Mga Tamdanan nga Basahon ug mga Calling
37. Specialized nga mga Stake, mga Ward, ug mga Branch


“37. Specialized nga mga Stake, mga Ward, ug mga Branch,” Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw (2020).

“37. Specialized nga mga Stake, mga Ward, ug mga Branch,” Kinatibuk-ang Tamdanan nga Basahon.

Imahe
mga tawo nga nangaon sa gawas

37.

Specialized nga mga Stake, mga Ward, ug mga Branch

37.0

Pasiuna

Ang presidente sa stake mahimong mosugyot sa paghimo og specialized nga mga stake, mga ward, ug mga branch aron sa pagserbisyo sa mga miyembro sumala sa gilatid niini nga kapitulo. Alang sa impormasyon mahitungod sa paghimo og specialized nga mga yunit diha sa misyon, tan-awa sa 36.3.

Ang presidente sa stake mosugod og bag-ong sugyot diha sa Boundary and Leadership Proposals. Kon siya dili makagamit sa sistema sa online, mahimo niyang i-download ang mga porma nga papel pinaagi sa pag-klik sa link. Ang Unang Kapangulohan lamang ang moaprobar sa sugyot.

Alang sa suporta diha sa Estados Unidos ug Canada, tawaga ang 1-801-240-1007. Sa gawas sa Estados Unidos ug Canada, tawaga ang buhatan sa area.

37.1

Mga Ward ug mga Branch nga Naggamit og Lahi nga Pinulongan

Ang presidente sa stake mahimong mosugyot nga maghimo og ward o branch nga naggamit og lahi nga pinulongan alang sa mga miyembro sa stake (1) kinsa dili makasulti sa lumad nga pinulongan o (2) kinsa naggamit og pinulongan nga gipaagi og sinyas [sign language].

Ang presidente sa stake mahimo usab nga mosugyot nga maghimo og ward o branch sa naggamit og lahi nga pinulongan nga maglakip sa mga miyembro gikan sa usa o daghang managsilingan nga mga stake. Ang mga presidente sa stake nga apil moplano ug mo-coordinate sa rekomendasyon. Usa sa moapil nga mga stake mao ang responsable alang sa ward o branch.

Kinaminosan [Minimum] nga Kinahanglanon sa Paghimo og Ward o Branch nga Naggamit og Lahi nga Pinulongan diha sa Stake

Ward

Branch

Gidaghanon sa mga miyembro (aktibo ug dili kaayo aktibo)

Ward

125

Branch

Walay kinaminosan [minimum]

Gidaghanon sa aktibo, hingpit nga nagbayad sa ikapulo nga mga naghupot sa Melchizedek nga Pagkapari nga makahimo sa pagserbisyo sa mga katungdanan sa pagpangulo

Ward

1 alang sa matag 20 ka miyembro (aktibo ug dili kaayo aktibo). Kinahanglang adunay kinaminusan nga 15.

Branch

4

Ang mga utlanan alang sa mga yunit nga naggamit og lahi nga pinulongan sa kasagaran mosunod sa mga utlanan sa hiyograpikanhon nga mga ward, mga branch, ug mga stake.

Ang kabataan ug kabatan-onan sa yunit nga naggamit og lahi nga pinulongan mahimong motipon sa mga klase sa usa ka hiyograpikanhon nga yunit kon gitinguha (tan-awa sa 29.2.8).

Tan-awa sa 36.3 alang sa mga branch nga naggamit og lahi nga pinulongan diha sa misyon. Tan-awa sa 36.4.2 alang sa mga lagda sa paghatag og ngalan sa ward ug branch.

Imahe
kabatan-onan nga nag-istorya

37.1.1

Pagkamiyembro diha sa Ward o Branch nga Naggamit og Lahi nga Pinulongan

  • Ang mga miyembro kinahanglang magpuyo sulod sa mga utlanan sa ward o branch nga naggamit og lahi nga pinulongan.

  • Ang mga miyembro mahimong mopili nga mahisakop sa mga sa yunit nga naggamit og lahi nga pinulongan o sa ilang hiyograpikanhon nga yunit.

  • Ang rekord sa pagkamiyembro sa matag tawo kinahanglan nga anaa sa yunit nga iyang gitambongan.

