Մատթեոս 13.24–30, 36–43

Ցորենի և որոմների առակը

Wheat and the terrace, Israel

Փրկիչն օգտագործեց ցորենի արտի և որոմների (թունավոր մոլախոտերի)առակը՝ ուսուցանելով, որ արդարները կհավաքվեն միասին, իսկ ամբարիշտները կայրվեն Նրա վերադարձից առաջ: Այս դասի նպատակն է մեծացնել Իսրայելի հավաքմանը մասնակցելու ձեր ցանկությունը:

Խրախուսեք կիրառումը Ավետարանի ուսուցման նպատակն է օգնել ուսանողներին կիրառել սուրբ գրություններում գտնված վարդապետությունը և սկզբունքները: Կիրառումը խրախուսող հարցերը և վարժությունները կարող են ուսանողներին օգնել տեսնել, թե ինչպես կարելի է կիրառել այդ սկզբունքները իրենց անձնական հանգամանքներում:

Ուսանողի պատրաստում. Ուսանողներին առաջարկեք պատրաստված գալ՝ հետևյալ հարցերը քննարկելու համար. Ձեր ընտանիքից ո՞վ է առաջինը միացել Եկեղեցուն: Ի՞նչ գիտեք նրա պատմության մասին: Ուսանողները կարող են այս հարցերը քննարկել ընտանիքի անդամի հետ:

Հնարավոր ուսումնական վարժություններ

Ցորենի և որոմների առակը

Ուսանողներին առաջարկեք քննարկել հետևյալ հարցերը: Կիսվեք անձնական փորձառությամբ:

• Ձեր ընտանիքից ո՞վ է առաջինը միացել Եկեղեցուն:

• Ո՞վ է նրան հրավիրել Եկեղեցի:

• Ընտանիքի այդ անդամի անդամությունը Եկեղեցուն ինչպե՞ս է ազդել ձեր կյանքի վրա:

• Աստծո հետ կապած ձեր ուխտերը ինչպե՞ս կարող են ազդել ուրիշների վրա:

Մատթեոս 13 գլխում Տերն օգտագործում է ցորենի և որոմների առակը, որպեսզի ուսուցանի մարդկանց Իր Եկեղեցում հավաքելու մասին: Ուսումնասիրելիս ուշադրություն դարձրեք Սուրբ Հոգու հուշումներին, որպեսզի կարողանաք հասկանալ, թե ինչու է Տերը հավաքում Իր ժողովրդին և դուք ինչպես կարող եք մասնակցել:

Ուսանողները կարող են ուսումնասիրել այս առակը զույգերով կամ փոքր խմբերով: Ցուցադրեք չորս քայլերից կազմված ուսուցման գործընթացը և հետևյալ հարցերը:

Ուսումնասիրեք Մատթեոս 13.24-30 հատվածներում ներկայացված առակը: Օգտակար կլինի իմանալ, որ որոմը «թունավոր մոլախոտ է, որը տեսքով նման է ցորենի: Այն չի տարբերվում ցորենից, մինչև վերջնականապես չաճի» (Սուրբ գրքերի ուղեցույց, « Որոմներ », scriptures.ChurchofJesusChrist.org):

Որպեսզի կարողանաք հեշտ ուսումնասիրել այս առակը, օգտվեք այս չորս քայլերից կազմված օրինակից.

1. Գտեք կարևոր մանրամասներ:

2. Կատարեք հոգևոր համեմատություններ:

3. Հայտնաբերեք արժեքավոր դասեր:

4. Որոշեք անձնական կիրառումը:

• Այս առակի ո՞ր մանրամասներն եք համարում կարևոր:

• Ինչպիսի՞ հոգևոր համեմատություններ եք կատարել:

• Ինչպիսի՞ արժեքավոր դասեր եք բացահայտել:

• Ինչպե՞ս կարող եք կիրառել այս առակից սովորած դասերը ձեր կյանքում:

Կարդացեք Մատթեոս 13.36-43 հատվածները՝ փնտրելով, թե Տերն ինչ ուսուցանեց այս առակի մասին:

• Փրկիչի բացատրությունը ի՞նչ է ավելացնում առակի վերաբերյալ ձեր հասկացողությանը:

Տերը կիսվել է, թե մեր տնտեսությունում ինչպես կարող է իրականանալ այս առակը: Կարդացեք Վարդապետություն և Ուխտեր 101.64-65-ը ՝ փնտրելով, թե Տերն ինչ խոստացավ անել Իր Երկրորդ Գալուստից առաջ: Օգտակար կլինի իմանալ, որ շտեմարանը ամբար է, որտեղ ցորեն են պահում:

• Այս հատվածներից ի՞նչ ենք սովորում Տիրոջ մասին:

Ցորենի և որոմների առակից սովորած ճշմարտություններից մեկն այն է, որ վերջին օրերում Տերը կհավաքի Իր ժողովրդին՝ Իր Երկրորդ Գալուստին պատրաստվելու համար: Կարող եք գրանցել այս ճշմարտությունը Մատթեոս 13.30 հատվածի մոտ:

• Տերն ինչպե՞ս է հավաքում Իր ժողովրդին վերջին օրերում:

• Ի՞նչ դեր եք դուք խաղում այդ կարևոր գործում:

Իսրայելի հավաքումը

Որպեսզի օգնեք ուսանողներին ավելի խորը հասկանալ Իսրայելի հավաքումը, կարող եք տպել նախագահ Նելսոնի հետևյալ հայտարարության հատվածները, ինչպես նաև հայտարարություններ «Բացատրական և պատմական տեղեկություններ» բաժնից:

Ցուցադրեք հայտարարությունները դասասենյակում և խնդրեք ուսանողներին քայլել սենյակով և ուսումնասիրել դրանք: Հայտարարություններն ուսումնասիրելուց հետո ուսանողները կարող են իրենց գաղափարներով կիսվել զուգընկերոջ հետ:

Նախագահ Նելսոնն ուսուցանել է վերջին օրերում Իսրայելի հավաքման Տիրոջ ջանքերի մասին: Դիտեք «Թող Աստված տնօրինի» տեսանյութը 4:07-5:48-ը կամ կարդացեք հետևյալ տեքստը: Կարող եք նաև ինքնուրույն գտնել սուրբ գրություններ և այլ հայտարարություններ՝ Իսրայել հավաքման ձեր ընկալումը խորացնելու համար:

Official portrait of President Russell M. Nelson taken January 2018

Տերը հավաքում է նրանց, ովքեր պատրաստ են թույլ տալ, որ Աստված տնօրինի իրենց կյանքը: Տերը հավաքում է նրանց, ովքեր կնախընտրեն թույլ տալ, որ Աստված իրենց կյանքում ամենակարևոր ազդեցությունն ունենա:

Դարեր շարունակ մարգարեները կանխագուշակել են այս հավաքումը, և այժմ այն տեղի է ունենում: Որպես Տիրոջ Երկրորդ Գալուստի հիմնական նախադրյալ, դա աշխարհի ամենակարևոր աշխատանքն է:

Հազարամյակին նախորդող այս հավաքը միլիոնավոր մարդկանց համար հավատքի ընդլայնման և հոգևոր խիզախության անհատական պատմություն է: Եվ որպես Հիսուս Քրիստոսի Վերջին Օրերի Սրբերի Եկեղեցու անդամներ կամ «վերջին օրերի ուխտի Իսրայել», մենք պարտավորվել ենք աջակցել Տիրոջը այս կարևոր աշխատանքում:

Երբ մենք խոսում ենք Իսրայելը վարագույրի երկու կողմերում հավաքելու մասին, իհարկե, նկատի ունենք միսիոներական, տաճարային և ընտանեկան պատմության աշխատանքները: Մենք նաև նկատի ունենք հավատ և վկայություն կառուցել նրանց սրտերում, ում հետ ապրում, աշխատում և ծառայում ենք։ Ամեն անգամ, երբ մենք ինչ-որ բան ենք անում, որն օգնում է ինչ-որ մեկին վարագույրի այս կամ այն կողմում՝ Աստծո հետ ուխտեր կապելու և դրանք պահելու համար, … մենք օգնում եք հավաքել Իսրայելը:

(Ռասսել Մ․ Նելսոն, «Թող Աստված տնօրինի», Ensign կամ Լիահոնա, նոյեմբեր 2020, 92-93)

• Ի՞նչ եք հասկանում Իսրայելի հավաքման մասին:

• Ի՞նչ հարցեր ունեք դրա վերաբերյալ:

• Ցորենի և որոմների առակն ի՞նչ է օգնում ձեզ հասկանալ Իսրայելի հավաքման կարևորության մասին:

Ձեր դերը Իսրայելի հավաքման գործում

Դիտեք «Արքայության հավաքողները» տեսանյութը (1:50) կամ կարդացեք նախագահ Ռասսել Մ. Նելսոնի հետևյալ հայտարարությունը՝ փնտրելով, թե Իսրայելի հավաքումն ինչ առնչություն ունի ձեզ հետ.

