talavou o loo ataata

6.

Auina Atu Suiga o Iunite ma Tuaoi

E auina atu e le peresitene o le siteki soo se talosaga mo suiga o iunite ma tuaoi ua manaomia e faatino ai le fuafuaga autu e ala i fomu o pepa talosaga po o meafaigaluega i luga o le initoneti mo tuaoi ma taitai e ala i le Punaoa mo Taitai ma Failautusi (PTF). O loo i ai i leTusitaulima Aoao, vaega 36 ni taiala mo le taimi nei ua faamaoniaina e le Au Peresitene Sili mo le taulimaina o suiga o tuaoi. E tatau i taitai ona iloiloina ma le toto’a nei taiala a o le’i atiaeina ma auina atu ni suiga a o mafaufau ai faapea o le faamalolosia o le Ekalesia ma ona tagata e tatau lava ona avea ma sini autu i taimi uma.

O suiga i tuaoi o iunite e tele lava ina faalavelave i mamanu ua mautu lelei ma faauoga ia ua masani lava ona ola ae ai tagata o le ekalesia. E ui o talosaga e taulimaina ai le faatupulaia o tagata auai o se mea moni e taliaina mo se Ekalesia ua faatupulaia, ae e le tatau ona auina atua ni talosaga mo suiga o tuaoi e talanoaina ai manaoga po o tulaga ia e mafai lava ona talanoaina e ala i aoaoga faamasani ma auaunaga sili atu ona mataalia i taitai perisitua ma tagata o le ekalesia i le lotoifale.

autalavou o loo nonofo i le vasega

E ui o le faagasologa o fuafuaga e taulai atu i luma, ae o talosaga i le Komiti o Suiga o Tuaoi ma le Taitaiga e tatau ona fua i tulaga o loo i ai nei ia iunite o le Ekalesia o loo aofia ai. O talosaga mo suiga e mafai ona aofia ai iloiloga e pei o nei:

• Faamalolosia o le autalavou, faaitiitia o avega o mea tautupe mo femalagaa’iga, faateleina o avanoa faafaifeautalai, ma le taulimaina o toeaiina ma olomatutua o le ekalesia.

• O le taulimaina o pogai o faafitauli e pei o tulaga lamatia, toeaiina matutua e umia le perisitua ua le mafai ona auauna atu ma le mataalia, ma le aafiaga o fale tetele mautotogi (o loo talosaga mo ni tuaoi fesopoa’i), faapea ai foi ma le iloiloga o le tetele o iunite ma femalagaa’iga.

Faamolemole ia tuuina atu ia lava ni faamatalaga o le talaaga e auiliili atu ai le manaomia ona fetuunai o iunite, e pei o mafuaaga mo mamanu o le femalagaai solo o tagata o le ekalesia, leai o ni taitai perisitua, po o ni feteenaiga i le lotoifale. Faamolemole ia faaaofia ai po o a taumafaiga a taitai perisitua i le lotoifale o loo faia e taulima ai nei faafitauli e ala i aoaoga faamasani, aoaoina atu o le aoaoga faavae, ma le auauna atu.

O talosaga uma e tatau ona faamaonia atoa e peresitene o siteki uma ma misiona o loo aafia i suiga ua talosagaina.

alii talavou