គោលបំណង

កម្មវិធី EnglishConnect គឺជាកម្មវិធីសិក្សាភាសាអង់គ្លេសដែលបានផ្តល់ជូនដោយសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។ គោលបំណងនៃ EnglishConnect គឺដើម្បីជួយមនុស្សបង្កើនភាពខ្លួនទីពឹងខ្លួនខាងវិញ្ញាណ និងខាងសាច់ឈាម តាមរយៈការអភិវឌ្ឍជំនាញភាសាអង់គ្លេសក្នុងបរិយាកាសនៃសេចក្ដីជំនឿ ការរាប់អាន និងការរីកចម្រើន ។

EnglishConnect គាំទ្រដល់កិច្ចការនៃសេចក្តីសង្រ្គោះរបស់ព្រះ និងភាពតម្កើងឡើង

EnglishConnect អាចជួយបុត្រាបុត្រីព្រះ ៖

រស់នៅតាមដំណឹងល្អរបស់ព្រះយេស៊ូវគ្រីស្ទ ។ នៅក្នុង EnglishConnect អ្នកចូលរួមអនុវត្តគោលការណ៍នៃការរៀនសូត្រ « ដោយសារការសិក្សា និងដោយសារសេចក្ដីជំនឿផង » ( គោលលទ្ធិ និងសេចក្ដីសញ្ញា ៨៨:១១៨ ) ។ គ្រូបង្រៀន និងអ្នករៀនពង្រឹងសេចក្ដីជំនឿរបស់ពួកគេ នៅពេលពួកគេស្វែងរក និងទទួលជំនួយពីព្រះអម្ចាស់ ។ ( ឧទាហរណ៍ )
ការមើលថែដល់អ្នកខ្វះខាត ។ ជំនាញភាសាអង់គ្លេសអាចពង្រីកឱកាសសម្រាប់ភាពខ្លួនទីពឹងខ្លួន និងការបម្រើ ។ EnglishConnect ជួយអ្នកចូលរួមរៀបចំឱកាសនៃការបម្រើ ការងារ និងការអប់រំ ។ លើសពីនេះទៅទៀត អ្នកចូលរួមបម្រើ និងស្រឡាញ់គ្នាទៅវិញទៅមក នៅពេលពួកគេបង្រៀន និងរៀនសូត្រជាមួយគ្នា ។ ( ឧទាហរណ៍ )
ការអញ្ជើញមនុស្សទាំងអស់ឲ្យទទួលយកដំណឹងល្អ ។ នៅក្នុងក្រុម EnglishConnect អ្នកចូលរួមរៀន និងអនុវត្តគោលការណ៍ដំណឹងល្អ និងកសាងមិត្តភាព ។ នៅក្នុងកម្មវិធី EnglishConnect ទាំងមូលអ្នកចូលរួមមានឱកាសជាច្រើនដើម្បីធ្វើតាមព្រះវិញ្ញាណ នៅពេលពួកគេស្រឡាញ់ ចែកចាយ និងអញ្ជើញអ្នកដទៃទៀតឲ្យដកពិសោធន៍នូវពរជ័យនៃដំណឹងល្អ ។ ( ឧទាហរណ៍ )