“14. Dili Minyo nga mga Miyembro,” Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw (2020).
“14. Dili Minyo nga mga Miyembro,” Kinatibuk-ang Tamdanan nga Basahon.
Imahe
mga tawo nga nag-istorya
14.
Dili Minyo nga Mga Miyembro
14.0
Pasiuna
Ang Manluluwas nagdapit sa tanan sa pagduol ngadto Kaniya ug sa pagpasakop sa Iyang Simbahan (tan-awa sa 2 Nephi 26:24). Ang mga lalaki ug mga babaye nga wala pa maminyo o kinsa nagdiborsiyo o nabalo naglangkob sa ubay-ubay nga bahin sa mga miyembro sa Simbahan. Importante nga ang tanan makakaplag og paglaom pinaagi sa Pag-ula ni Jesukristo (tan-awa sa Ether 12:4). Ang mosunod nga mahangtorong mga kamatuoran makatabang nga mapalambo kana nga paglaom:
Ang mga kasulatan ug ang mga propeta sa ulahing mga adlaw nagpamatuod nga ang tanan kinsa matinud-anon sa pagtuman sa mga pakigsaad sa ebanghelyo adunay oportunidad alang sa kahimayaan.
Ang tukma nga panahon ug pamaagi diin ang mga panalangin sa kahimayaan ihatag wala pa ipadayag ang tanan. Apan bisan pa man kini sigurado (tan-awa sa Mosiah 2:41).
Ang paghulat sa Ginoo nagpasabot og padayon nga pagkamasulundon ug espirituhanong pag-uswag paingon Kaniya (tan-awa sa Isaias 64:4).
Ang Dios nagtanyag og kinabuhing dayon ngadto sa tanan Niya nga mga anak. Ang tanan nga kwalipikado sa maloloy-on nga gasa sa Manluluwas sa pagpasaylo ug nagsunod sa Iyang mga sugo makadawat og kinabuhing dayon. (Tan-awa sa Mosiah 26:30; Moroni 6:8.)
Ang pagsalig niini nga mga kasiguroan naggikan sa hugot nga pagtuo diha ni Jesukristo. Pinaagi sa Iyang grasya, ang tanang butang nga may kalabotan sa pagkamortal napahimutang sa saktong paagi (tan-awa sa Alma 7:11–13).
Ang Dios nanginahanglan sa tanang miyembro nga motabang diha sa Iyang buhat sa kaluwasan diha sa ilang mga ward ug mga stake (tan-awa sa 1 Mga Taga-Corinto 12:12–27). Kon gigiyahan sa Espiritu, ang dili minyo nga mga miyembro tawagon ngadto sa mga katungdanan sa pagpangulo ug pagtudlo. Ang mga calling sa pagpangulo mahimong maglakip sa pagserbisyo diha sa mosunod nga mga katungdanan:
Mga kapangulohan sa mga organisasyon sa ward ug stake
Mga kapangulohan sa korum sa mga elder
Mga magtatambag sa bishopric
Mga high councilor
Mga magtatambag sa kapangulohan sa stake
Dinhi nga kapitulo:
Ang “dili minyo nga mga miyembro” nagpasabot ngadto sa tanang hamtong nga mga miyembro sa Simbahan nga sa kasamtangan wala pa maminyo.
Ang mga “young single adult” nagpasabot niadtong nag-edad og 18–30.
Ang mga “single adult” nagpasabot niadtong nag-edad og 31 ug pataas.
14.1
Dili Minyo nga mga Miyembro diha sa Kaugalingong mga Yunit
Kadaghanan sa dili minyo nga mga miyembro motambong sa kaugalingong yunit uban sa mga miyembro sa tanang edad. Sila adunay oportunidad sa pagserbisyo, pagtudlo, pagdumala, ug pagpakig-uban sa mga tawo diha sa daghang sirkumstansiya.
14.1.1
Pagpangulo sa Stake
14.1.1.1
Kapangulohan sa Stake
Ang pag-apil sa kapangulohan sa stake importante kaayo sa pagpaapil sa dili minyo nga mga miyembro diha sa buhat sa Dios sa kaluwasan ug kahimayaan.
