« ថ្ងៃទី ៣០ ខែ ឧសភា–ថ្ងៃទី ៥ ខែ មិថុនា ។ ពួកចៅហ្វាយ ២–៤; ៦–៨; ១៣–១៦ ៖ ‹ នោះទ្រង់ក៏តាំងឲ្យមានអ្នកជួយសង្គ្រោះម្នាក់ › » ចូរមកតាមខ្ញុំ—សម្រាប់សាលាថ្ងៃអាទិត្យ ៖ ព្រះគម្ពីរសញ្ញាចាស់ ឆ្នាំ ២០២២ ( ២០២១ )
« ថ្ងៃទី ៣០ ខែ ឧសភា–ថ្ងៃទី ៥ ខែ មិថុនា ។ ពួកចៅហ្វាយ ២–៤; ៦–៨; ១៣–១៦ » ចូរមកតាមខ្ញុំ—សម្រាប់សាលាថ្ងៃអាទិត្យ ៖ ឆ្នាំ ២០២២
រចនារូបភាព ដេបូរ៉ាដឹកនាំកងទ័ពអ៊ីស្រាអែល © Lifeway Collection/បានទទួលអាជ្ញាប័ណ្ណពី goodsalt.com
ថ្ងៃទី ៣០ ខែ ឧសភា–ថ្ងៃទី ៥ ខែ មិថុនា
ពួកចៅហ្វាយ ២–៤; ៦–៨; ១៣–១៦
« នោះទ្រង់ក៏តាំងឲ្យមានអ្នកជួយសង្គ្រោះម្នាក់ »
សូមចងចាំថាគ្រូបង្រៀនដ៏សំខាន់បំផុតនោះគឺព្រះវិញ្ញាណបរិសុទ្ធ ។ តើបងប្អូនអាចជួយសមាជិកថ្នាក់ឲ្យត្រូវបានបង្រៀនដោយព្រះវិញ្ញាណបរិសុទ្ធនៅពេលបងប្អូនធ្វើការពិភាក្សាសេចក្តីពិតមកពីព្រះគម្ពីរពួកចៅហ្វាយដោយរបៀបណា ?
កត់ត្រាចំណាប់អារម្មណ៍របស់បងប្អូន
អញ្ជើញឲ្យចែកចាយ
សូមសរសេរនៅលើក្តារខៀននូវឈ្មោះនៃពួកចៅហ្វាយមួយចំនួនដែលបានរកឃើញនៅក្នុង ពួកចៅហ្វាយ ២–៤; ៦–៨; ១៣–១៦ ( ដូចជា ដេបូរ៉ា, បារ៉ាក, គេឌាន និងសាំសុន ) ។ សូមទុកពេលឲ្យសមាជិកថ្នាក់ពីរបីនាទីដើម្បីរំឭក ជំពូកនេះឡើងវិញ ហើយសរសេរឈ្មោះមួយនៃឈ្មោះជាច្រើននៅលើក្តារខៀននូវសេចក្តីពិតមួយដែលពួកគេបានរៀនមកពីបទពិសោធន៍របស់មនុស្សម្នាក់នោះ ។
បង្រៀនគោលលទ្ធិ
ពួកចៅហ្វាយ ២:១១–១៩; ៣:៥–១២; ៤:១–១៦
ព្រះអម្ចាស់ផ្ដល់ការជួយសង្គ្រោះនៅពេលយើងវង្វេង ។
-
ការពិនិត្យមើលវដ្តនៃការបះបោរ ទុក្ខសោក ការប្រែចិត្ត និងការជួយសង្គ្រោះរបស់សាសន៍អ៊ីស្រាអែលអាចជួយសមាជិក ថ្នាក់ស្គាល់នូវព្រះចេស្តានៃការជួយសង្គ្រោះរបស់ព្រះនៅក្នុងជីវិតផ្ទាល់របស់ពួកគេ ។ សមាជិក ថ្នាក់អាចធ្វើកិច្ចការជាក្រុមតូចៗក្នុងការស្វែងរកវដ្តដែលបានពិពណ៌នានៅក្នុង