Exodo 1–6

Exodo 1–6

Kinatibuk-ang Pagpasabot

Human sa kamatayon ni Jose, ang mga Israelihanon nahimong mga ulipon sa mga Ehiptohanon. Gidungog sa Ginoo ang ilang mga pagtuaw ug gitawag si Moises sa pagluwas kanila. Misaad ang Dios nga palig-onon si Moises ug ihatag kaniya ang mga pulong nga angay niyang isulti.

Ang Manluluwas kanunay nga andam sa pagtubag sa mga panginahanglan sa mga tigkat-on. Ang imong mga estudyante moduol nimo gikan sa lainlaing mga background ug mga kahimtang. Ang pagpaningkamot nga mahatag ang mga panginahanglan sa imong mga estudyante makatabang nimo nga motudlo sama sa Manluluwas. Usa ka pananglitan kon unsaon kini sa paghimo makita diha sa Leksiyon 40: “Exodo 5–6.” Aron makakat-on og dugang bahin niini, tan-awa sa “Ang Manluluwas Kanunay nga Andam sa Pagtubag sa mga Panginahanglan sa Uban” (Pagtudlo Sumala sa Pamaagi sa Manluluwas [2022], 17).

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Exodo 1

Tumong sa leksiyon: Aron tabangan ang mga estudyante nga tinguhaon nga unahon ang Dios kay sa ubang mga pagpamugos.

• Pagpangandam sa estudyante: Ikonsiderar ang pagdapit sa mga estudyante nga mangutana sa sakop sa pamilya o higala kon sa unsang paagi nila nakita nga gipanalanginan sila sa Dios tungod sa pagsunod Kaniya imbes sa uban.

• Content nga ipakita: Ang mga pamahayag sa pagsukod sa kaugalingon sa sinugdanan sa leksiyon; mga pangutana nga tubagon sa mga estudyante diha sa ilang mga journal sa pagtuon sa kataposan sa leksiyon

• Bidyo: “Biya sa Parti” (6:26) o “Pagkahimong Maisogon, Pagkakusgan, ug Pagkaabtik” (10:35) gikan sa time code nga 1:20 hangtod 5:13

Exodo 2–4

Tumong sa leksiyon: Aron tabangan ang mga estudyante nga mas hingpit nga ikonektar diha sa ilang mga kinabuhi ang mga pulong sa Ginoo pinaagi sa Iyang mga propeta.

• Pagpangandam sa estudyante: Dapita ang mga estudyante nga rebyohon ang bag-ohay lang nga mga pagtulun-an gikan sa propeta. Dayon dapita sila nga hisgotan sa usa ka sakop sa pamilya o higala kon sa unsang paagi ang pagsunod sa mga pagtulun-an sa propeta nagpanalangin sa ilang kinabuhi.

• Mga bidyo: “Ang Propeta sa Dios” (16:04) gikan sa time code nga 9:25 hangtod 9:44; “Ang Masuso nga si Moises” (1:37); “Nganong naa Tay mga Propeta?” (1:37); “Paminawa ang Usa ka Propeta” (2:56) gikan sa time code nga 0:53 hangtod 2:56

• Sulod nga ipakita: Mga pamahayag sa pagsukod sa kaugalingon sa sinugdanan sa leksiyon

• Mga imahe: Ang masuso nga si Moises; si Moises ug ang nagdilaab nga sagbot; imahe sa Manluluwas

Exodo 5–6

Tumong sa leksiyon: Aron tabangan ang mga estudyante nga mailhan nga makadasig nila ang mga saad sa Ginoo sa pagbuhat sa Iyang kabubut-on, bisan unsa pay resulta nianang tungora.

• Pagpangandam sa estudyante: Dapita ang mga estudyante sa pagtambong sa klase nga andam sa pagpakigbahin sa ilang mga tubag sa mosunod nga pangutana: Ang pagsunod ba kang Jesukristo mas nakapasayon o nakapalisod sa imong kinabuhi?

• Bidyo: “Ang Atong Relasyon sa Dios” (13:17) gikan sa time code nga 2:26 hangtod 4:05

• Mga materyal para sa mga estudyante: Alang sa Kalig-on sa mga Kabatan-onan: Usa ka Giya sa Paghimo og mga Pagpili