Fakamatala Fakalahi 1
Fakahinohino ki Hono Faʻu ʻo ha Ngaahi ʻEkitivitī Ako Lahi Ange
ʻI hoʻo fakakaukau ki he ngaahi fiemaʻu ʻa e niʻihi ʻi hoʻo kalasí, te ke lava ʻo ʻiloʻi ha konga mei he Malanga ʻAki ʻEku Ongoongoleleí ʻokú ke ongoʻi ʻoku mahuʻinga ka ʻoku ʻikai aleaʻi ia ʻi he ʻū naunau ko ʻeni ʻo e kalasí. ʻE lava ke tokoni atu e fakahinohino ko ʻení ke ke faʻu ha aʻusia fakaako kuo fokotuʻutuʻu pau maʻa hoʻo kalasí.
Ngaahi Konga Mahuʻinga ki he Ngaahi ʻEkitivitī Akó
ʻOku ʻi ai ha konga mahuʻinga ʻe tolu ki he ʻekitivitī ako takitaha ʻi he kalasi ko ʻení: (1) ako, (2) ako fakahoko, mo (3) fokotuʻu ha taumuʻa. ʻE lava ke tokoni atu ʻa e ngaahi fakahinohino ko ʻení ke ke fakakau ʻa e ngaahi konga mahuʻinga ko ʻení ʻi he ngaahi ʻekitivitī ako kehe ʻokú ke faʻu maʻa hoʻo kalasí.
Ako
Fakapapauʻi pe ko e hā e meʻa ʻe ako ʻe he kau akó
-
Ko e ngaahi palakalafi fē mei he Malanga ʻAki ʻEku Ongoongoleleí te ke fakaafeʻi e kau akó ke nau akó?
-
Manatuʻi maʻu pē ʻa e fakangatangata ʻo e taimí. Ko e angamahení, ʻoku lelei ange ke tokanga taha ki ha kiʻi konga siʻisiʻi pea toki ako lahi ange mei ai ʻi ha feinga ke akoʻi ha konga lahi ʻo e lēsoní. Fakapapauʻi ʻokú ke tuku ha taimi lahi ki he akoako fakahokó mo hono fakaʻaongaʻí.
-
-
ʻOku ʻi ai nai ha ngaahi potufolofola pe fakamatala mei he kau taki ʻo e Siasí ʻe lava ke fakaʻaongaʻi ke poupouʻi pe fakalahi e meʻa ʻoku ako ʻe he kau akó mei he Malanga ʻAki ʻEku Ongoongoleleí?
Fakapapauʻi e founga ʻe ako ai e kau akó
-
Te ke tokoni fēfē ke vakai ʻa e kau akó ki he mahuʻinga ʻo e konga ko ʻeni ʻo e Malanga ʻAki ʻEku Ongoongoleleí? ʻOku ʻi ai nai ha sīpinga, tūkunga, fehuʻi, talanoa, fakatātā, aʻusia fakataautaha, pe vitiō nounou ʻe tokoni ke teuteuʻi kinautolu ke ako?
-
Ko e hā ha ngaahi fehuʻi te ke ʻeke? (Lekooti ha ngaahi fehuʻi ʻe ala tokoni ki he kau akó ke vakaiʻi ʻenau ngaahi fakakaukaú mo e ongó.)
ʻE ngāue toko taha pē nai ʻa e kau mēmipa ʻo e kalasí, ngāue mo hanau hoa, pe ʻi ha kiʻi kulupu tokosiʻi?
Ako Fakahoko
-
Ko e hā ha meʻa ʻe lava ke fai ʻe he kau mēmipa ʻo e kalasí ke nau ʻahiʻahi fakahoko ʻa e meʻa kuo nau akó? Hangē ko ʻení, te ke lava ʻo:
-
ʻOange ha taimi ki he kau akó ke nau fakamatalaʻi pe akoʻi ʻa e meʻa kuo nau akó ʻi he lea pē ʻanautolu.
-
Fakamatalaʻi ha tūkunga pea kole ki he kau mēmipa ʻo e kalasí ke nau fakaʻaongaʻi e meʻa kuo nau akó ke tokoni ki he tokotaha ʻi he tūkungá.
-
Fokotuʻu ha taumuʻa
Fakaʻosi e ʻekitivitī akó ʻaki hano fakaafeʻi e kau mēmipa ʻo e kalasí ke nau fokotuʻu ha taumuʻa ʻoku fekauʻaki mo e meʻa naʻa nau akó. Fakakaukau ke ʻoange ha ngaahi sīpinga ʻe niʻihi ʻo e ngaahi taumuʻa te nau lava ʻo fokotuʻú. Hili iá pea ʻoange leva ha taimi ki he kau akó ke lekooti ʻenau ngaahi taumuʻá.