Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Abrahama 3 : Ny fiainana talohan’ny nahaterahana

“Abrahama 3: Ny Fiainana talohan’ny nahaterahana,” Testamenta Taloha: Boky torolalana ho an’ny mpampianatra seminera (2026)

“Abrahama 3: Ny Fiainana talohan’ny nahaterahana,” Testamenta Taloha: Boky torolalana ho an’ny mpampianatra seminera

Mosesy 1; Abrahama 3: Lesona 3

Abrahama 3

Ny fiainana talohan’ny nahaterahana

Tao anatin’ny fahitana no nanehoan’i Jehovah tamin’i Abrahama ny asany sy ny zavaboariny. Nasehony an’i Abrahama koa ny fisian’ny fiainana talohan’ny nahaterahana, anisan’izany ireo fanahy ambony sy lehibe nofidina ho mpitarika amin’ny fiainana ety an-tany. Ity lesona ity dia afaka manampy ny mpianatra hahatakatra fa ny fahalalan’izy ireo ny fiainana talohan’ny nahaterahana ao amin’ny drafitry ny Ray any An-danitra dia manampy azy ireo amin’ny fiainany.

Fanomanana ny mpianatra: Asao ny mpianatra hanontany namana na havana iray ny zavatra hainy momba ny fiainana talohan’ny nahaterahana sy ny fomba ahafahan’ny fahalalana momba ny fiainana talohan’ny nahaterahana manampy azy ireo.

Sahanasa fianarana azo atao

Firy taona ianao?

Manasà mpianatra maromaro hizara ny taonany.

Mariho fa ny taona nozarain’izy ireo dia ny faharetan’ny naha tao anatin’ny vatany azy ireo nandritra ny androm-piainany. Ny fanahintsika dia efa nisy hatry ny ela kokoa noho ny vatantsika. Talohan’ny nahaterahana dia niaina niaraka tamin’ny Ray any An-danitra sy Jesoa Kristy Mpamonjy isika . Izany no antsointsika hoe fiainana talohan’ny nahaterahana.

Asao ireo mpianatra mba hanoratra ny valin’ireto fanontaniana manaraka ireto ao amin’ny diary fandalinany.

Inona avy ireo zavatra fantatrao momba ny fiainana talohan’ny nahaterahana?
Ahoana no hahafahan’ny fahalalana ny fiainana talohan’ny nahaterahana manampy anao amin’izao fotoana izao ?

Amporisiho ny mpianatra hanampy ny valinteniny rehefa manohy ity lesona ity izy ireo. Amporisiho izy ireo hikatsaka fanampiana avy amin’ny Ray any An-danitra amin’ny alalan’ny Fanahy Masina mba hianatra ny fomba ahafahan’ny fahalalana momba ny fiainana talohan’ny nahaterahana manampy azy ireo.

Ny zavatra ianarantsika avy amin’i Abrahama

Mba hanampiana ny mpianatra hahafantatra hoe avy aiza ny Bokin’i Abrahama, dia azonao atao ny manasa azy ireo hizara ny zavatra fantatr’izy ireo, na hizara ny sasany amin’ireto manaraka ireto amin’ny filazanao azy manokana.

Noraketin’i Abrahama an-tsoratra ny zavatra niainany izay afaka manampy antsika hahatakatra bebe kokoa momba ny fiainana talohan’ny nahaterahana. Tany ho any amin’ny 2.000 taona talohan’i Jesoa Kristy tany i Abrahama no teraka. I Abrahama dia nirakitra antsipiriany vitsivitsy tamin’ny fiainany niaraka tamin’ireo fahitana noraisiny avy tamin’ Andriamanitra izay hita ao amin’ny bokin’i Abrahama. Izany rakitsoratra masina izany dia azo avy amin’ny horonan-taratasy papirosy hita tany Egypta ary novidian’ny mpikamban’ny Fiangonana. Io rakitsoratra io dia nambara tamin’ny Mpaminany Joseph Smith tamin’ny alalan’ny fanomezana sy ny herin’ Andriamanitra.

Vakio ny Abrahama 3:11–12, 21 mba hahitana ny zavatra nampianarin’ny Tompo an’i Abrahama.

Inona no zavatra nisongadina taminao tamin’ireo andinin-tsoratra masina ireo?
Inona no fahamarinana nianaranao momba ny Tompo?

Rehefa mizara izany ny mpianatra, dia asao izy ireo hanondro andian-teny na andininy izay niavian’ny hevi-baovao nomen’izy ireo mba hahafahan’ny mpianatra hafa manamarika izany raha tiany.
Ahoana no mety fiantraikan’ny fahatakarana ireo fahamarinana momba an’i Jesoa Kristy ireo aminao ankehitriny?
Tamin’ny fomba ahoana no nahitanao maso na niainanao ireo fahamarinana momba ny Mpamonjy ireo teo amin’ny fiainanao?

Ny fiainantsika talohan’ny nahaterahana

Rehefa avy nianatra ny halehiben’i Jesoa Kristy tamin’ny fiainana talohan’ny nahaterahany (jereo ny Abrahama 3:16–21) i Abrahama dia nianatra momba ny fisiantsika tany amin’ny fiainana talohan’ny nahaterahana ihany koa. Alohan’ny hamakianao ny zavatra nasehon’ny Tompo an’i Abrahama, dia alaovy sary an-tsaina hoe hanao ahoana izany raha afaka mijery ny fiainanao talohan’ny nahaterahana miaraka amin’ny Ray any An-danitra sy i Jesoa Kristy ianao. Eritrereto izay mety ho vokany aminao.

Omeo fotoana ampy ireo mpianatra hakany sary an-tsaina ny fiaintraikan’ny fandinihan-tenan’izy ireo tany amin’ny fiainana talohan’ny nahaterahana niaraka tamin’i Ray any An-danitra sy i Jesoa Kristy.

Ny Abrahama 3:22–23 dia andalan-tsoratra masina fifehezana fotopampianarana. Hevero ny hanasa ny mpianatra hanisy marika amin’ny fomba miavaka ireo andinin-tsoratra masina fifehezana fotopampianarana mba ho mora aminy ny mahita ny toerana misy azy.

Vakio ny Abrahama 3:22–23 dia tadiavo ny zavatra nianaran’i Abrahama tao amin’ny fahitana azony mikasika ny fiainana talohan’ny nahaterahana. Mety hanampy ny fahafantarana fa ny “faharanitan-tsaina” ao amin’ireo andininy ireo dia manondro ireo fanahy tany amin’ny fiainana talohan’ny nahaterahana.

Araka ny hevitrao, inona no fahamarinana mety voarain’i Abrahama na takany bebe kokoa noho io zavatra niainany io?

Soraty eny amin’ny solaitrabe ireo fahamarinana isan-karazany nozarain’ny mpianatra. Raha tsy milaza izany ny mpianatra dia ampio ireto manaraka ireto: Nisafidy ireo zanany ara-panahy ambony sy lehibe mba ho mpanapaka Andriamanitra talohan’ny nahaterahan’izy ireo. Matetika izany no antsoina hoe fanendrena mialoha.
Araka ny hevitrao, inona no mahasamihafa ny famaritan’izao tontolo izao ny hoe “ambony sy lehibe” amin’ny famaritan’ny Tompo izany?

Anisan’ireo izay ambony sy lehibe ve isika?

Tao anatin’ny fampaherezam-panahy maneran-tany iray ny Filoha Russell M. Nelson dia niresaka momba ny fomba ahafahan’ny fahamarinana ampianarina ao amin’i Abrahama 3 mihatra aminao.

Natokan’ny Raintsika any An-danitra ny maro amin’ireo fanahiny mahery indrindra—aleo angamba ataoko hoe ny ekipany mahery indrindra—ho an’ity dingana farany ity. Ireo fanahy mahery ireo—ireo mpilalao tena mahay ireo, ireo maherifo ireo—dia ianareo!… Anisan’ireo olona tsara indrindra nalefan’ny Tompo tety an-tany hatrizay ianareo. Manana fahafahana mba hahay kokoa sy hendry kokoa ary hiantraika kokoa amin’izao tontolo izao mihoatra noho ireo taranaka lasa rehetra ianareo! (“Fanantenana ho an’i Isiraely” [fampaherezam-panahy maneran-tany ho an’ny zatovo, 3 jona 2018], 8, 16)

