Hageo 1–2; Zacarias 1–4; 10–14

Hageo 1–2; Zacarias 1–4; 10–14

Kinatibuk-ang Pagpasabot

Nanagna ang mga propetang sila si Hageo ug Zacarias ngadto sa mga Judeo nga nakabalik sa Jerusalem aron motabang sa pagtukod pag-usab sa templo. Nakasinati ang mga Hudiyo og pagsupak sa pagtukod sa templo ug gihunong kini. Gidapit ni Hageo ang katawhan nga hunahunaon ang ilang mga pamaagi ug himoong prayoridad ang pagtukod sa templo. Iyang gisulti ang mga saad sa Ginoo kon himoon nila kini. Gisulti ni Zacarias ang pagdapit sa Ginoo nga maghinulsol ug modangop Kaniya. Gipanangna usab ni Zacarias ang Ikaduhang Pag-anhi sa Manluluwas. Iyang gihulagway ang kataposang dakong gubat sa Jerusalem ug kon sa unsang paagi luwason sa Mesiyas ang Iyang katawhan sa pakigsaad.

Tabangi ang mga tigkat-on sa pag-ila sa gugma, gahom, ug kaluoy sa Ginoo diha sa ilang kinabuhi. Ang mga estudyante konahanglan nga mobuhat og mas labaw pa kay sa pagkasayod lang sa gugma, gahom, ug kaluoy ni Jesukristo, kinahanglan nila ning masinati mismo. Aron makakat-on pa og dugang kon unsaon nimo ni paghimo, tan-awa ang “Tabangi ang mga Estudyante sa Pag-ila sa Gugma, Gahom, ug Kaluoy sa Ginoo diha sa Ilang mga Kinabuhi” (Pagtudlo Sumala sa Pamaagi sa Manluluwas [2022], 8). Para sa ehemplo kon unsaon nimo pagtabang ang mga tigkat-on nga mailhan ang gugma, gahom, ug kaluoy sa Ginoo, tan-awa ang Leksiyon 157: “Zacarias 10–14.”

Pangandam sa pagtudlo

Ang mosunod nga impormasyon maghatag nimo og mga ideya kon unsa ang kinahanglan nimong andamon daan alang sa matag leksiyon.

Hageo

Katuyoan sa leksiyon: Aron matabangan ang mga estudyante nga unahon ang Dios diha sa ilang kinabuhi.

• Pagpangandam sa estudyante: Dapita ang mga estudyante sa paghimo og listahan sa mga butang nga sagad nilang gihimo sa usa ka adlaw. Pwedeng butangan og label sa mga estudyante ang mga butang nga para nila labing importante ug pamalandongan kon nganong importante ang maong mga butang para nila. Pwede nilang dalhon sa klase ang ilang mga listahan.

• Mga aytem: Garapon nga makita ang sulod, gagmayng bato, ug balas; permanent marker nga isulat sa mga bato

• Mga bidyo: “Ang Sinserong Tinguha sa Kalag” (3:28); “Isul-ob ang Imong Kusog, O Zion” (13:56) gikan sa time code 11:27 hangtod 12:06

• Sulod nga ipakita: Pamahayag gikan kang Elder Bednar

• Hulagway: Drowing sa usa ka garapon nga naay tapad nga balas

Zacarias 1–8

Katuyoan sa leksiyon: Aron tabangan ang mga estudyante nga masabtan mga paagi kon unsaon pagdangop ngadto sa Ginoo.

• Pagpangandam sa estudyante: Dapita ang mga estudyante nga pamalandongon kon unsay ilang isulti sa usa ka higala nga mibati nga layo sa gugma gikan sa Ginoo. Pwede nga mangandam ang mga estudyante sa pagpakigbahin sa ilang tambag ngadto sa klase. Pwede nga pangutan-on sa mga estudyante ang sinaligang higala o ginikanan kon unsay ilang ikatambag sa ingon niini nga situwasyon.

• Hulagway: Usa ka hulagway sa Manluluwas

• Handout: “Makadangop Ta sa Ginoo Pinaagi sa …”

Zacarias 10–14

Katuyoan sa leksiyon: Aron tabangan ang mga estudyante nga mosalig nga ubanan sila sa Manluluwas panahon sa mga panghitabo sa dili pa ang Ikaduhang Pag-anhi.

• Pagpangandam sa estudyante: Dapita ang mga estudyante nga basahon ang “Ikaduhang Pag-anhi ni Jesukristo” diha sa Mga Hilisgutan ug mga Pangutana (Librarya sa Ebanghelyo). Dasiga sila sa pagsulod sa klase nga andam sa pagpakigbahin sa ilang nakat-onan o sa ilang mga pangutana.

• Hulagway: Hulagway sa Ikaduhang Pag-anhi sa Manluluwas

• Handout: “Unsay Himoon sa Manluluwas Para sa …”

• Bidyo: “Dali, O Hari sa mga Hari” (3:43)