“36. ການສ້າງຕັ້ງ, ການປ່ຽນ, ແລະ ການຕັ້ງຊື່ໜ່ວຍໃໝ່,” ພາກສ່ວນທີ່ຄັດເລືອກມາຈາກຄູ່ມືທົ່ວໄປ (2023).
“36. ການສ້າງຕັ້ງ, ການປ່ຽນ, ແລະ ການຕັ້ງຊື່ໜ່ວຍໃໝ່,” ພາກສ່ວນທີ່ຄັດເລືອກມາຈາກຄູ່ມືທົ່ວໄປ
36.
ການສ້າງຕັ້ງ, ການປ່ຽນ, ແລະ ການຕັ້ງຊື່ໜ່ວຍໃໝ່
36.0
ຄຳນຳ
ສະມາຊິກຂອງສາດສະໜາຈັກເປັນພາກສ່ວນຂອງບ່ອນຊຸມນຸມອີງຕາມບ່ອນທີ່ເຂົາເຈົ້າອາໄສຢູ່ (ເບິ່ງ ໂມໄຊຢາ 25:17–24). ບ່ອນຊຸມນຸມເຫລົ່ານີ້ຈຳເປັນຕ້ອງຖືກຈັດຕັ້ງຂຶ້ນ ແລະ ເຮັດວຽກງານຂອງສາດສະໜາຈັກ ພາຍໃຕ້ສິດອຳນາດຖານະປະໂລຫິດທີ່ຖືກຕ້ອງ.
ບ່ອນຊຸມນຸມຂອງສາດສະໜາຈັກ (ຍັງຖືກເອີ້ນອີກວ່າ ໜ່ວຍ) ລວມທັງສະເຕກ, ທ້ອງຖິ່ນ, ຫວອດ, ແລະ ສາຂາ. ໜ່ວຍຕ່າງໆຖືກສ້າງຕັ້ງ, ຖືກປ່ຽນ, ຫລື ຖືກຫຍຸບເມື່ອຈຳເປັນເທົ່ານັ້ນ.
ຜູ້ນຳເຮັດວຽກງານເພື່ອເພີ່ມຄວາມເຂັ້ມແຂງທາງວິນຍານຂອງສະມາຊິກ ກ່ອນສະເໜີສ້າງຕັ້ງໜ່ວຍໃໝ່ຂຶ້ນ ຫລື ປ່ຽນເຂດແດນຂອງໜ່ວຍ. ໜ່ວຍໃໝ່ຄວນຖືກສ້າງຕັ້ງຂຶ້ນພຽງແຕ່ເມື່ອໜ່ວຍທີ່ມີຢູ່ເຂັ້ມແຂງຫລາຍພໍ.
ເພື່ອຂໍການສະໜັບສະໜູນໃນສະຫະລັດ ແລະ ການາດາ, ໃຫ້ໂທ 1-801-240-1007. ນອກສະຫະລັດ ແລະ ການາດາ, ໃຫ້ໂທຫາຫ້ອງການເຂດ.