Hevero ny hanasa ny mpianatra hanisy marika ny soratra masin’izy ireo amin’ny fomba izay hanampy azy ireo hahatsiaro ny zavatra nampianarin’ny Filoha Nelson. Aorian’ny andininy 22 dia azon’izy ireo soratana ny andian-teny hoe “anisan’izany aho” na azon’izy ireo soratana eo ambonin’ny anaran’i Abrahama ao amin’ny andininy 23, ny anarany na azon’izy ireo ampifandraisana ny Abrahama 3:22–23 sy ny teny nambaran’ny Filoha Nelson etsy ambony ao amin’ny Médiathèque de l’Évangile.

Raha ilaina dia omeo fotoana ny mpianatra hianarana mismisy kokoa momba ny fiainana talohan’ny nahaterahana. Afaka mandalina ny “fiainana talohan’ny nahaterahana” izy ireo ao amin’ny Torolalana ho an’ny Soratra Masina. Na azon’ny mpianatra atao ny manao soratra masina mifampitohy, mampifandray ireo andininy momba ny fiainana talohan’ny nahaterahana toy ny Jeremia 1:4–5; Almà 13:3–4; ary ny Fotopampianarana sy Fanekempihavanana 138:55–56. Angataho ireo mpianatra hizara ny zavatra hitany sy ny antony maha-manan-danja izany amin’izy ireo.

Ataovy ao anatin’ny vondrona kely ireto manaraka ireto ary lazao amin’ny iray kilasy ny zavatra sasany noeritreretin’izy ireo.

Alao sary an-tsaina hoe misy olona ao amin’ny kilasinao tsy mahazo antoka fa mihatra amin’izy ireo ny Abrahama 3:22–23.

Omano ireto manaraka ireto :

Famintinana ny zavatra nampianarin’i Abrahama 3:22–23 sy ny Filoha Nelson.
Hevitra momba ny mety hitaomanao na ny zatovo hafa ho amin’ ny tsara na hitondra azy ireo hanakaiky kokoa an’i Jesoa Kristy.
Ny fahatsapanao ny fahatakaranao ny fiainana talohan’ny nahaterahana fa afaka manampy anao eo amin’ny fiainanao.

Manao tsianjery

Azonao atao ny manampy ireo mpianatra hitadidy ilay andinin-tsoratra masina fifehezana fotopampianarana sy ilay andian-teny manan-danja ao amin’ny soratra masina nandritra ity lesona ity, ary mamerin mijery izany mandritra ireo lesona hafa any aoriana any. Ny andian-teny manan-danja ao amin’ny soratra masina dia ny hoe “Fony mbola fanahy dia -nalamina isika talohan’ny nisian’izao tontolo izao.-” Ireo hevitra ho an’ny asa fitadidiana dia ao amin’ireo fitaovana ao amin’ny tovana etsy ambany “Asa famerenana ny fifehezana fotopampianarana.”

Loharanom-pitaovana fanampiny

Aiza no hianarako misimisy kokoa momba ny bokin’i Abrahama?

Ny loharanom-pitaovana vitsivitsy tena tsara hianarana momba ny bokin’i Abrahama dia:

Ny toko, “Ny bokin’i Abrahama” ao amin’ny Voahangy Lafo Vidy, Boky Torolalana ho an’ny Mpianatra Institiota
Ny lohahevitra ao amin’ny Tantaran’ny Fiangonana hoe: “Fandikana ny Bokin’i Abrahama”

Abrahama 3:19–21 Inona koa no zavatra hafa fantatsika momba ny halehiben’ny Mpamonjy eo amin’ny fiainana talohan’ny nahaterahana?

