Jesus is shown with a group of people speaking to a scribe about the two great commandments. Outtakes: include close ups of people in the crowd. (Scene filmed at ext. the temple court of the Women)
Մատթեոս 22.36–39 հատվածներում Փրկիչն ուսուցանում է երկու մեծ պատվիրանները: Այս դասը ձեզ կօգնի օգտվել այս հատվածում ուսուցանված վարդապետությունից և հոգևոր գիտելիքներ ձեռք բերելու սկզբունքներից, նաև հասկանալ, թե ինչպես հնազանդվել Աստծուն և մերձավորին սիրելու երկու պատվիրաններին:
Մտապահեք և բացատրեք
Փորձեք մտապահել «Սիրիր քո Տէր Աստուծուն: … Սիրիր քո ընկերին» հիմնական արտահայտությունը Մատթեոս 22.36-39-ի հղման համար:
Սիրտ նկարեք և ներքևում գրեք 1 և 2 թվերը: 1 թվի մոտ գրեք «Սիրիր քո Տէր Աստուծուն», 2 թվի մոտ՝ «Սիրիր քո ընկերին»: Մատնացույց արեք սրտին և արտասանեք հղումը: Ապա մատնացույց արեք թվին: Ապա նշեք հիմնական արտահայտության թվին համապատասխանող մասը: Կրկնեք դա մի քանի անգամ։
Կարդացեք Մատթեոս 22.36-39-ը և հիշեք այս հատվածների նախորդ ուսումնասիրությունը:
1. Սուրբ գրությունների ուսումնասիրության օրագրում գրեք ձեր պատասխանները հետևյալ հարցերին.
Ինչպե՞ս կարող ենք ամբողջ սրտով սիրել Աստծուն: Ինչպե՞ս կարող ենք սիրել մեր ընկերին՝ ինչպես մեզ:
Ձեր կարծիքով, այս երկու պատվիրաններն ինչո՞ւ են տրված հենց այս հերթականությամբ:
Գործնական կիրառում
Անհրաժեշտության դեպքում վերընթերցեք «Ձեռք բերել հոգևոր գիտելիքներ» բաժնի պարբերություններ 5-12-ըՎարդապետության սերտման հիմնարար փաստաթղթում (2022):Որոշ իրավիճակներում մենք կարող ենք չհասկանալ, թե ինչպես հետևել Աստծո պատվիրաններին և սեր ցուցադրել այն մարդկանց հանդեպ, ովքեր չեն հնազանդվում Աստծո պատվիրաններին:
Յոթանասունից երեց Լին Գ. Ռոբբինսն ուսուցանել է․
Նկար
Former Official Portrait of Elder Lynn G. Robbins. Photographed March 2017. Replaced October 2019 (with Telescope ID: 2298123)
Աստծուն գոհացնելու փոխարեն փորձելով գոհացնել մյուսներին` մենք երեսնիվայր շրջում ենք առաջին երկու մեծ պատվիրանները (տես Մատթեոս 22.37–39): Մենք մոռանում ենք՝ որ կողմ ենք նայում: Սակայն, մենք բոլորս էլ արել ենք այդ սխալը՝ մարդկանցից վախենալու պատճառով: …
Սկզբունքային որոշումները պետք է կայացվեն՝ հիշելով առաջին և երկրորդ մեծ պատվիրանների ճիշտ հերթականությունը: …
Փրկիչը՝ մեր մեծ Օրինակը, միշտ նայում էր Իր Հոր կողմը: Նա սիրեց և ծառայեց Իր ընկերներին, բայց ասաց. «Ես մարդկանցից փառք չեմ առնում» ( Հովհաննես 5.41):
( Լին Գ. Ռոբբինս, «Ո՞ր կողմ ես նայում», Ensign կամ Լիահոնա, նոյեմբեր. 2014, 9, 11)
Մտածեք այս հարցերի շուրջ հետևյալ վարժությունը կատարելուց առաջ:
Դուք երբևէ վախեցե՞լ եք սիրալիր կերպով ուղղել կամ խորհուրդ տալ ընկերոջը՝ նրան չվիրավորելու համար:
Դուք երբևէ զգացե՞լ եք, որ պետք է ընտրեք ձեր նկատմամբ ուրիշների և Տիրոջ սպասելիքների միջև:
2. Ձեր օրագրում կատարեք հետևյալը.
