alii o loo saofafai i le fonotaga

1.

Aoaoa atu le Aoaoga Faavae, Mataupu Faavae, ma Taiala

I se fonotaga a le aufono faamaopoopo faatasi ai ma peresitene o siteki ua tofia, e iloiloina ai e le Fitugafulu Eria le taitaiga mai le Au Peresitene o le Eria. Na te aoao atu foi aoaoga faavae talafeagai ma “Mataupu Faavae ma Taiala mo le Sauniaina o Falelotu.” O mataupu faavae autu o le ola-tutoatasi, tausiaina o isi, ma faaiuga atamai e tatau ona talanoaina i le matalalaga o le faamalolosia o tagata o le ekalesia atoa ai ma le auala e faaaoga ai ma le mataalia atili ia falelotu.

I sauniuniga mo lenei fonotaga, e saunia ai e le DTA ma lana aufaigaluega faamatalaga e fesoasoani ai i taitai perisitua ia malamalama i tulaga o i ai i le taimi nei ma le auala e siitia ai iunite e fua i le tuputupu ae faasolopito.

E mafai e le Fitugafulu Eria ona filifili e fai ni fonotaga faaopoopo pe a talafeagai ai e fatua’i ai le fuafuaga. O nei fonotaga o ni avanoa lelei ia e fefautuaai faatasi ai e uiga i faatinoga e manaomia e fatu ai ma faatino se fuafuaga e aoga.

E aoao atu foi e le Fitugafulu Eria le aoaoga faavae, o mataupu faavae, ma taiala i peresitene o siteki o ē e le o aofia i le fuafuaga autu. E faaaoga pea mataupu faavae o fuafuaga autu pe a iloiloina manaoga o falelotu i siteki nei.