Գնահատեք ձեր գիտելիքները 7

Գործք Առաքելոց 1-28

Young women enjoying themselves in Ghana.

Այս դասի նպատակն է օգնել ձեզ գնահատել ձեր սահմանած նպատակները, ձեր գիտելիքները, ինչպես նաև ձեր անհատական աճը՝ Նոր Կտակարանի ուսումնասիրման ընթացքում:

Ուսանողի նախապատրաստում. Ուսանողներին առաջարկեք պատրաստ լինել պատմելու Գործք Առաքելոց գրքում նկարագրված՝ Հիսուս Քրիստոսի մոտ դարձի եկած մարդկանց մասին:

Հնարավոր ուսումնական վարժություններ

Այս դասի նպատակն է օգնել ուսանողներին գնահատել իրենց նպատակները, Նոր Կտակարանի ուսմունքները բացատրելու իրենց կարողությունը, և թե ինչպես են փոխվում իրենց մոտեցումները, ցանկությունները և ավետարանով ապրելու կարողությունը: Գործք Առաքելոց 1-28 գլուխների ուսումնասիրությունը դասարանով, հնարավոր է, ընդգծել է ճշմարտություններ, որոնք տարբերվում են հետևյալ վարժություններում ներկայացված ճշմարտություններից: Այդ դեպքում վարժությունները կարող են հարմարեցվել և ընդգրկել այդ ճշմարտությունները:

«Օժանդակ ուսումնական վարժություններ» բաժնում դուք կարող եք գտնել լրացուցիչ գնահատման թեմաներ:

Արդյոք մարդիկ կարո՞ղ են փոխվել

Պատկերացրեք, որ ձեր ընկերը պատմում է ձեզ, որ կան բաներ, որոնք ինքը ցանկանում է փոխել, բայց կասկածում է, որ ի վիճակի է դա անել:

• Ինչպե՞ս կպատասխանեիք:

• Այն փաստը, որ դուք կարող եք փոխվել Հիսուս Քրիստոսի Քավության շնորհիվ, ի՞նչ ազդեցություն է թողնում ձեր կյանքի վրա:

Ուսանողներին հիշեցրեք դասին նախապատրաստվելու մասին:

Մտածեք Գործք Առաքելոց գրքի այն պատմությունների մասին, որոնք ցուցադրում են, թե մարդիկ ինչպես կարող են ավելի լավը դառնալ՝ Քրիստոսի մոտ գալով և Նրա աշակերտը դառնալով:

Անհրաժեշտության դեպքում կարող եք կրկնել հետևյալ օրինակներից մեկը կամ մի քանիսը:

1. Մարդիկ, ովքեր միացան Եկեղեցուն. Գործք Առաքելոց 2.14, 36-47

2. Եթովպացի ներքինին. Գործք Առաքելոց 8.26-40

3. Սավուղը (ով Պողոս դարձավ). Գործք Առաքելոց 9.1-22

4. Կոռնելիոսը. Գործք Առաքելոց 10․1-8, 44-48

5. Պողոսին և Շիղային հսկող բանտապետը. Գործք Առաքելոց 16.25-36

Օգտագործելով այս օրինակները կամ Գործք Առաքելոց գրքից այլ օրինակներ պատասխանեք ձեր ընկերոջը, ով չի հավատում, որ կարող է փոխվել: Ներառեք հետևյալը.

• Փրկիչի օգնությամբ փոխված մարդու կամ մարդկանց մասին մի փաստ:

• Փրկիչը և Նրա կողմից ուղարկված ծառաներն ինչպես են աջակցել այդ մարդկանց դարձին:

• Այդ մարդիկ ի՞նչ են արել Տիրոջը և Նրա ծառաներին վստահելու համար:

Լսեք, երբ ուսանողները կիսվեն իրենց պատասխաններով զույգերով կամ փոքր խմբերով: Եթե նրանց լրացուցիչ տեղեկություն պետք լինի դեպի Հիսուս Քրիստոսը դարձի մասին, կարող եք միասին կարդալ Գործք Առաքելոց 9.3-20-ը և ուսանողներին առաջարկել գտնել այն մանրամասները, որոնք կօգնեն նրանց հասկանալ, թե մարդիկ ինչպես են փոխվում Փրկիչի օգնությամբ:

Մտածեք դեպի Հիսուս Քրիստոսը ձեր դարձի մասին: Մտածեք, թե փոխվելու կամ ավելի լավը դառնալու ինչ հրավերներ եք ստացել Տիրոջ կողմից՝ Գործք Առաքելոց գիրքը կարդալիս: Ձեր օրագրում պատասխանեք հետևյալ հարցերին:

Փակցրեք հետևյալ հարցերը, որպեսզի ուսանողները դրանք տեսնեն՝ իրենց օրագրերում գրառումներ կատարելիս:

• Ի՞նչ գիտեք Հիսուս Քրիստոսի մասին, որը ձեզ մղում է սիրել և հետևել Նրան:

• Վերջին ամսվա ընթացքում Սուրբ Հոգին ի՞նչ փոփոխություններ է ոգեշնչել ձեզ կատարել: Դուք ինչպե՞ս արձագանքեցիք:

• Ինչպե՞ս է Երկնային Հայրը օրհնել ձեզ ձեր ջանքերի համար: Ո՞րն էր ամենամեծ փոփոխությունը:

• Ի՞նչն էր դժվարացնում փոխվելու կամ ավելի լավը դառնալու հրավերների ընդունումը: Ինչպե՞ս եք լրացուցիչ օգնություն փնտրել Երկնային Հորից:

Այս դասն ավարտելիս շարունակեք ոգեշնչում փնտրել Սուրբ Հոգուց: Փորձեք բացահայտել, թե Նա ինչ է ցանկանում, որ դուք անեք՝ փոխվելու և դեպի Հիսուս Քրիստոսը դարձի գալու համար:Քրիստոսին ավելի մոտենալու մասին խորհելիս ընտրեք հետևյալ վարժություններից մեկը:

Վարժություն Ա. Հիսուս Քրիստոսի ավետարանի առաջին սկզբունքները և արարողությունները

Գործք Առաքելոց գրքում ավետարանի առաջին սկզբունքները և արարողությունները բազմաթիվ մարդկանց օգնեցին փոխվել և դարձի գալ դեպի Հիսուս Քրիստոսը:

Սուրբ գրքերի ուղեցույցը բացատրում է, թե այդ սկզբունքներն ու արարողությունները ինչպես են օգնում մեզ դարձի գալ դեպի Հիսուս Քրիստոսը:

Ապաշխարությունը, մկրտությունը և մեղքերի թողությունը, Սուրբ Հոգու ընդունումը ձեռնադրման միջոցով և շարունակական հավատքն առ Տեր Հիսուս Քրիստոսը դարձը կատարյալ են դարձնում: Արդյունքում բնական մարդը կփոխվի մի անձի, ով սրբագործված է և մաքուր և վերածնված Հիսուս Քրիստոսում ( Բ Կորնթացիս 5.17 , Մոսիա 3.19):

(Սուրբ գրքերի ուղեցույց, « Դարձ, դարձի եկած մարդ », scriptures.ChurchofJesusChrist.org)

Մտածեք ընտրված պատմության մասին, որը ներկայացնում է Տիրոջ օգնությամբ փոխված մի մարդու:

• Ավետարանի առաջին սկզբունքները և արարողություները ի՞նչ դեր են խաղացել այդ մարդկանց դարձի գործում:

• Ավետարանի առաջին սկզբունքներն ու արարողություները ինչպե՞ս են օգնել ձեզ կամ ուրիշներին դարձի գալ դեպի Փրկիչը:

Պատկերացրեք, որ տեղական միսիոներները ձեզ խնդրում են օգնել իրենց՝ որևէ մեկի ուսուցման գործում: Նրանք ցանկանում են, որ դուք կիսվեք, թե ավետարանի առաջին սկզբունքներն ու արարողություները ինչպես կարող են օգնել ամրապնդել դարձը դեպի Հիսուս Քրիստոսը և հրավիրել Նրա օգնությունը՝ մեր կյանքը փոխելու համար: Բացատրություն գրեք այդ մարդու համար, կարծես դուք ուղղակիորեն խոսում եք նրա հետ: Օգտագործեք առնվազն մեկ օրինակ Գործք Առաքելոց գրքից և որևէ անձնական փորձառությունից:

Ժամանակ տվեք ուսանողներին՝ իրենց մտքերը գրի առնելու համար: Այնուհետև առաջարկեք նրանց դրանք բացատրել զուգընկերոջը: Քայլեք սենյակով և լսեք նրանց բացատրությունները: Եթե ուսանողները ավետարանի առաջին սկզբունքների և արարողությունների վերաբերյալ լրացուցիչ տեղեկության կարիք ունեն, կարող եք օգտագործել հետևյալ հատվածները. Գործք Առաքելոց 19.1–7 , 2 Նեփի 31.13–21 , 3 Նեփի 27.13–22 :

Վարժություն Բ. Սուրբ գրությունների ուսումնասիրություն և դարձ

Դեպի Հիսուս Քրիստոսը մեր դարձը ամրապնդելու համար մենք պետք է հետևողական կերպով սուսումնասիրենք սուրբ գրությունները: Մտածեք, թե Գործք Առաքելոց գրքից հետևյալ պատմություններն ինչպես են ցուցադրում սուրբ գրությունների ուսումնասիրության կարևորությունը դարձի համար:

Փիլիպպոսը և եթովպացի մարդը. Գործք Առաքելոց 8.26-40

Պողոսը և սրբերը Սալոնիկից ու Բերիայից. Գործք Առաքելոց 17.1-14

Մտածեք, թե սուրբ գրությունների ուսումնասիրությունն ինչպես է օգնել ձեզ դարձի գալ դեպի Փրկիչը:

Պատկերացրեք, որ ձեր Երիտասարդ տղամարդկանց կամ Երիտասրարդ կանանց ղեկավարը խնդրել է ձեզ օգնել ձեր ծխի երիտասարդներին ուսումնասիրել սուրբ գրությունները և ամրապնդել իրենց դարձը դեպի Հիսուս Քրիստոսը: Ի՞նչ նյութեր կստեղծեիք՝ նրանց դարձը խթանելու համար: Մի քանի րոպեում փորձեք նկարագրել ձեր նյութը ձեր օրագրում: Դա կարող է լինել տեսանյութ, հոդված, ելույթ, կայք կամ մեկ այլ նյութ:

Ձեր նյութը կարող է ներառել հետևյալը.

• Օրինակ Գործք Առաքելոց կամ այլ գրքից, որը ցուցադրում է սուրբ գրությունների ուսումնասիրության կարևորությունը:

• Սուրբ գրությունների ուսումնասիրման հմտության օրինակ կամ մոդել, որն օգնում է ձեզ, կամ նկարագրություն, թե ինչպես եք ուսումնասիրում:

• Մի փորձառություն, որը օգնել է ձեզ կամ ծանոթ մեկին դարձի գալ դեպի Փրկիչը:

• Սուրբ գրությունների ուսումնասիրության զորության ձեր անձնական վկայությունը:

Հրավիրեք ուսանողներին իրենց ուսումնասիրության օրագրերում պատասխանել հետևյալ հարցերին։

Օգնություն փնտրեք Երկնային Հորից Սուրբ Հոգու միջոցով, երբ գրանցեք այն գործողությունները, որոնք, ձեր կարծիքով, անհրաժեշտ են՝ դեպի Հիսուս Քրիստոսը դարձի գալու համար: Փրկիչը կօգնի ձեզ, եթե ձգտեք հետևել այդ տպավորություններին: Կարող եք կիսվել ձեր տպավորություններով զուգընկերոջ կամ Եկեղեցու վստահելի ղեկավարի հետ: Խնդրեք նրանց օգնել ձեզ հետևել այդ տպավորություններին:

Ուսանողներին քաջալերեք գործել Երկնային Հորից Սուրբ Հոգու միջոցով ստացած տպավորությունների համաձայն: Վկայեք, որ Աստված կօգնի նրանց, եթե փորձեն հետևել այդ տպավորություններին:

Օժանդակ ուսումնական վարժություններ

Գործք Առաքելոց 10 - 11 , Գործք Առաքելոց 15 , Գործք Առաքելոց 27 Հայտնություն

Կարող եք գնահատել, թե ուսանողներն ինչ գիտեն այն մասին, թե հայտնությունն ինչպես է գալիս Եկեղեցու ղեկավարներին: Առաջարկեք նրանց կրկնել Գործք Առաքելոց 10 , 11 , 15 , և 27 գլուխներին նվիրված դասերի ժամանակ կատարված նշումները: Ուսանողներին հնարավորություն տվեք ի մի բերել և ներկայացնել իրենց մտքերը: Տարբերակներից մեկն է ուսանողներին առաջարկել մի կարճ հոդված գրել Երիտասարդներին զորացնելու համար ամսագրի համար, որը կբացատրի, թե ինչպես է ստացվում հայտնությունը ողջ Եկեղեցու համար, և թե ինչու է կարևոր հասկանալ այդ ճշմարտությունները:

Ինչպես ձախորդության միջոցով խաղաղություն գտնենք Քրիստոսում

Ուսանողներին առաջարկել հիշել Գործք Առաքելոց գրքում նկարագրված այն անձանց, ովքեր, չնայած ձախորդություններին, կարողացան խաղաղություն գտնել Քրիստոսում, ինչպես օրինակ՝ Պետրոսը և Հովհաննեսը Գործք Առաքելոց 5.40–42 -ում, Ստեփանոսը Գործք Առաքելոց 6 – 7 -ում, Պետրոսը և Եկեղեցու այլ անդամներ Գործք Առաքելոց 12.1–19 -ում կամ Պողոսը Գործք Առաքելոց 22 – 28 -ում: Ուսանողներին առաջարկեք կիսվել, թե նրանք ինչպես են ձախորդության պահերին խաղաղություն գտել Քրիստոսում: Նրանք կարող են պատմություններ բացահայտել Գործք Առաքելոց գրքից և կիսվել անձնական փորձառություններով, որոնք կարող են օգնել նրանց հաղթահարել ապագա փորձությունները: Առաջարկեք նրանց ոգեշնչում փնտրել Երկնային Հորից Սուրբ Հոգու միջոցով և ծրագրել, թե ինչ են անելու՝ ապագա փորձությունների ժամանակ Քրիստոսում խաղաղություն գտնելու համար: