“6. ການເປັນຜູ້ນຳລະດັບສະເຕກ,” ພາກສ່ວນທີ່ຄັດເລືອກມາຈາກຄູ່ມືທົ່ວໄປ (2023).
“6. ການເປັນຜູ້ນຳລະດັບສະເຕກ,” ພາກສ່ວນທີ່ຄັດເລືອກມາຈາກຄູ່ມືທົ່ວໄປ
6.
ການເປັນຜູ້ນຳລະດັບສະເຕກ
6.1
ຈຸດປະສົງຂອງສະເຕກ
ເອຊາຢາບັນຍາຍຊີໂອນຍຸກສຸດທ້າຍວ່າເປັນຜ້າເຕັນ ຫລື ຫໍເຕັນສັກສິດ ທີ່ຖືກຕຶງໃຫ້ແໜ້ນດ້ວຍຫລັກ (ສະເຕກ) (ເບິ່ງ ເອຊາຢາ 33:20; 54:2).
ພຣະຜູ້ເປັນເຈົ້າສະຖາປະນາສະເຕກຂຶ້ນເພື່ອ “ການເຕົ້າໂຮມ” ຜູ້ຄົນຂອງພຣະອົງ “ເພື່ອການປ້ອງກັນ, ແລະ … ເປັນບ່ອນຫລົບໄພ” ຈາກໂລກ (ຄຳສອນ ແລະ ພັນທະສັນຍາ 115:6).
6.2
ຝ່າຍປະທານສະເຕກ
ປະທານສະເຕກດຳລົງຂໍກະແຈຂອງຖານະປະໂລຫິດ ເພື່ອນຳພາວຽກງານຂອງສາດສະໜາຈັກໃນສະເຕກ (ເບິ່ງ 3.4.1). ເພິ່ນ ແລະ ທີ່ປຶກສາຂອງເພິ່ນປະກອບເປັນຝ່າຍປະທານສະເຕກ. ພວກເພິ່ນດູແລສະມາຊິກສະເຕກດ້ວຍຄວາມຮັກ, ໂດຍການຊ່ວຍໃຫ້ເຂົາເຈົ້າກາຍເປັນຜູ້ຕິດຕາມທີ່ແທ້ຈິງຂອງພຣະເຢຊູຄຣິດ.
ປະທານສະເຕກມີໜ້າທີ່ຮັບຜິດຊອບຕົ້ນຕໍຢູ່ສີ່ຢ່າງ:
-
ເພິ່ນເປັນມະຫາປະໂລຫິດຄວບຄຸມໃນສະເຕກ.
-
ເພິ່ນນຳພາວຽກງານແຫ່ງຄວາມລອດ ແລະ ຄວາມສູງສົ່ງໃນສະເຕກ.
-
ເພິ່ນເປັນຜູ້ຕັດສິນທົ່ວໄປ.
-
ເພິ່ນດູແລບັນທຶກ, ການເງິນ, ແລະ ຊັບສິນ.
6.3
ຄວາມແຕກຕ່າງລະຫວ່າງສິດອຳນາດຂອງປະທານທ້ອງຖິ່ນກັບສິດອຳນາດຂອງປະທານສະເຕກ
ໃນແຕ່ລະທ້ອງຖິ່ນຂອງສະມາຊິກ, ຜູ້ດຳລົງຖານະປະໂລຫິດແຫ່ງເມນຄີເສເດັກຄົນໜຶ່ງຈະຖືກເອີ້ນໃຫ້ເປັນປະທານທ້ອງຖິ່ນ. ເພິ່ນຮັບໃຊ້ເໝືອນດັ່ງປະທານສະເຕກ ແຕ່ມີຄວາມແຕກຕ່າງດັ່ງຕໍ່ໄປນີ້:
-
ເພິ່ນບໍ່ໄດ້ເປັນປະທານຂອງກຸ່ມມະຫາປະໂລຫິດ. ກຸ່ມດັ່ງກ່າວຖືກຈັດຕັ້ງຂຶ້ນໃນສະເຕກເທົ່ານັ້ນ.
-
ດ້ວຍການອະນຸມັດຈາກປະທານເຜີຍແຜ່, ປະທານທ້ອງຖິ່ນສາມາດສຳພາດຜູ້ຊາຍເພື່ອແຕ່ງຕັ້ງເປັນແອວເດີ. ປະທານທ້ອງຖິ່ນ ຫລື ຄົນໃດຄົນໜຶ່ງພາຍໃຕ້ການຊີ້ນຳຂອງເພິ່ນກໍສາມາດ (1) ສະເໜີຊື່ຜູ້ຊາຍເພື່ອການສະໜັບສະໜູນ ແລະ (2) ປະຕິບັດພິທີການ (ເບິ່ງ 18.10.1.3, 18.10.3, ແລະ 18.10.4). ເຖິງຢ່າງໃດກໍຕາມ, ປະທານທ້ອງຖິ່ນບໍ່ສາມາດແຕ່ງຕັ້ງປິຕຸ, ມະຫາປະໂລຫິດ, ຫລື ອະທິການ.
-
ດ້ວຍການອະນຸມັດຈາກປະທານເຜີຍແຜ່, ປະທານທ້ອງຖິ່ນສາມາດແຕ່ງຕັ້ງປະທານສາຂາເປັນທາງການໄດ້ (ເບິ່ງ 18.11).
-
ເພິ່ນບໍ່ປົດຜູ້ສອນສາດສະໜາເຕັມເວລາ.
-
ເພິ່ນບໍ່ທຳການສຳພາດສຳລັບໃບຮັບຮອງເຂົ້າພຣະວິຫານ ຫລື ເຊັນໃບຮັບຮອງເຂົ້າພຣະວິຫານ (ເບິ່ງ 26.3.1).
-
ເພິ່ນບໍ່ເຂົ້າຮ່ວມສະພາສະມາຊິກກະພາບ ຍົກເວັ້ນແຕ່ໄດ້ຮັບອະນຸຍາດຈາກປະທານເຜີຍແຜ່ເທົ່ານັ້ນ.
6.5
ສະພາສູງ
ຝ່າຍປະທານສະເຕກເອີ້ນມະຫາປະໂລຫິດ 12 ຄົນ ເພື່ອປະກອບເປັນສະພາສູງປະຈຳສະເຕກ (ເບິ່ງ ຄຳສອນ ແລະ ພັນທະສັນຍາ 102:1; 124:131).
6.5.1
ຕົວແທນຝ່າຍປະທານສະເຕກ
ຝ່າຍປະທານສະເຕກມອບໝາຍສະມາຊິກສະພາສູງຄົນໜຶ່ງໃຫ້ແຕ່ລະຫວອດໃນສະເຕກ.
ຝ່າຍປະທານສະເຕກກໍຍັງມອບໝາຍສະມາຊິກສະພາສູງຄົນໜຶ່ງໃຫ້ກຸ່ມແອວເດີແຕ່ລະກຸ່ມໃນສະເຕກນຳອີກ.
ຝ່າຍປະທານສະເຕກອາດມອບໝາຍສະມາຊິກສະພາສູງຄົນໜຶ່ງເພື່ອໃຫ້ຄຳແນະນຳແກ່ຜູ້ຄົນດັ່ງຕໍ່ໄປນີ້ໃນໜ້າທີ່ຮັບຜິດຊອບຂອງເຂົາເຈົ້າສຳລັບວຽກງານພຣະວິຫານ ແລະ ປະຫວັດຄອບຄົວ ແລະ ວຽກງານເຜີຍແຜ່:
-
ຝ່າຍປະທານກຸ່ມແອວເດີ
-
ຜູ້ນຳເຜີຍແຜ່ປະຈຳຫວອດ
-
ຜູ້ນຳຝ່າຍພຣະວິຫານ ແລະ ປະຫວັດຄອບຄົວຂອງຫວອດ
6.7
ອົງການຕ່າງໆຂອງສະເຕກ
ສະມາຄົມສະຕີສົງເຄາະ, ອົງການຍິງໜຸ່ມ, ອົງການປະຖົມໄວ, ໂຮງຮຽນວັນອາທິດ, ແລະ ອົງການຊາຍໜຸ່ມສະເຕກ ຈະຖືກນຳພາໂດຍປະທານຄົນໜຶ່ງໃນແຕ່ລະອົງການ. ປະທານເຫລົ່ານີ້ຮັບໃຊ້ພາຍໃຕ້ການຊີ້ນຳຂອງຝ່າຍປະທານສະເຕກ.
ໜ້າທີ່ຮັບຜິດຊອບຫລັກຂອງຜູ້ນຳເຫລົ່ານີ້ແມ່ນເພື່ອຊ່ວຍເຫລືອຝ່າຍປະທານສະເຕກ ແລະ ໃຫ້ຄຳແນະນຳ ແລະ ສະໜັບສະໜູນຝ່າຍປະທານອົງການຫວອດ.
6.7.1
ຝ່າຍປະທານສະມາຄົມສະຕີສົງເຄາະ, ຝ່າຍປະທານອົງການຍິງໜຸ່ມ, ຝ່າຍປະທານອົງການປະຖົມໄວ, ແລະ ຝ່າຍປະທານໂຮງຮຽນວັນອາທິດສະເຕກ
ສະມາຊິກໃນຝ່າຍປະທານເຫລົ່ານີ້ມີໜ້າທີ່ຮັບຜິດຊອບດັ່ງຕໍ່ໄປນີ້:
-
ຮັບໃຊ້ໃນສະພາສະເຕກ (ປະທານເທົ່ານັ້ນ).
-
ປະຖົມນິເທດຝ່າຍປະທານອົງການຫວອດທີ່ຫາກໍໄດ້ຮັບການເອີ້ນ.
-
ໃຫ້ການສະໜັບສະໜູນ ແລະ ໃຫ້ຄຳແນະນຳຢ່າງຕໍ່ເນື່ອງ. ສື່ສານກັບຝ່າຍປະທານອົງການຫວອດເປັນປະຈຳ ເພື່ອຮຽນຮູ້ກ່ຽວກັບຄວາມຕ້ອງການຂອງເຂົາເຈົ້າ, ສົນທະນາກ່ຽວກັບຄວາມຕ້ອງການຂອງສະມາຊິກທີ່ເຂົາເຈົ້າຮັບໃຊ້, ແລະ ສື່ສານຂໍ້ມູນຈາກຝ່າຍປະທານສະເຕກ.
-
ແນະນຳຝ່າຍປະທານອົງການຫວອດລະຫວ່າງການປະຊຸມຜູ້ນຳສະເຕກ (ເບິ່ງ 29.3.4).
6.7.2
ຝ່າຍປະທານອົງການຊາຍໜຸ່ມສະເຕກ
ຝ່າຍປະທານອົງການຊາຍໜຸ່ມສະເຕກມີໜ້າທີ່ຮັບຜິດຊອບດັ່ງຕໍ່ໄປນີ້:
-
ຮັບໃຊ້ເປັນແຫລ່ງຊ່ວຍເຫລືອໃຫ້ຝ່າຍອະທິການໃນໜ້າທີ່ຮັບຜິດຊອບຂອງພວກເພິ່ນຕໍ່ອ້າຍນ້ອງຖານະປະໂລຫິດແຫ່ງອາໂຣນ.
-
ຮັບໃຊ້ໃນຄະນະກຳມະການຜູ້ນຳຊາວໜຸ່ມສະເຕກ (ເບິ່ງ 29.3.10).
-
ພາຍໃຕ້ການຊີ້ນຳຂອງຝ່າຍປະທານສະເຕກ, ວາງແຜນ ແລະ ປະສານງານກິດຈະກຳ ແລະ ຄ້າຍຖານະປະໂລຫິດແຫ່ງອາໂຣນສະເຕກ.