ពួកចៅហ្វាយ ២:១១–១៩; ៣:៥–១២ ។ តើកូនចៅនៃសាសន៏អ៊ីស្រាអែលត្រូវបានជួយសង្គ្រោះពីវដ្តនៃអំពើបាបនិងការឈឺចាប់ដោយរបៀបណា ? តើយើងរៀនអ្វីខ្លះ មកពីគម្ពីរពួកចៅហ្វាយអំពីរបៀបដែលយើងអាចគេចចេញពីអំពើបាប និងការឈឺចាប់ ? តើមានរបៀបមួយចំនួនណាខ្លះដែលព្រះជួយសង្គ្រោះយើង ? បងប្អូនក៏អាចអញ្ជើញសមាជិក ថ្នាក់ឲ្យស្វែងរក និងចែកចាយព្រះគម្ពីរដែលធ្វើបន្ទាល់ពីព្រះអម្ចាស់ជាអង្គជួយសង្គ្រោះ និងជាព្រះប្រោសលោះរបស់ យើង ( ឧទាហរណ៍ សាំយូអែល ទី ២ ២២:១–៣; ទំនុកដំកើង ៤០:១៦–១៧; នីហ្វៃទី១ ១:១៩–២០; ម៉ូសាយ ២៣:២១–២៣; គោលលទ្ធិ និង សេចក្ដីសញ្ញា ១៣៨:២៣ ) ។
-
ពួកចៅហ្វាយ ២:១៩ កត់ចំណាំថាពួកសាសន៍អ៊ីស្រាអែលបានបែរចេញពីព្រះម្តងហើយម្តងទៀតដើម្បីថ្វាយបង្គុំរូបសំណាក ។ ប្រហែលជាសមាជិក ថ្នាក់អាចធ្វើសេចក្តីសង្ខេបខគម្ពីរនេះក្នុងទម្រង់ជាការព្រមានសម្រាប់ពួកគេ ។ តើពេលខ្លះយើង « ក្រាប » ចំពោះ « ព្រះដទៃ ទៀត » តាមរបៀបណា ? តើព្រះអម្ចាស់អាចជួយយើងផ្លាស់ប្ដូរ« ចរិតដែលរឹងចចេស »តាមរបៀបណា ?
-
ដើម្បីចាប់ផ្តើមការពិភាក្សាមួយអំពីរបៀបដែល ដេបូរ៉ា និងបារ៉ាក បានជួយសង្គ្រោះសាសន៍អ៊ីស្រាអែលចេញពីសាសន៍កាណាន បងប្អូនអាចសូមឲ្យសមាជិក ថ្នាក់មា្នក់ធ្វើសេចក្តីសង្ខេបនូវសាច់រឿងនេះទៅដល់ថ្នាក់ ( វាអាចជាជំនួយដ៏ល្អដើម្បីទាក់ទងទៅសមាជិក ថ្នាក់នោះឲ្យបានពីរបីថ្ងៃមុន ដូច្នេះដើម្បីឲ្យគាត់អាចរៀបចំទុកជាមុន ) ។ សមាជិក ថ្នាក់អាចនិយាយអំពីគុណសម្បត្តិទាំងឡាយរបស់ដេបូរ៉ាដែលធ្វើឲ្យពួកគេមានការចាប់អារម្មណ៍ ។ តើដេបូរ៉ាបានបំផុសគំនិតកូនចៅអ៊ីស្រាអែលឲ្យធ្វើតាមគំរូរបស់ព្រះអម្ចាស់ដោយរបៀបណា ? ប្រហែលជាបងប្អូនអាចអាន ពួកចៅហ្វាយ ៤:១៤ ជាមួយគ្នា ហើយពិភាក្សាអំពីអន្ថន័យនៃសេចក្តីប្រកាសដ៏ពេញដោយសេចក្តីជំនឿរបស់ដេបូរ៉ា ៖ « ព្រះយេហូវ៉ាទ្រង់បានចេញនាំមុខអ្នកទៅហើយ ? » តើព្រះអម្ចាស់បានចេញនាំមុខយើងទៅហើយដោយរបៀបណា ? ( សូមមើលផងដែរ គោលលទ្ធិ និង សេចក្ដីសញ្ញា ៨៤:៨៧ –៨៨ ) ។
