0.

შესავლის მიმოხილვა

0.0

შესავალი

უფალმა გვასწავლა: „დაე, ახლა ყოველმა ადამიანმა შეისწავლოს თავისი მოვალეობა და იმოქმედოს წოდებაში, რომელზეც იგი დაინიშნა, მთელი სიბეჯითით“ (მოძღვრება და აღთქმები 107:99). თქვენ, როგორც უკანასკნელ დღეთა წმინდანთა იესო ქრისტეს ეკლესიის ხელმძღვანელმა, უნდა ეძიოთ პირადი გამოცხადება, რომელიც დაგეხმარებათ თქვენი მოწოდების ვალდებულებების შესწავლაში და შესრულებაში.

წმინდა წერილებისა და უკანასკნელ დღეთა წინასწარმეტყველების სწავლებების შესწავლა დაგეხმარებათ თქვენს ვალდებულებებში გარკვევასა და შესრულებაში. რაც უფრო მეტად შეისწავლით ღვთის სიტყვებს, მით უფრო მგრძნობიარენი გახდებით სულიწმინდის გავლენის შეგრძნების მიმართ (იხ. მოძღვრება და აღთქმები 84:85).

ამ სახელმძღვანელოში მოცემული მითითებების შესწავლით თქვენ ასევე გაეცნობით თქვენს ვალდებულებებს. ეს მითითებები შეიძლება გამოცხადების მიზეზი გახდეს, თუ ისინი გამოიყენება იმ პრინციპების, პოლიტიკისა და პროცედურების გასაგებად, რომლებიც სულის ხელმძღვანელობის ძიებისას გამოიყენება.

0.1

სახელმძღვანელო

ზოგადი მითითებების სახელმძღვანელო: უკანასკნელ დღეთა წმინდანთა იესო ქრისტეს ეკლესიაში მსახურობა უზრუნველყოფს მითითებებს ეკლესიის მთავარი და ადგილობრივი ხელმძღვანელებისთვის.

სათაურები და ქვესათაურები ამ სახელმძღვანელოში დანომრილია, რათა გაადვილდეს სათაურებისა და შენიშვნების პოვნა. მაგალითად: მითითებები იმის შესახებ, თუ ვისი ჩაბეჭდვაა შესაძლებელი ტაძარში, მოცემულია 27.3.1. ნომერი27 მიუთითებს თავზე, ნომერი3 მიუთითებს თავის ნაწილზე და ნომერი1 მიუთითებს ქვენაწილზე.

0.2

ადაპტაცია და დამატებითი რესურსები

ყველა პალოსა და მეურვეობას განსხვავებული საჭიროებები აქვს.

ხელმძღვანელები ეძიებენ შთაგონებას იმის შესახებ, რა მითითებები და რესურსები გამოიყენონ წევრის საჭიროებების დასაკმაყოფილებლად.

0.4

შეკითხვები მითითებების შესახებ

როდესაც ჩნდება კითხვები, რომლებიც არ არის განხილული წმინდა წერილებში, ცოცხალი წინასწარმეტყველების სიტყვებში ან ამ სახელმძღვანელოში, ეკლესიის წევრები მითითებებისთვის უნდა დაეყრდნონ ღმერთთან დადებულ აღთქმებს, ადგილობრივი ლიდერების რჩევებს და სულის შთაგონებას.

თუ ხელმძღვანელებს აქვთ შეკითხვები ამ სახელმძღვანელოში მოცემულ ინფორმაციასთან დაკავშირებით ან იმ საკითხებთან დაკავშირებით, რომლებიც მასში არ განიხილება, ისინი უნდა დაუკავშირდნენ თავიანთ უშუალო თავმჯდომარე უფლებამოსილ პირს.

0.5

ტერმინოლოგია

გარდა იმ შემთხვევებისა, სადაც სხვაგვარად არის მითითებული:

• ტერმინები ეპისკოპოსი და ეპისკოპოსობა ამ სახელმძღვანელოში ასევე ეხება მრევლის პრეზიდენტსა და მეურვეობის პრეზიდენტობებს. ტერმინები პალოს პრეზიდენტი და პალოს პრეზიდენტობა ამ სახელმძღვანელოში ასევე ეხება ოლქის პრეზიდენტებსა და ოლქის პრეზიდენტობებს. მოკლედ იმის შესახებ, თუ როგორ განსხვავდება ოლქის პრეზიდენტების უფლებამოსილება პალოს პრეზიდენტებისგან, იხ. 6.3.

• მითითებები მეურვეობებს და პალოებს ზოგადად ასევე ეხება მრევლს, ოლქებსა და მისიებს.

• სიტყვა „კვირა“ მიუთითებს ნებისმიერ დღეზე, რომელიც ადგილობრივად კვირადღედ ითვლება.

• ტერმინი ერთეული ეხება მეურვეობებსა და მრევლს.

• მითითებები მშობლებს ზოგადად ეხება კანონიერ მეურვეებსაც.

ეპისკოპოსის და მრევლის პრეზიდენტის მოწოდებები განსხვავდება უფლებამოსილებითა და პასუხისმგებლობით. იგივე ითქმის პალოს პრეზიდენტებსა და ოლქის პრეზიდენტებზე. ეპისკოპოსი არის წოდება სამღვდელოებაში; მისი კურთხევა მიიღება მხოლოდ პირველი პრეზიდენტობის ნებართვით. პალოს პრეზიდენტებს იხმობს მთავარი ხელმძღვანელობა და რეგიონის სამოცდაათნი.

0.6

ეკლესიის სათავო ოფისთან ან რეგიონის ოფისთან დაკავშირება

ზოგიერთი თავი ამ სახელმძღვანელოში მოიცავს მითითებებს ეკლესიის სათავო ოფისთან ან რეგიონის ოფისთან დაკავშირების შესახებ. მითითებები ეკლესიის სათავო ოფისთან დაკავშირების შესახებ ეხება შეერთებულ შთატებში და კანადაში მცხოვრებ პირებს. მითითებები რეგიონალურ ოფისთან დაკავშირების შესახებ ეხება შეერთებულ შთატებში და კანადაში მცხოვრებ პირებს.