Faaopoopoga E

Fesili mo le Faatalanoaina o Tagata o le Aiga

O lalo ifo o loo i ai se lisi o fesili e mafai ona e faaaogaina a o e faatalanoaina tagata o le aiga. O nei fesili o loo taulai atu i le mauaina o faamatalaga o gafa ia o le a fesoasoani ia te oe e faatumu ai au pepa o le faasologa o gafa ma talafaamaumau o vaega faaleaiga ma auina atu ai igoa i le malumalu. E mafai ona e fai atua na fesili e faaaoga ma fesuiai ai fesili pe a talafeagai ai.

A o e fai atua nei fesili, o le a e faalogo i tala e uiga i tagata o aiga ma mea na tutupu. Faamaumau ma teumalu nei tala mo isi tagata o aiga ma lau lava fanau. O le a fesoasoani nei tala ia te oe e liliu atu ai lou loto i ou aiga ma tuaa.

1. O ai lou igoa atoa?

2. O anafea ma o fea na e fanau ai?

3. O ai lou tina?

4. O anafea ma o fea na fanau ai lou tina?

5. O le a se mea e mafai ona e ta’u mai ia te au e uiga i aiga o lou tina?

6. O ai lou tama?

7. O anafea ma o fea na fanau ai lou tama?

8. O le a se mea e mafai ona e ta’u mai ia te au e uiga i aiga o lou tama?

9. O ai igoa atoa o ou uso ma tuafafine po o tuagane taitasi?

10. O anafea ma o fea na fananau ai ou uso ma tuafafine po o tuagane?

11. O a mea e te manatuaina e uiga i ou uso ma tuafafine po o tuagane taitasi?

12. O a a’oga na outou aooga ai ma ou uso ma tuafafine po o tuagane?

13. O ai na faaipoipo i ai ou uso ma tuafafine po o tuagane?

14. O ai na e faaipoipo i ai?

15. O ai igoa atoa o tamaiti taitasi o lau fanau?

16. O anafea ma o fea na fananau ai lau fanau?

17. O ai na faaipoipo i ai lau fanau?

18. O ai fanau a lau fanau?

19. O a ni mea e te manatuaina ai tagata lautele o lou aiga, e pei o tuafafine o lou tama ma uso o lou tina, uso o lou tama ma tuagane o lou tina, tausoga, ma matua o matua?

20. O fea na nonofo ai nisi o nei tagata lautele o lou aiga?

21. O a ni mea e te manatuaina e uiga i le fananau mai, o faaipoipoga, ma le maliliu o isi tagata o le aiga?

22. O fea o lagomau ai tagata o le aiga?

23. Pe na tautua se isi o lou aiga po o oe i le militeli?

24. O le fea o taua na e tau ai po o isi o lou aiga?

25. Pe mafai ona e faamatala mai ia te a’u nisi o a latou tala o taua?

26. O a galuega e te manatua na galulue ai ou matua ma isi tagata o le aiga?

27. O le a se tapuaiga po o ni tapuaiga na faatinoina i totonu o lou aiga?

28. O a nisi o aafiaga faaleagaga taua na e mauaina?

29. Pe sa i ai se tasi o lou aiga na fiafia i talafaasolopito o aiga?

30. Pe i ai ni tagata o lou aiga na tausia se api talaaga pe na tusia se talafaasolopito o lou aiga? O ai i latou? Pe o i ai se tala o nei tala mo a’u e faitau i ai?

31. Pe o e iloa nisi o tuaa na malaga ese mai lo latou atunuu moni ma o mai i lenei atunuu?

32. Pe i ai se tasi i le aiga o i ai se Tusi Paia faaleaiga, se talafaasolopito o le aiga, po o ni faamaumauga o gafa o soo se ituaiga? O ai nei tagata o le aiga, ma o fea foi e nonofo ai?

33. Pe mafai ona e faaali mai ia te au nisi o au pepa o faamaumauga tuai o le aiga po o ni measina?

34. E mafai ona e faaali mai ia te au nisi o atapue tuai o lou aiga?