Ang presidente sa stake mahimong mosangon og usa sa iyang mga magtatambag ug usa ka high councilor sa pagsuporta sa mga single adult. Siya mahimo usab nga mosangon og usa ka magtatambag ug usa ka high councilor sa pagsuporta sa mga young single adult. Mahimo usab niyang hangyoon ang presidente sa Relief Society nga mosangon og usa ka sakop sa kapangulohan sa pagsuporta sa mga single adult ug mga young single adult. Ang mao gihapon nga mga lider mahimong sangonan ngadto sa duha ka grupo.
Ang kapangulohan sa stake mohatag og partikular nga pagtagad ngadto sa mga young single adult—sama sa ilang gihimo sa tanang sakop sa bag-ong henerasyon.
Ang kapangulohan sa stake motino kon ang mga kalihokan alang sa mga young single adult angay ba nga ipahigayon diha sa lebel sa ward, sa lebel sa stake, o sa kombinasyon sa duha. Ang mga kalihokan alang sa mga single adult ipahigayon diha sa lebel sa stake ug sa multistake. (Tan-awa sa kapitulo 20.)
Kon ang gidaghanon sa dili minyo nga mga miyembro diha sa usa ka dapit igo na, ang mga presidente sa stake mahimong morekomendar sa pag-organisar og usa ka ward alang sa mga young single adult o usa ka ward alang sa mga single adult (tan-awa sa 14.3).
Ang usa ka stake (o grupo sa kasikbit nga mga stake) tingali dili igo ang gidaghanon sa dili minyo nga mga miyembro aron makamugna og usa ka ward alang sa mga young single adult o ward alang sa mga single adult. Niini nga sitwasyon, ang Kapangulohan sa Area mahimong motugot sa usa ka presidente sa stake sa pagdapit sa tanan niining mga miyembro nga mahimong sakop sa gitudlo nga ilang kaugalingong ward. Magtugot kini nga ang mga single adult o mga young single adult magkauban sa pagserbisyo ug sa pagsimba. Ang Kapangulohan sa Area makigtambag sa gisangon nila nga sakop sa Kapangulohan sa Seventy ug Korum sa Napulog Duha.
14.1.1.2
Mga Komitiba sa Young Single Adult ug sa Single Adult sa Stake
Ang dili minyo nga mga miyembro moserbisyo sa mga anak sa Dios pinaagi sa pag-apil diha sa Iyang buhat sa kaluwasan ug kahimayaan (tan-awa sa 1.2 ug 14.2). Aron matabangan sila sa pagbuhat niini, ang kapangulohan sa stake mag-organisar og usa ka komitiba sa young single adult. Kini nga komitiba maglangkob og mga lider sa young single adult gikan sa matag ward.
Usa ka young single adult nga lalaki ug young single adult nga babaye tawagon aron mangulo sa komitiba. Sila moserbisyo diha sa konseho sa stake.
Kon walay igong mga young single adult aron makaporma og usa ka komitiba diha sa stake, usa ka grupo sa kasilinganan nga mga stake mahimong mag-organisar og usa ka komitiba nga may pagtugot sa Kapangulohan sa Area.
Ang kapangulohan sa stake mahimo usab nga mag-organisar og komitiba sa single adult. Maglangkob kini og pipila ka single adult gikan sa matag ward. Usa ka single adult nga lalaki ug single adult nga babaye tawagon aron mangulo sa komitiba. Sila moserbisyo diha sa konseho sa stake.
Kon walay igong mga single adult aron makaporma og usa ka komitiba diha sa stake, ang usa ka grupo sa kasilinganan nga mga stake mahimong mag-organisar og usa ka komitiba nga may pagtugot sa Kapangulohan sa Area.
Ang mga komitiba magtinguha sa pagsuporta sa mga miyembro pinaagi sa pagpakighigala ug sa mga oportunidad sa pag-apil sa buhat sa kaluwasan ug kahimayaan (tan-awa sa 14.2). Sila magplano og mga oportunidad alang sa pagkat-on sa ebanghelyo ug alang sa pagserbisyo ug mga kalihokan.
Ang mga komitiba magmiting kon gikinahanglan. Ang gisangonan nga sakop sa kapangulohan sa stake ug kapangulohan sa Relief Society sa stake ug ang gisangonan nga high councilor mahimong motambong niini nga mga miting aron sa paghatag og suporta.
Ang mga komitiba alang sa young single adult makigkoordinar uban sa mga programa sa institute sa campus, kon aduna.
Kasagaran ang mga komitiba alang sa single adult ug young single adult molihok sa managbulag nga paagi gikan sa usag usa.
14.1.2
Pagpangulo sa Ward
14.1.2.1
Bishopric
Ang bishopric mao ang yawe sa pagpaapil sa dili minyo nga mga miyembro diha sa buhat sa Dios sa kaluwasan ug kahimayaan. Sila makigtinabangay sa konseho sa ward sa pagpangita og makahuloganon nga mga calling ug mga buluhaton alang sa dili minyo nga mga miyembro. Sila moila ug maningkamot sa pagtabang nga matubag ang mga panginahanglan sa nag-inusara nga mga ginikanan.
Sa kinatibuk-an, ang bishopric mosuporta sa dili minyo nga mga miyembro samtang nagsuporta sila sa tanang sakop sa korum sa mga elder ug Relief Society. Hinoon, tungod sa ilang labing mahinungdanong responsibilidad ngadto sa bag-ong henerasyon, ang bishopric mobuhat usab sa mosunod:
Ang usa ka sakop sa bishopric makigkita sa matag young single adult labing minos kausa sa usa ka tuig.
Ang bishopric modawat og regular nga mga pag-update bahin sa kaayohan sa mga young single adult. Ang presidente sa korum sa mga elder ug ang presidente sa Relief Society maghisgot sa mga panginahanglan sa mga young single adult diha sa miting sa konseho sa ward. Ang mga lider sa komitiba alang sa young single adult mahimong dapiton sa pagtambong.
Ang bishopric mahimong mag-organisar og usa ka komitiba alang sa young single adult sa ward (tan-awa sa 14.1.2.4). (Ang mga komitiba alang sa single adult alang niadtong nag-edad og 31 ug pataas i-organisar diha sa lebel sa stake.)
14.1.2.2
Mga Sakop sa Kapangulohan sa Korum sa mga Elder ug sa Relief Society nga Gisangon ngadto sa mga Young Single Adult
Ang mga presidente sa korum sa mga elder ug sa Relief Society mahimong mosangon og usa ka sakop sa ilang mga kapangulohan sa pagsuporta sa mga young single adult. Kini nga mga sakop sa kapangulohan magkat-on bahin sa mga kalig-on sa mga young single adult ug motabang nga matubag ang ilang mga panginahanglan.
Ang presidente sa korum sa mga elder ug ang presidente sa Relief Society mahimong mo-report niini nga mga paningkamot sa miting sa konseho sa ward. Kon adunay komitiba sa young single adult sa ward, ang mga lider niini nga komitiba dapiton sa pagtambong ug sa pag-report sa ilang mga paningkamot.
Kini nga mga sakop sa kapangulohan mosuporta sa komitiba sa young single adult sa ward kon adunay usa nga naorganisar (tan-awa sa 14.1.2.4).
14.1.2.3
Mga Lider sa mga Young Single Adult
Sa usa ka ward nga adunay daghang young single adult, ang bishopric mahimong motawag og young single adult nga lalaki ug babaye isip mga lider sa mga young single adult. Ang ilang mga responsibilidad naglakip sa:
Pagtabang sa mga young single adult nga moapil diha sa buhat sa Dios sa kaluwasan ug kahimayaan (tan-awa sa 14.2).
Pagserbisyo diha sa komitiba sa young single adult sa stake.
Pagdumala sa komitiba alang sa young single adult sa ward kon adunay usa nga naporma.
Pakigmiting kanunay sa kapangulohan sa korum sa mga elder ug sa kapangulohan sa Relief Society. Niini nga mga miting, sila maghisgot sa mga kalig-on sa mga young single adult ug kon unsaon nga matubag ang ilang mga panginahanglan. Sila mopokus usab sa pagpangalagad ngadto sa mga young single adult.
Pagtambong sa mga miting sa konseho sa ward kon gidapit.
14.1.2.4
Komitiba sa mga Young Single Adult sa Ward
Ang ubang mga ward adunay daghang young single adult. Niini nga mga ward, ang bishop mahimong mobati nga ang mga lider sa mga young single adult mahimong tabangan sa komitiba alang sa young single adult sa ward. (Ang mga komitiba alang sa single adult i-organisar diha sa lebel sa stake. Tan-awa sa 14.1.1.2.)
Ang mga sakop sa komitiba naglakip sa:
Mga lider sa mga young single adult sa ward.
Dugang nga mga young single adult nga gidapit sa bishopric.
Mga sakop sa mga kapangulohan sa korum sa mga elder ug sa Relief Society nga gisangonan sa pagsuporta sa mga young single adult.
14.2
Pag-apil sa Buhat sa Dios sa Kaluwasan ug Kahimayaan
Ang Dios nagdapit sa tanan nga moduol ngadto ni Kristo ug moapil diha sa Iyang buhat sa kaluwasan ug kahimayaan pinaagi sa:
Pagsunod sa ebanghelyo ni Jesukristo.
Pag-atiman niadtong nanginahanglan.
Pagdapit sa tanan nga modawat sa ebanghelyo.
Paghiusa sa mga pamilya alang sa kahangtoran.
Ang dili minyo nga mga miyembro moapil niini nga buhat diha sa panimalay ug sa simbahan. Sila moapil diha sa mga korum sa mga elder ug sa mga Relief Society. Sila moserbisyo diha sa mga calling ug mga buluhaton, lakip na sa pagpangalagad. Ang mga ward ug mga stake mahimong magplano og opsiyonal nga mga kalihokan nga alang lamang sa dili minyo nga mga miyembro kinsa mopili nga moapil (tan-awa sa 14.2.1.3).
14.2.1
Pagsunod sa Ebanghelyo ni Jesukristo
14.2.1.1
Home Evening ug Pagtuon sa Ebanghelyo
Ang mga lider o mga miyembro kinsa nagtinguha nga moapil mahimong mag-organisar og usa o daghan pang grupo sa home evening alang sa mga single adult ug laing mga grupo alang sa mga young single adult. Sa kinatibuk-an, kadtong kinsa moapil walay mga anak diha sa panimalay. Diha sa mga stake nga gamay ra og dili minyo nga mga miyembro, ang mga grupo sa home evening mahimong motabok sa mga utlanan sa ward.
Agi og dugang, ang dili minyo nga mga miyembro mahimong mopili nga magpundok sa virtual nga paagi o sa personal alang sa pagtuon sa ebanghelyo sa panimalay. Ang Dali, Sunod Kanako—Alang sa mga Indibidwal ug mga Pamilya mahimong usa ka kapanguhaan.
Ang tanang young single adult giawhag sa pagpa-enrol sa mga klase sa institute (tan-awa sa 15.2).
14.2.1.2
Mga Klase sa Sunday School
Ubos sa direksyon sa bishop, ang presidente sa Sunday School sa ward mahimong mag-organisar og usa ka klase sa Sunday School alang sa mga young single adult (tan-awa sa 13.3.2).
14.2.1.3
Mga Kalihokan
Ubos sa direksyon sa mga lider sa ward o stake, ang mga young single adult mahimong magplano ug moapil sa mga kalihokan nga alang lamang nila. Kini nga mga kalihokan mahimong ipahigayon diha sa lebel sa ward o stake. Ang mga ehemplo mahimong maglakip sa:
Mga pagbisita sa templo.
Buhat sa family history.
Pagpaambit sa ebanghelyo.
Pagserbisyo sa komunidad.
Mga kalihokan bahin sa musika ug kultura.
Mga sport.
Ubos sa direksyon sa mga lider sa stake, ang mga single adult mahimong magplano og susama nga mga kalihokan diha sa lebel sa stake.
Ang mga Area Seventy mahimong makigtinabangay sa mga presidente sa stake sa pagmugna og mga komitiba nga moplano sa mga kalihokan sa multistake alang sa dili minyo nga mga miyembro.
Ang paggahin og pundo alang sa mga kalihokan naggikan sa mga badyet sa stake o ward. Kon ang mga kalihokan sa multistake o sa area ipahigayon, ang mga lider mosiguro og patas nga pag-apud-apod sa pundo diha sa mga stake.
Ang paggahin og pundo alang sa mga kalihokan kinahanglan nga nahisubay sa mga palisiya diha sa 20.2.6. Isip usa ka eksepsiyon, ang mga miyembro mahimong mobayad og pipila ka kantidad kon ang mga kalihokan sa multistake o area ipahigayon. Ang mga lider mosiguro nga ang tanan makaapil.
Alang sa dugang nga mga lagda sa kalihokan, tan-awa sa 20.2 ug 20.3.
Imahe
mga tawo nga nagdula og football
14.2.2
Pag-atiman Niadtong Nanginahanglan
14.2.2.1
Pagserbisyo
Sama sa tanang disipulo ni Jesukristo, ang dili minyo nga mga miyembro adunay regular nga mga oportunidad sa pagserbisyo sa uban sa indibidwal nga paagi ug isip mga grupo. Ang pagserbisyo sa komunidad naapil sa labing mahinungdanong mga paagi nga ang mga young single adult malig-on sa espirituhanong paagi.
Ang mga kalihokan sa pagserbisyo mahimong magpokus sa:
Welfare ug pagbarog pinaagi sa kinaugalingong paningkamot.
Family history.
Pagtabang sa komunidad.
Pagpaambit sa ebanghelyo.
Paglig-on sa bag-o ug mibalik nga mga miyembro.
Mga panginahanglan sa katawhan diha sa lokal o bisan asa.
Kon kini anaa, ang JustServe.org nagsugyot og mga oportunidad sa pagserbisyo alang sa mga indibidwal ug mga grupo.
14.2.2.2
Pagpangalagad
Ang matag igsoong lalaki nga dili minyo sangonan og tigpangalagad nga mga igsoong lalaki. Ang matag igsoong babaye nga dili minyo sangonan og tigpangalagad nga mga igsoong babaye. Ang mga pagsangon pagahimoon ngadto sa mga indibidwal, dili ngadto sa mga grupo o mga apartment. (Tan-awa sa kapitulo 21.)
14.2.3
Pagdapit sa Tanan nga Modawat sa Ebanghelyo
Ang dili minyo nga mga miyembro adunay oportunidad sa pagdapit sa tanan nga modawat sa mga panalangin sa ebanghelyo ni Jesukristo. Sila mohimo niini pinaagi sa pagpapaambit sa ebanghelyo, pagpalig-on sa bag-o ug mibalik nga mga miyembro, ug pagtabang niadtong wala moapil. (Tan-awa sa kapitulo 23.)
Ang ubang mga young single adult kanunay nga mobalhin. Ang mga young single adult mahimong mag-organisar og mga kalihokan matag karon ug unya sa pagpangita ug pag-abiabi sa ubang mga young single adult diha sa stake. Kini nga mga kalihokan mahimo usab nga himoon uban sa silingan nga mga stake.
Ang mga young single adult mahimong makatabang gayod sa pagsuporta ug pagtudlo uban sa full-time nga mga misyonaryo.
14.2.4
Paghiusa sa mga Pamilya alang sa Kahangtoran
Isip mga indibidwal ug isip mga grupo, ang dili minyo nga mga miyembro makatabang sa paghiusa sa mga pamilya alang sa kahangtoran. Pananglitan, sila mahimong:
Mangandam sa paghimo og mga pakigsaad ngadto sa Dios pinaagi sa pagdawat og mga ordinansa, lakip na sa pagtuga diha sa templo (tan-awa sa 27.2.2).
Moserbisyo isip mga ordinance worker o mga boluntaryo sa templo (tan-awa sa 25.5).
Mga Ward ug mga Stake alang sa mga Young Single Adult ug mga Ward sa mga Single Adult
Kasagaran sa dili minyo nga mga miyembro motambong sa kaugalingong mga ward. Isip usa ka eksepsiyon, kon adunay daghang dili minyo nga mga miyembro ang nagpuyo sa dug-ol, ang mga lider sa pagkapari mahimong morekomendar sa pagmugna sa mosunod nga mga yunit. Kini nga mga yunit kinahanglan nga nagsunod sa mga lagda diha sa kapitulo 37.
Usa ka ward alang sa mga young single adult nga nag-edad og 18–30 (tan-awa sa 37.2)
Usa ka stake alang sa mga young single adult nga nag-edad og 18–30 (tan-awa sa 37.3)
Usa ka ward alang sa mga single adult nga nag-edad og 31–45 (tan-awa sa 37.5)
Kini nga mga yunit mogamit sa regular nga programa sa Simahan kutob sa mahimo. Sila mosunod sa mga instruksiyon niini nga tamdanan nga basahon.
Ang angayan nga mga miyembro mahimo nga mopili nga magpasakop sa ward alang sa mga young single adult o ward alang sa mga single adult, kon aduna. O makapili sila nga magpasakop sa ilang kaugalingong ward.
Ang pagkasakop diha sa ward alang sa mga young single adult o sa ward alang sa mga single adult sa ward temporaryo lang:
Kon ang usa ka dili minyo nga miyembro maminyo, siya mamahimong sakop na sa iyang kaugalingong ward.
Kon ang usa ka sakop sa ward sa mga young single adult moabot sa edad nga 31, siya mamahimong sakop na sa ward sa mga single adult (kon aduna diha sa iyang gipuy-an) o sa iyang kaugalingong ward.
Kon ang usa ka sakop sa ward sa mga single adult moabot sa edad nga 46, siya mamahimong sakop na sa iyang kaugalingong ward.
Kon magbinalhinay tali sa mga ward, ang miyembro ug ang iyang mga lider makig-istorya sa mga lider sa iyang kaugalingong ward. Ang mga lider sa bag-ong ward mosangon og tigpangalagad nga mga igsoong lalaki ug mga igsoong babaye. Sila magplano og calling o buluhaton nga makatabang sa miyembro nga mobati nga giabiabi ug naapil diha sa buhat sa ward.
14.4
Dugang nga mga Lagda ug mga Palisiya
14.4.1
Mga Dapit nga Kapundokan
Ang usa ka dapit nga kapundokan mao ang gitudlo nga lugar diin ang mga young single adult ug ang ilang mga higala mahimong magpundok alang sa pagpakigdait ug pag-apil sa bisan asa sa mosunod:
Pagkat-on sa ebanghelyo, lakip na ang institute
Mga kurso sa pagbarog pinaagi sa kinaugalingong paningkamot, mga oportunidad sa edukasyon, ug suporta nga mga grupo
Pagserbisyo ug mga kalihokan
Pagpaambit sa ebanghelyo ug pagtabang sa komunidad
Buhat sa templo ug family history
Uban pang mga programa sa Simbahan
Ang tanang gitudlo nga dapit nga kapundokan kinahanglan nga aprobahan sa Kapangulohan sa Area. Ang mga dapit nga kapundokan idumala sa mga presidente sa stake ug mga bishop. Kini i-establisar diha sa anaa na nga mga pasilidad sa Simbahan, sama sa meetinghouse o gambalay sa institute. Ang mga presidente sa stake kinsa nagtinguha sa pag-establisar og usa ka dapit nga kapundokan alang sa mga young single adult kinahanglang mokontak sa Kapangulohan sa Area.
14.4.2
Mga Gabii sa Lunes
Isip usa ka eksepsiyon, ang mga ward sa mga young single adult ug ang mga ward sa mga single adult mahimong magpahigayon og mga kalihokan sa mga gabii sa Lunes, lakip na diha sa mga gambalay sa Simbahan. (tan-awa sa 20.5.3).
14.4.3
Dugang nga mga Korum sa mga Elder ug mga Relief Society
Uban sa pagtugot gikan sa presidente sa stake, ang bishop sa usa ka ward alang sa dili minyo nga mga miyembro mahimong mag-organisar og sobra sa usa ka Relief Society ug korum sa mga elder. (Tan-awa sa 8.1.3 ug 9.1.3.)
14.4.4
Mga Miyembro Tawagon sa Pagserbisyo diha sa mga Yunit alang sa Dili Minyo nga mga Miyembro
Ang bishop lamang ug ang presidente sa stake sa mga yunit alang sa dili minyo nga mga miyembro ang pagatawgon gikan sa ilang kaugalingong ward. Kon gigiyahan sa Espiritu, daghang calling ang mahimong mahatag niadtong anaa sa yunit alang sa dili minyo nga mga miyembro.
