Գնահատեք ձեր գիտելիքները 9

Ա Կորնթացիս 8-16 և Բ Կորնթացիս

Young man studying scriptures

Այս դասի նպատակն է օգնել ձեզ գնահատել ձեր նպատակները, ինչպես նաև ձեր աճը, որն ունեցել եք Նոր Կտակարանի այս տարվա ուսումնասիրության ընթացքում:

Օգնեք ուսանողներին գնահատել իրենց գիտելիքները Ուսանողներին հնարավորություն տվեք գնահատել իրենց գիտելիքները: Դա անելու ձևերից մեկն է առաջարկել նրանց խորհել Հիսուս Քրիստոսի ավետարանով ապրելուն ուղղված իրենց նպատակների շուրջ: Խորհելիս ուսանողները կտեսնեն, թե որտեղ դեռևս բարելավման կարիք ունեն, իսկ որտեղ նրանք արդեն առաջընթաց են ունեցել: Ուսանողներին հորդորեք դիմել Սուրբ Հոգու օգնությանը, որպեսզի նրանց մոտ հույս առաջանա և նրանք իմանան, թե ինչպես կարող են շարունակել սովորել:

Ուսանողի նախապատրաստում. Ուսանողներին առաջարկեք կրկնել այն մեթոդները, որոնց միջոցով նրանք փորձել են կիրառել Ա Կորնթացիս 8-16 գլուխներից և Բ Կորնթացիս գրքից սովորած սկզբունքները:

Հնարավոր ուսումնական վարժություններ

Այս դասի նպատակն է օգնել ուսանողներին գնահատել իրենց նպատակները, Նոր Կտակարանի ուսմունքները բացատրելու իրենց կարողությունը, նաև գնահատել, թե ինչպես են փոխվում իրենց մոտեցումները, ցանկությունները և ավետարանով ապրելու կարողությունը: Ա Կորնթացիս 8–16 և Բ Կորնթացիս գրքի ուսումնասիրությունը դասարանով, հնարավոր է, ընդգծել է ճշմարտություններ, որոնք տարբերվում են հետևյալ վարժություններում ներկայացված ճշմարտություններից: Այդ դեպքում վարժությունները կարող են հարմարեցվել և ընդգրկել այդ ճշմարտությունները:

Այս դասի ժամանակ դուք հնարավորություն կունենաք գնահատել ձեր գիտելիքները և այն, թե դուք ինչպես կարող եք կիրառել Ա Կորնթացիս 8–16 և Բ Կորնթացիս գրքից սովորած սկզբունքները: Ձեր գիտելիքների գնահատումը կարող է ձեզ օգնել վերլուծել, թե սուրբ գրությունների ուսումնասիրությունն ինչպես է ձեզ օգնում ավելի նմանվել Փրկիչին:

Գնահատեք ձեր նպատակները

Կարող եք դասը սկսել՝ խնդրելով ուսանողներին գուշակել Աստվածաշնչի, Մորմոնի Գրքի, Վարդապետություն և Ուխտերի և Թանկագին Մարգարիտի տպագիր էջերի ընդհանուր քանակը: Երբ ուսանողները գուշակեն, ցուցադրեք դրանց իրական քանակը, որպեսզի նրանք տեսնեն, թե ով է տվել ամենամոտ պատասխանը:

Գուշակեք Աստվածաշնչի, Մորմոնի Գրքի, Վարդապետություն և Ուխտերի և Թանկագին Մարգարիտի տպագիր էջերի ընդհանուր քանակը:

• Ձեր կարծիքով, ինչո՞ւ է Տերը մեզ տվել սուրբ գրությունների այսքան շատ էջեր:

• Ինչպե՞ս կարող եք ցուցադրել ձեր երախտագիտությունը Նրա խոսքի համար:

Տասներկու Առաքյալների Քվորումից երեց Դ. Թոդ Քրիստոֆերսոնը բացատրել է, թե Տերն ինչու է այսքան շատ խոսքեր տվել սուրբ գրություններում: Կարդացեք հետևյալ հայտարարությունը կամ դիտեք «Սուրբ Գրության օրհնությունները» տեսանյութը (3:03) ChurchofJesusChrist.org կայքում:

Portrait of Elder D. Todd Christofferson. Photographed in March 2020.

Պատկերացրեք, թե որքան մեծ է օրհնությունը, … որ մենք ունենք այսքան շատ գրություններ: Եվ բացի այդ, ամեն տղամարդ, կին և երեխա կարող է ունենալ և ուսումնասիրել այս սրբազան տեքստերի իր սեփական օրինակը, մեծ մասը իրենց իսկ լեզվով: … Անշուշտ այս օրհնությամբ Տերն ասում է մեզ, որ սուրբ գրությունների օգնությանը դիմելու մեր անհրաժեշտությունն ավելի մեծ է, քան երբևէ նախկինում: Թող որ մենք անընդհատ սնվենքՔրիստոսի խոսքերով, որոնք կասեն մեզ բոլոր բաները, որոնք մենք պետք է անենք (տես 2 Նեփի 32.3):

(Դ. Թոդ Քրիստոֆերսոն, «Սուրբ գրության օրհնությունը», Ensign կամ Լիահոնա, մայիս 2010, 35)

• Ձեր կարծիքով, ինչո՞ւ սուրբ գրությունների ուսումնասիրության մեր կարիքն [այժմ] ավելի մեծ է, քան ցանկացած անցյալ ժամանակում։

• Ի՞նչ անձնական կարիքների են սուրբ գրությունները համապատասխանում ձեր կյանքում, կամ ինչ կարիքներ դրանք կարող են հոգալ:

Մի պահ մտածեք սուրբ գրությունների ձեր անձնական ուսումնասիրության մասին: Խորհրդակցեք Երկնային Հոր հետ այն մասին, թե սուրբ գրությունների ձեր ուսումնասիրությունն ինչպես է բավարարում ձեր կարիքները, և արդյոք դուք շտկումների կարիք ունեք: Գուցե դուք պետք է ավելի հետևողական լինեք ձեր ուսումնասիրության մեջ կամ փորձեք ավելի խորը հասկանալ սուրբ գրությունները: Գրեք այն շտկումները, որոնց կարիքը դուք ունեք: Կարող եք խնդրել ձեր ընտանիքին, սեմինարիայի ուսուցչին կամ Եկեղեցու ղեկավարին օգնել ձեզ սուրբ գրությունների ուսումնասիրության գործում:

Ապավինեք Փրկչին և փնտրեք Նրա օգնությունը

Jesus forgiving and healing a man.

Երբ Պողոսը գրում էր կորնթացի Սրբերին, նա կենտրոնացած էր այն բանի վրա, թե Հիսուս Քրիստոսն ինչպես է օրհնում և օգնում մեզ: Որոշ օրինակներ մեզ ուսուցանում են, թե ինչպես խուսափել գայթակղությունից (տես Ա Կորնթացիս 10.13), թե ինչպես զարգացնել բարեգործությունը (տես Ա Կորնթացիս 13), թե ինչպես վերակենդանանալ Հարության միջոցով (տես Ա Կորնթացիս 15), թե ինչպես հաշտվել Նրա հետ (տես Բ Կորնթացիս 5.16–21 , 7.1–10) և թե ինչպես ամրապնդվել, որպեսզի մենք դիմակայենք մարտահրավերներին (տես Բ Կորնթացիս 11 – 12):

Կրկնեք այն հատվածները, որոնք դուք նշել եք Ա Կորնթացիս 8-16 գլուխները և Բ Կորնթացիս գիրքն ուսումնասիրելիս, և որոնք ձեզ օգնել են իմանալ Փրկիչի մասին կամ ապավինել Նրան:

Պատրաստեք 3-5 րոպեանոց ուղերձ այն մասին, թե Հիսուս Քրիստոսն ինչպես է օգնում մեզ: Ներառեք հետևյալը.

• Ա Կորնթացիս 8-16 գլուխներից կամ Բ Կորնթացիս գրքից մեկ կամ ավելի կարևոր հատված ձեզ համար

• բացատրություն, թե այդ հատվածներն ինչ են ուսուցանում այն մասին, թե Փրկիչն ինչպես է օգնում և ուժ տալիս ձեզ

• ձեր կյանքից մի փորձառություն կամ օրինակ սուրբ գրություններից այն մասին, թե Հիսուս Քրիստոսն ինչպես է օգնում այս հատվածներում ուսուցանված եղանակով

• թե դուք ինչպես կարող եք ուրիշներին հրավիրել Փրկչի օգնությունն ու ուժը ստանալու

Խնդրեք մի քանի կամավորների դասարանի հետ կիսվել իրենց փորձառությամբ: Որպես այլընտրանք, ուսանողները կարող են կիսվել զուգընկերոջ հետ: Ուսանողներին հորդորեք կիսվել իրենց ուղերձով տանը կամ Եկեղեցում:

Ընտանեկան պատմության և տաճարային աշխատանքը և Հարությունը

Temple Family History

Վարժություն Ա. Մասնակցեք ընտանեկան պատմության և տաճարային աշխատանքին

Եթե Ա Կորնթացիս 15.29 դասը չի ուսուցանվել կամ եթե դուք չեք առաջարկել ուսանողներին ծրագրել, թե ինչպես ավելի ակտիվորեն մասնակցել ընտանեկան պատմության և տաճարային աշխատանքին, կարող եք բաց թողնել Վարժություն Ա-ն:

Եթե պարզվում է, որ ուսանողները չգիտեն, թե ինչպես օգտագործել FamilySearch.org կայքը կամ FamilySearch հավելվածը, կարող եք նրանց ժամանակ տալ դրանք ուսումնասիրելու համար: Նրանք կարող են փնտրել մահացած նախնիներից մեկին, ում անձամբ գիտեին կամ նրան, ում մասին կարող են պատմել: Ուսանողներին օգնեք խորհել այն մասին, թե Փրկիչի Հարությունն ինչ կարող էր նշանակել այդ նախնիների համար:

Հավանաբար դուք ուսումնասիրել եք Ա Կորնթացիս 15.29 հատվածը: Մտածեք, թե Փրկիչի Հարությունն ինչպես է ազդում ձեր նախնիների վրա: Դիտեք այս տեսանյութը:

Temple Family History

Ա Կորնթացիս 15.29 հատվածն ուսումնասիրելիս դուք հավանաբար ստեղծել եք մի ծրագիր, թե ինչպես մասնակցել ընտանեկան պատմության և տաճարային աշխատանքին: Եթե դուք դա արել եք, կրկնեք այն և մտածեք, թե ինչ եք անելու այն իրագործելու համար: Եթե դուք դա չեք արել, կարող եք այժմ ծրագրել, թե ինչ եք անելու, որպեսզի օգնեք ձեր նախնիներին վայելել Հիսուս Քրիստոսի ավետարանի բոլոր օրհնությունները:

Կարող եք ցուցադրել հետևյալ հրահանգները, որպեսզի ուսանողները կարողանան տեսնել դրանք խորհելիս և գրելիս: Բավարար ժամանակ հատկացնելուց հետո ուսանողներին խնդրեք կիսվել իրենց մտքերով:

Զեկուցեք ձեր ծրագրի մասին:

Եթե դուք ծրագիր եք մշակել, կիսվեք, թե ինչն է լավ ընթացել և ինչ խոչընդոտների եք հանդիպել: Կան արդյո՞ք շտկումներ, որոնք Երկնային Հայրը կկամենար, որ դուք կատարեիք: Այդ շտկումներն ինչպե՞ս կօգնեն ձեզ:

Եթե դուք չունեք ծրագիր, կիսվեք, թե ինչ կուզեիք անել և ինչու: Ձեր կարծիքով, ձեր ծրագիրն ինչպե՞ս կազդեր ձեզ և ուրիշների վրա:

Պատասխանեք հետևյալ հարցերից մեկին․

• Ձեր մասնակցությունն ընտանեկան պատմության և տաճարային աշխատանքին ինչպե՞ս է ցուցադրում հարություն առնելու ձեր հույսը:

• Ձեր մասնակցությունն ընտանեկան պատմության և տաճարային աշխատանքին ինչպե՞ս է ձեզ օգնել ավելի մոտենալ Երկնային Հորը և ավելի նմանվել Հիսուս Քրիստոսին:

Վարժություն Բ. Բացատրեք Փրկիչի Քավության վարդապետությունը

Ուսանողներին օգնեք գնահատել Փրկիչի Քավության վարդապետությունը բացատրելու իրենց կարողությունը քննարկելով հետևյալ հարցերին մի քանիսը: Հրավիրեք Սուրբ Հոգուն, որ նա ուղղորդի այդ քննարկումը:

• Փրկիչի Հարությունն ինչո՞ւ է Նրա Քավության կարևոր մաս կազմում:

• Ի՞նչ եք սովորել Ա Կորնթացիս 8–16 գլուխներից կամ Բ Կորնթացիս գրքից Հարության մասին, որն օգնել է ձեզ:

• Ձեր կարծիքով, ո՞ր ընտրությունները կփոխվեին մեր կյանքում, եթե մենք չհավատայինք բառացի Հարությանը:

• Ինչո՞ւ եք երախտապարտ, որ Հիսուս Քրիստոսը մեզ մահվան վրա զորություն է առաջարկում: Ինչպե՞ս կարող եք ցույց տալ այդ երախտագիտությունը: