Վարդապետության սերտման կրկնություն 4
Կիրառեք վարդապետության սերտման սուրբ գրությունների հատվածները
Վարդապետության սերտման նպատակներից մեկն է օգնել ձեզ սովորել, թե ձեր կյանքում ինչպես կիրառել վարդապետության սերտման սուրբ գրությունների հատվածներում ուսուցանված վարդապետությունը: Այս դասը ձեզ հնարավորություն կտա փորձել կիրառել վարդապետության սերտման սուրբ գրությունների հատվածները որոշ իրավիճակների համար, որոնց դուք կարող եք հանդիպել կյանքում:
Հնարավոր ուսումնական վարժություններ
Ինչպե՞ս են սուրբ գրությունները կիրառելի մեր կյանքում
Նիկո անունով երիտասարդը շատ ժամանակ է ծախսել սուրբ գրություններն ուսումնասիրելիս: Նա գիտի բազմաթիվ սուրբգրային պատմություններ և անգիր է սովորել շատ հատվածներ: Չնայած այդ ջանքերին, Նիկոն դժվարանում է տեսնել, թե սուրբ գրությունները որքանով են կիրառելի իր կյանքի հանգամանքների և խնդիրների համար:
-
Ի՞նչ կասեիք Նիկոյին, որպեսզի նրան օգնեք տեսնել, թե նա ինչպես կարող է կիրառել սուրբ գրություններն իր կյանքում:
-
Ե՞րբ եք ձեր կյանքում կիրառել սուրբ գրություններից որևէ ճշմարտություն:
Այս դասը կգօնի ձեզ կիրառել վարդապետության սերտման սուրբ գրությունների հատվածներում ուսուցանված ճշմարտությունները իրական իրավիճակներում:
Սուրբ գրությունների հղումները և սուրբ գրությունների հիմնական արտահայտությունները
Հետևյալը սուրբ գրությունների հղումներն ու հիմնական արտահայտություններն են Նոր Կտակարանի առաջին կեսի վարդապետության սերտման սուրբ գրությունների հատվածների համար: Ուսումնասիրեք այս աղյուսակը և նշեք այս հատվածները ձեր սուրբ գրություններում, եթե դեռ չեք արել:
Սուրբ գրության հղումը |
Սուրբ գրության հիմնական արտահայտությունը |
«Թէ այսօր ձեզ Փրկիչ ծնուեցավ Դաւիթի քաղաքումը. որ է Քրիստոս Տէրը»: | |
«Եթե մէկը ջրից եւ Հոգուց չծնուի, նա կարող չէ Աստուծոյ արքայությունը մտնել»: | |
«Որովհետեւ Աստուած այնպէս սիրեց աշխարհքը որ իր միածին Որդին տուաւ»: | |
«Այսպէս լուսաւորէ ձեր լույսը մարդկանց առաջին»: | |
«Ինձ մոտ եկեք, ամեն վաստակածներ եւ բեռնաւորուածներ. եւ ես հանգիստ կտամ ձեզ»: | |
Հիսուսն ասաց. «Ես կտամ քեզ երկնքի արքայութեան բանալիները»: | |
«Եթե մեկը կամենում է նրա կամքն անել, նա կիմանա այս վարդապետության համար»։ | |
«Սիրիր քո Տէր Աստուծուն։ … Սիրիր քո ընկերին»։ | |
Հիսուս Քրիստոսը պատվիրեց` ճաշակեք հաղորդությունը «իմ յիշատակի համար»: | |
«Եվ սա է հավիտենական կյանքը, որ ճանաչեն քեզ միայն ճշմարիտ Աստուած և Հիսուս Քրիստոսին»։ | |
«Ոգին մարմին եւ ոսկերք չունի, ինչպէս ինձ էք տեսնում որ ունիմ» |
-
Ինչպե՞ս եք ձեր կյանքում կիրառել կամ ինչպե՞ս կկիրառեիք վարդապետության սերտման սուրբ գրությունների այս հատվածներում ուսուցանված ճշմարտությունները:
Կիրառեք վարդապետությունը իրական իրավիճակների համար
Օգնեք ուսանողներին կիրառել վարդապետության սերտման հատվածները իրական իրավիճակների համար: Դա անելու համար կիսվեք հետևյալ սցենարներից յուրաքանչյուրով և ուսանողներին խնդրեք ընտրել վարդապետության սերտման այն հատվածը, որը կարող է օգնել այդ անձին:
Կարող եք բազմազանություն մտցնել այս վարժության մեջ՝ ցուցադրելով թղթեր, որոնց վրա գրված են սուրբ գրությունների հղումներ (մեկական հղում յուրաքանչյուր թղթի վրա): Ներկայացրեք մի սցենար, ապա ուսանողներին հրավիրեք կանգնել այն թղթի կողքին, որի հղումը առավելագույնս համապատասխանում է տվյալ սցենարին: Այնուհետև ուսանողներին խնդրեք բացատրել, թե ինչու են նրանք ընտրել հենց այդ հղումը: Մյուս ուսանողներին խնդրեք կիսվել լրացուցիչ պատճառներով, թե ինչու են կարծում, որ տվյալ հատվածը օգտակար է տվյալ սցենարում ներկայացված անձի համար:
Հետևյալ երկու սցենարները կարող են օգտագործվել այս վարժության ժամանակ: Ցանկության դեպքում ստեղծեք այլ սցենարներ, որոնք կիրառելի կլինեն աղյուսակում նշված մյուս հատվածների համար:
-
Ձեր ընկերը հարցնում է ձեզ. «Ո՞րն է Հիսուս Քրիստոսի կարևորությունը»:
-
Երբ նա սկսում է իմանալ ավետարանի մասին, հարցնում է. «Ես ինչո՞ւ պետք է մկրտվեմ: Արդյո՞ք բավական չէ լավ մարդ լինելը»:
Հաջորդ երկու սցենարի համար դասարանը բաժանեք զույգերի կամ փոքր խմբերի: Զույգերից կամ խմբերից յուրաքանչյուրին հանձնարարեք սցենարներից մեկը: Ուսանողներին առաջարկեք քննարկել սցենարներին հաջորդող հարցերը:
-
Դուք ծանրաբեռնված եք կյանքի խնդիրներով և մտածում եք, թե ումից կարող եք սփոփանք ստանալ:
-
Ձեր ծնողները շեշտում են, թե որքան կարևոր է, որ դուք ուրիշների համար օրինակ ծառայեք:
-
Ձեր կարծիքով, վարդապետության սերտման սուրբ գրությունների ո՞ր հատվածն է առնչվում այդ իրավիճակին։
-
Վարդապետության սերտման այս հատվածի ո՞ր բառերը կամ արտահայտություններն են առավել օգտակար այս իրավիճակում:
Ուսանողներին ժամանակ տվեք ստեղծել մեկ կամ ավել սցենարներ, որոնք առնչվում են այս դասի համար նախատեսված վարդապետության սերտման սուրբ գրությունների հատվածներին: Երբ ուսանողներն ավարտեն, խնդրեք մի քանի կամավորների իրենց սցենարներով կիսվել դասարանի հետ: Երբ ուսանողներից մեկը կիսվի իր սցենարով, մյուս ուսանողները կարող են ընտրել վարդապետության սերտման սուրբ գրությունների մի հատված, որը, իրենց կարծիքով, առավելագույնս կիրառելի է այս սցենարի համար:
Ուսանողներին հորդորեք շարունակել փնտրել, թե ինչպես կարող են իրենց կյանքում կիրառել վարդապետության սերտման սուրբ գրությունների հատվածներում ուսուցանված վարդապետությունը: