« ពួកចៅហ្វាយ ២–៤ ៖ ការងាកទៅរកព្រះអម្ចាស់ដើម្បីទទួលបានការជួយសង្រ្គោះ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៦ )
« ពួកចៅហ្វាយ ២–៤ ៖ ការងាកទៅរកព្រះអម្ចាស់ដើម្បីទទួលបានការជួយសង្រ្គោះ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា
ពួកចៅហ្វាយ ២–៤; ៦–៨; ១៣–១៦ ៖ មេរៀនទី ៦៥
ពួកចៅហ្វាយ ២–៤
ការងាកទៅរកព្រះអម្ចាស់ដើម្បីទទួលបានការជួយសង្រ្គោះ
បន្ទាប់ពីសាសន៏អ៊ីស្រាអែលចូលទៅក្នុងដែនដីសន្យាហើយ ពួកគេបានជ្រើសរើសមិនគោរពតាមបទបញ្ញត្តិរបស់ព្រះអម្ចាស់ ក្នុងការបណ្ដេញជនទុច្ចរិតទាំងអស់ចេញ ។ ជាលទ្ធផល ពួកសាសន៏អ៊ីស្រាអែលជាច្រើននាក់បានទទួលយកការប្រព្រឹត្តទុច្ចរិតរបស់ប្រជាជនទាំងនេះ ហើយបានបាត់បង់ការការពាររបស់ព្រះអម្ចាស់ ។ ទោះជាយ៉ាងណាក៏ដោយ រាល់ពេលដែលពួកសាសន៏អ៊ីស្រាអែលបានអំពាវនាវរកព្រះអម្ចាស់ដើម្បីទទួលបានការរំដោះ ទ្រង់ « ក៏តាំងឲ្យមានអ្នកជួយសង្គ្រោះម្នាក់ » ដល់ពួកគេ ( ពួកចៅហ្វាយ ៣:៩ ) ។ មេរៀននេះអាចជួយសិស្សឲ្យយល់ពីតួនាទីរបស់ព្រះអង្គសង្គ្រោះជាព្រះជួយសង្រ្គោះរបស់យើង ។
ការរៀបចំសិស្ស ៖ សូមអញ្ជើញសិស្សឲ្យគិតអំពីពេលវេលាមួយដែលព្រះអង្គសង្គ្រោះបានរំដោះ ( បានសង្គ្រោះ ឬដោះលែង ) នរណាម្នាក់នៅក្នុងបទគម្ពីរ នរណាម្នាក់ដែលពួកគេស្គាល់ ឬខ្លួនពួកគេផ្ទាល់ ។ សិស្សអាចសម្គាល់ពីអ្វីដែលបុគ្គលម្នាក់ ឬបុគ្គលជាច្រើននាក់បានធ្វើដើម្បីឈោងទៅរកព្រះអង្គសង្គ្រោះដើម្បីទទួលបានការរំដោះ ។
សកម្មភាពរៀនសូត្រដែលអាចមាន
គំរូទាំងឡាយ
ដើម្បីត្រៀមរៀបចំសិស្សដើម្បីរៀនអំពីគំរូខាងវិញ្ញាណដែលមានក្នុងគម្ពីរពួកចៅហ្វាយ សូមពិចារណាបង្ហាញគំរូលេខខាងក្រោម ។ សូមអញ្ជើញសិស្សក្រុមតូចៗឲ្យបំពេញលេខដែលបាត់ ។
រកលេខពីរបន្ទាប់ក្នុងលំដាប់នីមួយៗខាងក្រោម ៖
ក. ២, ៤, ៦, ៨, ១០, ១២, ,
ខ. ១, ៣, ៧, ១៣, ២១, ៣១, ,
គ. ១, ៤, ៣, ៦, ៥, ៨, ៧, ,
ឃ. ១០, ១១, ៦, ៨, ៤, ៧, ៤, ,
បើសិស្សត្រូវការជំនួយ អ្នកអាចចែកចាយគំរូខាងក្រោមនេះបាន ។
ក ៖ +២
ខ ៖ +២, +៤, +៦ និងលេខបន្តបន្ទាប់
គ ៖ +៣, −១, +៣, −១
ឃ ៖ +១, −៥, +២, −៤, +៣, −៣ និងលេខបន្តបន្ទាប់
-
តើស្ថានភាពអ្វីខ្លះនៅក្នុងជីវិតរបស់យើង នៅពេលដែលវាអាចមានប្រយោជន៍ក្នុងការស្វែងរកគំរូ ?
