Genesis 18–23

Genesis 18–23

Kinatibuk-ang Pagpasabot

Human sa orihinal nga pagpuyo sa yuta sa Canaan, ang pag-umangkon ni Abraham nga si Lot ug ang iyang pamilya mibalhin ngadto sa daotang siyudad sa Sodoma. Gipasidan-an sa Ginoo ang pamilya ni Lot sa paglayas sa siyudad sa dili pa kini malaglag. Ang asawa ni Lot milingi ug namatay. Gituman sa Ginoo ang Iyang saad sa kaliwatan ni Abraham sa dihang natawo si Isaac. Isip usa ka pagsulay sa hugot nga pagtuo ni Abraham, ang Ginoo misugo ni Abraham sa paghalad ni Isaac isip sakripisyo. Sa dihang gipamatud-an ni Abraham ang iyang pagkamatinud-anon, giluwas sa Ginoo si Isaac ug mihatag og ikapuli nga sakripisyo.

Pagtutok diha sa mga kamatuoran nga modala ngadto sa pagkakabig ug paglig-on sa hugot nga pagtuo diha ni Jesukristo. Kon ang mga magtutudlo motabang sa mga estudyante sa pagsulti sa makapakabig nga mga baroganan sa ilang kaugalingong mga pulong, kini makapalawom sa ilang pagsabot sa mga kasulatan ug sa mga pulong sa mga propeta. Usa ka ehemplo sa paghimo niini makit-an sa Leksiyon 25: “Genesis 15–18, 21.” Aron makat-on pa og dugang, tan-awa sa “ Gitudlo sa Manluluwas ang mga Kamatuoran Nga Naggiya ngadto sa Pagkakabig ug Paglig-on sa Hugot nga Pagtuo” (Pagtudlo sumala sa Pamaagi sa Manluluwas [2022], 22).

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Genesis 15–18, 21

Katuyoan sa leksiyon: Aron matabangan ang mga estudyante nga madugangan ang ilang pagsalig nga ang Ginoo motuman sa Iyang mga saad.

• Pagpangandam sa estudyante: Dapita ang mga estudyante sa pagsag-ulo ug pagpamalandong sa unang linya nga makita sa Genesis 18:14: “Aduna ba goy dili mahimo sa Ginoo?” Mahimo nimong awhagon sila sa paghunahuna sa mga higayon nga ilang nakita ang Ginoo nga nakahimo og daw imposible nga mga butang diha sa mga kasulatan, sa ilang kaugalingong kinabuhi, o sa kinabuhi sa uban.

• Sulod nga ipakita: Mga senaryo sa pagsugod sa leksiyon; mga instruksiyon alang sa kalihokan sa pagsulat sa kataposan sa leksiyon

• Mga Bidyo: “Continue in Patience” (2:41; tan-awa gikan sa time code nga 1:07 hangtod 1:55); “Good Things to Come” (4:55)

• Handout: “Ang mga Saad sa Ginoo ngadto ni Abraham ug Sara”

Genesis 19

Katuyoan sa leksiyon: Aron matabangan ang mga estudyante nga makalikay sa daotang mga impluwensiya sa ilang kinabuhi aron sila mas hingpit nga makasunod sa Langitnong Amahan ug ni Jesukristo.

• Pagpangandam sa estudyante: Dapita ang mga estudyante sa paghunahuna mahitungod sa mga impluwensiya sa ilang kinabuhi o mga tentasyon nga ilang giatubang nga nagpugong kanila sa pagsunod sa Langitnong Amahan ug ni Jesukristo. Dapita sila sa paghunahuna kon nganong kinahanglan nilang tangtangon kini nga mga babag gikan sa ilang mga kinabuhi ug unsaon nila kini pagbuhat.

• Bidyo: “Leave the Party” (6:26)

• Sulod nga ipakita: Mga instruksiyon sa journal nga pagtuon naa sa kataposan sa leksiyon

Genesis 22

Katuyoan sa leksiyon: Aron matabangan ang mga estudyante nga mobati sa gugma sa Langitnong Amahan ug ni Jesukristo alang kanila.

• Pagpangandam sa estudyante: Dapita ang mga estudyante sa pag-ila sa usa ka kasulatan nga ilang nakit-an nga makatabang nila sa pag-ila sa gugma sa Langitnong Amahan ug ni Jesukristo alang kanato. Patambonga sila nga andam nga mopakigbahin niini.

• Mga Bidyo: “The Love of God” (19:43; tan-awa gikan sa time code nga 9:33 hangtod 10:57); “God Loved Us, So He Sent His Son” (3:41)

• Imahe: Gisakripisyo ni Abraham si Isaac

Pagbansay 2 sa Doktrinal nga Kahanas

Katuyoan sa leksiyon: Aron matabangan ang mga estudyante nga makasabot sa mga kamatuoran nga gitudlo sa mga tudling sa doktrinal nga kahanas ug magamit ang mga baroganan sa pag-angkon og espirituhanong kahibalo.

• Pagpangandam sa estudyante: Dapita ang mga estudyante nga mopili og tudling sa doktrinal nga kahanas nga gusto nilang mas masabtan. Dayon dapita sila sa pagtuon sa tudling, pamalandongan ang kahulogan niini, ug ikonsiderar nganong ang gitudlo nga doktrina mahinungdanon.

• Sulod nga ipakita: Unang unom ka mga kapanguhaan sa doktrinal nga kahanas ug mahinungdanon nga mga hugpong sa mga pulong sa kasulatan; mga instruksiyon alang sa kalihokan sa pagtuon sa tudling sa doktrinal nga kahanas; senaryo mahitungod ni Andy; mga baroganan sa pag-angkon og espirituhanong kahibalo ug kaubang mga pangutana

• Mga Bidyo: “Analyzing a Passage” (8:12); “Find Answers through Jesus” (1:04)

• Mga materyal: Papel ug mga gamit sa art para sa mga estudyante sa paghimo og pamphlet o poster