Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Genesisy 1:26–27: “Nahary ny olona araka ny endriny Andriamanitra”

“Genesisy 1:26–27: ‘Nahary ny olona araka ny endriny Andriamanitra,’” Testamenta Taloha: Boky torolalana ho an’ny mpampianatra seminera (2026)

“Genesisy 1:26–27: ‘Nahary ny olona araka ny endriny Andriamanitra,’” Testamenta Taloha: Boky torolalana ho an’ny mpampianatra seminera

Genesisy 1–2; Mosesy 2–3; Abrahama 4–5: Lesona 8

Genesisy 1:26–27

“Nahary ny olona araka ny endriny Andriamanitra”

Tamin’ny andro fahenin’ny famoronana dia namorona ny lehilahy sy ny vehivavy Andriamanitra. Ny olona tsirairay eto an-tany dia zanakalahy na zanakavavy malalan’ny ray aman-dreny any an-danitra avokoa ary manana toetra sy anjara masina. Ity lesona ity dia natao hanampiana ny mpianatra hahatsapa ny maha-zava-dehibe ny fiizin’izy ireo, sy ny hery anaty ananan’izy ireo amin’ny maha zanakalahy sy zanakavavin’ny ray aman-dreny any an-danitra azy ireo.

Fiomanan’ny mpianatra: Asao ny mpianatra hitadidy na hamerina hijery ireo andalana voalohany amin’ny fanevan’ny Zatovovavy sy ny Fisoronana Aharôna ary hisaintsaina ny hevitry ny fanambarana tsirairay:

Sahanasa fianarana azo atao

Ny fiizina sy ny famantarana

Manaova sarina tetiandro eny amin’ny solaitrabe ary asao hamorona ny azy ireo manokana ny mpianatra ao amin’ny diary fandalinany. Misy tetiandro santionany omena eo ambany.

Manaova tsipika marindrano maneho ny fiainanao ary mariho eo ireo famantarana na anaram-boninahitra isan-karazany niantsoana anao taloha na amin’izao, na antenaina hiantsoana anao amin’ny hoavy. Mety ho tafiditra amin’izany ny hoe “namana”, “mpianatra”, na ny toeranao any am-piasana na anarana hafa niantsoana anao. Ity misy ohatra iray:

Inona avy ny famantarana na toerana notananao nosafidianao hosoratana eo amin’ny tetiandronao? Nahoana?
Amin’ny fomba ahoana no mety hisy vokany amin’ny safidinao ireo famantarana na toerana notananao ireo?

Nanazava ny mety ho fiantraikan’ny fomba hamantarana ny tenantsika amintsika ny Filoha Nelson M.

31:24

Mety mahafinaritra ireo famantarana ary manondro ny fanohananao ho amin’ny zavatra tsara maro dia maro. Sary famantarana maro no hiova ho anao rehefa mandeha eny ny fotoana. Tsy mitovy ny lanjan’ny sary famantarana rehetra. Saingy raha misy marika manolo ireo famantarana anao manan-danja indrindra, dia mety ho hanempotra ara-panahy ny vokatr’izany. (“Safidy ho an’ny mandrakizay” [Fampaherezam-panahy maneran-tany ho an’ny tanora tokan-tena sy mpivady vao herotrerony, 15 mey 2022], broadcasts.ChurchofJesusChrist.org)

Nahoana no mety hanimba ara-panahy ny famantarana sasany, araka ny hevitrao?

Zanaky ny ray aman-dreny any An-danitra

Vakio ny Genesisy 1:26–27 sy ity fanambarana manaraka ao amin’ny “Ny Fianakaviana: Fanambarana ho an’izao tontolo izao” ity, ka tadiavo ny hevi-baovao azo ianarana momba ny fiizinao mandrakizay.

Ny Genesisy 1:26–27 dia andalan-tsoratra masina fifehezana fotopampianarana. Hevero ny hanasa ny mpianatra hanisy marika amin’ny fomba miavaka ireo andinin-tsoratra masina fifehezana fotopampianarana mba ho mora aminy ny mahita ny toerana misy azy.

Ny olombelona rehetra—ny lahy sy ny vavy—dia nohariana araka ny endrik’ Andriamanitra. Ny tsirairay dia fanahy izay zanakalahy sy zanakavavy malalan’ny ray aman-dreny any an-danitra, ary araka izany, ny tsirairay dia samy manana dia samy manana toetra sy anjara araka an’ Andriamanitra. Ny maha-lahy na maha-vavy dia toetra fototra iray mamaritra ny maha-izy azy ny olona tsirairay sy ny tanjony tany amin’ny fiainana talohan’ny nahaterahana, sy amin’izao fiainana an-tany izao, ary any amin’ny mandrakizay. (“Ny fianakaviana: Fanambarana ho an’izao tontolo izao,” ChurchofJesusChrist.org)

Inona avy ireo hevi-baovao fantatrao mahakasika ny fiizinao mandrakizay?

Fahamarinana iray mety hitan’ny mpianatra ny hoe zanakalahy sy zanakavavin’ny ray aman-dreny any an-danitra isika, ary noforonina araka ny endrik’izy ireo. Raha mbola tsy nanao izany izy ireo, dia asao ny mpianatra hanoratra hoe “Zanak’ Andriamanitra” eo amin’ny tetiandro nataon’izy ireo.
Aminao manokana, inona no dikan’ny hoe nohariana araka ny endrik’ Andriamanitra?

Nizara izao hevi-baovao manaraka izao momba ny famoronana araka ny endrik’ Andriamanitra ny Filoha Thomas S. Monson (1927–2018).

Andriamanitra Raintsika dia manana sofina hihainoana ny vavaka ataontsika. Manana maso hijerena ny asantsika Izy. Manana vava hiresahana amintsika Izy. Manana fo hahatsapana fangorahana sy fitiavana Izy. Tena misy Izy. Velona Izy. Zanany isika, nohariana araka ny endriny. Mitovy endrika Aminy isika ary Izy dia maka ny endritsika. (“I Know That My Redeemer Lives,” Ensign, Aprily 1990, 6)

Araka ny hevitrao, nahoana no zava-dehibe ny mametraka ny fiizinao amin’ny maha zanak’ Andriamanitra ho ambonin’ny famantarana hafa anananao?

Omeo fotoana hisaintsainana ny maha-zava-dehibe ny fiiziny amin’ny maha-zanak’ Andriamanitra azy ireo amin’izao fotoana izao ny mpianatra. Ny fanaovana izany dia afaka manasa ny Fanahy Masina hijoro ho vavolombelona momba ny fahamarinana na manampy amin’ny fanomanana ny saina sy ny fon’ny mpianatra mba ho ampianarina.
Inona avy ireo sakana mety hanasarotra ny finoana na fitadidiana ny fiizinao amin’ny maha zanak’ Andriamanitra, nohariana araka ny endriny anao?

Soraty eny amin’ny solaitrabe ny valintenin’ny mpianatra tamin’ilay fanontaniana teo aloha. Mety ho hita amin’ny valitenin’izy ireo fa tsy takatry ny olona sasany ny antony maha-zava-dehibe ny hoe zanak’ Andriamanitra, na sarotra amin’izy ireo ny mahatsapa ny fitiavan’ Andriamanitra, na mety variana amin’ny famantarana hafa tsy dia manan-danja loatra izy ireo. Raha manana fanontaniana momba ny maha-lahy na ny maha-vavy ny mpianatra, dia araho ny ohatra nasehon’ny Mpamonjy rehefa mampianatra ny fotopampianarany ianao, izany hoe amin’ny fomba iray izay mitondra fahatakarana sy fanantenana ary fanasitranana. Mijoroa ho vavolombelona fa tia ny zanany rehetra Andriamanitra ary hanampy ny mpianatra hamaly ny fanontanian’izy ireo rehefa mampihatra ireo fitsipiky ny fahazoana fahalalana ara-panahy izy ireo.

Mba hahitana hevitra iray momba ny fomba hanampiana ny mpianatra amin’ny fanontaniana momba ny maha-lahy na ny maha-vavy, dia jereo ny Sahanasa Fianarana Fanampiny.

Tenin’ny soratra masina sy ny mpaminany

Omeo an’ilay taratasy zaraina mitondra lohateny hoe “Zanaky ny Ray aho” ny mpianatra. Asao hikatsaka aingam-panahy avy amin’ Andriamanitra ny mpianatra rehefa mandalina, mba hanampiana azy ireo hamantatra ny lanjan’ny fiizin’izy ireo araka an’ Andriamanitra. Ankoatra ilay taratasy zaraina, dia azonao atao ihany koa ny manasa ny mpianatra hamerina hijery ireo fampianarana hita ao amin’ireo fanevan’ny Zatovovavy sy ny Fisoronana Aharôna. Afaka manao izany samirery na anatina vondrona kely ny mpianatra.

Rehefa nahavita ny fandalinana ny mpianatra, dia azonao atao ny manasa azy ireo hizara ny zavatra nianarany amin’ny iray kilasy na amin’ny vondrona kely. Azonao atao koa ny mametraka fanontaniana toy ireto manaraka ireto:

Inona ny zavatra nianaranao tamin’ny loharanom-pitaovana nohalalininao, ka tena nisy heviny taminao?
Amin’ny fomba ahoana no miantraika amin’ny fomba fahitanao ny tenanao sy ny hafa ny fahafantarana ny fiizinao amin’ny maha zanak’ Andriamanitra anao?
Amin’ny fomba ahoana no miantraika amin’ny fiainanao ny fahafantarana ny fiizinao sy ny hery anaty anananao araka an’ Andriamanitra?

Saintsaino ny fiizinao

Omeo fotoana hisaintsainana ny zavatra nianarany momba ny fiiziny sy ny hery anaty ananany amin’ny maha zanakalahy sy zanakavavin’ny ray aman-dreny any an-danitra azy ireo ny mpianatra. Asao izy ireo hanoratra ao amin’ny diary fandalinany izay fahatsapana na hevi-baovao azon’izy ireo ka tian’izy ireo hotadidina. Farano ny lesona amin’ny fihiran’ny iray kilasy ny hoe “Zanaky ny Ray aho”, ary zarao avy eo ny fijoroana ho vavolombelona anananao momba ny maha-zanak’ Andriamanitra anao.

Manao tsianjery

Azonao atao ny manampy ireo mpianatra hitadidy ilay andinin-tsoratra masina fifehezana fotopampianarana sy ilay andian-teny manan-danja ao amin’ny soratra masina nandritra ity lesona ity, ary mamerin mijery izany mandritra ireo lesona hafa any aoriana any. Ny andian-teny manan-danja ao amin’ny soratra masina ho an’ny Genesisy 1:26–27 dia hoe “Nahary ny olona araka ny endriny Andriamanitra.” Ireo hevitra ho an’ny asa fitadidiana dia ao amin’ireo fitaovana ao amin’ny tovana etsy ambany “Asa famerenana ny fifehezana fotopampianarana

Loharanom-pitaovana fanampiny

Inona no hery anaty ananantsika amin’ny maha-zanak’ Andriamanitra antsika?

Satria fanahy zanak’ Andriamanitra isika, dia nandova ilay hery anaty mba hampivelarana ireo toetrany masina. Afaka ny ho lasa tahaka ny Raintsika any An-danitra isika ary hahazo ny fifaliana feno, amin’ny alalan’ny Sorompanavotan’i Jesoa Kristy. (Topics and Questions, “Spirit Children of Heavenly Parents,” topics.ChurchofJesusChrist.org)

Jereo ihany koa ny “The Origin of Man,” Ensign Febroary 2002, 26-30.

Inona no fantatsika momba ny Renintsika any an-danitra?

Nampianatra izao ny Loholona Dale G. Renlund ao amin’ny Kôlejin’ny Apôstôly Roambinifolo:

14:9

Tena kely ny fahalalana nambara momba ny Reny any An-danitra, fa ny zavatra fantatsika dia voafintina ao amin’ny lohahevitra ara-pilazantsara iray izay hita ao amin’ny application Médiathèque de l’Évangile. Rehefa voavakinao ny zavatra hita ao dia ho fantatrao ny zavatra rehetra fantatro momba izany lohahevitra izany. Maniry ny ho nahafantatra bebe kokoa aho. Ianareo koa dia mety mbola manana fanontaniana ary maniry ny hahita valiny bebe kokoa. Ny fikatsahana fahatakarana bebe kokoa dia zavatra iray manan-danja amin’ny fivoarantsika ara-panahy, saingy aoka ianao ho mailo. Tsy afaka misolo ny fanambarana ny fisainana.

Tsy hitondra fahalalana ara-panahy bebe kokoa ny fanombatombanana, fa mety hitarika ho amin’ny fahadisoam-panantenana na hampalemy ny fifantohantsika amin’ny zavatra izay efa voambara. (“Ny toetranao araka an’ Andriamanitra sy ny anjaranao mandrakizay,” Liahona, mey 2022, 70)

Sahanasa fianarana fanampiny

Tantaran’ny famoronana

Ny soratra masina dia ahitana tantara samihafa momba ny famoronana. Ny tantara tsirairay dia manampy amin’ny fahatakarantsika. Asao handalina ireto andinin-tsoratra masina manaraka ireto momba ny namoronana ny lehilahy sy ny vehivavy ny mpianatra, ka hitady ny antsipiriany momba ny tantara tsirairay izay manampy amin’ny fahatakarantsika.

Teraka mba ho mpanjaka

Ny Rahavavy Elaine S. Dalton, izay Filohan’ny Zatovovavy Maneran-tany teo aloha, dia nizara ny tantaran’ny Mpanjaka Louis XVI mba hampianarana fa ny fahafantarana ny herintsika anaty dia mety hisy fiantraikany amin’ny safidintsika. Jereo ny “Tsarovy hoe iza ianareo!” manomboka eo amin’ny mari-potoana 6:03 hatramin’ny 6:50.

14:28

Amin’ny fomba ahoana no iharan’io tantara io amin’ny fiizintsika sy my hery anaty ananantsika amin’ny maha-zanak’ Andriamanitra antsika?

Fanontaniana mikasika ny maha-lahy na maha-vavy

Raha manana fanontaniana momba ny maha-lahy na maha-vavy ny mpianatra, dia mety hanampy ny maka fotoana ao an-dakilasy hamahana ny sasany amin’ireo ahiahin’izy ireo. Mikatsaha tari-dalana avy amin’ny Fanahy Masina mba hanampy anao hampianatra mazava tsara ny fahamarinana amin’ny fitiavana sy fahatakarana.

Ity fanambarana manaraka avy amin’ny Loholona Ronald A. Rasband ao amin’ny Kôlejin’ny Apôstôly Roambinifolohy ity dia azo zaraina mba hanomanana ny mpianatra hifanakalo hevitra momba io lohahevitra saropady io.

Ny tena ianjadian’ny famonoan-tena … dia ireo zatovo sy ireo tanora tokan-tena izay sahirana amin’ny olana momba ny fiheverana ny tena ho lahy na vavy. Mila sakambinina amin’ny sandrim-pitiavan’ny Mpamonjy izy ireo ka hahafantatra fa tiana izy ireo. Matetika mihitsy ny Tompo no miantso antsika; manantena antsika ho sandriny mihinjitra sy be fitiavana. Mila manentana ny naman’izy ireo hanao toy izany koa isika. (“I Jesoa Kristy no vahaolana” [takariva hiarahana amin’ny Manampahefana Ambony, 8 febroary 2019])

Tarito ho amin’ilay fanambarana ao amin’ny “Fianakaviana: Fanambarana ho an’izao tontolo izao” izay voatonona ao amin’ny lesona ny mpianatra.

Inona no zavatra fantatrao momba ny drafitry ny Ray any An-danitra ho an’ny zanany ka afaka manampy anao hahatakatra ny antony mahatonga ny maha-lahy na maha-vavy ho toetra manan-danja?

Omeo ny mpianatra ireto loharanom-pitaovana manaraka ireto. Asao izy ireo hikaroka iray na maromaro mba hahatakarana tsara momba ny anjara asan’ny maha-lahy na maha-vavy ao amin’ny drafitry ny Ray any An-danitra na hevi-baovao hafa momba ilay lohahevitra.

Ny Fiangonana dia mamaritra ny maha-lahy na maha-vavy ho ho ny toetra voajanahary maha-lahy na maha-vavy tamin’ny nahaterahana (Boky torolalan’ny Fiangonana maneran-tany: Manompo ao amin’ Ny Fiangonan’i Jesoa Kristy ho an’ny Olomasin’ny Andro Farany [2023], 38.6.23).
“Lesona 7: Tahirin-kevitra hoenti-manomana ny fotoam-pianarana: Ny toetra mandrakizay sy ny tanjon’ny maha lahy na ny maha vavy,” Ny fianakaviana mandrakizay: Tahirin-kevitra hoenti-manomana ny fotoam-pianarana, institute.ChurchofJesusChrist.org.
Filoha Dallin H. Oaks ao amin’ny “Fivorian’ny mpitarika mandritra ny fihaonamben’ny Fiangonana maneran-tany,” Newsroom.ChurchofJesusChrist.org.
“Transgender” ao amin’ny fizarana Life Help ao amin’ny Sujets de l’Évangile.

Safidy horonantsary maromaro

Asehoy ny iray amin’ireto horonantsary manaraka ireto, izay hita ao amin’ny ChurchofJesusChrist.org, mba hanampiana ny mpianatra hahatakatra ny hery anaty avy amin’ Andriamanitra ananan’izy ireo sy ny fitiavan’ny Ray any An-danitra azy ireo amin’ny maha-zanany azy.

Learn about God’s Plan for You (0:56)

0:57

Earthly Father, Heavenly Father (3:59)

3:60

God’s Greatest Creation (2:51)

2:51