15.

Ol Seminari na Institut bilong Rilijen

15.0

Introdaksen

Ol Seminari na Institut bilong Rilijen (S&I) sapotim ol papamama na ol Sios lida long halivim ol yut na yangpela man meri mekim bilip bilong ol i kamap bikpela insait long Jisas Krais na ristod gospel bilong Em.

Wanpela S&I mausman i asain long wanwan stek long halivim ol lida i edministarim ol S&I progrem.

15.1

Seminari

Seminari em i progrem bilong fopela yia wea ol yut i stadim gospel bilong Jisas Krais olsem i stap long ol skripsa na tising bilong las-de profet. Ol Seminari sumatin i stap namel long 14–18 yia grup.

Ol bisoprik, yut lida, na kwarum na klas presidensi bai halivim gut olgeta yut long tek pat long seminari.

15.1.1

Ol Tisa

Ol Seminari Tisa i mas ol Sios memba husat i gat bilip insait long Bikpela Jias Krais na i gat testimoni long dispela ristod gospel bilong Em. Ol i mas stap insait long prinsipel ol i tisim na wok gut wantaim ol yut. Sapos inap, ol tisa i mas gat karen temple rekomen.

Wanpela memba bilong stek presidensi o wanpela i asain wantaim hai kaunsil bai singautim, setim apat, na rilisim ol stek seminari tisa na ol stek supavaisa.

Long lukautim ol tisa na sumatin, tupela bikpela lain i mas stap insait long bilding o haus wea seminari klas bai kamap.

15.1.2

Ol Seminari Opsen

Seminari i save halivim moa taim ol sumatin i ken bung wantaim tisa olgeta de long wik. Tasol, dispela bai no inap long kamap planti taim sapos i gat ol hevi bilong sefti, stap longwe wokabaut, na ol narapela samting.

Ol Sios lida bai kaunsel wantaim S&I mausman bilong ol long mekim disisen wanem opsen i moa gut na bai:

• Halivim ol sumatin lainim gut gospel na gro long spirit.

• Kipim ol sumatin seif.

• I noken givim hevi long ol famili nating nating.

Ol klas bai i no inap holim long Sande.

15.1.3

Ol Bilding, Ikwipmen na ol Matiriel

Ol Stek na wod lida bai mas mekim sua olsem ol hap mitinghaus o haus bilong ol memba i stap long holim ol seminari klas.

Dispela S&I mausman bai givim ol matiriel bilong ol tisa na ol sumatin bilong wanwan klas. Ol sumatin i mas bringim ol skripsa bilong ol yet, i print o i stap olsem digital.

15.1.5

Ol Kredit Mak na Graduesen

Ol Seminari sumatin i ken lainim moa gut na mekim senis i kamap long ol sapos ol i save kamap long klas, tek pat na stadim ol skripsa bilong ol ausait long klas. Taim ol i mekim ol dispela samting, ol bai kisim tu ol seminari kredit na long wanwan yia na i ken greduet long seminari.

Long graduet long seminari, wanpela sumatin i mas kisim fopela yia bilong kredit mak na kisim eklesiastikel endosmen i kam long bisoprik memba.

15.2

Institut

Institut i save givim gospel stadi long wanwan de long wik wea i strongim bilip na testimoni insait long Jisas Krais na ristod gospel bilong Em. Olgeta yangpela singel manmeri i stap long krismas 18-30 i mas atendim institut klas, we ol i atendim skul o nogat.

15.3

Ol Sios Skul na ol Sios Edukesen Sistem

Long moa inpomesen long ol Sios praimari na sekondari skul, BYU–Patwe Wolwaid, na ol institusen bilong hai edukesen, lukim CES.ChurchofJesusChrist.org. Inpomesen long pinisim ol eklesiastikel endosmen bilong ol sumatin long go long ol dispela skul is stap long hia tu.

Wantaim dispela tu, inpomesen long wok na eklesiastikel kliarens thru long dispela CES Eklesiastikel Kliarens Opis bai stap long help.ChurchofJesusChrist.org.