Անգիր սովորեք հղումները և սուրբ գրությունների հիմնական արտահայտությունները
Նկար
Mother and young woman in New Zealand are sitting together reading scriptures. Also shots of woman along pondering.
Սուրբ գրությունների հատվածները և դրանց ուսուցանած ճշմարտությունները անգիր սովորելը կարող է շատ օգտակար լինել ձեզ համար: Այս դասի նպատակն է օգնել ձեզ անգիր սովորել Նոր Կտակարանի վարդապետության սերտման որոշ հատվածներ և հիմնական արտահայտություններ:
Օգտագործեք բազմազանությունը՝ ուսանողներին ներգրավելու համար Օգտագործելով բազմազանությունը ուսուցման մարտավարության մեջ՝ դուք կարող եք մեծացնել ուսանողների ուսումնառության արդյունավետությունը: Հարմարեցրեք դասի նյութն այնպես, որ այն հետաքրքրի ուսանողներին և օգնի նրանց:
Ուսանողի նախապատրաստում. Ուսանողներին առաջարկեք կարդալ վարդապետության սերտման ուսումնասիրված հատվածներից մեկը կամ երկուսը: Հորդորեք նրանց անգիր անել հղումը և հիմնական արտահայտությունը կամ, եթե հնարավոր է, ամբողջ հատվածը:
Հնարավոր ուսումնական վարժություններ
Վարդապետության սերտման սուրբ գրությունների հատվածներին վերաբերող դասը կարող է ուսուցանվել այս կրկնության դասի փոխարեն: Վերանայեք տարածաշրջանի, շրջանի տնօրենի կամ համակարգողի կողմից տրամադրված դասացուցակը՝ համոզվելու համար, որ սուրբ գրությունների վարդապետության սերտման հատվածներին վերաբերող յուրաքանչյուր դաս կուսուցանվի սեմինարիայի ընթացքում:
Ինչո՞ւ եք անգիր հիշում հետևյալը. երգի տեքստը, դասացուցակը կամ մարզիկի և արտիստի մասին փաստերը:
Ի՞նչ այլ բաներ եք մտապահում: Ինչո՞ւ եք մտապահում դրանք:
Կարող եք կիսվել որևէ բան անգիր սովորելու մասին ձեր անձնական փորձառությունով և թե ինչու եք այն անգիր սովորել:
Ինչո՞ւ պետք է անգիր սովորել սուրբ գրությունները:
Կարդացեք Տասներկու Առաքյալների Քվորումից Երեց Ռիչարդ Գ. Սքոթի (1928–2015) հետևյալ հայտարարությունը կամ դիտեք «Նա ապրում է» տեսանյութը ChurchofJesusChrist.org կայքում 5:27-6:05-ը: Փնտրեք առնվազն երեք օրհնություններ, որոնք կարող են մեզ առաջարկել անգիր սովորած սուրբ գրությունները:
Նկար
Final official portrait of Elder Richard G. Scott of the Quorum of the Twelve Apostles, 2004. Passed away 22 September 2015.
Ես առաջարկում եմ, որ դուք անգիր սովորեք այն սուրբ գրությունները, որոնք հուզել են ձեր սիրտը կամ հասկացողությամբ լցրել ձեր հոգին: Երբ սուրբ գրություններն օգտագործվում են այնպես, ինչպես Տերն է ցանկացել, որ դրանք գրվեն, դրանց ունեն հատուկ զորություն, որը չի կարող փոխանցվել բառափոխման դեպքում: Երբեմն, երբ ես մեծ կարիք եմ զգում, ես մտովի կրկնում եմ այն սուրբ գրությունները, որոնք ինձ ուժ են տվել: Սուրբ գրությունները, հատկապես Տիրոջ խոսքերը, մեզ կարող են տալ մեծ սփոփանք, ուղղություն և զորություն:
(Ռիչարդ Գ. Սքոթ, «Նա ապրում է», Ensign, նոյեմբեր 1999, 87-88)
Ի՞նչ օրհնություններ եք ստացել սուրբ գրությունները կամ հիմնական արտահայտությունները անգիր սովորելով:
Տիրոջ խոսքերը անգիր սովորելով՝ ինչպե՞ս եք ավելի մոտեցել Երկնային Հորը և Հիսուս Քրիստոսին:
Եթե ուսանողներին պետք է լրացուցիչ օգնություն՝ սուրբ գրություններն անգիր սովորելու օգուտը հասկանալու համար, կարող եք կիսվել «Ինչո՞ւ պետք է մտապահենք սուրբ գրությունները» հոդվածը (Jared R. Moon, New Era, Sept. 2014, 17):
Պատկերներով քարտեր
Պատկերներով քարտեր օգտագործելը սուրբ գրությունների հղումները անգիր անելու միջոցներից մեկն է: Պատկերներով քարտ պատրաստելու համար վերցրեք թղթի մի կտոր և այն ծալեք սկզբից երկու տակ, այնուհետև՝ չորս: Բացեք այն և բաժանեք չորս քարտի:
Անհրաժեշտության դեպքում կարող եք հետևյալ հղումները և հիմնական արտահայտությունները փոխարինել ուսումնասիրված հատվածների հղումներով և հիմնական արտահայտություններով:
Քարտի մի կողմի վրա գրեք հետևյալ հղումներից յուրաքանչյուրը: Իսկ մյուս կողմի վրա գրեք հիմնական արտահայտությունը:
«Սուրբ գրությունները … կարող են քեզ իմաստուն անել փրկության համար»։
Ստեղծագործաբար մոտեցեք սուրբ գրությունները մտապահելու գործին: Ընտրեք հետևյալ գաղափարներից մեկը կամ ձերն առաջարկեք:
Ստուգեք ինքներդ ձեզ. Այնպես պահեք պատկերներով քարտը, որ տեսնեք միայն հղումը կամ հիմնական արտահայտությունը: Փորձեք հիշել համապատասխան հղումը կամ հիմնական արտահայտությունը: Կրկնեք այն մի քանի անգամ:
Կրկնություն հաղորդագրության միջոցով. Ուղարկեք հղումը սեմինարիայի ընկերներին և տեսեք, թե ով ձեզ հետ կուղարկի ճիշտ հիմնական արտահայտությունը:
Համապատասխանեցման վարժություն. Աշխատեք զույգերով դասընկերոջ կամ ընտանիքի անդամի հետ: Խնդրեք, որ զույգից մեկը դնի իր քարտերն այնպես, որ երևան հղումները, իսկ մյուսն՝ այնպես, որ երևան հիմնական արտահայտությունները: Համապատասխանեցրեք հղումը հիմնական արտահայտության հետ՝ հիմնական արտահայտությամբ քարտը դնելով հղումով քարտի վրա:
Կարող եք ուսանողներին բաժանել չորս հոգուց բաղկացած խմբերի: Յուրաքանչյուր խմբի առաջարկեք օգտագործել քարտերի մեկ հավաքածու և բաժանեք այն խմբի անդամների միջև: Կարդացեք հիմնական արտահայտությունը: Այն ուսանողը, որն ունի համապատասխան հղումով քարտը, պետք է այն արագ փոխանցի ուսուցչին: Սահմանեք հստակ ժամանակահատված դա անելու համար (օրինակ՝ հինգ վայրկյան): Հորդորեք ուսանողներին օգնել իրենց թիմի անդամներին: Ուսանողները կարող են նաև փոխանակել քարտերը, որպեսզի թիմի բոլոր անդամները սովորեն բոլոր հղումները և հիմնական արտահայտությունները:
Ընտրեք վարդապետության սերտման մեկ հատված:
Ինչո՞ւ եք ցանկանում անգիր անել այս հատվածը կամ հիմնական արտահայտությունը:
Այն ինչպե՞ս կարող է ձեզ օգնել ավելի լավ հասկանալ Հիսուս Քրիստոսին և Նրա ավետարանը:
Եթե ժամանակ է մնացել, ուսանողները կարող են պատկերներով քարտեր պատրաստել այլ հղումների և համապատասխան հիմնական արտահայտությունների համար:
