“14. ສະມາຊິກໂສດ,” ພາກສ່ວນທີ່ຄັດເລືອກມາຈາກຄູ່ມືທົ່ວໄປ (2023).
“14. ສະມາຊິກໂສດ,” ພາກສ່ວນທີ່ຄັດເລືອກມາຈາກຄູ່ມືທົ່ວໄປ
14.
ສະມາຊິກໂສດ
14.0
ຄຳນຳ
ຊາຍ ແລະ ຍິງທີ່ຍັງບໍ່ໄດ້ແຕ່ງງານເທື່ອ ຫລື ຢ່າຮ້າງ ຫລື ເປັນໝ້າຍລວມເປັນພາກສ່ວນສຳຄັນໃນສະມາຊິກກະພາບຂອງສາດສະໜາຈັກ. ມັນສຳຄັນສຳລັບທຸກຄົນທີ່ຈະພົບຄວາມຫວັງຜ່ານທາງການຊົດໃຊ້ຂອງພຣະເຢຊູຄຣິດ (ເບິ່ງ ອີເທີ 12:4). ຄວາມຈິງນິລັນດອນດັ່ງຕໍ່ໄປນີ້ສາມາດຊ່ວຍພັດທະນາຄວາມຫວັງເຊັ່ນນັ້ນໄດ້:
-
ພຣະຄຳພີ ແລະ ສາດສະດາໃນຍຸກສຸດທ້າຍຢືນຢັນວ່າ ທຸກຄົນຜູ້ທີ່ຊື່ສັດໃນການຮັກສາພັນທະສັນຍາແຫ່ງພຣະກິດຕິຄຸນ ຈະໄດ້ຮັບໂອກາດສຳລັບຄວາມສູງສົ່ງ.
-
ເວລາ ແລະ ລັກສະນະທີ່ແນ່ນອນ ຊຶ່ງພອນແຫ່ງຄວາມສູງສົ່ງຈະຖືກມອບໃຫ້ ຍັງບໍ່ໄດ້ຖືກເປີດເຜີຍທັງໝົດເທື່ອ. ແຕ່ໃນທີ່ສຸດຈະຖືກມອບໃຫ້ຢ່າງແນ່ນອນ (ເບິ່ງ ໂມໄຊຢາ 2:41).
-
ການລໍຄອຍພຣະຜູ້ເປັນເຈົ້າໝາຍເຖິງການເຊື່ອຟັງ ແລະ ການສືບຕໍ່ດຳເນີນທາງວິນຍານ ໄປສູ່ພຣະອົງ (ເບິ່ງ ເອຊາຢາ 64:4).
-
ພຣະເຈົ້າສະເໜີມອບຊີວິດນິລັນດອນໃຫ້ລູກໆທຸກຄົນຂອງພຣະອົງ. ທຸກຄົນທີ່ມີຄຸນສົມບັດຄ່າຄວນສຳລັບຂອງປະທານອັນງົດງາມແຫ່ງການໃຫ້ອະໄພຂອງພຣະຜູ້ຊ່ວຍໃຫ້ລອດ ແລະ ດຳລົງຊີວິດຕາມພຣະບັນຍັດຂອງພຣະອົງ ຈະໄດ້ຮັບຊີວິດນິລັນດອນ. (ເບິ່ງ ໂມໄຊຢາ 26:30; ໂມໂຣໄນ 6:8.)
-
ຄວາມເຊື່ອໝັ້ນໃນຄຳຮັບຮອງເຫລົ່ານີ້ມາຈາກສັດທາໃນພຣະເຢຊູຄຣິດ. ໂດຍພຣະຄຸນຂອງພຣະອົງ, ທຸກຢ່າງທີ່ກ່ຽວກັບຄວາມເປັນອະມະຕະຢູ່ໃນສະພາບອັນຖືກຕ້ອງ (ເບິ່ງ ແອວມາ 7:11–13).
ພຣະຜູ້ເປັນເຈົ້າຕ້ອງການໃຫ້ສະມາຊິກທຸກຄົນຊ່ວຍໃນວຽກງານແຫ່ງຄວາມລອດ ໃນຫວອດ ແລະ ສະເຕກຂອງເຂົາເຈົ້າ (ເບິ່ງ 1 ໂກຣິນໂທ 12:12–27). ຕາມການຊີ້ນຳຈາກພຣະວິນຍານ, ສະມາຊິກໂສດຖືກເອີ້ນສູ່ຕຳແໜ່ງຜູ້ນຳ ແລະ ຄູສອນ.
ໃນບົດນີ້:
-
“ສະມາຊິກໂສດ” ໝາຍເຖິງສະມາຊິກຜູ້ໃຫຍ່ທຸກຄົນຂອງສາດສະໜາຈັກທີ່ຍັງບໍ່ໄດ້ແຕ່ງງານໃນປະຈຸບັນ.
-
“ຜູ້ໃຫຍ່ໜຸ່ມໂສດ” ໝາຍເຖິງຜູ້ມີອາຍຸ 18–30 ປີ.
-
“ຜູ້ໃຫຍ່ໂສດ” ໝາຍເຖິງຜູ້ມີອາຍຸ 31 ປີຂຶ້ນໄປ.
14.1
ສະມາຊິກໂສດໃນພູມີພາກຂອງໜ່ວຍ
14.1.1
ການເປັນຜູ້ນຳລະດັບສະເຕກ
14.1.1.2
ຄະນະກຳມະການຜູ້ໃຫຍ່ໜຸ່ມໂສດ ແລະ ຜູ້ໃຫຍ່ໂສດຂອງສະເຕກ
ຝ່າຍປະທານສະເຕກສ້າງຕັ້ງຄະນະກຳມະການຜູ້ໃຫຍ່ໜຸ່ມໂສດຂຶ້ນ.
ຝ່າຍປະທານສະເຕກກໍອາດສ້າງຕັ້ງຄະນະກຳມະການຜູ້ໃຫຍ່ໂສດນຳອີກ.
ຄະນະກຳມະການສະແຫວງຫາທີ່ຈະສະໜັບສະໜູນສະມາຊິກຜ່ານທາງມິດຕະພາບ ແລະ ໂອກາດໃນການມີສ່ວນຮ່ວມໃນວຽກງານແຫ່ງຄວາມລອດ ແລະ ຄວາມສູງສົ່ງ (ເບິ່ງ 14.2).
14.1.2
ການເປັນຜູ້ນຳລະດັບຫວອດ
14.1.2.1
ຝ່າຍອະທິການ
ຝ່າຍອະທິການເປັນຜູ້ສຳຄັນໃນການເຮັດໃຫ້ສະມາຊິກໂສດມີສ່ວນຮ່ວມໃນວຽກງານແຫ່ງຄວາມລອດ ແລະ ຄວາມສູງສົ່ງ. ພວກເພິ່ນເຮັດວຽກງານກັບສະພາຫວອດເພື່ອລະບຸການເອີ້ນ ແລະ ການມອບໝາຍທີ່ມີຄວາມໝາຍໃຫ້ແກ່ສະມາຊິກໂສດ. ພວກເພິ່ນຮັບຮູ້ ແລະ ພະຍາຍາມສະໜອງຄວາມຕ້ອງການຂອງພໍ່ແມ່ລ້ຽງດ່ຽວ.
-
ສະມາຊິກໃນຝ່າຍອະທິການພົບກັບຜູ້ໃຫຍ່ໜຸ່ມໂສດແຕ່ລະຄົນ ຢ່າງໜ້ອຍປີລະເທື່ອ.
-
ຝ່າຍອະທິການອາດຈັດຕັ້ງຄະນະກຳມະການຜູ້ໃຫຍ່ໜຸ່ມໂສດໃນຫວອດ.
14.1.2.2
ສະມາຊິກໃນຝ່າຍປະທານກຸ່ມແອວເດີ ແລະ ສະມາຊິກໃນຝ່າຍປະທານສະມາຄົມສະຕີສົງເຄາະທີ່ຖືກມອບໝາຍໃຫ້ດູແລຜູ້ໃຫຍ່ໜຸ່ມໂສດ
ປະທານກຸ່ມແອວເດີ ແລະ ປະທານສະມາຄົມສະຕີສົງເຄາະຕ່າງຄົນສາມາດມອບໝາຍໃຫ້ສະມາຊິກຄົນໜຶ່ງໃນຝ່າຍປະທານຂອງຕົນສະໜັບສະໜູນຜູ້ໃຫຍ່ໜຸ່ມໂສດ. ສະມາຊິກໃນຝ່າຍປະທານເຫລົ່ານີ້ຮຽນຮູ້ເຖິງຄວາມເຂັ້ມແຂງຂອງຜູ້ໃຫຍ່ໜຸ່ມໂສດ ແລະ ຊ່ວຍສະໜອງຄວາມຕ້ອງການຂອງເຂົາເຈົ້າ.
ປະທານກຸ່ມແອວເດີ ແລະ ປະທານສະມາຄົມສະຕີສົງເຄາະອາດລາຍງານຄວາມພະຍາຍາມເຫລົ່ານີ້ໃນການປະຊຸມສະພາຫວອດ.
14.1.2.3
ຜູ້ນຳຜູ້ໃຫຍ່ໜຸ່ມໂສດ
ໃນຫວອດທີ່ມີຜູ້ໃຫຍ່ໜຸ່ມໂສດຫລາຍຄົນ, ຝ່າຍອະທິການອາດເອີ້ນຜູ້ໃຫຍ່ໜຸ່ມໂສດຜູ້ຊາຍ ແລະ ຜູ້ຍິງຄົນໜຶ່ງໃຫ້ເປັນຜູ້ນຳຜູ້ໃຫຍ່ໜຸ່ມໂສດ. ໜ້າທີ່ຮັບຜິດຊອບຂອງເຂົາເຈົ້າແມ່ນລວມທັງ:
-
ການຊ່ວຍໃຫ້ຜູ້ໃຫຍ່ໜຸ່ມໂສດມີສ່ວນຮ່ວມໃນວຽກງານແຫ່ງຄວາມລອດ ແລະ ຄວາມສູງສົ່ງ (ເບິ່ງ 14.2).
-
ການຮັບໃຊ້ໃນຄະນະກຳມະການຜູ້ໃຫຍ່ໜຸ່ມໂສດຂອງສະເຕກ.
-
ການນຳພາຄະນະກຳມະການຜູ້ໃຫຍ່ໜຸ່ມໂສດຂອງຫວອດ ຖ້າຖືກຈັດຕັ້ງຂຶ້ນ.
-
ການປະຊຸມກັບຝ່າຍປະທານກຸ່ມແອວເດີ ແລະ ຝ່າຍປະທານສະມາຄົມສະຕີສົງເຄາະເປັນປະຈຳ. ໃນການປະຊຸມເຫລົ່ານີ້, ເຂົາເຈົ້າສົນທະນາເຖິງຄວາມເຂັ້ມແຂງຂອງຜູ້ໃຫຍ່ໜຸ່ມໂສດ ແລະ ວິທີຕອບສະໜອງຄວາມຕ້ອງການຂອງເຂົາເຈົ້າ. ເຂົາເຈົ້າກໍຍັງສຸມໃສ່ການປະຕິບັດສາດສະໜາກິດຕໍ່ຜູ້ໃຫຍ່ໜຸ່ມໂສດນຳອີກ.
14.2
ການມີສ່ວນຮ່ວມໃນວຽກງານແຫ່ງຄວາມລອດ ແລະ ຄວາມສູງສົ່ງ
14.2.1
ການດຳລົງຊີວິດຕາມພຣະກິດຕິຄຸນຂອງພຣະເຢຊູຄຣິດ
14.2.1.1
ການສັງສັນໃນຕອນແລງ ແລະ ການສຶກສາພຣະກິດຕິຄຸນ
ຜູ້ນຳ ຫລື ສະມາຊິກທີ່ປາດຖະໜາທີ່ຈະເຂົ້າຮ່ວມອາດຈັດຕັ້ງກຸ່ມສັງສັນໃນຕອນແລງໜຶ່ງກຸ່ມ ຫລື ຫລາຍກວ່ານັ້ນ ສຳລັບຜູ້ໃຫຍ່ໂສດ ແລະ ກຸ່ມອື່ນໆສຳລັບຜູ້ໃຫຍ່ໜຸ່ມໂສດ.
14.2.1.3
ກິດຈະກຳ
ພາຍໃຕ້ການຊີ້ນຳຂອງຜູ້ນຳລະດັບຫວອດ ແລະ ສະເຕກ, ຜູ້ໃຫຍ່ໜຸ່ມໂສດສາມາດວາງແຜນ ແລະ ມີສ່ວນຮ່ວມໃນກິດຈະກຳສະເພາະເຂົາເຈົ້າ. ຕົວຢ່າງອາດລວມທັງ:
-
ການໄປພຣະວິຫານ.
-
ວຽກງານສືບປະຫວັດຄອບຄົວ.
-
ການແບ່ງປັນພຣະກິດຕິຄຸນ.
-
ການຮັບໃຊ້ຊຸມຊົນ.
-
ງານດົນຕີ ແລະ ວັດທະນະທຳ.
-
ກິລາ.
ພາຍໃຕ້ການຊີ້ນຳຂອງຜູ້ນຳລະດັບສະເຕກ, ຜູ້ໃຫຍ່ໂສດສາມາດວາງແຜນກິດຈະກຳທີ່ຄ້າຍຄືກັນນີ້ໃນລະດັບສະເຕກ.