fafo o le falelotu

4.

Faailoa Aafiaga i Falelotu

Ina ia lagolagoina taumafaiga faaleperisitua e faamalolosia tagata o le ekalesia ma atiae le Ekalesia, e iloilo e le aufaigaluega a le DTA le auai ma fuafuaga mamao a le iunite ma faailoa ni vaifofo e ono maua mo falelotu ia o le a taulima ai manaoga mo se vaitaimi umi. E pei ona otooto atu i le “O Mataupu Faavae ma Taiala mo le Sauniaina o Falelotu,” o mataupu faavae o le fuafuaga autu e faatatau i tulaga uma ia e manaomia ai se nofoaga mo se falelotu, pe o galulue ma se aufono faamaopoopo, vaega o siteki, po o siteki taitasi.

O nei mataupu faavae o le fuafuaga autu e aofia ai:

• Fatuina o ni vaaiga sa’o atoatoa o le iunite mo le lumanai.

• Faatutuina o falelotu i nofoaga e mafai ai ona faaaogaina e le toatele o tagata o le ekalesia, i le taimi nei ma i le lumanai.

• Pe afai e mafai, ia faaaogaina atoatoa falelotu i o latou tulaga gafatia na mamanuina ai.

• Faaaogaina o le filifiliga e sili ona talafeagai e taulima ai ma le gafatia ia manaoga mo falelotu fou.

E tatau i taitai perisitua ona faitaulia mea nei pe a filima’oti pe toafia uarota e nofoia se falelotu:

• O faagasologa o sauniga i Aso Sa e tatau ona amata i se taimi talafeagai ma faaiu i le ogatotonu o le aoauli ia mafai ai e aiga uma ona suesue i le talalelei i le fale.

• O tagata o le ekalesia e nonofo i totonu o taimi talafeagai e malaga ai i le falelotu.

• O fetuunaiga i le falelotu, pe a manaomia, e tatau ona itiiti ma taugofie.

E faia e le DTA ma le aufaigaluega ni fautuaga e faatatau i filifiliga mo le tuuina atu o ni nofoaga talafeagai ma lava mo tapuaiga. O nei filifiliga e mafai ona aofia ai fale, lisi, po o falelotu ua fauina. E taumafai le aufaigaluega a le DTA e saili ni auala e matua faaaoga atoatoa ai punaoa a le Ekalesia i le mea e gata mai ai, ia tutoatasi mai tuaoi o siteki.

I lalo o le taitaiga a le Fitugafulu Eria, e tuuina atu ai e le DTA ma lana aufaigaluega ni fautuaga mo falelotu i taitai perisitua, galulue faatasi ma i latou ia foia ni atugaluga, ma fatu se talosaga faaiu mo falelotu ina ia faaaofia ai i le fuafuaga autu.