37.1.2

Pagpangulo diha sa Ward o Branch nga Naggamit og Lahi nga Pinulongan

  • Sa kasagaran, ang bishop o presidente sa branch ug ang iyang mga magtatambag tawagon gikan sa sulod sa mga utlanan sa yunit nga naggamit og lahi nga pinulongan. Ang mga eksepsiyon mahimong himoon alang sa mga lider nga wala magpuyo sa mga utlanan sa yunit kon sila nagpuyo sulod sa stake nga maoy responsable alang niini.

  • Ang pagtugot sa Unang Kapangulohan gikinahanglan sa dili pa motawag og usa ka bishop.

  • Sa kasagaran, ang ubang mga lider ug mga magtutudlo tawagon gikan sa mga miyembro sa ward o branch.

37.2

Mga Ward ug mga Branch sa mga Young Single Adult sa usa ka Hiyograpikanhon nga Stake

Ang presidente sa stake mahimong mosugyot nga maghimo og ward o branch sa young single adult (alang sa mga miyembro nga nag-edad og 18–30) kon ang stake adunay igo nga aktibo nga mga young single adult kinsa gusto nga motambong. Ang mosunod gikinahanglang ikonsiderar:

  • Ang epekto sa personal nga kauswagan ug espirituwal nga kalamboan sa mga young single adult. Kini naglakip sa ilang abilidad sa pag-apil sa tanang aspeto sa buhat sa Dios sa kaluwasan ug kahimayaan (tan-awa sa 1.2).

  • Ang epekto sa hiyograpikanhong mga yunit diin ang mga yunit sa mga young single adult mokuha og mga sakop.

  • Ang panahon sa pagbiyahe ug ang gasto nga gikinahanglan sa mga young single adult ug mga lider.

Ang mga presidente sa stake mahimo usab nga mosugyot nga maghimo og ward o branch nga maglakip sa mga miyembro gikan sa usa o daghang kasikbit nga mga stake. Ang mga presidente sa stake gikinahanglang mokonsiderar kon ang mga kalihokan sa daghan nga stake mas maayong makatubag ba sa mga panginahanglan sa mga young single adult kay sa paghimo og usa ka ward o branch. Usa sa moapil nga mga stake mao ang responsable alang sa ward o branch.

Ang usa ka hiyograpikanhon nga stake nga ang mga utlanan misapaw sa stake sa mga young single adult gikinahanglan nga walay kaugalingong yunit sa mga young single adult.

Kinaminosan [Minimum] nga mga Kinahanglanon sa Paghimo og Yunit sa Young Single Adult diha sa Stake

Ward

Branch

Gidaghanon sa aktibo nga mga miyembro

Ward

125

Branch

50

Gidaghanon sa aktibo, hingpit nga nagbayad sa ikapulo nga mga naghupot sa Melchizedek nga Pagkapari nga makahimo sa pagserbisyo sa mga katungdanan sa pagpangulo

Ward

1 alang sa matag 20 ka miyembro (aktibo ug dili kaayo aktibo). Kinahanglang adunay kinaminusan nga 15.

Branch

4

Ang usa ka ward sa young single adult sa kasagaran kinahanglang dili mosobra sa 225 nga aktibo nga mga miyembro.

Tan-awa sa 36.4.2 alang sa mga lagda sa paghatag og ngalan sa ward ug branch.

37.2.1

Pagkamiyembro diha sa Ward o Branch sa Young Single Adult diha sa usa ka Hiyograpikanhon nga Stake

  • Ang mga miyembro kinahanglang mga young single adult (nag-edad og 18–30) kinsa nagpuyo sulod sa mga utlanan sa ward o branch sa young single adult.

  • Ang mga young single adult mahimong mopili nga mahimong miyembro sa yunit sa young single adult o sa ilang hiyograpikanhon nga yunit.

  • Ang rekord sa pagkamiyembro sa matag tawo kinahanglan nga anaa sa yunit nga iyang gitambongan.

  • Kon ang presidente sa stake mobati nga kini makatabang sa dili kaayo aktibo nga young single adult sa iyang stake, mahimong aprobahan niya ang pagbalhin sa rekord sa pagkamiyembro gikan sa hiyograpikanhon nga yunit ngadto sa yunit sa young single adult. Kon ang dili kaayo aktibo nga miyembro mahimo nang aktibo, siya mahimong mopili sa pagtambong sa yunit sa young single adult o sa hiyograpikanhon nga yunit.

