Paghimo og course study journal diin imong irekord unsay imong nakat-unan, giunsa nimo paggamit kini, ug sa unsang paagi kini nakapalig-on sa imong pagtuo kang Jesukristo. Magtugot kini nga makapamalandong ka ug makamatikud sa daghang panalangin nga imong nadawat gikan sa Dios. Ang journal mahimo usab nga tinubdan sa inspirasyon ug kalig-on. Kon hapit na mahuman ang kurso ireport nimo sa imong magtutudlo nga regular kang mihimo og course study journal ug sa unsang paagi ang imong kasinatian milig-on sa imong pagtuo kang Jesukristo.
Si Elder Richard G. Scott (1928–2015) sa Korum sa Napulog Duha ka mga Apostoles mitudlo:
Imahe
Elder Richard G. Scott
“Isulat sa usa ka luwas nga dapit ang importanting mga butang nga inyong nakat-unan gikan sa Espiritu. Imong makita nga kon isulat nimo ang bililhong mga impresyon, sa kasagaran mangabut ang daghan pa. Usab, ang kahibalo nga imong naangkon maanaa sa tibuok nimong kinabuhi” (Richard G. Scott, “To Acquire Knowledge and the Strength to Use It Wisely,” Ensign, June 2002, 32).
Si Presidente Henry B. Eyring sa Unang Kapangulohan namulong usab sa kaimportante sa pagrekord sa espirituhanong mga impresyon:
Imahe
Presidente Henry B. Eyring
“Dugay kong nakauli gikan sa usa ka assignment sa Simbahan. …
“… Sa akong pagtangka sa pultahan, akong nabati sa akong hunahuna … ‘Wala ko mohatag kanimo niini nga mga kasinatian para lang sa imong kaugalingon. Isulat kini.’
“… Ug sa akong pagsulat, akong nasabtan ang mensahe nga akong nadungog sa akong hunahuna. Angay nakong irekord aron adunay mabasa ang akong mga anak ugma damlag, giunsa pagpanalangin sa Dios ang akong pamilya. …
“Matag adlaw magsulat ko og pipila ka linya sulod na sa katuigan. … Sa dili pa ko mosulat, mamalandong ko niini nga pangutana: ‘Nakita ba nako ang kamot sa Dios nga gitunol sa paghikap kanamo o sa among mga anak o sa among pamilya karon?’ Dihang gibuhat ko kini, dunay butang nga nagsugod sa pagpanghitabo. …
“Labaw pa kay sa pagpasalamat ang misugod sa pagtubo sa akong kasingkasing. Ang pagpamatuod milambo. Mas nakasigurado na ko nga ang atong Langitnong Amahan nakadungog ug motubag sa mga pag-ampo. Gibati nako ang mas dakong pasalamat sa pagpahumok ug sa paglunsay nga miabut tungod sa Pag-ula sa Manluluwas nga si Jesukristo. Ug midako ang akong pagsalig nga ang Espiritu Santo makapahinumdom nato sa tanang butang—bisan sa mga butang nga wala nato namatikdi o tagda sa dihang kini nanghitabo” (Henry B. Eyring, “O Hinumdumi, Hinumdumi,” Ensign o Liahona, Nob. 2007, 66–67).