« ឧបសម្ព័ន្ធ ក ៖ ព័ត៌មានផ្នែកច្បាប់ » សម្រាប់គ្រូបង្រៀន EnglishConnect ( ឆ្នាំ ២០២៣ )

« ឧបសម្ព័ន្ធ ក » EnglishConnect សម្រាប់គ្រូបង្រៀន

ឧបសម្ព័ន្ធ ក

ព័ត៌មានផ្នែកច្បាប់

តម្រូវការច្បាប់ទូទៅសម្រាប់ទីតាំងដែលបានអនុម័ត

ការិយាល័យប្រឹក្សាទូទៅ ( OGC ) បានអនុម័តគោលការណ៍ណែនាំប្រតិបត្តិការខាងក្រោមសម្រាប់កម្មវិធី EnglishConnect ។ គោលការណ៍ណែនាំទាំងនេះនឹងអនុវត្តនៅទូទាំងពិភពលោកចំពោះ EnglishConnect ១ និង ២ ដោយអនុលោមតាមលក្ខខណ្ឌ ដែលជាតម្រូវការស្របច្បាប់ជាក់លាក់របស់ប្រទេសណាមួយដែលមានចែងនៅក្នុងសេចក្ដីសង្ខេបផ្នែកច្បាប់ EnglishConnect សម្រាប់ប្រទេសនីមួយៗ ( សូមមើលលក្ខខណ្ឌ ដែលជាតម្រូវការតាមប្រទេសជាក់លាក់នៅគេហទំព័រ englishconnect.org/leader/approved-locations ) ។

ទទួលការអនុញ្ញាតពីឪពុកម្តាយសម្រាប់អ្នកចូលរួមម្នាក់ៗដែលមានអាយុ ១៨ ឆ្នាំ ឬក្មេងជាងនេះ ដោយប្រើទម្រង់ការអនុញ្ញាតពីឪពុកម្តាយ ។ ទម្រង់បែបបទទាំងឡាយមានជាភាសាជាច្រើនតាមអនឡាញនៅគេហទំព័រ englishconnect.org/resources/leader ។
- សូមការចុះហត្ថលេខារបស់ឪពុកម្តាយទាំងពីរ ប្រសិនបើអាចធ្វើទៅបាន ។ ប្រសិនបើនរណាម្នាក់ដែលមានអាយុ ១៨ ឆ្នាំ ឬក្មេងជាងនេះរស់នៅដោយខ្លួនឯង នោះមិនចាំបាច់មានការអនុញ្ញាតពីឪពុកម្តាយនោះទេ ។
- ទម្រង់បែបបទដែលបានបំពេញរួចរាល់គួរតែអ្នកដឹកនាំក្នុងមូលដ្ឋានជាអ្នករក្សាទុក ហើយមានសម្រាប់ធ្វើសវនកម្ម ។
តម្រូវឲ្យគ្រូបង្រៀនបំពេញការបណ្តុះបណ្តាលក្នុងសាសនាចក្រ « ការការពារកុមារ និងយុវវ័យ » ។ សូមធ្វើតាមបទដ្ឋានរបស់ប្រទេសទាំងអស់សម្រាប់ការពិនិត្យមើល និងការហៅគ្រូបង្រៀនជាយុវវ័យសម្រាប់គ្រូបង្រៀនថ្នាក់ EnglishConnect ដែលនឹងបង្រៀននរណាម្នាក់ដែលមានអាយុក្រោម ២១ ឆ្នាំ ។
សូមកុំគិតថ្លៃសេវា ឬថ្លៃចំណាយណាមួយពីអ្នកចូលរួមសម្រាប់ការចូលរួមក្នុងកម្មវិធីនេះឡើយ ។
- អ្នកចូលរួម EnglishConnect អាចទាញយកឯកសារកម្មវិធីនេះតាមអនឡាញដោយឥតគិតថ្លៃ ឬអង្គភាពក្នុងមូលដ្ឋានអាចទិញសម្ភារសម្រាប់ក្រុមនេះតាមរយៈបណ្តាញចែកចាយទូទៅនៅគេហទំព័រ store.churchofjesuschrist.org ។ អ្នកចូលរួមក៏អាចទិញសម្ភារតាមរយៈបណ្ដាញនេះដែរ ប្រសិនបើពួកគេចង់បាន ។
- គ្រូបង្រៀន EnglishConnect មិនគួរផ្តល់ ឬទទួលប្រាក់ ឬអំណោយជាផ្នែកនៃទំនាក់ទំនងការបង្ហាត់ ឬការបង្រៀនណាមួយជាមួយអ្នកចូលរួម EnglishConnect ឡើយ ។
សូមបញ្ចូលខ្លឹមសារសាសនានៅក្នុងការបង្រៀនយ៉ាងហោចណាស់មួយភាគបី ។ ( ខ្លឹមសារសាសនាគួរតែចំណាយពេល ២០ នាទីនៃការបង្រៀននីមួយៗ ឬ ៣០ នាទីពី ៩០ នាទីនៃការបង្រៀននីមួយៗ ) ។ ចំណាំ ៖ ប្រសិនបើមេរៀនត្រូវបានបង្រៀនតាមដែលបានរចនាឡើង ហើយគ្រូបង្រៀនតែងតែបញ្ចូលសកម្មភាព « ពិភាក្សាអំពីគោលការណ៍នៃការរៀន » ក្នុងអំឡុងពេលក្រុមសន្ទនា នោះតម្រូវការនេះនឹងត្រូវបានបំពេញ ។
សូមអនុវត្តតាមគោលការណ៍ណែនាំកម្មវិធីទាំងអស់ដែលមាននៅក្នុងការណែនាំអំពីការអនុវត្តសម្រាប់ EnglishConnect និងសៀវភៅសិក្សារបស់គ្រូបង្រៀន រួមទាំងការប្រើប្រាស់ប្រព័ន្ធចុះឈ្មោះអនឡាញ QuickReg ( quickreg.englishconnect.org ) ដើម្បីធានាឲ្យបាននូវឯកជនភាពទិន្និន័យ ។
ដើម្បីចៀសវាងការមានហានិភ័យដល់ទិដ្ឋាការផ្សព្វផ្សាយសាសនា ឬស្ថានភាពផ្នែកច្បាប់របស់សាសនាចក្រនៅក្នុងប្រទេសមួយ នោះបេសកកម្មណាមួយដែលមិនធ្លាប់ប្រើការបង្រៀនភាសាអង់គ្លេសជាវិធីសាស្រ្តទំនាក់ទំនងទេ ត្រូវតែទទួលបានការអនុម័តពី OGC ជាក់លាក់មុននឹងប្រើប្រាស់ឯកសាររបស់ EnglishConnect ។

EnglishConnect ៣ ត្រូវបានដំណើរការ និងអនុវត្តដោយ BYU-Pathway Worldwide ។ ដូចនេះ វាដំណើរការក្រោមលក្ខខណ្ឌផ្នែកច្បាប់ដូចគ្នានឹង BYU-Pathway ដែរ ។

ការផ្សាយពាណិជ្ជកម្ម

នៅប្រទេសដែលបានអនុញ្ញាតឲ្យមានការផ្សាយពាណិជ្ជកម្មពី EnglishConnect ១ និង ២ នោះស្តេក វួដ និងបេសកកម្មក្នុងមូលដ្ឋានអាចផ្សព្វផ្សាយ EnglishConnect ក្រុម ១ និង ២ ទៅកាន់សហគមន៍ទូលំទូលាយដោយអនុលោមតាមគោលការណ៍ណែនាំអំពីការផ្សាយពាណិជ្ជកម្មរបស់ប្រទេសជាក់លាក់ណាមួយ ( សូមមើលតម្រូវការជាក់លាក់របស់ប្រទេសនៅគេហទំព័រ englishconnect.org/leader/approved-locations ) ។ ការផ្សាយពាណិជ្ជកម្មគួរតែមានដូចខាងក្រោម ៖

ទីតាំងដ៏សំខាន់នៃឈ្មោះរបស់សាសនាចក្រ ។
សេចក្តីថ្លែងការណ៍ដែលមិនគិតថ្លៃសម្រាប់ EnglishConnect ១ និង ២ ។
សេចក្តីថ្លែងការណ៍ដែល EnglishConnect ១ និង ២ មិនមានការទទួលស្គាល់ជាផ្លូវការណាមួយឡើយ ។

រក្សាសិទ្ធិ និងអាជ្ញាប័ណ្ណ

EnglishConnect គឺជាកម្មវិធីមួយដែលបានផ្ដល់ឲ្យដោយសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។ សិទ្ធិប្រើប្រាស់សម្ភារ EnglishConnect ទាំងអស់ត្រូវបានគ្រប់គ្រង ឬផ្តល់អាជ្ញាប័ណ្ណដោយ Intellectual Reserve, Inc. សម្រាប់ការប្រើប្រាស់ដោយអង្គភាពសាសនាចក្រ ដូចជា ស្តេក មណ្ឌល និងបេសកកម្ម ។ ការប្រើប្រាស់សម្ភាររបស់ EnglishConnect ផ្សេងទៀតទាមទារការអនុញ្ញាតជាលាយលក្ខណ៍អក្សរជាមុន ។ ដើម្បីស្នើសុំការអនុញ្ញាតឲ្យប្រើប្រាស់សម្ភារ EnglishConnect សូមបំពេញទម្រង់ស្នើសុំនៅគេហទំព័រ Permissions.ChurchofJesusChrist.org ។

អនីតិជន

ក្រុម EnglishConnect ត្រូវតែធ្វើតាម គោលនយោបាយការពារយុវវ័យរបស់សាសនាចក្រ ជានិច្ច ( ដែលរួមមានទាំងអ្នកចូលរួមដែលមានអាយុ ១៨ ឆ្នាំ ឬក្មេងជាងនេះ ) ។ អនីតិជនត្រូវតែមានទម្រង់បែបបទការអនុញ្ញាតពីឪពុកម្តាយដែលបានចុះហត្ថលេខា មុនពេលចូលរួមក្រុម EnglishConnect ។ ទម្រង់បែបបទទាំងឡាយមានជាភាសាជាច្រើនតាមអនឡាញនៅគេហទំព័រ englishconnect.org/resources/leader ។ ទម្រង់បែបបទដែលបានបំពេញរួចរាល់ត្រូវតែអ្នកដឹកនាំក្នុងមូលដ្ឋានជាអ្នករក្សាទុក ហើយមានសម្រាប់ធ្វើសវនកម្ម ។

ដោយសារតែអ្នករៀន EnglishConnect អាចជាអនីតិជន នោះអ្នកដឹកនាំបព្វជិតភាពគួរតែសម្ភាសន៍គ្រូបង្រៀនដែលមានសក្តានុពលម្នាក់ៗ ហើយពិនិត្យមើលកំណត់ត្រាសមាជិកភាពរបស់បេក្ខជនសម្រាប់ការចារអនុម័តមុនផ្ដល់ការហៅ ។ លើសពីនេះ យ៉ាងហោចណាស់មជ្ឈិមវ័យដែលមានទំនួលខុសត្រូវពីរនាក់គួរតែមានវត្តមាននៅគ្រប់ពេលក្នុងអំឡុងពេលការប្រជុំជាក្រុម ។ គ្រូបង្រៀនមិនគួរធ្វើការមួយទល់មួយជាមួយអ្នកចូលរួមជាអនីតិជនក្នុងលក្ខណៈឯកជននោះទេ ។ អ្នកត្រូវតែអនុវត្តតាមគោលការណ៍ទាំងនេះ ទោះបីជាក្រុមកំពុងប្រជុំតាមអ៊ីនធឺណិតក៏ដោយ ។

អនីតិជនដែលចូលរួមក្នុងក្រុមសន្ទនាតាមអ៊ីនធឺណិត

អនីតិជនអាចចូលរួមក្រុមសន្ទនាតាមអ៊ីនធឺណិត EnglishConnect ១ និង ២ ដោយមានការអនុញ្ញាតពីឪពុកម្តាយតែប៉ុណ្ណោះ ហើយនៅពេលដែលក្រុមនេះមានគ្រូបង្រៀនសម្របសម្រួលយ៉ាងហោចណាស់ពីរនាក់ ។

ដើម្បីដាក់អាទិភាពលើសុវត្ថិភាព នោះក្រុមសន្ទនាតាមអនឡាញដែលទាក់ទងនឹងអនីតិជនត្រូវតែបង្កើតឡើង ដើម្បីចៀសវាងអន្តរកម្មមួយទល់មួយនៅលើអនឡាញរវាងអនីតិជន និងគ្រូបង្រៀន ។ អនីតិជនអាចចូលរួមក្នុងក្រុមសន្ទនាតាមអនឡាញបានលុះត្រាតែមានគ្រូបង្រៀនពីរនាក់ ឬច្រើននាក់មានវត្តមាននៅក្នុងការប្រជុំជាក្រុមនោះ ។

លើសពីនេះ គ្រូបង្រៀន EnglishConnect មិនគួរផ្ញើសារជាអក្សរ ឬអ៊ីមែល ឬទាក់ទងទៅអនីតិជនដោយគ្មានបុគ្គលម្នាក់ទៀតនៅក្នុងការទំនាក់ទំនងនោះទេ ។ សម្រាប់ការទៅជួបដោយផ្ទាល់ ឬការហៅទូរសព្ទ នោះគួរតែមានវត្តមានរបស់មជ្ឈិមវ័យផ្សេងទៀតនៅទីនោះ ។ ប្រសិនបើអាចធ្វើទៅបាន គ្រូបង្រៀនគួរត្រួតពិនិត្យអន្តរកម្មការបំបែកក្រុមកំឡុងពេលក្រុមសន្ទនាតាមអនឡាញ ។

ឯកជនភាព

EnglishConnect គឺជាកម្មវិធីមួយដែលបានផ្ដល់ឲ្យដោយសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។ សម្រាប់ព័ត៌មានលម្អិតអំពីរបៀបដំណើរការទិន្នន័យផ្ទាល់ខ្លួនរបស់អ្នក សូមចូលទៅកាន់គេហទំព័រ ChurchofJesusChrist.org ហើយចុចលើ ការជូនដំណឹងស្តីពីឯកជនភាព ដែលមាននៅខាងក្រោមទំព័រនេះ ។

អ្នកចូលរួមទាំងអស់ត្រូវតែទទួលយកលក្ខខណ្ឌនៃការចូលរួម ដែលអាចរកបាននៅលើគេហទំព័រ ChurchofJesusChrist.org/legal/englishconnect-terms-of-participation ។ អ្នកចូលរួមអាចទទួលយកលក្ខខណ្ឌនៃការចូលរួមដោយអេឡិចត្រូនិច នៅពេលដែលអ្នកសម្របសម្រួល EnglishConnect ចុះឈ្មោះពួកគេនៅក្នុង QuickReg ។

គ្រូបង្រៀន EnglishConnect មិនគួរចុះផ្សាយរូបភាពនៅលើបណ្តាញសង្គមរបស់អ្នកបង្ហាត់ ឬបង្រៀននោះទេ ។

ការទទួលស្គាល់

EnglishConnect ពុំមាននូវការទទួលស្គាល់ផ្លូវការ សញ្ញាបត្រ ឬក្រេដីឌប្រភេទណាមួយ ដែលកម្មវិធីអប់រំ ឬកម្មវិធីបណ្ដុះបណ្ដាល ឬវិទ្យាស្ថានបណ្តុះបណ្តាលណាមួយទទួលស្គាល់ឡើយ ។ ការចូលរួមគឺដោយស្ម័គ្រចិត្ត ។ អ្នកចូលរួមអាចចាកចេញពីកម្មវិធីនេះ ឬឈប់ចូលរួមនៅពេលណាក៏បាន ។