8.

மூப்பர் குழுமம்

8.1

நோக்கமும் அமைப்பும்

8.1.1.

நோக்கம்

18 வயதுக்கு மேற்பட்ட தகுதியான ஆண்கள், மெல்கிசேதேக்கு ஆசாரியத்துவத்தைப் பெற்று, மூப்பர் அலுவலுக்கு நியமிக்கப்படலாம். அந்த அலுவலுக்கு நியமிக்கப்பட்ட ஒரு மனிதன், தேவனின் பணியை நிறைவேற்ற உதவுவதற்காக ஒரு பரிசுத்த உடன்படிக்கையில் பிரவேசிக்கிறார் (கோட்பாடும் உடன்படிக்கைகளும் 84: 33–44 பார்க்கவும்).

8.1.2.

மூப்பர் குழுமத்தில் உறுப்பினர்

ஒவ்வொரு தொகுதிக்கும் ஒரு மூப்பர் குழுமம் உள்ளது. இது பின்வரும் சகோதரர்களை உள்ளடக்கியது:

• தொகுதியில் உள்ள அனைத்து மூப்பர்களும்

• தொகுதியிலுள்ள அனைத்து எதிர்பார்க்கிற மூப்பர்களும் (8.4 பார்க்கவும்).

• தொகுதியில் உள்ள அனைத்து பிரதான ஆசாரியர்களும், தற்போது பிணையத் தலைமையில், ஆயத்தில், உயர் ஆலோசனைக் குழுவில் அல்லது ஒரு கோத்திர பிதாவாக பணியாற்றுபவர்களைத் தவிர.

ஒரு இளைஞன் இன்னும் மூப்பராக நியமிக்கப்படாவிட்டாலும், அவருக்கு 18 வயதாகும் போது, மூப்பர் குழுமக் கூட்டங்களில் கலந்துகொள்ள ஆரம்பிக்கலாம். 19 வயதில் அல்லது பல்கலைக் கழகத்தில் சேருவது அல்லது ஒரு ஊழியத்தை செய்வது போன்றவற்றால், வீட்டை விட்டு நகரும் போது, அவர் தகுதியானவராக இருந்தால், அவர் ஒரு மூப்பராக நியமிக்கப்பட வேண்டும்.

18 வயதுக்குட்பட்ட திருமணமான ஆண்கள் எதிர்பார்க்கிற மூப்பர்கள் மற்றும் மூப்பர் குழுமத்தில் உறுப்பினர்களாகவும் உள்ளனர்.

8.2

இரட்சிப்பு மற்றும் மேன்மையடைதலின் பணியில் பங்கேற்றல்

8.2.1

இயேசு கிறிஸ்துவின் சுவிசேஷத்தின்படி வாழுதல்

8.2.1.2

குழுமக் கூட்டங்களில் சுவிசேஷம் கற்றல்

கூட்டங்கள் மாதத்தின் இரண்டாவது மற்றும் நான்காவது ஞாயிற்றுக்கிழமைகளில் நடத்தப்படுகின்றன. அவை 50 நிமிடங்கள் நீடிக்கும். மூப்பர் குழுமத்தின் தலைமை இந்தக் கூட்டங்களைத் திட்டமிடுகிறது. தலைமையின் ஒரு உறுப்பினர் நடத்துகிறார்.

மிக சமீபத்திய பொது மாநாட்டின் ஒன்று அல்லது அதற்கு மேற்பட்ட உரைகளில் உள்ள தலைப்புகளில் குழுமக் கூட்டங்கள் கவனம் செலுத்துகின்றன.

8.2.1.3

செயல்பாடுகள்

மூப்பர் குழுமத் தலைமைகள் செயல்பாடுகளைத் திட்டமிடலாம். பெரும்பாலான செயல்பாடுகள் ஞாயிறு அல்லது திங்கள் மாலை தவிர மற்ற நேரங்களில் நடைபெறும்.

8.2.2.

தேவையிலிருப்போரைக் கவனித்தல்

8.2.2.1

ஊழியம் செய்தல்

மூப்பர் குழுமத்தின் உறுப்பினர்கள் குழுமத் தலைமையிலிருந்து ஊழிய பணிகளைப் பெறுகின்றனர். கூடுதல் தகவலுக்கு அத்தியாயம் 21 பார்க்கவும்.

8.2.2.2

குறுகிய கால தேவைகள்

ஊழியம் செய்யும் சகோதரர்கள் தாங்கள் சேவை செய்பவர்களின் தேவைகளைப் புரிந்துகொண்டு அவைகளுக்கு தீர்வளிக்க முற்படுகிறார்கள். நோய், பிறப்புகள், இறப்புகள், வேலை இழப்பு மற்றும் பிற சூழ்நிலைகளில் உறுப்பினர்களுக்கு குறுகிய கால உதவி தேவைப்படலாம்.

தேவைப்படும்போது, ஊழியம் செய்யும் சகோதரர்கள் மூப்பர் குழுமத் தலைமையிடம் உதவி கேட்கிறார்கள்.

8.2.2.3

நீண்ட கால தேவைகள் மற்றும் சுயசார்பும்

ஆயரால் ஒருங்கிணைக்கப்பட்டபடி, மூப்பர் குழுமம் மற்றும் ஒத்தாசைச் சங்கத்தின் தலைமைகள், நீண்டகால தேவைகள் மற்றும் சுயசார்புக்காக உறுப்பினர்களுக்கு உதவுகின்றன.

மூப்பர் குழுமத் தலைவர், ஒத்தாசைச் சங்கத் தலைவர் அல்லது மற்றொரு தலைவர், நபருக்கு அல்லது குடும்பத்திற்கு சுயசார்புத் திட்டத்தை உருவாக்க உதவுகிறார்கள். ஊழியம் செய்யும் சகோதர சகோதரிகளும் திட்டத்திற்கு உதவலாம்.

8.2.2.4

ஒரு தொகுதி உறுப்பினர் மரிக்கும் போது

ஒரு தொகுதி உறுப்பினர் மரிக்கும்போது, மூப்பர் குழுமம் மற்றும் ஒத்தாசைச் சங்கத்தின் தலைமைகள் ஆறுதலையும் உதவியையும் வழங்குகிறார்கள். ஆயரின் வழிகாட்டுதலின் கீழ், அவர்கள் இறுதிச் சடங்கிற்கு உதவலாம்.

கூடுதல் தகவலுக்கு 38.5.8 பார்க்கவும்.

8.2.3.

சுவிசேஷத்தைப் பெற அனைவரையும் அழைத்தல்

தொகுதியில் ஊழியப் பணியை வழிநடத்தும் உறுப்பினர்களுக்கு உதவ, தலைமையின் ஒரு உறுப்பினரை மூப்பர் குழுமத் தலைவர் நியமிக்கிறார். இந்த முயற்சிகளை ஒருங்கிணைக்க, ஒத்தாசைச் சங்கத் தலைமையில் நியமிக்கப்பட்ட உறுப்பினருடன் அவர் பணியாற்றுகிறார்.

23.5.1 மற்றும் 23.5.3 பார்க்கவும்.

8.2.4.

நித்தியத்திற்கும் குடும்பங்களை ஒன்றிணைத்தல்

தொகுதியில் ஆலயம் மற்றும் குடும்ப வரலாற்றுப் பணிகளை வழிநடத்த உதவ, மூப்பர் குழுமத் தலைவர், தலைமையின் ஒரு உறுப்பினரை நியமிக்கிறார். இந்த முயற்சிகளை ஒருங்கிணைக்க, ஒத்தாசைச் சங்கத் தலைமையில் நியமிக்கப்பட்ட உறுப்பினருடன் அவர் பணியாற்றுகிறார்.

25.2.2 பார்க்கவும்.

8.3

மூப்பர் குழுமத் தலைவர்கள்

8.3.1

பிணையத் தலைமையும் ஆயரும்

மூப்பர் குழுமத் தலைவர் பிணையத் தலைமைக்கு நேரடியாகப் பொறுப்பாவார். வழிகாட்டுதலைப் பெறுவதற்கும், தனது பொறுப்புகளைப்பற்றி அறிக்கையிடுவதற்கும் அவர் தலைமையின் உறுப்பினரை தவறாமல் சந்திப்பார்.

மூப்பர் குழுமத் தலைவரும் தொகுதியில் தலைமை அதிகாரியாக இருக்கும் ஆயரிடமிருந்து வழிகாட்டுதலைப் பெறுகிறார். அவர்கள் அடிக்கடி சந்திக்கிறார்கள்.

8.3.2.

உயர் ஆலோசகர்

ஒவ்வொரு மூப்பர் குழுமத்திலும் அவர்களைப் பிரதிநிதித்துவப்படுத்த பிணையத் தலைமை ஒரு உயர் ஆலோசகரை நியமிக்கிறார்கள். அவருடைய பொறுப்புகள் 6.5-ல் கோடிட்டுக் காட்டப்பட்டுள்ளன.

8.3.3.

மூப்பர் குழுமத் தலைமை

8.3.3.1

மூப்பர் குழுமத் தலைமை அழைக்கப்படுதல்

ஆயருடன் கலந்தாலோசித்த பிறகு, பிணையத் தலைவர் ஒரு மூப்பர் அல்லது பிரதான ஆசாரியரை மூப்பர் குழுமத்தின் தலைவராக பணியாற்ற அழைக்கிறார்.

அங்கம் போதுமானதாக பெரிதாக இருந்தால், தனது ஆலோசகர்களாக பணியாற்றுவதற்கு ஒன்று அல்லது இரண்டு மூப்பர்கள் அல்லது பிரதான ஆசாரியர்களை மூப்பர் குழுமத் தலைவர் பிணையத் தலைவருக்கு பரிந்துரைக்கிறார்.

8.3.3.2

பொறுப்புகள்

மூப்பர் குழுமத் தலைவர் பின்வரும் பொறுப்புகளைக் கொண்டுள்ளார். அவரது ஆலோசகர்கள் அவருக்கு உதவுகிறார்கள்.

• தொகுதி ஆலோசனைக்குழுவில் பணியாற்றுகிறார்கள்.

• இரட்சிப்பு மற்றும் மேன்மையடைதலின் பணியில் பங்கேற்பதற்கான குழுமத்தின் முயற்சிகளை வழிநடத்துகிறார்கள் (அத்தியாயம் 1 பார்க்கவும்).

• ஊழியம் செய்யும் சகோதரர்களின் சேவையை ஒழுங்கமைத்து மேற்பார்வை செய்கிறார்கள்.

• ஆயரின் வழிகாட்டுதலின் கீழ், தொகுதியின் வயது வந்த உறுப்பினர்களுடன் ஆலோசனை நடத்துகிறார்கள்.

• திருமணமாகாத மற்றும் திருமணமான இளம் வயது சகோதரர்களை பலப்படுத்த மூப்பர் குழுமத்தின் முயற்சிகளை ஒருங்கிணைக்கிறார்கள்.

• ஒவ்வொரு குழும உறுப்பினரையும் தனித்தனியாக குறைந்தது வருடத்திற்கு ஒரு முறையாவது சந்திக்கிறார்கள்.

• குழும உறுப்பினர்களுக்கு அவர்களின் ஆசாரியத்துவக் கடமைகளை கற்பிக்கிறார்கள் (கோட்பாடும் உடன்படிக்கைகளும் 107:89 பார்க்கவும்). நியமங்கள் மற்றும் ஆசீர்வாதங்களை நடப்பிப்பதில் தங்கள் ஆசாரியத்துவத்தைப் பிரயோகிப்பது எப்படி என்பதை அவர்களுக்குக் கற்பிப்பதும் இதில் அடங்கும்.

• குழும பதிவேடுகள், அறிக்கைகள் மற்றும் நிதிகளைக் கண்காணிக்கிறார்கள் LCR.ChurchofJesusChrist.org

8.3.3.3

தலைமைக் கூட்டம்

மூப்பர் குழுமத் தலைமையும் செயலரும் அடிக்கடி சந்திக்கின்றனர். இந்தக் கூட்டங்களை தலைவர் நடத்துகிறார். குழுமத்திற்கு நியமிக்கப்பட்ட உயர் ஆலோசகர் அவ்வப்போது கலந்து கொள்கிறார்.

நிகழ்ச்சி நிரலில் பின்வரும் விவரங்கள் இருக்கலாம்:

• குழும உறுப்பினர்களை (எதிர்பார்க்கிற மூப்பர்கள் உட்பட) மற்றும் அவர்களது குடும்பங்களை எவ்வாறு பலப்படுத்துவது என்று திட்டமிடுதல்.

• ஊழியப் பணி, ஆலயம் மற்றும் குடும்ப வரலாற்று பணிகளை ஒருங்கிணைத்தல்.

• தொகுதி ஆலோசனைக் கூட்டங்களில் இருந்து பணிகளுக்கு பதிலளித்தல்.

• ஊழியம் செய்யும் நேர்காணல்களின் தகவலை மதிப்பாய்வு செய்தல்.

• அழைப்புகள் மற்றும் பணிப்புகளில் சகோதரர்கள் பணியாற்றுவதைக் கருத்தில் கொள்ளுதல்.

• குழுமக் கூட்டங்கள் மற்றும் செயல்பாடுகளைத் திட்டமிடுதல்.

8.3.4.

செயலர்

ஆயரின் ஒப்புதலுடன், மூப்பர் குழுமத் தலைமையின் உறுப்பினர், குழும உறுப்பினரை குழும செயலாளராக அழைக்கலாம்.

8.4

எதிர்பார்க்கிற மூப்பர்கள் மெல்கிசேதேக்கு ஆசாரியத்துவத்தைப் பெற ஆயத்தமாக உதவுதல்

எதிர்பார்க்கிற மூப்பர் என்பது மெல்கிசேதேக்கு ஆசாரியத்துவத்தைப் பெறாத ஆண் சபை உறுப்பினர் மற்றும் (1) 19 அல்லது அதற்கு மேற்பட்ட வயதுடையவர் அல்லது (2) 19 வயதுக்கு குறைவானவர் மற்றும் திருமணமானவர்.

எதிர்பார்க்கிற மூப்பர்கள் மெல்கிசேதேக்கு ஆசாரியத்துவத்தைப் பெறுவதற்குத் தயாராவதற்கு உதவுவது குழுமத் தலைமையின் மிக உயர்ந்த முன்னுரிமைகளில் ஒன்றாகும்.