Ang Mahangturong Pamilya (Religion 200)

Imahe

pamilya duol sa templo

Mga Pangutana

Ngano nga ang pamilya mao ang pinakaimportante sa plano sa atong Langitnong Amahan sa kalipay?

Ang imong mga tubag kinahanglang maglakip:
- Sa usa ka deskripsyon sa pinakaimportanting katuyoan sa plano sa kaluwasan.
- Sa usa ka pagpasabut kon sa unsa nga paagi nga ang matarung nga mga pamilya makatabang sa pagtuman niadto nga mga katuyoan hangtud sa kahangturan.
- Sa usa ka pagpasabut ngano nga ang doktrina sa pamilya importante kanimo ug sa imong mahangturong kauswagan.
- Usa ka pagpasabut kon sa unsang paagi ang imong pagsabut sa importanting tahas sa pamilya sa plano sa kaluwasan nakaapektar sa mga pagpili nga imong gihimo niining kinabuhia.
Unsa ang mga sumbanan sa Ginoo sa kaminyoon?

Ang imong mga tubag kinahanglang maglakip og pagpasabut sa:
- Balaang mga tahas ug mga responsibilidad sa mga kapikas ug mga ginikanan.
- Tahas sa Manluluwas sa kaminyoon ug pamilya.
- Mga balaod nga nagdumala sa kaputli ug kamatinuoron sa kaminyoon ug sa mahangturong matang sa mga balaod.
- Mga paagi nga imong magamit kini nga mga baruganan sa pag-andam o pagpalambo sa imong kaminyoon ug pamilya.
Sa unsang paagi nga “Ang Pamilya: Usa Ka Pamahayag ngadto sa Kalibutan” (Ensign o Liahona, Nob. 2010, 129) positibong nakaapekto sa imong kinabuhi atol niini nga kurso?

Mahimo nimong pormahon o ikonektar ang mga ideya gikan sa imong mga tubag kaniadto o magsulat og bag-ong hilisgutan. Ang imong mga tubag kinahanglang maglakip:
- Sa usa ka pagpasabut sa baruganan o doktrina gikan sa pamahayag sa pamilya, uban sa pagpasabut ginamit ang mga kasulatan o mga pulong sa mga propeta sa ulahing mga adlaw.
- Sa usa ka ehemplo kon sa unsa nga paagi nga ang tambag sa mga propeta nakatabang nimo nga mas makasabut sa baruganan o doktrina nga imong gipili.
- Sa mga ehemplo sa mga panalangin nga nadawat nimo o sa uban tungod sa pagpaminaw sa tambag sa pamahayag sa pamilya.
- Sa usa ka deskripsyon kon unsay imong buhaton aron hingpit nga magpakabuhi subay sa baruganan o doktrina nga imong gipili.

Mahinungdanong mga Punto sa Doktrina

Ang mosunod nga impormasyon gitigum gamit ang mahinungdanong mga punto nga anaa sa mga leksyon niini nga kurso. Ang mga numero diha sa parenthesis nga nagsunod sa mga kinutlo nagpakita sa numero sa leksyon sa Ang Manwal sa Magtutudlo sa Mahangturong Pamilya (2015) diin makita ang pamahayag. Itandi ang imong tubag sa impormasyon sa ubos. Kon dunay mahinungdanong punto sa doktrina gikan niini nga ribyu nga wala nimo maapil sa imong tubag, ikonsiderar ang pag-usab sa imong tubag sa dili pa kini isumiter. Dili kinahanglan nga imong kopyahon kini nga impormasyon nganha sa imong tubag; siguroha lang nga masabtan nimo kini nga mga doktrina ug masulti kana nga pagsabut. Tungod kay ang ika-3 nga pangutana nagkinahanglan og personal nga tubag, walay mahinungdanong mga punto kana nga pangutana.

Ngano nga ang pamilya mao ang pinakaimportante sa plano sa atong Langitnong Amahan sa kalipay?

Ang pinakaimportanting mga katuyoan sa plano sa kaluwasan:
- “Ang plano sa Langitnong Amahan naghatag og paagi aron mahimo kitang sama sa atong Langitnong mga Ginikanan” (3).
- “Ang yuta gilalang sa pagtabang nga matuman ang pagka-imortal ug kinabuhing dayon sa tawo” (4).
Sa unsang paagi nga ang matarung nga mga pamilya makatabang nga matuman kadtong mga katuyoan sa tibuok kahangturan:
- “Ang pamilya mahinungdanon nga bahin sa plano sa Dios alang sa kinabuhi nga wala pa dinhi sa yuta, sa pagkamortal, ug kinabuhing dayon” (6).
- “Tungod sa Pagkapukan, si Adan ug si Eva mahimong manganak, ug ang ilang kaliwat mouswag ngadto as kinabuhing dayon” (4).
- “Uban sa pisikal nga lawas, masinati nato ang kahimtang sa pagka-mortal nga makaandam nato alang sa kahangturan” (5).
- “Kon mosulod kita ngadto sa bag-o ug walay katapusan nga pakigsaad sa kaminyoon, mahimaya kita sa labing taas nga ang-ang sa celestial nga gingharian” (15).
Unsa ang sumbanan sa Ginoo sa kaminyoon?

Ang balaang mga tahas ug mga responsibilidad sa mga kapikas ug mga ginikanan:
- “Ang bana ug asawa adunay ligdong nga kapangakohan sa paghigugma ug pag-amuma sa usag usa” (“Ang Pamilya: Usa ka Pamahayag sa Kalibutan,” 129).
- Kon ang usa ka bata matawo sa usa ka bana ug asawa, nagtuman sila og usa ka bahin sa plano sa atong Langitnong Amahan sa kalipay” (17).
- “Ang mga ginikanan gisugo sa pagtudlo sa ilang mga anak sa paghigugma ug pagserbisyo sa usag usa, sa pagsunod sa mga sugo sa Dios, ug sa pagkahimong lumulupyo nga magmasulundon sa balaod” (22).
Ang tahas sa Manluluwas sa kaminyoon ug pamilya:
- “Ang Pag-ula ni Jesukristo nakapahimo nga posible sa matag usa nato sa pagdawat sa tanang gisaad nga mga panalangin sa Amahan sa Langit” (24).
- “Samtang ang mga pamilya magtukod sa ilang pundasyon diha ni Jesukristo, walay gahum si Satanas sa paglaglag kanila” (19).
Ang mga balaod nga nagdumala sa kaputli ug kamatinuoron sa kaminyoon ug sa mahangturong matang sa mga balaod:
- “Ang kaminyoon tali sa usa ka lalaki ug usa ka babaye gi-orden sa Dios” (“Ang Pamilya: Usa ka Pamahayag sa Kalibutan,” 129).
- “Ang Dios misugo nga ang sagrado nga mga gahum sa paglalang pagagamiton lamang tali sa lalaki ug babaye, kinsa legal nga naminyo isip bana ug asawa” (“Ang Pamilya: Usa ka Pamahayag sa Kalibutan,” 129) (16).
- “Ang mga kausaban sa sibil nga balaod sa pagkatinuod dili, makausab sa moral nga balaod nga gitukod sa Dios. Ang Dios naglaum kanato nga mosuporta ug mosunod sa Iyang mga sugo bisan pa man sa managlahing mga opinyon ug mga uso sa katilingban” (gikutlo gikan sa Gospel Topics, “Same-Sex Marriage,” lds.org/topics) (7).