ព្រះអម្ចាស់អាចធ្វើឲ្យមានអព្ភូតហេតុនៅពេលយើងទុកចិត្តទៅលើរបៀបរបស់ទ្រង់ ។
-
ការសិក្សាការហៅឲ្យបម្រើរបស់គេឌានអាចជំរុញដល់សមាជិក ថ្នាក់នៅ ក្នុងការបម្រើផ្ទាល់ខ្លួនរបស់ពួកគេ ។ បងប្អូនអាចនឹងចង់សូមឲ្យពួកគេអាន ហើយពិភាក្សា ពួកចៅហ្វាយ ៦:១១–១៦ ។ តើយើងអាចរៀនអ្វីខ្លះមកពីបទពិសោធន៍នេះ ? ដើម្បីជួយពួកគេរៀនពី ពួកចៅហ្វាយ ៧, បងប្អូនអាចអញ្ជើញសមាជិក ថ្នាក់ម្នាក់ឬច្រើននាក់ឲ្យសម្តែងជាទាហានរបស់គេឌានហើយប្រាប់នូវរឿងរ៉ាវពីទស្សនវិស័យរបស់ទាហាន ។ សមាជិកថ្នាក់ផ្សេងទៀតអាចសួរសំណួរដល់ពួកគេអំពីបទពិសោធន៍ជាទាហាន ។ តើរឿងស្រដៀងគ្នាអ្វីខ្លះដែលយើងមើលឃើញរវាងរឿងរ៉ាវនេះ និងរឿងរ៉ាវដែលកំពុងតែកើតឡើងនៅក្នុងជីវិតរបស់យើង ? តើយើងរៀនអ្វីខ្លះអំពីព្រះអម្ចាស់ចេញមកពីរឿងរ៉ាវនេះ ?
កម្លាំងកើតឡើងមកពីសេចក្តីស្មោះត្រង់ចំពោះសេចក្តីសញ្ញារបស់យើងជាមួយព្រះ ។
-
តើបងប្អូនអាចជួយសមាជិក ថ្នាក់ឲ្យរកឃើញទាំងសេចក្តីពិតដ៏បំផុសគំនិត និងការព្រមានដ៏មានសារៈសំខាន់មកពីរឿងរ៉ាវរបស់សាំសុនយ៉ាង ដូចម្តេច ? វិធីមួយអាចជាការអញ្ជើញសមាជិក ថ្នាក់ពាក់កណ្តាលឲ្យពិនិត្យ ពួកចៅហ្វាយ ១៤–១៦ ដោយការរកមើលខគម្ពីរទាំងឡាយដែលបង្ហាញថាព្រះអម្ចាស់បាននៅជាមួយសាំសុន ។ ហើយសមាជិកថ្នាក់ពាក់កណ្តាលទៀតរកមើលខគម្ពីរទាំងឡាយដែលបង្ហាញថាសាំសុនមិនបានប្តេជ្ញាចិត្តយ៉ាងពេញលេញចំពោះព្រះអម្ចាស់នោះទេ ។ សូមអញ្ជើញសមាជិក ថ្នាក់ឲ្យចែកចាយពីអ្វីដែលពួកគេបានរកឃើញ ។ តើជីវិតរបស់សាំសុនបង្រៀនយើងអ្វីខ្លះអំពីការរក្សាសេចក្តីសញ្ញាដែលយើងធ្វើជាមួយព្រះ ? សេចក្ដីថ្លែងការណ៍ដោយស៊ីស្ទើរ អាន អិម ឌិប នៅក្នុង « ធនធានបន្ថែមទាំងឡាយ » អាចមានប្រយោជន៍ ។
រូបភាពសាំសុនរុញសសរសាំសុនផ្តួលសសរចុះក្រោម ដោយ ជេមស៍ ធិសសតថ៍ និងអ្នកដទៃទៀត
ធនធានបន្ថែមទាំងឡាយ
មេរៀនមកពីជីវិតរបស់សាំសុន ។
ស៊ីស្ទើរ អាន អិម ឌិប បានបង្រៀនថា ៖ « សាំសុនបានកើតមកជាមួយនឹងសក្តានុពលដ៏អស្ចារ្យ ។ ម្តាយរបស់គាត់ត្រូវបានសន្យាថា ‹ វានឹងចាប់តាំងជួយសង្គ្រោះដល់សាសន៍អ៊ីស្រាអែល ឲ្យរួចពីកណ្តាប់ដៃនៃពួកភីលីស្ទីន › [ ពួកចៅហ្វាយ ១៣:៥ ] ។ ប៉ុន្តែពេលដែលសាំសុនបានធំឡើង គាត់មើលទៅការល្បួងខាងលោកកិយជាជាងការណែនាំរបស់ព្រះ ។ គាត់បានជ្រើសយកជម្រើសនោះពីព្រោះពួកគេ ‹ ពេញចិត្ត [ គាត់ ] ណាស់ › [ ពួកចៅហ្វាយ ១៤:៣ ] ជាជាងពីព្រោះជម្រើសទាំងនោះគឺត្រឹមត្រូវ ។ ម្តងហើយម្តងទៀត បទគម្ពីរប្រើឃ្លា ‹ សាំសុនចុះទៅ › [ ពួកចៅហ្វាយ ១៤:៧ ] ពេលដែលពួកគេប្រាប់អំពី ដំណើរកម្សាន្ត សកម្មភាព និង ជម្រើសរបស់សាំសុន ។ ជំនួស ឲ្យ ការក្រោកឡើង និងបញ្ចាំងពន្លឺដើម្បីបំពេញសក្តានុពលដ៏អស្ចារ្យរបស់គាត់ សាំសុនត្រូវបានយកឈ្នះដោយលោកកិយ បាត់បង់អំណាចដែលផ្តល់ឲ្យដោយព្រះ ហើយបានស្លាប់យ៉ាងអណោចអធមគឺស្លាប់ទាំងវ័យក្មេង » ( « Arise and Shine Forth » Liahona ខែឧសភា ឆ្នាំ២០១២ ទំព័រ ១១៨ ) ។
ការកែលម្អការបង្រៀនរបស់យើង
សូមទុកពេលឲ្យសមាជិក ថ្នាក់បានចែកចាយ ។ « នៅពេលសមាជិក ថ្នាក់ចែកចាយនូវ អ្វីដែលពួកគេកំពុងរៀន នោះពួកគេមិនគ្រាន់តែទទួលអារម្មណ៍ពីព្រះវិញ្ញាណ ហើយពង្រឹងទីបន្ទាល់ផ្ទាល់ខ្លួនរបស់ពួកគេប៉ុណ្ណោះទេ ប៉ុន្តែពួកគេក៏លើកទឹកចិត្តសមាជិក ថ្នាក់ផ្សេងទៀតនៅក្នុងថ្នាក់ឲ្យរកឃើញសេចក្ដីពិតសម្រាប់ខ្លួនពួកគេផងដែរ ។ … សូមទុកពេលឲ្យសមាជិក ថ្នាក់បានចែកចាយនៅក្នុងមេរៀននីមួយៗ ។ » ( ការបង្រៀនតាមរបៀបរបស់ព្រះអង្គសង្គ្រោះ ទំព័រ៣០ ) ។