Ny Loholona Neal A. Maxwell (1926–2004) tao amin’ ny Kôlejin’ny Apôstôly Roambinifolo dia nampianatra hoe:

Momba an’i [Jesoa Kristy] dia voalaza fa “marani-tsaina kokoa noho izy rehetra Izy.” (Abrahama 3:19.) … Ankoatra izany, soa ihany fa ny zavatra fantatry ny Tompo dia mihoatra lavitra—tsy kely fotsiny ihany—noho ny fitambaran’ny zavatra fantatry ny olombelona mety maty rehetra. (All These Things Shall Give Thee Experience [1979], 22)

Ny Mpanavotra Masina antsika … dia mihoatra lavitra noho ny fahaiza-manao sy ny zava-bitan’ny tsirairay sy [ny rehetra mitambatra] … izay efa niaina, sy mbola miaina ankehitriny ary ireo mbola hiaina! (“O, Divine Redeemer,” Ensign, Nôv. 1981, 8)

Sahanasa fianarana fanampiny

Mampiasa ny kintana mba hampianarana ny halehiben’ny Mpamonjy

Ao amin’i Abrahama 3, dia nampiasa planeta sy kintana samihafa ny Tompo hampianarana an’i Abrahama momba ny maha mandrakizay ny fotoana sy ny lamina fitantanana ny zavaboariny. Ny iray amin’ireo kintana ireo, izay antsoin’ Andriamanitra hoe Kôlôba, dia mety ho tandindon’i Jesoa Kristy ihany koa.

Asao ny mpianatra hamaky ny Abrahama 3:2–3, ka hitady teny na andian-teny nampiasain’ny Tompo hanoritsoritana an’i Kôlôba.

Inona no tsikaritrao amin’ny fanoritsoritan’ny Tompo an’i Kôlôba ka mety azo hanoritsoritana an’i Jesoa Kristy ihany koa?

Afaka mianatra ny hanao izay rehetra andidian’ny Tompo antsika isika

Asao hamaky ireto fihestika manaraka ireto ny mpianatra ary hizara ny antony mety hiheveran’ny olona sy hahatsapany ho toy izany.

Olona #1: Tsy fantatro ny antom-pisiako eto. Tsy fantatro loatra raha misy tanjona lehibe kokoa amin’izany.

Olona #2: Velona aho mba hahita fahafinaretana. Manaram-po amin’ny fiainana fotsiny aho ary manao izay mahafalifaly ahy.

Tao anatin’ilay fahitana izay nanehoan’ Andriamanitra tamin’i Abrahama ireo fanahy ambony sy lehibe tany amin’ny fiainana talohan’ny nahaterahana dia nasehony ihany koa ny iray amin’ireo tanjon’ny fiainana. Vakio ny Abrahama 3:24–26 mba hahitanao izay nolazain’ny Tompo. Ny andian-teny hoe “toetra voalohany” dia entina hilazana ny fiainana talohan’ny nahaterahana, ary ny “toetra faharoa” dia hilazana ny fiainana an-tany.

Rehefa eo am-pizarana ny zavatra nianarany ny mpianatra, dia makà antoka fa ny fitsapana amin’ny fiainana dia mba hamaritana raha hanao izay rehetra andidian’ Andriamanitra antsika isika.

Mety hanampy ity teny manaraka nataon’ny Loholona Dale G. Renlund ao amin’ny Kôlejin’ny Apôstôly Roambinifolo ity.

Ny drafitr’ Andriamanitra dia ahitana torolalana ho antsika, izay antsoina hoe didy ao amin’ny soratra masina. Ireo didy ireo dia sady tsy fitambarana fitsipika napetraka fahatany no tsy hoe nangonina araka izay tiany natao hanazarana antsika ho mpankatò fotsiny. Fa izy ireo dia mifandray amin’ny fampivoarana antsika hanana ireo toetra araka an’ Andriamanitra, sy ny fiverenantsika any amin’ny Raintsika any An-danitra, ary amin’ny fahazoantsika fifaliana maharitra. (“Misafidiana ianareo anio,” Liahona, Nôv. 2018, 105)

Asao ny mpianatra hizara ohatra ana olona izay miezaka foana mankatò ny didin’ Andriamanitra sy ny zavatra ianarany avy amin’izany. Raha tsy manonona nyMpamonjy avy hatrany ny mpianatra, dia anontanio ny zavatra ianarany avy amin’ny ohatra nasehony momba ny fankatoavana.

Azon’ny mpianatra atao ny manoratra fomba iray tian’izy ireo hampitombo ny fankatoavan’izy ireo ny didin’ Andriamanitra.