-
ហេតុអ្វីវាសំខាន់ក្នុងការទទួលស្គាល់គំរូខាងវិញ្ញាណក្នុងជីវិតរបស់យើង ?
ថ្ងៃនេះ នៅពេលអ្នកសិក្សាគំរូខាងវិញ្ញាណដែលពួកសាសន៏អ៊ីស្រាអែលបានឆ្លងកាត់នៅក្នុងគម្ពីរពួកចៅហ្វាយ សូមគិតអំពីរបៀបដែលវាអាចអនុវត្តចំពោះជីវិតរបស់អ្នក ។ សូមយាងអញ្ជើញព្រះវិញ្ញាណបរិសុទ្ធឲ្យបង្រៀនអ្នកបន្ថែមទៀតអំពីព្រះវរបិតាសួគ៌ និងព្រះយេស៊ូវគ្រីស្ទ នៅពេលអ្នកសិក្សាគំរូនេះ ។
វដ្ដនៃអំពើបាប និងការជួយសង្រ្គោះ
ពេលពួកសាសន៏អ៊ីស្រាអែលចូលទៅក្នុងដែនដីសន្យា ព្រះអម្ចាស់បានបញ្ជាពួកគេឲ្យបណ្ដេញជនទុច្ចរិតចេញ ( សូមមើល ចោទិយកថា ៧:១–៤ ) ។ ពួកសាសន៏អ៊ីស្រាអែលជាច្រើនបានជ្រើសរើសមិនគោរពតាមបទបញ្ញត្តិនេះឲ្យបានពេញលេញនោះទេ ។ ពួកគេបានអនុញ្ញាតឲ្យជនទុច្ចរិតមួយចំនួននៅបន្តរស់នៅ ( សូមមើល ពួកចៅហ្វាយ ១:២១, ២៧–២៨ ) ។ នៅក្នុង ពួកចៅហ្វាយ ២–៤ យើងរៀនអំពីគំរូខាងវិញ្ញាណ ឬវដ្ដមួយ ដែលពួកសាសន៏អ៊ីស្រាអែលបានឆ្លងកាត់ ដោយសារពួកគេបានបរាជ័យម្តងហើយម្តងទៀតក្នុងការដើរតាមព្រះវរបិតាសួគ៌ និងព្រះយេស៊ូវគ្រីស្ទ ។
សូមពិចារណាបង្ហាញវដ្ដខាងក្រោមនេះនៅលើក្ដារខៀន ។ សូមអញ្ជើញសិស្សឲ្យចម្លងវដ្ដនេះដាក់នៅក្នុងសៀវភៅកំណត់ហេតុការសិក្សារបស់ពួកគេ ។
សូមអញ្ជើញសិស្សឲ្យសិក្សាខគម្ពីរខាងក្រោមជាមួយនឹងដៃគូ ឬក្រុមតូច ដោយរកមើលគំរូនៃឥរិយាបថដែលបានកើតឡើងក្នុងចំណោមពួកសាសន៏អ៊ីស្រាអែល ។ សិស្សអាចសង្ខេបបណ្ដុំខគម្ពីរនីមួយៗដោយប្រើពាក្យ ឬឃ្លាមួយ ។ បន្ទាប់មក ពួកគេអាចសរសេរពាក្យ ឬឃ្លានោះក្នុងប្រអប់ដែលត្រឹមត្រូវនៅលើដ្យាក្រាមរបស់ពួកគេ ។
១. ពួកចៅហ្វាយ ៣:៥–៧ ( ចំណាំ ៖ Baalim គឺជាទម្រង់ពហុវចនៈរបស់ព្រះបាល ដែលជាព្រះក្លែងក្លាយដែលត្រូវបានគេថ្វាយបង្គំនៅស្រុកកាណាន ។ ពាក្យ ព្រះអាសថារ៉ូត សំដៅទៅលើ « ដើមឈើមានជីវិត ឬបង្គោលដូចដើមឈើ ដែលតាំងជាវត្ថុថ្វាយបង្គំ » [ Bible Dictionary « Grove » ] ) ។
២. ពួកចៅហ្វាយ ៣:៨
៣. ពួកចៅហ្វាយ ៣:៩ ( ឃ្លាដំបូងនៃខគម្ពីរ )
៤. ពួកចៅហ្វាយ ៣:៩–១១
បន្ទាប់ពីសិស្សបានសិក្សាខគម្ពីរទាំងនេះហើយ សូមអញ្ជើញពួកគេឲ្យចែកចាយពាក្យ ឬឃ្លាដែលពួកគេបានបញ្ចូលនៅលើដ្យាក្រាមរបស់ពួកគេ ។ ប្រសិនបើចាំបាច់ អ្នកអាចផ្តល់យោបល់ខាងក្រោមសម្រាប់ប្រអប់នីមួយៗ ៖ ១. អំពើបាប ២. ផលវិបាក ៣. អំពាវនាវរកព្រះអម្ចាស់ ៤. ការជួយសង្រ្គោះតាមរយៈព្រះអម្ចាស់ ។ ដើម្បីជួយសិស្សកត់ត្រាវដ្តនេះនៅក្នុងខគម្ពីររបស់ពួកគេ អ្នកអាចអញ្ជើញពួកគេឲ្យសរសេរពាក្យ ឬឃ្លាពីប្រអប់នីមួយៗតាមបណ្ដុំខគម្ពីរនីមួយៗ ។
បន្ទាប់មក សូមដាក់បង្ហាញសេចក្តីណែនាំដូចខាងក្រោម ។ ផ្តល់ឲ្យសិស្សពីរបីនាទីដើម្បីសិក្សាសេចក្ដីយោងមួយចំនួន ឬទាំងអស់ ។
ដើម្បីមើលគំរូផ្សេងទៀតនៃវដ្តនេះនៅក្នុង ពួកចៅហ្វាយ ២–៤ សូមសិក្សាអំពីសេចក្ដីយោងមួយចំនួនដូចខាងក្រោមនេះ ។ នៅពេលអ្នកសម្គាល់ឃើញធាតុផ្សេងៗនៃវដ្ដ អ្នកអាចដាក់ស្លាកវានៅក្នុងព្រះគម្ពីររបស់អ្នក ។ ( ចំណាំ ៖ មិនមែនគ្រប់ធាតុនៃវដ្ដនឹងបង្ហាញនៅក្នុងគ្រប់ខគម្ពីរទាំងអស់នោះទេ ) ។
ពួកចៅហ្វាយ ២:១០–១៨
ពួកចៅហ្វាយ ៣:១២–១៥, ២៦–៣០
ពួកចៅហ្វាយ ៤:១–៤, ១៤–១៦
-
តើយើងអាចរៀនអ្វីខ្លះពីព្រះវរបិតាសួគ៌ និងព្រះយេស៊ូវគ្រីស្ទពីវដ្តនេះនៅក្នុង ពួកចៅហ្វាយ ២–៤ ?
នៅពេលសិស្សចែកចាយចម្លើយទៅនឹងសំណួរមុន សូមពិចារណាចង្អុលបង្ហាញពីការយល់ដឹងរបស់ពួកគេដែលបង្ហាញពីសេចក្ដីស្រឡាញ់ និងគុណលក្ខណៈរបស់ព្រះ ។ របៀបមួយដើម្បីធ្វើបែបនេះគឺធ្វើសេចក្តីថ្លែងការណ៍សាមញ្ញបន្ទាប់ពីសិស្សចែកចាយ ។ អ្នកអាចនិយាយថា « សូមអរគុណចំពោះការយល់ដឹងរបស់អ្នកអំពីលក្ខណៈដ៏មេត្តាករុណារបស់ព្រះយេស៊ូវគ្រីស្ទ » ឬ « ខ្ញុំមានអំណរគុណចំពោះការរំឭករបស់អ្នកអំពីព្រះចេស្ដាដែលព្រះអង្គសង្គ្រោះមានដើម្បីជួយសង្រ្គោះយើង » ឬ « ហេតុអ្វីបានជាវាសំខាន់ដើម្បីដឹងថា ព្រះវរបិតាសួគ៌ក៏មានគុណលក្ខណៈនោះដែរ ដែលអ្នកបានកត់សម្គាល់នៅក្នុងព្រះអង្គសង្គ្រោះ ? » ( សម្រាប់ការបំពាក់បំប៉នបន្ថែមអំពីការជួយសិស្សឲ្យមករកព្រះយេស៊ូវគ្រីស្ទ សូមមើល « ជួយសិស្សឲ្យពង្រឹងទំនាក់ទំនងរបស់ពួកគេជាមួយព្រះវរបិតាសួគ៌ និងព្រះយេស៊ូវគ្រីស្ទ » នៅក្នុង ជំនាញការអភិវឌ្ឍគ្រូបង្រៀន [ ឆ្នាំ២០២២ ] ទំព័រ ៩ ) ។
សេចក្តីពិតមួយចំនួនដែលសិស្សអាចរកឃើញអំពីព្រះអម្ចាស់នៅក្នុងវគ្គបទគម្ពីរទាំងនេះគឺ ៖
ប្រសិនបើយើងជ្រើសរើសបដិសេធព្រះអម្ចាស់ នោះយើងនឹងបាត់បង់ការណែនាំ និងការការពាររបស់ទ្រង់នៅក្នុងជីវិតរបស់យើង ។
នៅពេលយើងជ្រើសរើសងាកទៅរកព្រះអម្ចាស់ ហើយអំពាវនាវដល់ព្រះនាមទ្រង់ នោះទ្រង់នឹងជួយសង្រ្គោះយើង ។
-
តើអ្នកគិតថា ការយល់ពីសេចក្ដីពិតទាំងនេះអាចមានឥទ្ធិពលលើជីវិតរបស់អ្នកយ៉ាងដូចម្ដេច ?
ព្រះជួយសង្រ្គោះ
សូមពន្យល់ថា ព្រះបរមងារមួយរបស់ព្រះអង្គសង្គ្រោះគឺ ព្រះជួយង្រ្គោះ ( សូមមើល សាំយូអែល ទី២ ២២:២ ) ។ សិស្សអាចអាន និងប្រៀបធៀប ម៉ូសាយ ៧:៣៣ ទៅនឹង ពួកចៅហ្វាយ ៣:៩ ។ សូមឲ្យពួកគេចែកចាយពីរបៀបដែលបុគ្គលដែលបានជួយសង្រ្គោះពួកសាសន៏អ៊ីស្រាអែលនៅក្នុងព្រះគម្ពីរពួកចៅហ្វាយតំណាងឲ្យព្រះយេស៊ូវគ្រីស្ទ ។
ដើម្បីជួយសិស្សឲ្យផ្អាក និងប្រៀបធៀបអ្វីដែលពួកគេបានរៀនសូត្រទៅនឹងជីវិតរបស់ពួកគេផ្ទាល់ អ្នកអាចសរសេរ « ខ្ញុំ » នៅលើក្ដារខៀននៅចំកណ្តាលនៃវដ្ដនេះ ។ សូមអញ្ជើញសិស្សឲ្យជញ្ជឹងគិតពីកន្លែងដែលពួកគេអាចនឹងកំពុងស្ថិតក្នុងវដ្ដថ្មីៗនេះ ។ សូមឲ្យពួកគេគិតអំពីស្ថានភាពនៅក្នុងជីវិតរបស់ពួកគេដែលពួកគេត្រូវការការជួយសង្រ្គោះរបស់ព្រះអង្គសង្គ្រោះ ។
អែលឌើរ ខែល អេស ម៉ាកឃេ នៃពួកចិតសិបនាក់បានថ្លែងទីបន្ទាល់អំពីរបៀបដែលព្រះយេស៊ូវគ្រីស្ទជាព្រះជួយសង្រ្គោះដ៏អស្ចារ្យ ៖
ខ្ញុំសូមថ្លែងជាសាក្សីថា ព្រះយេស៊ូវគ្រីស្ទគឺជាព្រះជួយសង្រ្គោះដ៏មហិមា ហើយនៅក្នុងព្រះនាមរបស់ទ្រង់ ខ្ញុំសូមសន្យាថា នៅពេលអ្នកត្រឡប់ទៅកាន់ទ្រង់ដោយមានគោលបំណងពិតប្រាកដ និងអស់ពីចិត្ត នោះទ្រង់នឹងជួយសង្រ្គោះអ្នកចេញពីអ្វីៗដែលគម្រាមចង់ កាត់បន្ថយ ឬបំផ្លាញជីវិត ឬអំណររបស់អ្នកចោល ។ ( « The Immediate Goodness of God » លីអាហូណា ខែឧសភា ឆ្នាំ២០១៩ ទំព័រ ១០៧ )
-
តើអ្នកមានគំនិតអ្វីខ្លះ ឬមានអារម្មណ៍យ៉ាងណាដែរ ពេលអ្នកជញ្ជឹងគិតអំពីសេចក្ដីថ្លែងការណ៍នេះ ?
សូមពិចារណាផ្តល់ពេលដល់សិស្សដើម្បីធ្វើបញ្ជីនៅក្នុងសៀវភៅកំណត់ហេតុរបស់ពួកគេ ឬនៅលើក្ដារខៀននូវការគំរាមកំហែងណាមួយដែលអាច « កាត់បន្ថយ ឬបំផ្លាញជីវិត ឬអំណរ [ របស់ពួកគេ ] ចោល » ។ ប្រសិនបើមានប្រយោជន៍ សិស្សអាចសិក្សាអត្ថបទ « The Savior Can Deliver Us » ( ជេស៊ីកា ហ្ស៊ី ស្ត្រង ដើម្បីកម្លាំងនៃយុវជន ខែវិច្ឆិកា ឆ្នាំ២០២២ ទំព័រ ២–៤ ) ដើម្បីស្វែងរកឧទាហរណ៍ ។
នៅជាប់នឹងបញ្ជីដែលពួកគេបានបង្កើត សិស្សអាចសរសេរចម្លើយចំពោះសំណួរខាងក្រោម ។
-
តើរបៀបណាខ្លះដែលព្រះអង្គសង្គ្រោះអាចជួយសង្រ្គោះយើង នៅពេលយើងងាកទៅរកទ្រង់ ?
សូមជួយសិស្សស្វែងរករបៀបបន្ថែមដែលព្រះអង្គសង្គ្រោះអាចជួយសង្រ្គោះយើង នៅពេលយើងងាកទៅរកទ្រង់ ។ ពួកគេអាចគិតអំពីគំរូនៃការជួយសង្រ្គោះរបស់ព្រះអង្គសង្គ្រោះនៅក្នុងព្រះគម្ពីរ ជីវិតផ្ទាល់ខ្លួន ឬជីវិតរបស់បុគ្គលដែលពួកគេស្គាល់ ។ អ្នកអាចអញ្ជើញសិស្សឲ្យស្វែងរកបទគម្ពីរដែលបង្រៀនអំពីព្រះចេស្ដារបស់ព្រះអម្ចាស់ដើម្បីជួយសង្រ្គោះ ដូចជា អាលម៉ា ៣៦:២៧–២៩; ៣៨:៥ ។ ពួកគេក៏អាចអាន « 7 Ways the Lord Can Deliver You » ( ដេវីឌ អេ អេដវើឌ ដើម្បីកម្លាំងនៃយុវជន ខែមេសា ឆ្នាំ២០២២ ទំព័រ ១៨–២០ ) ។
សូមអញ្ជើញអ្នកស្ម័គ្រចិត្តឲ្យចែកចាយការយល់ដឹងរបស់ពួកគេ ។ អ្នកក៏អាចអញ្ជើញពួកគេឲ្យពន្យល់ពីរបៀបដែលការចងចាំគំរូទាំងនេះអាចជួយពួកគេពង្រឹងសេចក្ដីជំនឿ និងសេចក្តីទុកចិត្តរបស់ពួកគេលើព្រះអង្គសង្គ្រោះ ។
បង្ហាញការយល់ដឹង
ដើម្បីជួយសិស្សបង្ហាញការយល់ដឹងរបស់ពួកគេអំពីតួនាទីរបស់ព្រះអង្គសង្គ្រោះជាព្រះជួយសង្រ្គោះ សូមដាក់បង្ហាញសេចក្តីណែនាំដូចខាងក្រោម ។ សិស្សអាចបំពេញសកម្មភាពជាមួយដៃគូ ឬក្រុមតូចៗ ។
-
បង្កើតសាច់រឿងអំពីបុគ្គលវ័យក្មេងម្នាក់ដែលត្រូវការការជួយសង្រ្គោះរបស់ព្រះអង្គសង្គ្រោះពីស្ថានភាពជាក់លាក់មួយ ។
-
សូមសរសេរកថាខណ្ឌដែលសង្ខេបនូវអ្វីដែលអ្នកបានរៀនអំពីរបៀបដែលព្រះអង្គសង្គ្រោះអាចជួយសង្រ្គោះបុគ្គលរូបនេះ ។
សូមពិចារណាឲ្យសិស្សបញ្ចប់ជំហានទី ១ ហើយបន្ទាប់មកចែកចាយសាច់រឿងរបស់ពួកគេជាមួយនឹងដៃគូ ឬក្រុមផ្សេង ។ បន្ទាប់មក ពួកគេអាចបញ្ចប់ជំហានទី ២ ដើម្បីឆ្លើយតបទៅនឹងសាច់រឿងរបស់ក្រុមផ្សេងទៀត ។
អ្នកអាចបញ្ចប់មេរៀននេះដោយចែកចាយបទពិសោធន៍ ឬទីបន្ទាល់អំពីព្រះចេស្ដារបស់ព្រះអង្គសង្គ្រោះក្នុងការជួយសង្រ្គោះ ។