Kadtong gitawag gikan sa ilang kaugalingong ward aron moserbisyo sa yunit alang sa dili minyo nga mga miyembro kasagaran moserbisyo og dili mosobra sa tulo ngadto sa lima ka tuig niini nga mga yunit. Kini nga gidugayon sa panahon naglakip sa tanang pagserbisyo sa lain-laing mga calling.
Ang mga lider sa ilang kaugalingong mga stake kinahanglang mosuporta kon ang mga miyembro ikonsiderar sa pagserbisyo sa mga yunit alang sa dili minyo nga mga miyembro. Hinoon, ang mga lider makigtinambagay aron makasabot sa mga kahimtang sa mga miyembro.
Ang mga calling mahimong ihatag ngadto sa mga indibidwal o mga magtiayon. Sa pipila ka sitwasyon, ang usa ka kapikas kinahanglang magpabilin sa iyang kaugalingong ward samtang ang usa moserbisyo sa ward alang sa dili minyo nga mga miyembro.
Ang mga rekord sa pagkamiyembro sa mga bishop ug sa ilang mga pamilya kasagaran ipabilin ra diha sa ilang kaugalingong ward samtang nagserbisyo sila sa mga ward alang sa dili minyo nga mga miyembro. Mao usab alang niadtong kinsa nagserbisyo sa kapangulohan sa stake o bishopric, sa high council, o sa kapangulohan sa Relief Society sa stake kon kini nga mga miyembro gitawag gawas sa ilang kaugalingong ward. Kini nga mga miyembro ug ang ilang mga pamilya mobayad sa ikapulo ug mga halad diha sa ilang kaugalingong ward. Moduol usab sila sa ilang kaugalingong mga lider sa ward ug stake aron interbiyohon alang sa rekomend sa templo.
14.4.5
Mga Bakasyon sa Eskwelahan
Kon posible, ang mga ward sa mga young single adult magpadayon panahon sa mga bakasyon sa eskwelahan. Ang daghang ward sa mga young single adult mahimong magtigom kon gikinahanglan. Sa ingon nga mga sitwasyon, ang mga ward maghimo og lahi nga mga rekord, mga report sa nanambong, ug sa pinansyal.
14.4.6
Mga Interbiyo diha sa mga Ward ug mga Stake sa mga Young Single Adult
Kasagaran, ang presidente sa stake mointerbiyo sa mga miyembro kinsa:
Modawat sa ilang kaugalingong pagtuga.
Magpasilyo ngadto sa usa ka kapikas.
Girekomendar sa pagdawat og Melchizedek nga Pagkapari.
Girekomendar sa pagserbisyo og mga misyon.
Isip usa ka eksepsiyon, ang presidente sa stake sa mga young single adult nga stake mahimong motugot sa iyang mga magtatambag sa pagpahigayon sa pipila niini nga interbiyo.
Sa dagko nga mga ward sa mga young single adult, ang mga bishop mahimong motugot sa mga magtatambag sa pagpahigayon og mga interbiyo alang sa mga miyembro kinsa:
Modawat sa ilang kaugalingong pagtuga.
Magpasilyo ngadto sa usa ka kapikas. (Tan-awa sa 26.3.1.)
14.4.7
Pag-apil diha sa mga Kalihokan alang sa Dili Minyo nga mga Miyembro
Ang usa ka tawo kinsa nabulag gikan sa iyang kapikas o nagtinguha og diborsiyo makaapil diha sa iyang kaugalingong ward. Siya mahimong motambong sa ward o mga kalihokan alang sa dili minyo nga mga miyembro kon ang paghukom sa iyang diborsyo nahuman na.
Imahe
babaye nga nagbasa ngadto sa mga bata
14.4.8
Nag-inusara nga mga Ginikanan
Ang mga miyembro ug mga lider moila ug maningkamot sa pagtabang nga matubag ang piho nga mga panginahanglan sa nag-inusara nga mga ginikanan. Ang nag-inusara nga mga ginikanan nga adunay mga anak sa panimalay kasagaran motambong diha sa ilang kaugalingong ward. Ang pagbuhat niini magtugot sa mga anak nga mahimong aktibo diha sa mga organisasyon sa Primary ug kabatan-onan. Ang nag-inusara nga mga ginikanan mahimong motambong sa mga kalihokan sa ward sa mga young single adult o mga single adult.