e lave liga tiko na goneyalewa ena kalasi

15.

Semineri kei na Inisitute ni Lotu

15.0

iVakamacala Taumada

Na Semineri kei na Inisitute ni Lotu (S&I) e vukei ira na itubutubu kei na iliuliu ni Lotu ena nodra vukei na itabagone kei na itabagone qase cake me vakalevutaki nodra vakabauti Jisu Karisito kei na Nona kosipeli vakalesui mai. Sa vakayacori oqo ena kena tokoni na vulici e vale ni ivolanikalou kei na nodra vosa na parofita bula kei ira na iliuliu tale eso ni Lotu.

Na parokaramu ni semineri kei na inisitute e cicivaki ena veilawatu e tauyavutaka na Matabose ni Vuli ena Lotu, ka liutaka na Peresitedi ni Lotu. Eratou na vakayacora ena iteki kei na tabanalevu na parokaramu oqo na mataveiliutaki ni iteki. Era dau railesuva wasoma na iliuliu ni iteki kei na tabanalevu na nodra vakaitavi na nodra itabagone ena parokaramu ni semineri kei na inisitute.

E dua na mata ni S&I ena lesi ki na iteki yadua me vukei ira na iliuliu ena cicivaki ni parokaramu ni S&I.

15.1

Semineri

Na semineri e dua na parokaramu yabaki va ka ra vulica kina na itabagone na kosipeli i Jisu Karisito me vaka e kunei ena ivolanikalou kei na nodra ivakavuvuli na parofita ni gauna oqo. O ira na gonevuli ni semineri, vakararaba, o ira na yabaki 14–18.

Sa nodratou itavi na matabisopi, iliuliu ni itabagone, kei na mataveiliutaki ni kuoramu kei na kalasi me ra dau veivakayaloqaqataki vei ira yadua na itabagone me ra vakaitavi vakavinaka ena semineri. Eratou na vakayaloqaqataki ira na itubutubu o iratou na matabisopi me ra rejisitataka na luvedra ena veiyabaki ni se bera ni tekivu na kalasi ni semineri. Me baleta na ikuri ni ivakamacala, raica na Rejisita ni Semineri ena ChurchofJesusChrist.org.

15.1.1

Qasenivuli

O ira na qasenivuli ni Semineri e dodonu me ra lewe ni Lotu era vakabauta na Turaga o Jisu Karisito ka vakadinadinataka na Nona kosipeli vakalesui mai. E dodonu mera bulataka na ivakavuvuli era vakavulica ka rawa ni cakacaka vakavinaka kei ira na itabagone. Kevaka e rawa, e dodonu me tiko na nodra ivolatara vakabau ni valetabu na qasenivuli.

Ena veivakasalataki e dua na lewe ni mataveiliutaki ni iteki kei bisopi, supavaisa ni iteki, kei na mata ni S&I me baleti ira e rawa ni ra qasenivuli ni semineri. E dua na lewe ni mataveiliutaki ni iteki se dua ena matabose e cake sa lesi, ena kaciva, vakatikora, ka vagalalataka na qasenivuli ni semineri ena iteki kei na supavaisa ni iteki. Ni sa kacivi ka vakatikori oti, ena tuberi koya ka tokoni koya tiko na mata mai na S&I.

Me ra taqomaki kina na qasenivuli kei na gonevuli, sa dodonu me rau dau tiko e rua na uabula ena vale se itikotiko e vakavulici tiko kina na kalasi. E rawa me kacivi e dua tale na qasenivuli, se rawa ni lesi e dua tale na uabula nuitaki me tiko. Na ikarua ni uabula e rawa ni o wati qasenivuli se nona itubutubu e dua na lewe ni kalasi. E dodonu me tagane se yalewa vata kei qasenivuli, vakavo kevaka e lewe ni matavuvale qase cake nei qasenivuli. E sega ni dodonu vei qasenivuli me tiko duadua vata kei na dua na gonevuli ena valenivuli, vale, se motoka o qasenivuli vakavo kevaka e luvena o gonevuli.

15.1.2

ivakatakilakila ni, idusidusi me baleta na veisau

Madigi Eso ni Semineri

Ena veivuke sara vakalevu na semineri kevaka e rawa ni ra sota vata kei qasenivuli ena veisiga e loma ni macawa o ira na gonevuli. Ia, ena sega beka ni rawa ena vuku ni tataqomaki, yawa ni vanua me lakovi, kei na veika tale eso. Sa tu vei ira na iliuliu na digidigi eso oqo me baleta na kena vakayacori na semineri.

Digidigi	iWiliwili ni Lesoni ni Macawa ena-Kalasi	iWiliwili ni Lesoni ni Vuli e Vale ena Veimacawa se Lesoni ena Initaneti
Digidigi A	iWiliwili ni Lesoni ni Macawa ena-Kalasi 5 (50 na miniti)	iWiliwili ni Lesoni ni Vuli e Vale ena Veimacawa se Lesoni ena Initaneti E sega ni dua
Digidigi B	iWiliwili ni Lesoni ni Macawa ena-Kalasi 4 (60 na miniti)	iWiliwili ni Lesoni ni Vuli e Vale ena Veimacawa se Lesoni ena Initaneti E sega ni dua
Digidigi C	iWiliwili ni Lesoni ni Macawa ena-Kalasi 4 (50 na miniti)	iWiliwili ni Lesoni ni Vuli e Vale ena Veimacawa se Lesoni ena Initaneti 1
Digidigi D	iWiliwili ni Lesoni ni Macawa ena-Kalasi 3 (50 na miniti)	iWiliwili ni Lesoni ni Vuli e Vale ena Veimacawa se Lesoni ena Initaneti 2
Digidigi E	iWiliwili ni Lesoni ni Macawa ena-Kalasi 2 (90 na miniti)	iWiliwili ni Lesoni ni Vuli e Vale ena Veimacawa se Lesoni ena Initaneti 1
Digidigi F	iWiliwili ni Lesoni ni Macawa ena-Kalasi 2 (50 na miniti)	iWiliwili ni Lesoni ni Vuli e Vale ena Veimacawa se Lesoni ena Initaneti 3
Digidigi G	iWiliwili ni Lesoni ni Macawa ena-Kalasi 1 (50 na miniti)	iWiliwili ni Lesoni ni Vuli e Vale ena Veimacawa se Lesoni ena Initaneti 4

Era na veitalanoa vata kei na mata ni S&I o ira na iliuliu ni Lotu me lewai se digidigi cava ena:

• Veivuke vakavinaka duadua vei ira na gonevuli me ra vulica na kosipeli ka tubu vakayalo.

• Taqomaki ira na gonevuli.

• Sega ni ra vakaogai kina vakasakasaka na matavuvale.

Kevaka e dredre na sota vata kei na dua na qasenivuli ena loma ni macawa, ena rawa ni vakasamataki na vakayagataki ni tekinolaji ni veisoqoni tale eso.

Me kakua ni vakayacori na kalasi ena Sigatabu. Ke dua na kena veisau ena gadrevi kina na veivakadonui mai na Matabose ni Vuli ena Lotu. Sa rawa vua e dua na peresitedi ni iteki me vakatututaka vua na mata ni S&I e kea na veiveisau ki na madigi cava ni kalasi ni semineri e vakayagataka tiko na iteki. Ena qai kauta na mata ni S&I na vakatutu ki na valenivolavola ni Semineri kei na Inisitute ni Lotu. E gadrevi na veivakadonui mai vei ira na veiliutaki ni bera ni vakayacori na veisau.

E rawa ni tauyavutaki e dua na matabose ni vuli ena vanua era veivolekati kina e vica na iteki e vakayacori kina na kalasi ni semineri e veisiga, kalasi ni vuli-e vale, se o rau ruarua e veivolekati ka tautauvata na kauwai kei na bolebole e tu vei rau (raica na seminary.ChurchofJesusChrist.org).

15.1.3

Veivale, iYaya, kei na iYaragi

Me ra raica na iliuliu ni iteki kei na tabanalevu ni tu na veivanua me vaka na valenilotu se nodra vale na lewenilotu me baleta na kalasi ni semineri. Me kakua ni redetaki na vale se rumu me baleta na kalasi ni semineri. Kevaka era sota na kalasi ena dua na valenilotu, sa dodonu me rawa ni vakayagataka o qasenivuli na iyaya ena valenivolavola ni ivurevure eso.

Ena vakarautaka o koya na mata ni S&I na nodra iyaragi na qasenivuli kei na gonevuli me baleta na kalasi yadua. Me ra kauta mai na gonevuli na nodra dui ivolanikalou, ivola se vakalivaliva.

15.1.4

Vakailesilesi ni Kalasi kei na iTaviqaravi

E rawa ni digitaka o qasenivuli ni semineri eso na vakaitutu ena kalasi, me vaka na peresitedi, ivukevuke ni peresitedi, kei na dua na sekeriteri. Me na veitaratara mada o qasenivuli kei ira na itubutubu vata kei bisopi me baleta na veivakadonui. Era na sega ni tokoni se vakatikori na vakaitutu ni kalasi. E rawa ni ra vukei qasenivuli ena itavi eso ni veisiga e valenivuli ka vakayaloqaqataki ira eso tale na gonevuli mera lako mai ka vakaitavi.

Me ra kakua ni caka itaviqaravi na qasenivuli ena taudaku ni gauna ni kalasi se me caka tani mai valenivuli. Ke dua na kena veisau ena gadrevi kina na nodra veivakadonui na nodra iliuliu ni matabete.

15.1.5

iDole kei na Tuvaitutu

E rawa ni ra vuli vakavinaka sara na gonevuli ni semineri ka vakatitobutaka na nodra saumaki mai kevaka era dau tiko wasoma ena kalasi, vakaitavi ka vulica na ivolanikalou ena taudaku ni kalasi. Ni ra vakayacora na veika oqo, era na rawata na idole ni semineri ena veiyabaki ka rawa ni tauri ivola mai na semineri.

Eso na gone ena dredre beka nodra rawata e dua na idole ni semineri ena vuku ni dredre ni wilivola se so tale na vuna. E rawa ni moica o qasenivuli na veika e gadrevi me sotava nodra leqa na gonevuli oqo. Na moici ni dua na parokaramu taucoko e rawa ni kerea o koya na mata ni S&I. Na veisau oqo e gadrevi kina na veivakadonui mai na Valenivolavola ni S&I.

Me tauri ivola mai na semineri, sa dodonu me na rawata e dua na gonevuli na idole ni va na yabaki kei na veitokoni vakalotu mai vua e dua ena matabisopi. Na veitokoni oqo ena vakadeitaka ni sa kilikili ka dau yalodina na gonevuli oqo ena bulataki ni ivakatagedegede vakosipeli.

Ena dau vakayacora e veiyabaki na iteki e dua na tuvaitutu ni semineri. Ena tuvaka me baleta na soqo oqo e dua ena mataveiliutaki ni iteki se lewe ni matabose e cake. E rawa ni veivuke na mata mai na S&I. Me baleta na ikuri ni ivakamacala, raica na Na iDusidusi ni ka Dau Caka ena Taurivola ni Semineri kei na Inisitute.

15.1.6

ivakatakilakila ni, idusidusi me baleta na veisau

Semineri ena Gauna ni Vuli

Ena so na vanua e Amerika kei Kenada, na lawa e vakatarai ira na gonevuli mera sa biu vuli ka tauri semineri ena gauna ni vuli. Ena vakadonuya na Matabose ni Vuli ena Lotu na vanua me vakayagataki kina na mataqali semineri vaqo. Me baleta na ikuri ni ivakamacala baleta na semineri ni sa biu vuli, raica na Semineri ena Gauna ni Vuli ena ChurchofJesusChrist.org.

15.2

ivakatakilakila ni, ivurevure digitaki

Inisitute

Na inisitute e vakarautaka na kalasi ni vuli kosipeli ka na vaqaqacotaki kina na vakabauta kei na ivakadinadina kei Jisu Karisito kei na Nona kosipeli vakalesui mai. O ira kece na itabagone qase cake yabaki 18-30 sa dodonu me ra vakayaloqaqataki me ra tiko ena kalasi ni inisitute, se ra vuli tiko se sega.

Na kalasi ni inisitute ena koronivuli era sega ni tu ena vuqa na vanua. Ena veigauna vaqori, e rawa ni ra tauyavutaka na peresitedi ni iteki me na kalasi ni inisitute ena iteki. O ira na iliuliu ni matabete kei na vakailesilesi ni S&I era na biuta vata na ituvatuva.

Na ikuri ni idusidusi me baleta na tauyavu kei na cicivaki ni kalasi ni inisitute ena iteki, ituvatuva me baleta na iyauqaqa, kacivi ni qasenivuli, kei na vakacaucataki ni nodra rawaka na gonevuli sa vakarautaki tu ena Inisitute ni iTeki ena ChurchofJesusChrist.org

15.2.1

Na Kalasi ni Lotu Tale Eso

E rawa ni ratou gadreva na mataveiliutaki ni iteki me vakarautaki na kalasi ni Lotu baleti ira na uabula yabaki 31 lako cake. Na veikalasi oqo e sega ni cakacaka ni S&I ka sega ni vakatokai me kalasi ni inisitute. Ia, sa rawa ni vakayagataki na iyaragi ni lewenivuli ni inisitute me baleta na kalasi.

era volavola tiko na marama ena dua na kalasi

15.3

ivakatakilakila, ivurevure digitaki

Koronivuli ni Lotu kei na iVakarau ni Vuli ni Lotu

Me baleta na itukutuku ni koronivuli ni Lotu ena paraimari kei na sekenidri, Salatu ki BYU e Vuravura Raraba, kei na koronivuli ni vuli torocake, raica na CES.ChurchofJesusChrist.org. Sa vakarautaki tale tu ga kina na veitokoni vakalotu me baleta na curu ki na veikoronivuli oqori.

Me kena ikuri, na itukutuku me baleta na vagalalataki mai na cakacaka vakalotu ena Valenivolavola ni Veivagalalataki mai na Cakacaka Vakalotu ni VVL, ena rawa ni kunei ena help.ChurchofJesusChrist.org.