1
Ngāue ʻaki ʻa e Tui kia Sīsū Kalaisi
-
Fakalaulauloto ki he:ʻE tokoniʻi fēfē ʻe heʻeku tui kia Sīsū Kalaisí ʻa ʻeku moʻui fakafalala pē kiate kitá?
-
“Exercise Faith in Jesus Christ” (maʻu atu ’i he srs.lds.org. Kapau ’oku ’ikai ma’u ’a e fo’i vitioó, lau ’a e fakamatala ’i he peesi hokó.)
-
Aleaʻi:Ko e hā e me’a te ke lava ’o fai ke ngāue’i e tui kia Sīsū Kalaisi ’a ia te ne tokoni’i koe ke ke toe mo’ui fakafalala ange ai kiate koe?
-
Aleaʻi:Ko e hā ʻa e meʻa naʻe fai ʻe he fāmilí ni ke ngāue ʻaki ʻenau tui kia Sīsū Kalaisí?
-
Akoako Fakahoko:Fili ha foʻi fakamatala ʻi lalo pea lau loto pē ia kiate koe. Fakakaukau ki he anga ʻo e kaunga ʻa e potufolofolá kiate koé ʻi hoʻo feinga ke moʻui fakafalala pē kiate koé. Vahevahe hoʻo ngaahi fakakaukaú mo e kulupú.
Ngaahi Potufolofola fekauʻaki mo e Ngāueʻi ʻo e Tuí
Koeʻuhí ko e ʻikai tuku e lotu ʻa Tanielá, naʻe lī ai ia ki ha ʻana ʻo e fanga laioné, Ka “[naʻe] fekau ʻe hoku ʻOtuá … ʻene ʻāngelo, pea … tāpuni ʻa e ngutu ʻo e fanga laioné, … pea naʻe ʻikai ʻilo ha lavea siʻi ʻiate ia, koeʻuhí naʻá ne tui ki hono ʻOtuá.” Taniela 6:22–23 (Vakai foki, veesi 16–21)
“ʻOku faʻa fai ʻa e meʻa kotoa pē kiate ia ʻoku tuí. … Pea naʻe tatau ʻa e tangatá mo e taha mate. … Ka naʻe puke ia ʻe Sīsū ʻi hono nimá, ʻo fokotuʻu ia; peá ne tuʻuhake.” Maʻake 9:23, 26--27 (Vakai foki, veesi 17--22, 24--25)
“Tangi koeʻuhí ko e ngaahi tākanga monumanu iiki ʻi hoʻomou ngaahi ngoué, ke nau tupu ʻo tokolahi.” ʻAlamā 34:25
Naʻe ʻoange ʻe he ʻEikí ʻa e Liahoná kia Līhai ke tataki hono fāmilí, pea “naʻe ngāue ia maʻanautolu ʻo fakatatau ki heʻenau tui ki he ʻOtuá. … [Ko e taimi] naʻa nau fakapikopiko, ʻo ngalo ʻiate kinautolu ke ngāue ʻaki ʻenau tuí mo e ngāue faivelengá … naʻe ʻikai te nau lava ʻo laka atu ki muʻa ʻi heʻenau fonongá.” ‘Alamā 37:40--41
“Mou ʻomi ʻa e ngaahi vahehongofulu ʻo e meʻá ki he tukunga koloá, koeʻuhí ke ai ha meʻakai ʻi hoku falé, pea mou [ʻahiʻahiʻi] ai au, ʻoku pehē ʻe [he ʻEiki], ʻo e ngaahi kau taú, pe te u fakaava ʻa e ngaahi matapā ʻo e langí pe ʻikai, peá u lilingi hifo kiate kimoutolu ha tāpuaki, ʻe ʻikai ha potu ʻe faʻa hao ia ki ai. Malakai 3:10
Naʻe kole ʻa ʻIlaisiā, ʻi he lolotonga ha hongé, ki ha fefine uitou ke foaki ange maʻana ʻa ʻene meʻakai fakaʻosí. Naʻe palōmesi ange ʻa ʻIlaisiā koeʻuhí ko ʻene tuí ʻe foaki ʻe he ʻEikí ha meʻakai maʻana, pea he ʻikai toe ʻosi ʻa ʻene meʻakaí, . Vakai, 1 Ngaahi Tuʻi 17.
“Pea naʻá ne … fafanga ʻaki koe ʻa e mana [ʻi he taʻu ʻe 40] … koeʻuhí ke ne fakahā kiate koe ʻoku ʻikai moʻui ʻa e tangatá ʻi he maá pē, ka ʻoku moʻui ʻa e tangatá ʻi he meʻa kotoa pē ʻoku haʻu mei he fofonga ʻo [e ʻEikí].” Teutalōnome 8:3
-
Akoako Fakahoko:Hiki ha founga mahino ʻe ua te ke lava ai ʻo ngāue ʻaki e tui kia Sīsū Kalaisí:
-
Tukupā:Fakakaukauloto ki he toenga ʻo e ngaahi fakamatala mo e ngaahi potufolofola ʻi ʻolungá, ʻi he lolotonga ʻo e uiké, pea tukupā ke fakahoko ʻa e ngaahi ngāue ko ʻení. Fakaʻilongaʻi ʻa e fanga kiʻi puhá ʻi he taimi kuó ke fakakakato ai e ngāué takitaha:
-
Akoako fakaʻaongaʻi e tui kia Sīsū Kalaisí ʻi he ʻaho kotoa pē
-
Akoʻi ʻa e tefitoʻi moʻoni ko ʻení ki ho fāmilí.
-
NGĀUE ʻAKI ʻA E TUI KI HE ʻEIKI KO SĪSŪ KALAISÍ
Lau ʻa e fakamatala ko ʻení kapau ʻoku ʻikai ke ke lava ʻo mamata ʻi he vitioó.
ʻELETĀ PETINĀ: Ko e ngāué ko hono fakahaaʻi ia ʻo e tuí. ʻOku fua ʻe he fānau ʻa ʻIsilelí e puha ʻo e fuakavá. ʻOku nau aʻu mai ki he Vaitafe Soataní. Ko e talaʻofá te nau kolosi atu ki he fonua mōmoá. ʻE mavae-ua fakakū ʻa e vaí? ʻI he taimi ʻe viviku ai hionau vaʻé. ʻOku nau lue atu ki he vaí—ʻo ngāue. ʻOku muimui mai e mālohí—ʻo mavae-ua e vaí.
ʻOku tau faʻa tui he taimi ʻe niʻihi ʻo pehē, “Sai, te u maʻu ha mahino haohaoa, pea te u liliu ia ke ngāue.” ʻOku ou fokotuʻu atu ʻoku feinga ke tau kamata. ʻOku tau ongoʻi e feituʻu totonu ke tau huʻu ki aí. Ko e tuí ko ha tefitoʻi moʻoni—ko e tefitoʻi moʻoni—ʻo e ngāué mo e mālohí. Ko e tui moʻoní ʻoku fakatefito ia ʻi he ʻEiki ko Sīsū Klaisí pea ʻoku iku maʻu pē ia ki he ngāué.
(David A. Bednar, “What Must I Do?” [Leadership Pattern video, 2014]; David A. Bednar, “Seek Learning by Faith” [address to Church Educational System religious educators, Feb. 3, 2006], lds.org/media-library)