Գրեք սցենար, որտեղ որևէ մեկը դժվարանում է Աստծուն սիրել և հետևել Նրա պատվիրաններին, ինչպես նաև սիրել ուրիշներին: (Նշում. Մի ստեղծեք սցենարներ, որտեղ ուրիշները կարող են ճանաչել որոշակի անձանց կամ հասակակիցներին):
Քննեք հասկացություններն ու հարցերը հավերժության հեռանկարով
Մտածեք ձեր սցենարում ներկայացված անձի մասին՝ հետևյալ հարցերին պատասխանելիս:
Ինչ ենթադրություններ կարող են ստիպել մարդուն Աստծուն գոհացնելու փոխարեն ուրիշներին գոհացնել:
Երկնային Հոր փրկության ծրագիրը կամ այլ ավետարանական ուսմունքների ընկալումն ինչպե՞ս կարող է օգնել ցրել այդ սխալ ենթադրությունները:
Երկնային Հոր և Հիսուս Քրիստոսի մասին ի՞նչ ճշմարտություններ կարող են օգնել մարդուն վերաբերվել ուրիշներին Նրանց հեռանկարով:
Ձգտեք մեծացնել հասկացողությունը աստվածային աղբյուրների միջոցով
Մատթեոս 22.36-39-ում ներկայացված ճշմարտություններն ինչպե՞ս կարող են ուղղորդել այդ մարդուն:
Կարդացեք վերջին օրերի մարգարեների հետևյալ հայտարարությունները, որպեսզի հասկանաք, թե որ գաղափարները կարող են օգտակար լինել ձեր սցենարում ներկայացված անձի համար: Նախագահ Ռասսել Մ. Նելսոնն ուսուցանել է.
Նկար
Former Official Portrait of Elder Lynn G. Robbins. Photographed March 2017. Replaced October 2019 (with Telescope ID: 2298123)
Երբեմն մենք, որպես Եկեղեցու ղեկավարներ, քննադատվում ենք Աստծո օրենքներից ամուր կառչելու համար, Փրկիչի վարդապետությունը պաշտպանելու և մեր օրերի հասարակական ճնշումներին դիմադրելու համար:
…Բայց արդյո՞ք մենք շատ ավելի անտարբեր չէինք լինի, եթե չասեինք ճշմարտությունը` չուսուցանելով այն, ինչ Աստված է բացահայտել մեզ:
(Ռասսել Մ. Նելսոն, «Աստծո սերը և օրենքները» [Բրիգամ Յանգ Համալսարանի հոգևոր հավաք, սեպտեմբերի 17, 2019 թ.], 3, speeches.byu.edu)
Առաջին Նախագահությունից նախագահ Դալլին Հ․ Օուքսը հայտարարել է.
Նկար
Former Official Portrait of Elder Lynn G. Robbins. Photographed March 2017. Replaced October 2019 (with Telescope ID: 2298123)
Մենք պետք է փորձենք պահել երկու մեծ պատվիրանները։ Դա անելու համար մենք պետք է քայլենք օրենքի և սիրո միջև ընկած նուրբ թելի վրայով՝ պահելով պատվիրանները, քայլելով ուխտի ճանապարհով և, միևնույն ժամանակ, սիրելով մեր մերձավորներին։ Այս քայլարշավը մեզանից պահանջում է փնտրել աստվածային ոգեշնչում, թե ինչին պետք է աջակցենք, ինչին ընդդիմանանք, ինչպես սիրենք, հարգալից լսենք և ուսուցանենք այդ ընթացքում: