« លោកុប្បត្តិ ៣៧–៤១ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៦ )
« លោកុប្បត្តិ ៣៧–៤១ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា
លោកុប្បត្តិ ៣៧–៤១
លោកុប្បត្តិ ៣៧–៤១
ទិដ្ឋភាពទូទៅ
ទោះជាត្រូវបានលក់ជាទាសករទៅស្រុកអេស៊ីព្ទ ត្រូវចោទប្រកាន់ដោយបំភ្លៃ និងត្រូវជាប់ឃុំឃាំងក្តី ក៏យ៉ូសែបបានរស់នៅដោយសុចរិត ហើយបានអនុវត្តសេចក្តីជំនឿលើព្រះដែរ ។ ជាលទ្ធផល ព្រះអម្ចាស់បានប្រទានពរ និងជួយគាត់ឆ្លងកាត់ការសាកល្បងរបស់គាត់ ។ នៅទីបំផុត ផារ៉ោនបានទុកចិត្តឲ្យយ៉ូសែបរៀបចំស្រុកអេស៊ីព្ទការពារពីអំណត់ដែលនឹងកើតមានឡើង ។
ជួយអ្នករៀនឲ្យស្គាល់សេចក្តីស្រឡាញ់ ព្រះចេស្តា និងសេចក្តីមេត្តាករុណារបស់ព្រះអម្ចាស់នៅក្នុងជីវិតរបស់ពួកគេ ។ សូមអញ្ជើញសិស្សឲ្យជញ្ជឹងគិត និងចែកចាយបទពិសោធន៍ទាំងឡាយ នៅពេលពួកគេបានឃើញសេចក្ដីស្រឡាញ់ ព្រះចេស្ដា និងសេចក្ដីមេត្តាករុណារបស់ព្រះអម្ចាស់នៅក្នុងជីវិតរបស់ពួកគេ អាចជួយពួកគេឲ្យមានអារម្មណ៍កាន់តែជិតស្និទ្ធជាមួយនឹងទ្រង់ ។ ដើម្បីរៀនបន្ថែមទៀត សូមមើលផ្នែក « ជួយសិស្សឲ្យទទួលស្គាល់សេចក្តីស្រឡាញ់ ព្រះចេស្តា និងសេចក្តីមេត្តាករុណារបស់ព្រះអម្ចាស់នៅក្នុងជីវិតរបស់ពួកគេ » ( ការបង្រៀនតាមរបៀបរបស់ព្រះអង្គសង្គ្រោះ ទំព័រ ៨ ) ។ ឧទាហរណ៍មួយអំពីរបៀបធ្វើបែបនេះ អាចមាននៅក្នុងមេរៀនទី ៣៣ ៖ « លោកុប្បត្តិ ៣៧–៤១ » ។
រៀបចំខ្លួនបង្រៀន
ព័ត៌មានខាងក្រោមនេះផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
លោកុប្បត្តិ ៣៧–៤១
គោលបំណងមេរៀន ៖ ដើម្បីជួយសិស្សឲ្យទទួលអារម្មណ៍នៃក្តីសង្ឃឹមដែលព្រះអាចប្រើការសាកល្បងរបស់ពួកគេ ដើម្បីប្រទានពរដល់ជីវិតរបស់ពួកគេ ។
-
ការរៀបចំសិស្ស ៖ សូមអញ្ជើញសិស្សឲ្យគិតអំពីការសាកល្បង ឬបញ្ហាប្រឈមទាំងឡាយដែលពួកគេបាន ឬអាចជួបប្រទះ ។ សូមអញ្ជើញពួកគេឲ្យមករៀនដោយរៀបចំខ្លួនដើម្បីចែកចាយអំពីរបៀបដែលព្រះអម្ចាស់អាច ឬបានប្រើបញ្ហាប្រឈមទាំងឡាយ ដើម្បីប្រទានពរដល់ជីវិតរបស់ពួកគេ ។
-
រូបភាពដើម្បីបង្ហាញ ៖ សត្វលា យ៉ូសែបទទួលអាវ យ៉ូសែបជាទាសករ យ៉ូសែប និងភរិយារបស់ប៉ូទីផារ យ៉ូសែបនៅក្នុងគុក យ៉ូសែបនៅចំពោះមុខស្តេចផារ៉ោន
-
មាតិកាដែលត្រូវបង្ហាញ ៖ សេចក្តីណែនាំពីស្វ័យវាយតម្លៃ និងសំណួរដែលនាំទៅកាន់ការចាប់ផ្ដើមមេរៀន ការអានសេចក្តីណែនាំ និងសំណួរសម្រាប់សកម្មភាពមួយអំពី លោកុប្បត្តិ ៣៩–៤១
-
វីដេអូ ៖ « Faith Murray’s Story: Overcoming Adversity through Service » ( ៤:៥២ )
លោកុប្បត្តិ ៣៩
គោលបំណងមេរៀន ៖ ដើម្បីជួយសិស្សបង្ហាញការលះបង់របស់ពួកគេចំពោះព្រះ ដោយទប់ទល់នឹងការល្បួងឲ្យបំពានច្បាប់ព្រហ្មចារីភាព ។
-
ការរៀបចំសិស្ស ៖ សូមអញ្ជើញសិស្សឲ្យស្រមៃថា ពួកគេត្រូវបានស្នើឲ្យដឹកនាំការពិភាក្សានៅក្នុងថ្នាក់រៀននៃសាលាថ្ងៃអាទិត្យរបស់ពួកគេ អំពីវិធីផ្សេងៗដែលពួកគេអាចទប់ទល់នឹងការល្បួងរបស់សាតាំង ។ សូមអញ្ជើញសិស្សឲ្យគិតអំពីវិធីបីយ៉ាងដែលពួកគេនឹងចែកចាយជាមួយនឹងថ្នាក់រៀនរបស់ពួកគេ ។
-
សម្ភារសម្រាប់សិស្ស ៖ ក្រដាសសម្រាប់សិស្សម្នាក់ៗ
-
រូបភាពដើម្បីបង្ហាញ ៖ យ៉ូសែបទទួលអាវ យ៉ូសែបជាទាសករ យ៉ូសែប និងភរិយារបស់ប៉ូទីផារ យ៉ូសែបនៅក្នុងគុក យ៉ូសែបនៅចំពោះមុខស្តេចផារ៉ោន
-
មាតិកាដែលត្រូវបង្ហាញ ៖ ប្រយោគមកពី ដើម្បីកម្លាំងនៃយុវជន ៖ សេចក្តីណែនាំដើម្បីធ្វើការជ្រើសរើស
-
សំណៅមេរៀន ៖ « ការពង្រឹងសមត្ថភាពរបស់យើងក្នុងការគោរពតាមច្បាប់ព្រហ្មចារីយភាព »
-
វីដេអូ ៖ « Temptation Fades as We Seek Christ in Every Thought » ( ២:៥៧ )