14.Ol Singel Memba

14.0

Introdaksen

Ol man na meri husat i no marit yet o husat i divos o man o meri bilong ol i dai i kamapim wanpela impoten grup bilong membasip bilong Sios. Em i impoten long olgeta long painim hop thru long dispela Atonmen bilong Jisas Krais (lukim Ether 12:4). Ol dispela tok tru i ken halivim long mekim gro dispela hop:

Ol skripsa na las-de profet i konfemim olsem olgeta husat i holim strong bilip bilong ol insait long ol gospel kavanen bai gat opotuniti long kisim eksaltesen.
Dispela taim stret na olsem wanem tru ol dispela blesing bai kamap i no kamaut yet. Tasol ol bai kamap yet (lukim Mosiah 2:41).
Pasin bilong wetim Bikpela i min olsem yumi mas bihainim tok na wokabaut wantaim spirit i go long Em (lukim Isaiah 64:4).
God i givim laip oltaim long olgeta pikinini bilong Em. Olgeta husat i kisim mak bilong dispela presen bilong em long pogivnes na stap insait long ol komanmen bilong Em bai kisim laip oltaim. (Lukim Mosiah 26:30; Moroni 6:8.)
Save long ol dispela i stap insait long Gospel bilong Jisas Krais. Long grasia bilong Em, olgeta samting bilong dispela laip i kamap stret (lukim Alma 7:11–13).

Bikpela i nidim olgeta memba long halivim insait long wok bilong salvesen insait long wod na stek bilong ol (lukim 1 Corinthians 12:12–27). Wantaim daireksen bilong Spirit, ol singel memba bai kisim koling long ol posisen bilong lidasip na tising.

Insait long dispela sapta:

“Ol singel memba” em ol lain adalt memba husat i no marit nau yet.
“Ol yangpela singel adalt” em ol lain husat krismas bilong ol i stap namel long 18–30.
“Ol Singel adalt ” em ol lain husat krismas bilong ol i 31 na antap.

14.1

.Ol Singel Memba insait long Yunit long Wanpela Hap

14.1.1

Stek Lidasip

14.1.1.2

Ol Stek Yang Singel Adalt na Singe Adalt Komiti

Stek presidensi bai kamapim wanpela yang singel adalt komiti.

Stek presidensi bai tu kamapim wanpela singel adalt komiti.

Ol komiti bai painim rot long sapotim ol memba na poromanim ol na painim ol opotuniti long tek pat insait long wok bilong salvesen na eksaltesen (lukim 14.2).

14.1.2

Wod Lidasip

14.1.2.1

Bisoprik

Bisoprik em i ki long kisim ol singel memba insait long wok bilong salvesen na eksaltesen. Ol bai wok wantaim wod kaunsil long painim ol koling na asainmen bilong ol singel memba. Ol i luksave na wok hat long halivim ol singel papamama long mitim ol nid bilong ol.

Wanpela memba bilong bisoprik bai bung wantaim wanwan singel adalt long wanpela taim long wanpela yia.
Bisoprik bai oganaisim wanpela wod yang singel adalt komiti.

14.1.2.2

Ol Eldas Kwarum na Ol Rilif Sosaiti Presidensi Memba i Asain long ol Yang Singel Adalt

Eldas Kwarum na Rilif Sosaiti bai wanwan i kisim asainmen long sapotim ol yang singel adalt. Ol presidensi memba bai lainim ol gutpela bilong ol yang singel adalt na halivim ol mitim ol nids bilong ol.

Eldas kwarum presiden na Rilief Sosaiti presiden bai ripot long ol dispela wok insait long wod kaunsil miting.

14.1.2.3

Ol Lida bilong ol Yang Singel Adalt

Insait long wod wantaim planti ol singel adalt, bisoprik bai kolim wanpela singel adalt man na meri olsem ol lida bilong yang singel adalt. Ol wok bilong ol i olsem:

Halivim ol yang singel adalt tek pat long wok bilong salvesen na eksaltesen (lukim 14.2).
Sev long stek yang singel adalt komiti.
Lidim dispela wod yang singel adalt komiti sapos i gat wanpela.
Miting wantaim ol eldas kwarum presidensi na Rilif Sosaiti Presidensi. Insait long ol dispela miting, ol bai toktok long ol gutpela bilong ol yang singel adalt na olsem wanem long halivim ol long nid bilong ol. Ol bai fokas tu long minista long ol yang singel adalt.

14.2

Tek Pat long Wok bilong Salvesen na Eksaltesen

14.2.1

Stap insait long Gospel bilong Jisas Krais.

14.2.1.1

Hom Ivining na Gospel Stadi

Ol Lida o memba husat i laik tek pat bai oganaisim wanpela o moa hom ivining grup bilong ol singel adalt na ol narapela grup bilong ol yang singel adalt.

14.2.1.3

Ol Ektiviti

Aninit long daireksen bilong ol wod o stek lida, ol yang singel adalt bai plenim na tek pat long ol ektiviti bilong ol. Ol wok bilong ol i olsem:

Ol Temple visit.
Famili histori wok
Serim dispela gospel.
Komuniti sevis.
Musik na ol kalsarel samting i kamap.
Ol Pilai.

Aninit long daireksen bilong ol lida bilong stek, ol singel adalt bai plenim ol wankain ektiviti long stek level.