Official portrait of President Russell M. Nelson taken January 2018

Իմ սիրելի յուրահատուկ երիտասարդնե՛ր, դուք ուղարկվել եք երկիր այս որոշակի ժամանակահատվածում, աշխարհի պատմության ամենավճռական պահին, որպեսզի օգնեք հավաքել Իսրայելը: Այս պահին, այս Երկրում ոչինչ չի կատարվում, որն ավելի կարևոր լինի, քան այդ։ Ոչինչ չկա, որ ավելի մեծ նշանակություն ունենա: Բացարձակապես ոչինչ:

Այս հավաքումը պետք է նշանակի ամեն ինչ ձեզ համար: Սա է այն առաքելությունը, որի համար դուք ուղարկվել եք երկիր:

Այսպիսով սա է իմ հարցը ձեզ. «Դուք կամենո՞ւմ եք անդամագրվել Տիրոջ երիտասարդական գումարտակին, որպեսզի օգնեք հավաքել Իսրայելը»:

(Ռասսել Մ․ Նելսոն և Վենդի Վ․ Նելսոն, «Իսրայելի հույսը», դեռահասների համաշխարհային հոգևոր հավաք, հունիսի 3, 2018, լրացում New Era և Ensign, 12, ամսագրերի համար, ChurchofJesusChrist.org):

Ուսանողների հետ քննարկեք իրենց գաղափարները Իսրայելի հավաքման մասին, նաև, թե նրանք ինչպես կարող են օգնել այդ գործին: Հետևյալը կարող է օգնել ուսանողներին խորհել իրենց այսօրվա սովորածի շուրջ:

Մեկ կամ մի քանի պարբերությամբ գրեք ձեր գաղափարներն ու տպավորությունները Իսրայելի հավաքման և ցորենի ու որոմների առակի վերաբերյալ: Հրավիրեք Սուրբ Հոգուն, որպեսզի ոգեշնչի ձեր մտքերն ու զգացմուքները գրելու ընթացքում: Հետևյալ հարցերը կարող են ձեզ օգնել որոշել, թե ինչ գրել, բայց դրանք միայն ուղեցույց են:

• Ի՞նչ հարցեր ունեիք Իսրայելի հավաքման մասին, որոնց դուք հիմա կարող եք պատասխանել:

• Իսրայելի հավաքումն ի՞նչ է ձեզ սովորեցնում Փրկիչի՝ ձեր նկատմամբ վստահության և բոլորի նկատմամբ սիրո մասին:

• Ինչպե՞ս կարող եք օգնել ինքներդ ձեզ և ուրիշներին հավաքվել Տիրոջ ժողովրդի հետ:

Բացատրական և պատմական տեղեկություններ

Տերն ինչո՞ւ է ցանկանում հավաքել Իր ժողովրդին

Տասներկու Առաքյալների Քվորումից երեց Դեյվիդ Ա. Բեդնարն ուսուցանել է․

Official portrait of President Russell M. Nelson taken January 2018

«Տերը հավաքում է Իր ժողովրդին, երբ նրանք ընդունում են Նրան և պահում Նրա պատվիրանները: …

… Տերը հավաքում է Իր ժողովրդին՝ երկրպագելու, կառուցելու Եկեղեցին, պաշտպանություն և խորհուրդ ու հրահանգ ստանալու համար: …

Մարգարե Ջոզեֆ Սմիթը հայտարարել է, որ բոլոր դարերում հավաքման աստվածային նպատակն է կառուցել տաճարներ, որպեսզի Տիրոջ զավակները կարողանան ստանալ բարձրագույն արարողությունները և դրանցով ձեռք բերեն հավերժական կյանք:

(Դեյվիդ Ա. Բերնար, «Հավաքման ոգին և նպատակը» [Բրիգամ Յանգի համալսարան–Այդահո հոգևոր հավաք, հոկտեմբերի 31, 2006], byui.edu)

Որո՞նք են այն շտեմարանները, որտեղ արդարները հավաքվելու են ապահովության համար

Տասներկու Առաքյալների Քվորումից երեց Դեյվիդ Ա. Բեդնարն ուսուցանել է․

Official portrait of President Russell M. Nelson taken January 2018

Մորմոնի Գրքում լուսաբանվում է կարևոր կապը հավաքման սկզբունքի և տաճարների կառուցման միջև.