  • Ang young single adult nga mga ginikanan (nag-edad og 18–30) kinsa adunay mga anak sa panimalay magpabilin sa ilang hiyograpikanhon nga yunit. Ang mga ginikanan mahimong motambong sa mga kalihokan sa yunit sa young single adult.

  • Ang mga miyembro dili motambong sa yunit sa young single adult kon sila magminyo o moabut sa edad nga 31. Tan-awa sa 37.5 alang sa miyembro nga single adult nga nag-edad og 31–45.

37.2.2

Pagpangulo sa Ward o Branch sa Young Single Adult sa usa ka Hiyograpikanhon nga Stake

  • Ang bishop o presidente sa branch kinahanglan nga usa ka tawo nga minyo nga hingkod ang paghukom ug kasinatian. Ang pagtugot sa Unang Kapangulohan gikinahanglan sa dili pa motawag og usa ka bishop. Sa kasagaran, ang bishop o presidente sa branch nagpuyo sulod sa mga utlanan sa yunit sa young single adult. Ang mga eksepsiyon mahimong himoon alang sa mga yunit sa young single adult nga nagserbisyo sa mga unibersidad ug mga kolehiyo.

  • Ang mga magtatambag sa bishop mahimong mga miyembro sa yunit. O tingali sila laing dili minyo o minyo nga mga lalaki kinsa nagpuyo sa mga utlanan sa yunit. Sila kinahanglan gayod nga mga high priest. Kon ang usa ka tawo kinsa gitawag nga usa ka magtatambag sa bishopric dili usa ka high priest, ang presidente sa stake moseguro nga siya maordinahan nga usa ka high priest sa dili pa mo-set apart kaniya.

  • Ang presidente sa branch ug ang iyang mga magtatambag pwede nga mga high priest o mga elder.

  • Ubang mga lider ug mga magtutudlo tawagon gikan sa mga young single adult kinsa mga miyembro sa yunit.

37.3

Mga Stake sa Young Single Adult ug Ilang mga Ward ug mga Branch

Kon daghang mga young single adult ang nagpuyo sa usa ka dapit, sa kasagaran duol sa mga unibersidad o mga kolehiyo, usa o daghang mga stake sa young single adult mahimong i-organisar.

Kinaminosan [Minimum] nga mga Kinahanglanon sa Paghimo og Stake, Ward, o Branch sa Young Single Adult

Stake sa young single adult

  • 1,500 ka miyembro (aktibo ug dili kaayo aktibo)

  • 5 ka ward

Ward sa young single adult diha sa stake sa young single adult

  • 125 ka miyembro (aktibo)

  • 1 ka aktibo, hingpit nga nagbayad sa ikapulo nga naghupot sa Melchizedek nga Pagkapari nga makahimo sa pagserbisyo sa katungdanan sa pagpangulo alang sa matag 20 ka miyembro (aktibo ug dili kaayo aktibo). Kinahanglang adunay kinaminusan nga 15.

Branch sa young single adult sa stake sa young single adult

  • 50 ka miyembro (aktibo)

  • 4 ka aktibo, hingpit nga nagbayad sa ikapulo nga naghupot sa Melchizedek nga Pagkapari kinsa makahimo sa pagserbisyo sa mga katungdanan sa pagpangulo

Ang usa ka hiyograpikanhon nga stake nga ang mga utlanan misapaw sa stake sa mga young single adult gikinahanglan nga walay kaugalingong yunit sa mga young single adult.

Ang yunit sa young single adult nga anaa sa hiyograpikanhon nga stake mahimong ibalhin lamang ngadto sa stake sa young single adult kon:

  • Ang mga utlanan niini kasikbit sa stake sa young single adult.

  • Ang mga presidente sa duha ka stake morekomendar sa pagbalhin.

Tan-awa sa 36.4.1 ug 36.4.2 alang sa mga lagda sa paghatag og ngalan sa stake ug ward.

37.3.1

Pagkamiyembro diha sa Stake sa Young Single Adult ug sa mga Ward o mga Branch Niini

  • Ang mga miyembro kinahanglang mga young single adult (nag-edad og 18–30) kinsa nagpuyo sulod sa mga utlanan sa ward o branch sa young single adult.

  • Ang tanang aktibo ug dili kaayo aktibo nga mga young single adult sa sulod sa mga utlanan sa stake kinsa wala magpuyo sa panimalay uban sa ilang mga ginikanan mao ang mga miyembro sa stake sa young single adult gawas kon sila mopili nga motambong sa ilang hiyograpikanhon nga yunit.

  • Ang mga young single adult nga nagpuyo sa panimalay uban sa ilang mga ginikanan mahimong mopili nga mahimong miyembro sa yunit sa young single adult o sa ilang hiyograpikanhon nga yunit.

  • Ang rekord sa pagkamiyembro sa matag tawo kinahanglan nga anaa sa yunit nga iyang gitambongan.

  • Ang young single adult nga mga ginikanan (nag-edad og 18–30) kinsa adunay mga anak sa panimalay magpabilin sa ilang hiyograpikanhon nga yunit. Ang mga ginikanan mahimong motambong sa mga kalihokan sa yunit sa young single adult.

  • Ang mga miyembro dili motambong sa yunit sa young single adult kon sila magminyo o moabut sa edad nga 31. Tan-awa sa 37.5 alang sa mga miyembro nga single adult (nag-edad og 31–45).

37.3.2

Pagpangulo diha sa Stake sa Young Single Adult ug sa mga Ward o mga Branch Niini

  • Ang presidente sa stake, patriyarka sa stake, mga bishop, ug mga presidente sa branch gikinahanglang minyo nga mga lalaki nga hingkod og paghukom ug kasinatian. Ang pagtugot sa Unang Kapangulohan gikinahanglan sa dili pa motawag og usa ka bishop. Sila mahimong tawagon gikan sa gawas sa mga utlanan sa stake sumala sa pagtino Kapangulohan sa Area. Kadtong mohatag sa maong mga calling mokonsulta pag-una sa presidente sa stake nianang tawhana aron makuha ang pagtugot. Alang sa mga lagda, tan-awa sa kapitulo 30.

  • Ang mga magtatambag sa presidente sa stake, mga high councilor, mga magtatambag sa bishopric, ug mga magtatambag sa kapangulohan sa branch mahimong dili minyo o minyo nga mga lalaki. Ang mga presidente ug mga magtatambag sa Relief Society sa stake mahimong dili minyo o minyo nga mga babaye. Ang mga presidente ug mga magtatambag sa Sunday School sa stake mahimong dili minyo o minyo nga mga lalaki. Kini nga mga lider mahimong mga miyembro sa stake. O sila mahimong tawagon gikan sa gawas sa mga utlanan sa stake sumala sa pagtino sa Kapangulohan sa Area.

  • Ang mga magtatambag sa bishop kinahanglan gayod nga mga high priest. Kon ang usa ka tawo kinsa gitawag nga usa ka magtatambag sa bishopric dili usa ka high priest, ang presidente sa stake moseguro nga siya maordinahan nga usa ka high priest sa dili pa mo-set apart kaniya. Ang presidente sa branch ug ang iyang mga magtatambag pwede nga mga high priest o mga elder.

  • Ang pagtugot sa Korum sa Napulog Duha gikinahanglan sa dili pa motawag og patriyarka.

  • Sa mga ward ug mga branch, ang ubang mga lider ug mga magtutudlo tawagon gikan sa mga young single adult kinsa mga miyembro sa yunit.

37.4

Mga Stake ug mga Ward sa Minyo nga Estudyante

Ang mga stake ug mga ward mahimong himoon aron sa pagserbisyo sa minyo nga estudyante nga mga miyembro nga nagpuyo duol sa unibersidad o kolehiyo.

Kinaminosan [Minimum] nga mga Kinahanglanon sa Paghimo og Stake o Ward alang sa Minyo nga Estudyante

Stake sa minyo nga estudyante

  • 1,500 ka miyembro (aktibo ug dili kaayo aktibo)

  • 5 ka ward

Ward sa minyo nga estudyante

  • 125 ka miyembro (aktibo ug dili kaayo aktibo)

  • 1 ka aktibo, hingpit nga nagbayad sa ikapulo nga naghupot sa Melchizedek nga Pagkapari nga makahimo sa pagserbisyo sa katungdanan sa pagpangulo alang sa matag 20 ka miyembro (aktibo ug dili kaayo aktibo). Kinahanglang adunay kinaminusan nga 15.

Tan-awa sa 36.4.1 ug 36.4.2 alang sa mga lagda sa paghatag og ngalan sa stake ug ward.

37.4.1

Pagkamiyembro diha sa mga Stake ug mga Ward sa Minyo nga Estudyante

  • Ang mga miyembro kinahanglan nga minyo nga mga estudyante nga nagpuyo sulod sa mga utlanan sa ward sa minyo nga estudyante.

  • Ang minyo nga mga estudyante mahimong mopili nga magpamiyembro sa ward sa minyo nga estudyante o sa ilang hiyograpikanhon nga yunit.

  • Ang mga rekord sa pagkamiyembro kinahanglang anaa sa yunit diin ang pamilya nagtambong.

37.4.2

Pagpangulo diha sa mga Stake ug mga Ward sa Minyo nga Estudyante

Tan-awa sa 37.3.2 ug gamita ang sama nga mga lagda.

37.5

Mga Ward sa Single Adult

Sa kasagaran, ang mga miyembro nga single adult (nag-edad og 31–45) mas labing maserbisyohan diha sa hiyograpikanhon nga mga yunit. Isip usa ka eksepsiyon, ang presidente sa stake mahimong mosugyot nga maghimo og ward sa single adult.

Ang presidente sa stake mahimo usab nga mosugyot nga maghimo og ward sa single adult nga adunay mga miyembro gikan sa usa o daghan nga managsilingan nga mga stake. Ang mga presidente sa stake nga apil moplano ug mo-coordinate sa rekomendasyon. Usa sa moapil nga mga stake mao ang responsable alang sa ward.

Kinaminosan nga mga Kinahanglanon sa Paghimo og Ward sa Single Adult diha sa usa ka Stake

Gidaghanon sa mga miyembro (aktibo ug dili kaayo aktibo)

125

Gidaghanon sa aktibo, hingpit nga nagbayad sa ikapulo nga mga naghupot sa Melchizedek nga Pagkapari nga makahimo sa pagserbisyo sa mga katungdanan sa pagpangulo

1 alang sa matag 20 ka miyembro (aktibo ug dili kaayo aktibo). Kinahanglang adunay kinaminusan nga 15.

Tan-awa sa 36.4.2 alang sa mga lagda sa paghatag og ngalan sa ward.

37.5.1

Pagkamiyembro diha sa Ward sa Single Adult

  • Ang mga miyembro kinahanglan nga mga single adult (nag-edad og 31–45) nga nagpuyo sulod sa mga utlanan sa ward sa single adult.

  • Ang mga single adult pwedeng mopili nga mahimong mga sakop sa ward sa single adult o sa ilang hiyograpikanhon nga yunit.

  • Ang rekord sa pagkamiyembro sa matag tawo kinahanglan nga anaa sa yunit nga iyang gitambongan.

  • Ang single adult nga mga ginikanan (nag-edad og 31–45) nga adunay mga anak sa panimalay magpabilin diha sa ilang hiyograpikanhon nga yunit. Ang mga ginikanan mahimong motambong sa mga kalihokan sa ward sa single adult.

  • Ang mga miyembro dili motambong sa ward sa single adult kon sila magminyo o moabut sa edad nga 46.

37.5.2

Pagpangulo diha sa Ward sa Single Adult

  • Ang bishop kinahanglan nga usa ka minyo nga high priest nga hingkod ang paghukom ug kasinatian. Ang pagtugot sa Unang Kapangulohan gikinahanglan sa dili pa motawag og usa ka bishop.

  • Ang magtatambag sa bishop mahimong miyembro sa yunit. O tingali sila laing dili minyo o minyo nga mga lalaki kinsa nagpuyo sa mga utlanan sa yunit. Sila kinahanglan gayod nga mga high priest. Kon ang usa ka tawo kinsa gitawag nga usa ka magtatambag sa bishopric dili usa ka high priest, ang presidente sa stake moseguro nga siya maordinahan nga usa ka high priest sa dili pa siya i set apart.

  • Ang ubang mga lider ug mga magtutudlo tawagon gikan sa mga single adult nga mga miyembro sa ward.

37.6

Mga Ward ug mga Branch alang sa mga Miyembro nga anaa sa Espesyal nga mga Sirkumstansiya

Ang presidente sa stake mahimong mosugyot sa paghimo og mga ward o mga branch alang sa mga miyembro nga anaa sa espesyal nga mga sirkumstansiya, sama niadtong anaa sa mga sentro sa pag-atiman, mga programa sa pagtambal, o sa mga prisohan.

