Appendix

Ta’areb e rogon nrayag ni ngam guy rogon e mon’og rom ko fare kanawo’en e m’ag e ngam lemnag mornga’agen e pi duwer ni ba’aray u butt’. Tiney e bugi duwer ni yima fith ko ngiyal’ e interview ni ngan thapeg e temple recommend, machane damu soen nag nge mada’ ko ngiyal’ ko fare interview. Gur rom e ngam guy rogon ni gabe mon’og ko tin nib thothup ban’en. Fare Theme ko Young Women, fare Theme ko fare Ulung ko fare Aaronic Priesthood, nge fare Ragag i Modochiyel e rayag ni nge pi’ e ayuw ngom ko rogon ni gabe mon’og.

Fapi duwer ko temple recommend nifan e fal’yangren

Bay e mich rom ni mornga’agen Got, ni Chitamangiy nib Manechubog; Faak, ni Yesus Kristus; nge fare Kan ni Thothup?

Bay e mich rom ni mornga’agen fare Bayul rok Kristus nge murwel Rok’ ni’ir fare Tabiyul rom ma Cha’an nima Tathapegdaed?

Bay e mich rom ni mornga’agen fare gospel nikan Fulweg ko fare gospel rok Yesus Kristus?

Gama tay fare President ko Fare Galasia ku Yesus Kristus ni fan ko gidii’en Got ko tin Tomur e Rran ni’ir fare profet, tathogthog, nge ta yi’iy ni kemus ni ir e cha’an u dakean e fayleng nibay mat’won rok’ ninge murwel ko gubin fare kiy ko priesthood? Gama tay chonggin e Bin Somm’on e Presidency nge Ulung ko fare Ragag nge L’agruwi Apostle ni yaed fapi profet, nib tathogthog, mab ta yi’iy? Gama tayfan fapi General Authorty nge pi tiyugang’ nib local ko Galasia?

Somol e ga’ar gubin ban’en mra buch ni woed “nra buch u fthik e be’ech” u powchen (Doctrine nge Covenants 42:41). Gama gay rogon ni ngam par ni gab be’ech ko pi laem rom nge pi ngonglem? Gama fol ko fare falan e dowef?

Gama fol ko fapi machib ko fare Galasia rok Yesus Kristus nap’an ni yigogur rom nge nap’an ni gabay u fthik e gidii’ gidii’en e galasia fa chongin e tabinaew rom?

Gama fil fam tayfan mit e machib, un ko boech ban’en, fa machib nag ban’en nib thil ko tin ko Fare Galasia ku Yesus Kristus ni fan ko gidii’en Got rok’ ko Tin tomur e Rran?

Gama gay rogon ngam tay ni fare Madnom ab rran nib thothup, u tabinaew nge u galasia; un ko fapi mu’ulung; fal’eg rogoy min fek fare sacrament; ma par e yafos rom nibe fol ko fapi motochiyel ko gospel?

Gama gay rogon ngam par ni gab yul’yul’ ko gubin e pi n’en ni gama rrin’?

Gama pi’ e miligach rom ni ga’ngin yang?

Gabe nangfan ma gabe fol ko fare Thin ko Gonop?

Bay e denen ni kam rrin’ ulan e yafos rom nib t’uf ni ngan fal’eg rogon nbay gelngin e priesthood ninge mang bang ko fare kalngaen’ rom?

Gabe tem ni gab yul’yul’ ni rayag ni ngam man ngalan e nu’un rok Somol ni ngam un ko pi gam’ing ko temple?

Pi Mo’olung ko Ppin ni Rugod

I gag e ppin ni gub tu’uf ni faak e galabthir u tharmiy, niba’ rogog nib thothup nge gin ni nggu wan ngay ni dariy bi’id manemus.

I gag ni reb e gachalpen Yesus Kristus, e gube athamgil ni nggu boed Ir. I gag e gube gay e yi’iy ni fan ngog mug fol riy mug michib ngak boech e gidii’ u dakean fithingan nib thothup.

I gag e gura sak’iy ni gub ta micheg rok Got ni gubin ngiyal’ nge gubin ban’en nge gubin yang.

Napan ni gura athamgil ni nggu thapeg e bin th’abi tolang ko falfalen’, guba adag fare tawa’ath ko kalangan’uy ma gube gay rogon ni ra lan reb e rran ma gube mangil boch. U fithik e mich, ma gura gel nag e tabinaew rog, mug ngongliy e m’ag mug fol riy, mug thapeg e pi gam’ing nge taw’ath ko temple nib thothup.

Theme ko fare Ulung ko Aaronic Priesthood

I gag e mo’on ni gub tu’uf ni faak Got, ma bay e muruwel Rok ni fan ngog ni nggu rrin’.

U fithik’ gum’ircha’eg, wunʼug, nge gelngig, gura tu’ufeg Got, mug ayuweg fapi m’ag rog, ma gura fanay fare Priesthood Rok’ ni nggu tawa’ath nag e gidii’ ngay, ni biney e nge tabab ulan e tabinaew rog.

Napan ni gube gay rogon ni nggug pigpig, kalngan’, nga gube gay rogon ni nggu mon’og ni gubin e rran, ma rayag ngog ni nggu thapeg fapi tawa’ath ko temple nge fare falfalaen’ ni dariy bi’id manemus nima yib ko fare gospel.

I gag e gura fal’ag rogog ni nggu mang reb fapi tamachib ni rib yul’yul’, figirngiy nib ta yul’yul’, nge reb e matam ni’ir reb gachalpen Yesus Kristus nib yul’yul’.

I gag e gura fal’eg rogon fare fayleng nifan ngak fare Tathapeg ni bayi sul ni gura mulwol ngak e gidii’ ni gubin ni ngar bad ngak Kristus ngar thapegned fare tawa’ath ko Bayul Rok’.

Fare Ragag i Motochiyel

Gur e dakuriy reb e Got ni ngam tay ni nge m’on rog.

Dab mu ngongliy ba liyos.

Dabi un fithingan fare Somoel ni Got romed u lʼugunmed ni dariy fan.

Mu tayed u wunʼmed fare rran ni madnom, ni ngam tayed nib thothup.

Mu liyor ko chitamam nge chitinam.

Dab mu liiʼ beeʼ nge yimʼ.

Dab mu pirew beeʼ ni gathi mabgol rom.

Dab mu moroʼroʼ.

Dab mu t’aer e thin.

Dab mu chogow.

Muguy ko Exodus 20:3–17.