបចំខ្លួនចូលព្រះវិហារបរិសុទ្ធ
រៀន និងរស់នៅតាម « បទដ្ឋានដំណឹងល្អរបស់ខ្ញុំ » ( ទំព័រ ៦៣ ) ហើយអញ្ជើញអ្នកដទៃឲ្យធ្វើដូចគ្នា ។
រៀនមាត្រានៃសេចក្ដីជំនឿ
ទន្ទេញមាត្រានៃសេចក្ដីជំនឿ ( ទំព័រ ៦២ ) ហើយសិក្សាតើវាមានន័យដូចម្តេច ។
កែលម្អរការអធិស្ឋានរបស់ប្អូនៗ
មុនពេលអ្នកអធិស្ឋាន សូមគិតអំពីអ្វីដែលអ្នកមានអំណរគុណចំពោះ និងអ្វីដែលអ្នកត្រូវការជំនួយ ។
អរគុណព្រះវរបិតាសួគ៏ សម្រាប់ពរជ័យរបស់អ្នក
សូមសរសេរបីចំណុចដែលអ្នកមានអំណរគុណ ។ សូមព្យាយាមសរសេរបីចំណុចដែលថ្មីរាល់ថ្ងៃ ។
សូមរក្សាថ្ងៃឈប់សម្រាកឲ្យបានបរិសុទ្ធ
សូមសម្រេចចិត្តពីអ្វីដែលអ្នកចាប់ផ្តើមធ្វើ ឬនឹងឈប់ធ្វើ ដើម្បីរក្សាថ្ងៃឈប់សម្រាកឲ្យបានបរិសុទ្ធ ។
ការបម្រើនរណាម្នាក់
រកមើលឱកាសដើម្បីជួយនរណាម្នាក់នៅក្នុងក្រុមគ្រួសាររបស់ប្អូនៗ នៅសាលារៀន ឬនៅសាសនាចក្រ ។
ធ្វើកិច្ចការពង្សប្រវត្តិ
សូមសរសេរសំបុត្រទៅជីដូនជីតា ពូ ឬមីង សូមឲ្យពួកគេប្រាប់អ្នកអំពីរឿងរ៉ាវនានា នៅពេលពួកគេអាយុស្របាលប្អូនៗ ។
ចែកចាយដំណឹងល្អ
និយាយជាមួយមិត្តភក្តិអំពីដំណឹងល្អ ។ សូមអញ្ជើញមិត្តរបស់ប្អូនទៅសាសនាចក្រ ឬសកម្មភាពមួយ ។
បង្រៀនដំណឹងល្អ
សូមបង្រៀនរឿងក្នុងព្រះគម្ពីរដែលប្អូនៗពេញចិត្ត ដល់គ្រួសាររបស់ប្អូនៗ ។ ធ្វើសកម្មភាព ឬគូររូបដើម្បីជួយប្អូនៗបង្រៀន ។
ច្រៀងចម្រៀងកុមារមួយបទ
ច្រៀងជាមួយសមាជិកគ្រួសារ ។ សូមកត់ចំណាំថា តើការស្តាប់តន្រ្តីល្អៗ ជួយអ្នកឲ្យមានអារម្មណ៏បែបណា ។
គំនិតសម្រាប់ការរីកចម្រើនខាងសង្គម
តើប្អូនៗមានគំនិតអ្វីខ្លះ?
ការរៀនសូត្រអំពីក្រុមគ្រួសារ
សូមអាន « ក្រុមគ្រួសារ ៖ ការប្រកាសដល់ពិភពលោក » ហើយនិយាយជាមួយ ឳពុកម្តាយរបស់ប្អូនៗ អំពីអ្វីដែលប្អូនៗបានរៀនសូត្រ ។
បង្ហាញសេចក្តីស្រឡាញ់ចំពោះគ្រួសាររបស់ប្អូនៗ
សូមធ្វើអ្វីមួយដែលល្អសម្រាប់មនុស្សក្នុងគ្រួសាររបស់ប្អូនៗ ។
បញ្ចូលមនុស្សដទៃ
ស្វែងរកឱកាសដើម្បីចំណាយពេលជាមួយ ឬបម្រើនរណាម្នាក់ដែលមានអារម្មណ៏ឯកោ ឬអាចនឹងត្រូវការ មិត្តភាពរបស់អ្នក ។
សូមរៀនសូត្រអំពីវប្បធម៏ផ្សេងៗ
សូមអានអំពីវប្បធម៌ផ្សេងៗ និយាយជាមួយមនុស្សមកពីប្រទេសផ្សេងៗ ឬទៅចូលរួមពិធីខាងវប្បធម៌ ដែលនៅជិតប្អូនៗ ។
សូមបម្រើអ្នកជិតខាងរបស់ប្អូនៗ
ជាមួយឳពុកម្តាយឬថ្នាក់ដឹកនាំរបស់ប្អូនៗ ចូរធ្វើអ្វីមួយនៅក្នុងសហគមន៏របស់ប្អូនៗ ដើម្បីជួយអ្នកដែលត្រូវការ ។
រៀនដើម្បីសុំទោស និងអភ័យទោស
សូមធ្វើសកម្មភាពត្រាប់តាមនរណាម្នាក់ដែលត្រូវការការសុំទោស ឬការអភ័យទោស ។ អនុវត្តពីរបៀបក្នុងការចែកចាយអារម្មណ៏ និងការឆ្លើយតបរបស់ប្អូន ។
រៀនសូត្រអំពីសហគមន៏របស់ប្អូន