Sa kasagaran, ang mga lider nga tawagon nga moserbisyo niini nga mga yunit kinahanglang nagpuyo sulod sa stake nga responsable alang sa yunit.

Tan-awa sa 36.3 alang sa impormasyon mahitungod sa mga branch diha sa usa ka misyon alang sa mga young single adult o mga single adult; mga miyembro nga dili makasulti sa lokal nga lumad nga pinulongan; mga miyembro nga anaa sa mga sentro sa pag-atiman, mga programa sa pagtambal, o sa mga prisohan; o mga miyembro nga anaa sa militar.

Tan-awa sa 36.4.2 alang sa mga lagda sa paghatag og ngalan sa ward ug branch.

Imahe
mga babaye nga nagpahiyom

37.7

Mga Grupo nga anaa sa mga Stake, mga Misyon, ug mga Area

Ang mga grupo mao ang gagmay nga gitugotan nga panagpundok sa mga miyembro nga gidumala sa bishop, presidente sa branch, o presidente sa misyon. Ang presidente sa stake o misyon mahimong morekomendar nga maghimo og usa ka grupo sa mosunod nga mga sirkumstansiya:

  • Ang pagbiyahe alang sa potensyal nga mga miyembro nga moapil sa ward o branch malisod.

  • Pipila sa mga miyembro nagsulti og pinulongan nga lahi gikan niadtong anaa sa ward o branch.

  • Ang mga miyembro nga anaa sa militar mas labing maserbisyohan kon anaa sa usa ka grupo (tan-awa sa 38.9.4).

Sa pagsugyot nga maghimo og usa ka grupo, ang presidente sa stake o misyon mosumiter og usa ka hangyo ngadto sa Kapangulohan sa Area. Ang Kapangulohan sa Area lamang ang moaprobar sa hangyo.

Ang usa ka grupo kinahanglan nga adunay dili mominos duha ka miyembro. Ang usa kinahanglan nga takos nga priest diha sa Aaronic nga Pagkapari o usa ka takos nga naghupot sa Melchizedek nga Pagkapari.

Sa mga stake, ang presidente sa stake mosangun og usa ka bishop o presidente sa branch sa pag-organisar ug pagdumala sa grupo. Sa mga misyon, ang presidente sa misyon mosangun sa presidente sa branch sa pag-organisar ug pagdumala niini.

Sa kasagaran, ang usa ka grupo mahimong himoon sa pagserbisyo sa mga miyembro nga nagpuyo sa usa o daghang mga yunit sulod sa usa ka stake o district. Ang mga miyembro sa grupo limitado niadtong kinsa nagpuyo sulod sa mga utlanan sa miapil nga yunit o mga yunit. Ang mga grupo dili motabok sa mga utlanan sa stake o district.

Ang presidente sa stake, presidente sa misyon, bishop, o presidente sa branch motawag og usa ka lider sa grupo ug mo-set apart kaniya. Ang lider sa grupo mo-organisar ug mopahigayon og mga miting sa grupo, nga naglakip sa pagpangalagad sa sakramento.

Ang lider sa grupo walay mga yawe sa pagkapari, ug siya wala tuguti sa:

  • Pagdawat sa mga ikapulo ug mga halad.

  • Pagtambag sa mga miyembro mahitungod sa seryoso nga sala.

  • Paghatag og dili pormal o pormal nga mga restriksiyon sa pagkamiyembro.

  • Pagpahigayon og ubang mga katungdanan nga magkinahanglan og mga yawe sa pagkapari.

Sa kasagaran, ang mga grupo mogamit sa Batakang Programa sa Yunit (tan-awa sa 36.6).

Ang mga rekord sa pagkamiyembro sa mga miyembro sa grupo anaa sa ward o branch nga nagdumala sa grupo.

Ang punoang buhatan sa Simbahan dili mohatag og numero sa yunit ngadto sa mga grupo.

Kon ang grupo mahimong kuwalipikado, ang presidente sa stake o misyon mahimong mosugyot nga kini himoong usa ka branch.

37.8

Mga Yunit sa Simbahan sulod sa mga Kampo sa Militar

Alang sa mga instruksiyon sa paghimo og mga ward, mga branch, ug mga grupo sa mga miyembro nga sundalo nga magpundok diha sa mga kampo sa militar, tan-awa sa 38.9.4.