Arritja e Suksesit në Shkollë: Mësimi 193

Mbajtja e Përgjegjësisë për të Mësuarit Tënd

Shmangia e Justifikimeve dhe Ndërmarrja e Veprimeve për t’u Arsimuar

Kur detyrat e shkollës bëhen të vështira, ne ndonjëherë nxjerrim justifikime dhe shmangim ndërmarrjen e veprimeve. Ndërsa ndjekim shembullin e Shpëtimtarit dhe mbajmë përgjegjësi për të mësuarit tonë, ne do të rritemi në urtësi si Ai (shih te Lluka 2:52). Ky mësim mund t’i ndihmojë nxënësit të përcaktojnë veprimet që mund t’i ndihmojnë ata të mbajnë përgjegjësi për të mësuarit e tyre.

Përgatitja e nxënësve: Ftojini nxënësit të mendojnë rreth përpjekjeve të tyre arsimore me pyetjet vijuese:

Veprimtari të Mundshme të të Mësuarit

Përgjegjësia për të mësuarit tonë

Ftojini nxënësit të krijojnë një skenar rreth një adoleshenti/eje dhe një vendimi të keq që mori ai ose ajo në lidhje me detyrat e shkollës. Për shembull, adoleshenti/ja nuk studioi për një provim, arriti vonë në klasë, mungoi në një detyrë të rëndësishme ose nuk dorëzoi një ese. Mund të vini një nxënës të vizatojë një figurë njeriu në tabelë, t’i vërë adoleshentit/es një emër dhe ta shkruajë vendimin e keq të tij ose saj poshtë figurës së njeriut.

Mund të shkruani më pas Justifikimet mbi figurën e njeriut. Merreni parasysh t’i ftoni nxënësit t’i shkruajnë përgjigjet e tyre për pyetjet vijuese përreth figurës së njeriut në tabelë.

• Cilat janë disa justifikime që mund të nxjerrë një adoleshent/e për këtë vendim të keq?

• Pse mendon se ne nxjerrim ndonjëherë justifikime për këto lloj zgjedhjesh?

Presidenti Rasëll M. Nelson dhe Plaku D. Tod Kristoferson, i Kuorumit të Dymbëdhjetë Apostujve, dhanë mësim të vërteta të rëndësishme që janë të dobishme për t’u mbajtur mend kur mund të tundohemi të nxjerrim justifikime për zgjedhjet e këqija në shkollë.

“Arsimimin e keni ju në dorë ta merrni. Askush tjetër nuk mund ta marrë atë në vendin tuaj. Kudo që të jeni, zhvilloni një dëshirë të thellë për të mësuar. Për ne si shenjtorë të ditëve të mëvonshme, marrja e një arsimimi nuk është thjesht një privilegj, ajo është një përgjegjësi fetare.” (“Will You Choose to Increase in Learning?”, New Era, shtator 2014, f. 2)

“Në çështje si materiale ashtu edhe shpirtërore, mundësia për të mbajtur përgjegjësi vetjake është një dhuratë e dhënë nga Perëndia, pa të cilën ne nuk mund ta arrijmë potencialin tonë të plotë si bija dhe bij të Perëndisë.” (“Të Lirë Përgjithmonë, që të Veprojnë për Veten e Tyre”, Liahona, nëntor 2014, f. 18)

• Çfarë të bën përshtypje nga këto thënie?

• Përse është e rëndësishme të mbajmë përgjegjësi vetjake për të mësuarit tonë?

  Merreni parasysh t’i ndihmoni nxënësit ta dallojnë të vërtetën vijuese duke e shkruar atë pranë vizatimit në tabelë: Mbajtja e përgjegjësisë vetjake për të mësuarit tonë na ndihmon të kuptojmë potencialin tonë të plotë si bija dhe bij të Perëndisë.

• Cilat janë disa gjëra specifike që mund të bëjë një adoleshent për të mbajtur përgjegjësinë për të mësuarit e tij?

• Si mund të na ndihmojë mbajtja e përgjegjësisë vetjake për të mësuarit tonë që të bëhemi më shumë si Shpëtimtari?

Ndërsa nxënësit u përgjigjen pyetjeve më lart, mund t’i ftoni ata të tregojnë cilësitë që dëftoi Jezu Krishti ndërsa mori përgjegjësi në shërbesën dhe misionin e Tij (të tilla si zelli, përulësia dhe dashuria).

Ndalu një çast të mendosh për mënyrën se si zhvillimi i cilësive si të Krishtit mund të të ndihmojë t’i kapërcesh justifikimet dhe të mbash përgjegjësi për të mësuarit tënd. Mbaj vesh për nxitje nga Fryma e Shenjtë që mund të të ndihmojnë të përcaktosh cilësitë që mund të zhvillosh ose veprimet që mund të ndërmarrësh për të qenë përgjegjës për detyrat e tua të shkollës.

Shembuj nga shkrimet e shenjta të mbajtjes së përgjegjësisë

Për t’i ndihmuar nxënësit të zbulojnë të vërteta rreth të qenit të përgjegjshëm për të mësuarit e tyre, mund t’i ftoni ata të plotësojnë fletushkën “Mbajtja e Përgjegjësisë”. Ftojini nxënësit të marrin parasysh mënyrën se si historitë në fletushkë mund të gjejnë zbatim tek ata. Mund t’i organizoni nxënësit në grupe të vogla dhe t’i ftoni disa prej tyre në secilin grup të lexojnë dhe t’u përgjigjen pyetjeve për historinë e Davidit ndërkohë që të tjerët studiojnë shëmbëlltyrën e talentave.

Shënim: Pjesa e fundit e fletushkës do të përdoret më vonë në mësim.

Pas një kohe të mjaftueshme, ftojini nxënësit t’ia tregojnë klasës atë që mësuan.

Kapërcimi i justifikimeve për të mbajtur përgjegjësi për të mësuarit

Për t’i ndihmuar nxënësit të përgatiten për të parë jetën e tyre dhe për t’i kapërcyer justifikimet që mund të nxjerrin, mund të jetë e dobishme të bëni veprimtarinë vijuese si klasë.

Mendo për adoleshentin/en nga fillimi i orës mësimore. Reflekto mbi atë që ke mësuar nga shkrimet e shenjta dhe përvoja vetjake rreth mbajtjes së përgjegjësisë për të mësuarit tënd. Ndihmoje këtë adoleshent/e duke sugjeruar cilësi dhe veprime si të Krishtit që tregojnë një gatishmëri për të mbajtur përgjegjësi për të mësuarit që trajton justifikimet në tabelë.

Para se të fillojnë, mund të jetë e dobishme t’u jepni një shembull nxënësve. Një justifikim për mbërritjen vonë mund të jetë: “Mami nuk më zgjoi në orar”. Nxënësit mund të sugjerojnë: “Unë do të jem i përgjegjshëm si Shpëtimtari dhe do të vendos zilen për t’u siguruar që të arrij në shkollë në orar”. Mund t’i shkruani sugjerimet e nxënësve afër çdo justifikimi.

• Si mund të na ndihmojë Shpëtimtari në përpjekjet tona për të mbajtur përgjegjësi për të mësuarit tonë?

Merreni parasysh t’i ftoni nxënësit e gatshëm ta tregojnë atë që kanë bërë në jetën e tyre për të mbajtur përgjegjësi vetjake për të mësuarit e tyre. Ndërsa flasin, përgëzojini nxënësit për përpjekjet që po bëjnë.

Përgjegjësi për të mësuarit tim

Ftojini nxënësit të plotësojnë pjesën e fundit të fletushkës. Nëse doni, mund t’u tregoni atyre sa vijon ndërsa kërkojnë ndihmën e Zotit për të mbajtur përgjegjësi për të mësuarit e tyre.

Ndërsa kërkon zbulesë nga Ati Qiellor mbi mënyrën se si të përmirësohesh, Fryma e Shenjtë mund të të nxitë për ndryshimet e nevojshme. Ne gjithashtu mund të kujtojmë se nuk jemi të detyruar ta bëjmë gjithçka vetë; ne mund të kërkojmë ndihmën e Shpëtimtarit (shih tek Isaia 41:10).

Merreni parasysh t’i ftoni nxënësit e gatshëm të tregojnë atë që ndihen të nxitur të bëjnë. Mund të jepni një shembull nga jeta juaj të mbajtjes së përgjegjësisë për të mësuarit tuaj. Inkurajojini nxënësit ta marrin fletushkën e tyre në shtëpi për t’i ndihmuar ata ta kujtojnë atë që kanë ndier mbresën të bëjnë sot.

Burime Shtesë

Pse është e rëndësishme të mbajmë përgjegjësi vetjake?

Plaku Dejvid A. Bednar, i Kuorumit të Dymbëdhjetë Apostujve, dha mësim:

“Përgjegjësia jonë vetjake është të mësojmë atë që duhet të mësojmë, të jetojmë ashtu sikurse e dimë se duhet të jetojmë dhe të bëhemi ata që Mësuesi do të donte të bëheshim”. (“Të Përgatitur për të Fituar Çdo Gjë të Nevojshme”, Liahona, maj 2019, f. 102)

Presidenti Xhejms E. Faust (1920–2007), i Presidencës së Parë, dha mësim:

“Në shoqërinë tonë sot unë shoh shumë njerëz që fajësojnë të tjerët për dështimet e tyre. Kam vërejtur se ata që e pranojnë përgjegjësinë vetjake për veprimet e tyre, janë më të suksesshëm sesa ata që fajësojnë dikë tjetër për të metat dhe mosarritjet e tyre.” (“Your Light – a Standard to All Nations”, Liahona, maj 2006, f. 112–113)

Plaku Lin G. Robins, i Të Shtatëdhjetëve, dha mësim:

“Të jeni 100 përqind përgjegjës do të thotë ta pranoni veten si personi që ka kontrollin e jetës suaj. Nëse të tjerët janë fajtorë dhe është e nevojshme të ndryshojmë para se të bëhet përparim i mëtejshëm, atëherë jeni në mëshirën e tyre dhe ata kanë kontrollin e rezultateve pozitive ose rezultateve të dëshiruara në jetën tuaj. Liria e zgjedhjes dhe përgjegjësia janë të lidhura pazgjidhshmërisht. Nuk mund ta shmangni përgjegjësinë pa pakësuar gjithashtu lirinë e zgjedhjes.” (“Be 100 Percent Responsible” [takim shpirtëror në Universitetin “Brigam Jang” 22 gusht 2017], f. 11, speeches.byu.edu)

Veprimtari Plotësuese të të Mësuarit

Sauli dhe Nehemia

Një mënyrë për t’i ndihmuar nxënësit të mësojnë nga shkrimet e shenjta është të krahasoni dy histori nga shkrimet e shenjta. Veprimtaria vijuese mund të përdoret në mësim para se nxënësit të studiojnë shkrimet e shenjta në fletushkë. Mund t’i organizoni nxënësit në dyshe dhe t’i caktoni secilit partner një nga referencat vijuese të shkrimit të shenjtë:

1 Samuelit 15:1–3, 9, 13–14, 20–21

Nehemias 6:1–4, 15–16

Ftojini nxënësit t’i studiojnë vargjet e tyre duke kërkuar mënyrën se si individi mori përgjegjësi vetjake (Nehemia) ose nxori justifikime për veprimet e tij (Sauli). Një mënyrë se si nxënësit mund t’i organizojnë mendimet e tyre është të përdorin fletushkën vijuese:

Nxënësit mund ta emërtojnë rrethin e majtë Sauli dhe rrethin e djathtë Nehemia. Ata mund të renditin ndryshimet në rrathët individualë dhe të renditin ngjashmëritë aty ku mbivendosen rrathët.

Përgjegjësi për të mësuarit tim

Për t’i ndihmuar nxënësit të reflektojnë mbi veprimet dhe qëndrimet që mund t’i ndihmojnë të mbajnë përgjegjësinë për të mësuarit e tyre, mund të siguroni një pjesë ose të gjithë tabelën vijuese:

Justifikimi	Mbajtja e Përgjegjësisë
Nuk e dorëzova detyrën time për shkak se nuk e kuptoj se si ta bëj atë.	Bëra aq sa dija të bëja. Do të kërkoj ndihmë për gjërat që nuk i kuptoj.
Nuk studiova për provimin tim për shkak se po shpenzoja kohë me shokët e mi.	Do të zgjedh të studioj para se të shpenzoj kohë me shokët e mi.
Mamaja ime harroi të më zgjonte dhe unë u bëra vonë për shkollë.	Unë mund të vendos zilen për t’u zgjuar që të shkoj në shkollë në orar.

Mund t’i ftoni nxënësit të shtojnë skenarë të tjerë në tabelë dhe të diskutojnë mënyrën se si këto justifikime mund të korrigjohen duke mbajtur përgjegjësi. Në ditarin e studimit, nxënësit mund të plotësojnë nxitjet vijuese për t’i ndihmuar ata të bëjnë një plan për të qenë më të përgjegjshëm.

Një justifikim që kam përdorur për të shmangur përgjegjësinë time për detyrat e shkollës, është .

Një veprim më i përgjegjshëm që mund të provoj, është .

100 përqind përgjegjës

Para se nxënësit të mendojnë për skenarët arsimorë përkatës dhe justifikimet e mundshme ose veprimet që mund të ndërmarrin adoleshentët, mund të shfaqni “Inspiring Short: 100 Percent Responsible” [“Film i Shkurtër Frymëzues: 100 Përqind Përgjegjës”] (3:22). Në këtë material filmik, Plaku Lin G. Robins, i Të Shtatëdhjetëve, tregoi një histori të mënyrës se si dy punonjës magazine i kapërcyen justifikimet e tyre dhe mbajtën përgjegjësinë për punën e tyre. Pasi të shohin materialin filmik, nxënësit mund të përcaktojnë situatat arsimore në të cilat mund të jetë e lehtë të nxjerrin justifikime. Më pas, ata mund të përcaktojnë veprimet që mund t’i kapërcejnë ato justifikime.