batan-ong babaye nga nagpataas sa iyang kamot diha sa klase

15.

Mga Seminary ug mga Institute of Religion

15.0

Pasiuna

Ang mga Seminary ug mga Institute of Religion (S&I) moabag sa mga ginikanan ug sa mga lider sa Simbahan sa pagtabang sa kabatan-onan ug mga young adult nga madugangan ang ilang hugot nga pagtuo ni Jesukristo ug sa Iyang gipahiuli nga ebanghelyo. Kini mahimo pinaagi sa pagsuporta sa nakasentro sa panimalay nga pagtuon sa mga kasulatan ug sa mga pulong sa buhi nga mga propeta ug sa ubang mga lider sa Simbahan.

Ang mga programa sa seminary ug institute gidumala sa mga palisiya nga giestablisar sa Church Board of Education, nga gipangulohan sa Presidente sa Simbahan. Ang kapangulohan sa stake mopatuman niini nga mga programa diha sa stake ug mga ward. Ang mga lider sa stake ug ward regular nga morebyo sa pag-apil sa ilang kabatan-onan sa mga programa sa seminary ug institute.

Usa ka S&I nga representante gisangonan sa pagtudlo sa matag stake aron sa pagtabang sa mga lider nga mangalagad sa mga programa sa S&I.

15.1

Seminary

Ang seminary usa ka programa nga molungtad og upat ka tuig diin ang kabatan-onan magtuon sa ebanghelyo ni Jesukristo sumala sa makita diha sa mga kasulatan ug sa mga pagtulon-an sa mga propeta sa ulahing mga adlaw. Ang mga estudyante sa seminary sa kasagaran 14–18 anyos ang edad.

Ang bishopric, mga lider sa kabatan-onan, ug mga kapangulohan sa korum ug sa klase moawhag sa matag batan-on sa pag-apil sa hingpit sa seminary. Ang bishopric moawhag sa mga ginikanan sa pagparehistro sa ilang mga anak matag tuig sa dili pa magsugod ang mga klase sa seminary. Alang sa dugang nga impormasyon, tan-awa sa Seminary Registration sa ChurchofJesusChrist.org.

15.1.1

Mga Magtutudlo

Ang mga magtutudlo sa Seminary kinahanglang mga miyembro sa Simbahan kinsa adunay hugot nga pagtuo ni Ginoong Jesukristo ug pagpamatuod sa Iyang gipahiuli nga ebanghelyo. Sila kinahanglan nga nagsunod sa mga baroganan nga ilang itudlo ug maayo nga motrabaho uban sa kabatan-onan. Kon mahimo, ang mga magtutudlo kinahanglang adunay balido nga rekomend sa templo.

Usa ka sakop sa kapangulohan sa stake makigtambagay sa bishop, sa supervisor sa stake, ug sa representante sa S&I mahitungod sa potensyal nga mga magtutudlo sa seminary. Ang usa ka sakop sa kapangulohan sa stake o usa ka gisangonan nga high councilor motawag, mo-set apart, ug mo-release sa mga magtutudlo sa seminary sa stake ug sa mga supervisor sa stake. Human ang tawo natawag ug na-set apart, ang representante sa S&I mobansay ug mosuporta kaniya.

Sa pagpanalipod sa mga magtutudlo ug sa mga estudyante, duha ka hamtong kinahanglan nga anaa sa gambalay o panimalay diin gitudlo ang klase sa seminary. Mahimong magtawag og dugang nga magtutudlo, o ang laing responsable nga hamtong mahimong sangonan nga motambong. Ang ikaduha nga hamtong mahimong ang kapikas sa magtutudlo o ang ginikanan sa usa ka sakop sa klase. Siya kinahanglan nga sama og sekso [gender] sa magtutudlo, gawas kon kana nga tawo usa ka hamtong nga sakop sa pamilya sa magtutudlo. Ang usa ka magtutudlo kinahanglang dili mag-inusara diha sa lawak klasehanan, sa gambalay, o sa sakyanan uban sa estudyante gawas kon ang estudyante anak sa magtutudlo.

15.1.2

icon, mga lagda alang sa pagpahiangay

Mga Opsiyon sa Seminary

Ang seminary mas labing makatabang kon ang mga estudyante makigkita sa magtutudlo kada adlaw sa semana. Hinoon, mahimong dili kini posible tungod sa mga isyu sa seguridad, gilay-on sa pagbiyahe, ug uban pang mga hinungdan. Ang lokal nga mga lider aduna sa mosunod nga opsiyon sa pagpahigayon sa seminary.