មកទស្សនាស្ថាននីយ៏ប៉ូលីស ស្ថាននីយ៏អគ្គីភ័យ ឬសេវាកម្មសហគមន៏ផ្សេងៗទៀត ។ ចូលរៀនអំពីអ្វីដែលពួកគេធ្វើ ហើយអរគុណពួកគេ សម្រាប់ការបម្រើរបស់ពួកគេ ។
បង្កើតមិត្តភក្តិថ្មី
ណែនាំខ្លួនប្អូនទៅកាន់មិត្តថ្មីម្នាក់ និងអញ្ជើញម្នាក់នោះឲ្យលេងជាមួយប្អូន ។
សូមនិយាយពាក្យពិរោះពិសារ
ហាត់ប្រើប្រាស់តែពាក្យសម្ដីណាដែលធ្វើឲ្យនរណាម្នាក់សប្បាយចិត្ត ឬមិនមែនក្រៀមក្រំទេ ។ និយាយអំពីអ្វីដែលប្អូន អាចនិយាយប្រសិនបើនរណាម្នាក់និយាយពាក្យមិនល្អដាក់ប្អូន ។
គ្រប់គ្រងកំហឹងរបស់អ្នក
ហាត់ធ្វើអារម្មណ៏ឲ្យស្ងប់ ពេលប្អូនខឹង ។ ឧទាហរណ៏ ដកដង្ហើមធំ រាប់ដល់ ១០ ឬគិតស្រមៃថា ប្អូនកំពុងនៅកន្លែងដែលប្អូនពេញចិត្ត ។
ស្វាគមន៏អ្នកដទៃ
ណែនាំខ្លួនប្អូនទៅកាន់មិត្តថ្មីម្នាក់ នៅក្នុងសាលារបស់ប្អូន អ្នកជិតខាង វួដ ឬ សាខា ។ ជួយឲ្យមនុស្សម្នាក់នេះជួបជាមួយអ្នកផ្សេងទៀត ។
គំនិតសម្រាប់ការរីកចម្រើនខាងរូបកាយ
តើប្អូនៗមានគំនិតអ្វីខ្លះ?
រៀនធ្វើម្ហូប
ជួយរៀបចំអាហារ ឬអាហារសម្រន់មួយពេលដែលមានផាសុខភាព ។ ចែកចាយវាជាមួយនឹងគ្រួសារ ឬមិត្តភក្ដិរបស់ ប្អូន ។
ធ្វើឲ្យរាងកាយរបស់អ្នករឹងមាំ
ធ្វើលំហាត់ប្រាណជាទៀងទាត់ដើម្បីធ្វើចលនា ដូចជាកីឡា រាំ លំហាត់ប្រាណ ឬលេងខាងក្រៅ ។
បង្ហាញការគោរពដល់រូបកាយរបស់ប្អូន
ថែទាំរូបកាយរបស់ប្អូន ឲ្យបានស្អាតរាល់ថ្ងៃ ។ ងូតទឹកជាទៀងទាត់ ។ ដុះធ្មេញ និងថែទាំសក់របស់អ្នករាល់ថ្ងៃ ។
ថែទាំផ្ទះរបស់ប្អូន
ធ្វើអ្វីម្យ៉ាងដែលជួយឲ្យផ្ទះឲ្យរបស់អ្នកស្អាត ជាកន្លែងគួរឲ្យចង់រស់នៅ ដូចជាបោះសំអាត តែងលម្អ ឬថែសួន ។
ថែរក្សាទ្រព្យសម្បត្តិផ្ទាល់ខ្លួនរបស់ប្អូនៗ
សូមឪពុកម្តាយឲ្យបង្រៀនប្អូន ពីរបៀបជួសជុល ឬថែទាំរបស់របរដែលអ្នកប្រើប្រាស់ ។
រៀនជំនាញសិល្បៈ
គូរគំនូ ផាត់ពណ៌ ហើយឲ្យវាទៅមនុស្សដែលប្អូនស្រឡាញ់ ។
រៀនជំនាញតន្រ្តីថ្មីៗ
រៀនច្រៀងចម្រៀង លេងឧបករណ៍តន្រ្តី ឬ ដឹកនាំតន្ត្រី ។ ស្ម័គ្រចិត្តចែកចាយជំនាញរបស់អ្នកនៅក្នុងរាត្រីជួបជុំក្រុមគ្រួសារ ឬសកម្មភាពផ្សេងៗ ។
គោរពតាមពាក្យសម្ដីនៃប្រាជ្ញាវាងវៃ ។
សូមអាន គោលលទ្ធិ និង សេចក្តីសញ្ញា ៨៩ដោយស្វែងរកពរជ័យដែលព្រះវរបិតាសួគ៌សន្យា ប្រសិនបើអ្នកគោរពតាមពាក្យសម្ដីនៃប្រាជ្ញាវាងវៃ ។ សម្រេចចិត្តពីរបៀបដែលប្អូនអាចរស់នៅតាមវាឲ្យបានកាន់តែប្រសើរ ។
រីករាយពេលដើរលេងខាងក្រៅ
ដើរ ឬឡើងភ្នំជាមួយគ្រួសារ ឬមិត្តភក្តិ ដើម្បីរុករកពិភពលោកជុំវិញប្អូន ។
ចែកចាយទេពកោសល្យរបស់ប្អូន
ចែករំលែកទេពកោសល្យរបស់ប្អូនជាមួយនរណាម្នាក់ដែលឯកកោ ។
ការរៀបចំសម្រាប់ភាពអាសន្ន
ដាក់ផែនការជាមួយឳពុកម្តាយ ឬថ្នាក់ដឹកនាំ នូវអ្វីដែលត្រូវធ្វើក្នុងពេលមានអាសន្ន ។
គំនិតសម្រាប់ការរីកចម្រើនផ្នែកបញ្ញា
តើប្អូនៗមានគំនិតអ្វីខ្លះ?
រៀនអំពីដង្វាយមួយភាគក្នុងដប់
រៀនពីមូលហេតុសំខាន់ដែលត្រូវបង់ដង្វាយមួយភាគក្នុងដប់ ។ បរិច្ចាគដប់ ភាគរយនៃប្រាក់ចំណូលរបស់ប្អូនដល់ព្រះអម្ចាស់ ។
អភិវឌ្ឍជំនាញអានរបស់ប្អូន
អានសៀវភៅអំពីប្រធានបទថ្មី ឬអានសៀវភៅដែលវែងជាងសៀវភៅដែលប្អូនធ្លាប់អាន ។
រៀនអំពីរបៀបធ្វើយ៉ាងណាឲ្យមានសុវត្ថិភាពនៅលើប្រព័ន្ធអ៊ីនធើណិត
បង្កើតបញ្ជីមួយអំពីច្បាប់របស់គ្រួសារប្អូន ក្នុងការប្រើប្រាស់អ៊ិនធើណិត ឬកម្មវិធីផ្សេងៗ ។
ប្អូនអាចរៀននូវអ្វីដែលថ្មី
ជ្រើសរើសអ្វីដែលប្អូនចាប់អារម្មណ៏ ហើយរៀនអ្វីគ្រប់យ៉ាងដែលអ្នកអាចអំពីវា ។
ចូលរួម ឬទស្សនាព្រឹត្តិការណ៍ខាងវប្បធម៌នានា
ទៅទស្សនាសារៈមន្ទីរ ឬព្រឹត្តិការខាងវប្បធម៌នៅក្នុងតំបន់របស់ប្អូន ។ និយាយជាមួយមិត្តភក្តិ ឬក្រុមគ្រួសារប្អូន អំពីអ្វីថ្មីៗដែលប្អូនបានរៀន ។
រៀនអំពីការងារផ្សេងៗ
ទៅលេងនរណាម្នាក់ដែលប្អូនស្គាល់នៅកន្លែងធ្វើការរបស់ពួកគេ ដើម្បីរៀនអំពីអ្វីដែលពួកគេធ្វើ និងរបៀបដែលកិច្ចការនោះដំណើរការ ។
រៀនអំពីមនុស្សដែលប្អូនកោតសសើរ
នេះអាចជាបុគ្គលម្នាក់ដែលប្អូនស្គាល់ ឬនរណាម្នាក់ដោយដកស្រង់ចេញពីប្រវត្តិសាស្រ្ត ឬចេញពីព្រះគម្ពីរ ។ សម្រេចចិត្តពីរបៀបដែលប្អូនអាចប្រែក្លាយដូចពួកគេ ។
រៀនអំពីរបៀបជ្រើសរើសត្រឹមត្រូវ
រាល់ការសម្រេចចិត្តទាំងអស់តែងមានផលវិបាក ដែលផលទាំងនោះគឺជាអ្វីដែលកើតឡើងមកជាលទ្ធផលមួយនៃអ្វីដែល ប្អូនបានធ្វើ ។ ចូរធ្វើបញ្ជីមួយនៃការជ្រើសរើសមួយចំនួន និងលទ្ធផលរបស់វា ។
អភិវឌ្ឍការចងចាំរបស់ប្អូន
ទន្ទេញខគម្ពីរមួយដែលចូលចិត្ត កំណាព្យ ឬចម្រៀង
រៀនភាសាថ្មីមួយ
រៀននិយាយពាក្យ សួស្តី និងពាក្យធម្មតាៗនៅក្នុងភាសាផ្សេងទៀត ។ ហាត់និយាយជាមួយនរណាម្នាក់ដែលនិយាយភាសានោះ ប្រសិនបើអាច ។
សរសេរដំណើររឿងមួយ
សូមសរសេររឿងមួយអំពីជីវិតរបស់ប្អូន ឬអំពីសមាជិកគ្រួសារ ។