«Ահա, դաշտը հասուն էր, և օրհնվա՛ծ եք դուք, քանզի դուք մանգաղը գցեցիք և ձեր զորությամբ հնձեցիք, այո, ողջ օրվա ընթացքում դուք տքնեցիք. և ահա ձեր որաների թիվը: Եվ դրանք կհավաքվեն շտեմարանները, որպեսզի չվատնվեն» ( Ալմա 26.5):

Այս այլաբանության մեջ որաները ներկայացնում են Եկեղեցու նոր մկրտված անդամներին: Շտեմարանները սուրբ տաճարներն են:

(Դեյվիդ Ա. Բեդնար, «Պատվավոր անուն և դիրք ունենալ», Ensign կամ Լիահոնա, մայիս 2009, 97)

Ի՞նչ դեր է խաղում Մորմոնի Գիրքը Իսրայելի հավաքման գործում

Նախագահ Ռասսել Մ. Նելսոնն ուսուցանել է․

Official portrait of President Russell M. Nelson taken January 2018

Մորմոնի Գիրքը կենտրոնական դեր ունի այս աշխատանքում: Այն հայտարարում է հավաքման վարդապետությունը: Այն նպաստում է, որ մարդիկ սովորեն Հիսուս Քրիստոսի մասին, հավատան Նրա ավետարանին և միանան Նրա Եկեղեցուն: Իրականում, եթե չլիներ Մորմոնի Գիրքը, Իսրայելի խոստացված հավաքումը տեղի չէր ունենա:

(Ռասսել Մ. Նելսոն, «Ցրված Իսրայելի հավաքումը», Ensign կամ Լիահոնա, նոյեմբեր 2006, 80)

Օժանդակ ուսումնական վարժություններ

Տերը հավաքում է Իր ժողովրդին

Չնայած Տերը հրավիրում է մեզ Իր հետ մասնակցել Իր ժողովրդի հավաքմանը, ի վերջո Նա է կատարում այդ հավաքումը: Կարող եք ուսանողներին առաջարկել ուսումնասիրել հետևյալ սուրբ գրություններից մի քանիսը կամ բոլորը՝ փնտրելով, թե Տերն ինչ է ուսուցանել Իր ժողովրդի հավաքման գործում Իր դերի մասին. Երկրորդ Օրինաց 30.3 , Եսայիա 27.12 , 54.7 , Եզեկիել 34.12 , 1 Նեփի 22.25 , Հակոբ 5.71-72 , Վարդապետություն և Ուխտեր 29.1-2 , 33.6 :

Որպես այլընտրանք, ուսանողները կարող են ուսումնասիրել « Իսրայել » բառը Սուրբ գրքերի ուղեցույցում կամ « Իսրայել, Հավաքում » արտահայտությունը Թեմատիկ ուղեցույցում՝ փնտրելով սուրբ գրությունների հատվածներ, որոնք նկարագրում են Տիրոջ դերը Իր ժողովրդի հավաքման գործում:

Արդարներն ու չարերը միասին են աճում

Օգտակար կլինի, եթե ուսանողները քննարկեն, թե Փրկիչն ինչպես է օգտագործել ցորենի և որոմների (թունավոր մոլախոտ) առակը՝ ուսուցանելու, որ Տերը վերջին օրերում հավաքելու է արդարներին, իսկ հետո կործանելու է ամբարիշտներին Իր Երկրորդ Գալուստի ժամանակ: Երբ ուսանողներն ուսումնասիրեն Մատթեոս 13.24-30 հատվածները, նրանք նաև կարող են ուսումնասիրել Վարդապետություն և Ուխտեր 86.1-7 հատվածները՝ փնտրելով, թե այս հայտնությունը ինչ լրացուցիչ մանրամասներ է տրամադրում: Ուսանողները կարող են քննարկել նմանատիպ հարցեր. Ի՞նչ են ներկայացնում առակում նշված խորհրդանիշները: Տիրոջ ողորմությունն ինչպե՞ս է արտահայտվում այս առակի մեջ: