« តើអ្វីធ្វើឲ្យ EnglishConnect ពិសេស ? » សម្រាប់គ្រូបង្រៀន EnglishConnect ( ឆ្នាំ ២០២៣ )
« តើអ្វីធ្វើឲ្យ EnglishConnect ពិសេស ? » សម្រាប់គ្រូបង្រៀន EnglishConnect
តើអ្វីធ្វើឲ្យ EnglishConnect ពិសេស ?
នៅក្នុង EnglishConnect យើង « ចូរស្វែងរកការរៀនសូត្រ គឺដោយសារការសិក្សា និងដោយសារសេចក្ដីជំនឿផង » ( គោលលទ្ធិ និងសេចក្តីសញ្ញា ៨៨:១១៨ ) ។ យើងរួមគ្នាអភិវឌ្ឍជំនាញភាសាអង់គ្លេសនៅក្នុងបរិយាកាសនៃសេចក្តីជំនឿ ការរាប់អាន និងការរីកចម្រើន ។
សេចក្តីជំនឿ
នៅក្នុង EnglishConnect យើងធ្វើសកម្មភាពដោយសេចក្តីជំនឿដើម្បីស្វែងរកជំនួយពីព្រះអម្ចាស់ក្នុងការរៀនភាសាអង់គ្លេស ។ នៅពេលយើងស្វែងរកជំនួយពីព្រះអម្ចាស់ដើម្បីរៀនភាសាអង់គ្លេស នោះយើងអាចខិតកាន់តែជិតព្រះ ហើយទទួលបទពិសោធន៍ពីព្រះចេស្តាដែលអាចធ្វើបានរបស់ព្រះអង្គសង្គ្រោះ ។ នៅក្នុងមេរៀននីមួយៗ យើងរៀន និងអនុវត្តគោលការណ៍ខាងវិញ្ញាណនៃការរៀនសូត្រ ។ ព្រះវិញ្ញាណជាគ្រូបង្រៀនពិតប្រាកដ ហើយយើងអាចស្វែងរកអំណោយទាននៃព្រះវិញ្ញាណដើម្បីជួយយើងរៀន រួមទាំងអំណោយទាននៃភាសាផង ( សូមមើល គោលលទ្ធិ និងសេចក្តីសញ្ញា ៤៦:៨–២៦ ) ។
ការរាប់អាន
នៅក្នុង EnglishConnect យើងយាងអញ្ជើញព្រះវិញ្ញាណ នៅពេលយើងស្រឡាញ់ បង្រៀន និងគាំទ្រគ្នាទៅវិញទៅមក ។ យើងបង្កើតមិត្តភាព និងជួយគ្នាទៅវិញទៅមកឲ្យបន្តមានកម្លាំងចិត្ដ ។ យើងរួមគ្នាបង្កើនទំនុកចិត្តរបស់យើង រៀនពីកំហុសរបស់យើង និងអបអរសាទរការរីកចម្រើនរបស់យើង ។ នៅពេលយើងរៀនចេញពីព្រះវិញ្ញាណ យើងនឹង « យល់គ្នាទៅវិញទៅមក » និង « [ អាច ] បានស្អាងឡើង ហើយត្រេកអរជាមួយគ្នា » ( គោលលទ្ធិ និងសេចក្តីសញ្ញា ៥០:២២ ) ។
ការរីកចម្រើន
នៅក្នុង EnglishConnect យើងធ្វើអ្វីៗច្រើនជាងការរៀនភាសាអង់គ្លេស យើងក៏បង្កើនសមត្ថភាពរបស់យើងក្នុងការរៀន និងបង្រៀនផងដែរ ។ មិនថាយើងចាប់ផ្តើមនៅកន្លែងណាទេ យើងខិតខំធ្វើការជាដៃគូជាមួយព្រះដើម្បីសម្រេចគោលដៅរបស់យើង ។ យើងធ្វើសកម្មភាពដោយសេចក្តីជំនឿ ដើម្បីអនុវត្តភាសាអង់គ្លេសជារៀងរាល់ថ្ងៃ ។ យើងព្យាយាមរៀន « ដោយសារការសិក្សា និងដោយសារសេចក្តីជំនឿផង » ( គោលលទ្ធិ និងសេចក្តីសញ្ញា ៨៨:១១៨ ) នៅគ្រប់ទិដ្ឋភាពទាំងអស់នៃជីវិតរបស់យើង ។