Opsiyon	Gidaghanon sa Sinemana nga mga Leksiyon nga Anaa sa Klase	Gidaghanon sa Sinemana nga mga Leksiyon nga Home-Study o Online
Opsiyon A	Gidaghanon sa Sinemana nga mga Leksiyon nga Anaa sa Klase 5 (50 minutos)	Gidaghanon sa Sinemana nga mga Leksiyon nga Home-Study o Online Wala
Opsiyon B	Gidaghanon sa Sinemana nga mga Leksiyon nga Anaa sa Klase 4 (60 minutos)	Gidaghanon sa Sinemana nga mga Leksiyon nga Home-Study o Online Wala
Opsiyon C	Gidaghanon sa Sinemana nga mga Leksiyon nga Anaa sa Klase 4 (50 minutos)	Gidaghanon sa Sinemana nga mga Leksiyon nga Home-Study o Online 1
Opsiyon D	Gidaghanon sa Sinemana nga mga Leksiyon nga Anaa sa Klase 3 (50 minutos)	Gidaghanon sa Sinemana nga mga Leksiyon nga Home-Study o Online 2
Opsiyon E	Gidaghanon sa Sinemana nga mga Leksiyon nga Anaa sa Klase 2 (90 minutos)	Gidaghanon sa Sinemana nga mga Leksiyon nga Home-Study o Online 1
Opsiyon F	Gidaghanon sa Sinemana nga mga Leksiyon nga Anaa sa Klase 2 (50 minutos)	Gidaghanon sa Sinemana nga mga Leksiyon nga Home-Study o Online 3
Opsiyon G	Gidaghanon sa Sinemana nga mga Leksiyon nga Anaa sa Klase 1 (50 minutos)	Gidaghanon sa Sinemana nga mga Leksiyon nga Home-Study o Online 4

Ang mga lider sa Simbahan magpakitambag sa ilang representante sa S&I sa paghukom unsa nga opsiyon ang:

• Labing makatabang sa mga estudyante nga makat-on sa ebanghelyo ug motubo sa espirituwal nga paagi.

• Makapahimo sa estudyante nga luwas.

• Dili makapabug-at sa pamilya nga wala kinahanglana.

Kon ang pagpakigkita sa magtutudlo niana nga semana lisod, ang paggamit sa teknolohiya alang sa virtual nga mga miting mahimong ikonsiderar.

Ang mga klase kinahanglang dili himoon sa Dominggo. Ang mga eksepsiyon magkinahanglan og pagtugot gikan sa Church Board of Education. Ang presidente sa stake mahimong morekomend ngadto sa lokal nga representante sa S&I sa mga kausaban sa opsiyon sa klase sa seminary nga gamiton sa stake. Ang representante sa S&I modala sa rekomendasyon ngadto sa administrasyon sa mga Seminary ug mga Institute of Religion. Ang pagtugot gikan sa administrasyon gikinahanglan sa dili pa ipatuman ang kausaban.

Ang lokal nga hunta sa edukasyon mahimo usab nga maestablisar kon diin ang pipila ka stake nga adunay mga klase sa seminary, home-study nga mga klase, o pareho nga anaa sa duol nga dapit ug adunay komon nga mga problema ug mga hagit (tan-awa sa seminary.ChurchofJesusChrist.org).

15.1.3

Mga Gambalay, Ekipo, ug mga Materyal

Ang mga lider sa stake ug ward moseguro nga ang mga dapit sama sa mga meetinghouse [balay tigomanan] o mga panimalay sa mga miyembro magamit alang sa mga klase sa seminary. Ang mga gambalay o mga kwarto kinahanglang dili abangan alang sa mga klase sa seminary. Kon ang mga klase ipahigayon diha sa mga meetinghouse, ang mga magtutudlo kinahanglang adunay access sa ekipo diha sa sentro sa kapanguhaan.

Ang representante sa S&I mohatag og mga materyal alang sa mga magtutudlo ug sa mga estudyante alang sa matag klase. Ang mga estudyante kinahanglang magdala sa ilang kaugalingong mga kasulatan, na-imprinta o digital.

15.1.4

Mga Opisyal ug mga Kalihokan sa Klase

Ang usa ka magtutudlo sa seminary mahimong mopili og mga opisyal sa klase, sama sa usa ka presidente, bise presidente, ug usa ka secretary. Ang magtutudlo mokontak una sa mga ginikanan ug sa bishop sa estudyante alang sa pagtugot. Ang mga opisyal sa klase dili paluyohan o i-set apart. Sila makatabang sa magtutudlo sa naandan na nga mga katungdanan sa lawak-klasehanan ug moawhag sa ubang mga estudyante nga motambong ug moapil.

Ang mga magtutudlo sa seminary kinahanglang dili mohatag og mga kalihokan nga dili na oras sa normal nga klase o layo gikan sa lawak-klasehanan. Ang mga eksepsiyon magkinahanglan og pagtugot gikan sa lokal nga mga lider sa pagkapari.

15.1.5

Kredito [Credit] ug Gradwasyon

Ang mga estudyante sa seminary mas makakat-on sa epektibong paagi ug makapalig-on sa ilang pagkakabig kon sila kanunay nga motambong sa klase, moapil, ug magtuon sa mga kasulatan sa gawas sa klase. Kon buhaton nila kining mga butanga, makaangkon usab sila og kredito sa seminary matag tuig ug makagradwar gikan sa seminary.

Ang pipila ka mga estudyante tingali maglisod sa pag-angkon og kredito sa seminary tungod sa mga hagit sa pagbasa o ubang mga rason. Ang magtutudlo mahimong mopahiangay sa mga kinahanglanon ngadto sa mga panginahanglan niini nga mga estudyante. Ang pagpahiangay alang sa tibuok programa mahimong ihangyo sa representante sa S&I. Kini nga mga pagpahiangay magkinahanglan og pagtugot gikan sa Sentro nga Buhatan sa S&I.

Aron makagradwar gikan sa seminary, ang usa ka estudyante kinahanglan nga makaangkon og upat ka tuig nga kredito ug makadawat og eklesiyastikanhong pag-endorso gikan sa usa ka sakop sa bishopric. Kini nga pag-endorso nagmatuod nga ang usa ka estudyante takos ug mapasaligon sa pagsunod sa mga sumbanan sa ebanghelyo.

Matag tuig ang stake maghimo og gradwasyon sa seminary. Kini nga kalihokan planohon sa usa ka sakop sa kapangulohan sa stake o sa usa ka high councilor. Ang representante sa S&I mahimong motabang. Alang sa dugang nga impormasyon, tan-awa sa A Guide to Seminary and Institute Graduation Exercises.

15.1.6

icon, mga lagda alang sa pagpahiangay

Released-Time Seminary

Sa pipila ka mga bahin sa Estados Unidos ug Canada, ang lokal nga mga balaod motugot sa mga estudyante sa pagbiya sa eskwelahan ug sa pagtambong sa seminary atol sa mga oras nga tingklase. Ang Church Board of Education moaprobar diin kini nga matang sa seminary gamiton. Alang sa dugang nga impormasyon bahin sa released-time seminary, tan-awa sa Released-Time Seminary sa ChurchofJesusChrist.org.

15.2

icon, opsiyonal nga mga kapanguhaan

Institute

Ang institute naghimo og kada adlaw nga mga klase sa pagtuon sa ebanghelyo nga makapalig-on sa hugot nga pagtuo ug pagpamatuod diha kang Jesukristo ug sa Iyang gipahiuli nga ebanghelyo. Ang tanang young single adult nga nag-edad og 18–30 kinahanglang awhagon nga moapil sa mga klase sa institute, nag-eskwela man sila o wala.

Ang mga klase sa institute nga anaa sa sulod sa campus wala sa daghang mga dapit. Niini nga mga sitwasyon, ang mga presidente sa stake mahimong moestablisar og mga klase sa institute nga nakabase diha sa stake. Ang mga lider sa pagkapari ug ang kawani sa S&I mo-organisar sa mga pamaagi.

Ang dugang nga mga lagda sa pag-establisar ug pagpahigayon sa mga klase sa institute nga nakabase diha sa stake, pagplano sa mga pasilidad, pagtawag og mga magtutudlo, ug pagpahalipay sa kalamposan sa estudyante anaa sa Stake Institute sa ChurchofJesusChrist.org.

15.2.1

Uban nga mga Klase sa Relihiyon

Ang mga kapangulohan sa stake mahimong maghimo og mga klase sa relihiyon alang sa mga hamtong nga nag-edad og 31 anyos ug pataas. Kini nga mga klase dili buluhaton sa S&I ug dili tawagon nga mga klase sa institute. Hinoon, ang mga materyal sa kurikulum sa institute mahimong gamiton alang sa mga klase.

mga babaye nga nagsulat og mga note diha sa usa ka klase

15.3

icon, opsiyonal nga mga kapanguhaan

Mga Eskwelahan sa Simbahan ug Sistema sa Edukasyon sa Simbahan [Church Educational System]

Alang sa impormasyon bahin sa elementarya ug sekondarya nga mga eskwelahan sa Simbahan, BYU–Pathway Worldwide, ug mga institusyon sa mas taas nga edukasyon, tan-awa sa CES.ChurchofJesusChrist.org. Ang impormasyon mahitungod sa pagkompleto sa eklesiyastikanhong mga pag-endorso alang sa mga estudyante aron makaeskwela niini nga mga eskwelahan gihatag usab didto.

Dugang pa, ang impormasyon mahitungod sa eklesiyastikanhong mga clearance sa pagpanarbaho pinaagi sa CES Ecclesiastical Clearance Office makita diha sa help.ChurchofJesusChrist.org.