« ថ្ងៃទី ៣–៩ ខែ មករា ។ លោកុប្បត្តិ ១–២; ម៉ូសេ ២–៣; អ័ប្រាហាំ ៤–៥ ៖ ‹ កាលដើមដំបូងឡើយ ព្រះបានបង្កើតផ្ទៃមេឃ និងផែនដី › » ចូរមកតាមខ្ញុំ—សម្រាប់សាលាថ្ងៃអាទិត្យ ៖ ព្រះគម្ពីរសញ្ញាចាស់ ឆ្នាំ ២០២២ ( ឆ្នាំ ២០២១ )
« ថ្ងៃទី ៣–៩ ខែ មករា ។ លោកុប្បត្តិ ១–២; ម៉ូសេ ២–៣; អ័ប្រាហាំ ៤–៥ » ចូរមកតាមខ្ញុំ—សម្រាប់សាលាថ្ងៃអាទិត្យ ៖ ឆ្នាំ ២០២២
ថ្ងៃទី ៣–៩ ខែ មករា
លោកុប្បត្តិ ១–២; ម៉ូសេ ២–៣; អ័ប្រាហាំ ៤–៥
« កាលដើមដំបូងឡើយ ព្រះបានបង្កើតផ្ទៃមេឃ និងផែនដី »
ដើម្បីរៀបចំខ្លួនបង្រៀន សូមអាន និងសញ្ជឹងគិតអំពី លោកុប្បត្តិ ១–២; ម៉ូសេ ២–៣; អ័ប្រាហាំ ៤–៥ ជាមុនសិន ហើយកត់ត្រាចំណាប់អារម្មណ៍ខាងវិញ្ញាណរបស់បងប្អូន ។ សៀវភៅ ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ និងយោបល់ខាងក្រោមនេះអាចជួយបងប្អូនឲ្យយល់ និងបង្រៀនពីគោលលទ្ធិនៅក្នុងជំពូកទាំងនេះបាន ។
កត់ត្រាចំណាប់អារម្មណ៍របស់អ្នក
អញ្ជើញឲ្យចែកចាយ
ព្រះបានប្រកាសដដែលៗថា ការណ៍ទាំងឡាយដែលទ្រង់បានបង្កើតអំឡុងពេលបង្កបង្កើតគឺ « ល្អ » ( សូមមើល ម៉ូសេ ២:៤, ១០, ១២, ១៨, ២១, ២៥, ៣១ ) ។ សូមអញ្ជើញសមាជិកក្នុងថ្នាក់ឲ្យចែកចាយការណ៍ល្អទាំងឡាយ ដែលពួកគេបានរកឃើញ កាលពួកគេអានព្រះគម្ពីរនៅឯគេហដ្ឋានក្នុងសប្ដាហ៍នេះ ។ តើការណ៍ទាំងឡាយដែលពួកគេបានរកឃើញមានអ្វីល្អខ្លះ ?
បង្រៀនគោលលទ្ធិ
លោកុប្បត្តិ ១; ម៉ូសេ ២; អ័ប្រាហាំ ៤
« ព្រះបានបង្កើតផ្ទៃមេឃ និងផែនដី » ។
-
សមាជិកក្នុងថ្នាក់អាចបានកត់សម្គាល់ពីភាពស្រដៀងគ្នា និងភាពខុសគ្នាក្នុងចំណោមដំណើររឿងអំពីការបង្កបង្កើតនៅក្នុងគម្ពីរលោកុប្បត្តិ ម៉ូសេ និងគម្ពីរអ័ប្រាហាំ ។ សូមលើកទឹកចិត្តសមាជិកក្នុងថ្នាក់ឲ្យចែកចាយអ្វីដែលការបកប្រែរបស់យ៉ូសែប ស្ម៊ីធនៅក្នុង ម៉ូសេ ២ បន្ថែមដល់ការរយល់ដឹងរបស់យើងអំពីការបង្កបង្កើតដែលមានរៀបរាប់នៅក្នុង លោកុប្បត្តិ ១ ។ តើយើងទទួលបានការយល់ដឹងបន្ថែមអ្វីខ្លះមកពី អ័ប្រាហាំ ៤ ? ដើម្បីអនុញ្ញាតឲ្យមនុស្សច្រើនចែកចាយបាន បងប្អូនអាចលើកទឹកចិត្តសមាជិកក្នុងថ្នាក់ឲ្យធ្វើការប្រៀបធៀបនេះជាដៃគូ ឬជាក្រុមតូចៗ ។ ( ខគម្ពីរមួយចំនួនដែលមានភាពខុសគ្នាដ៏សំខាន់ ត្រូវបានកត់ចំណាំនៅក្នុង « ធនធានបន្ថែមទាំងឡាយ » ) ។ តើយើងទទួលបានប្រយោជន៍មកពីការមានដំណើររឿងជាច្រើនយ៉ាងដូចម្ដេច ? តើដំណើររឿងទាំងនេះផ្ដល់ជាយោបល់អ្វីខ្លះ អំពីអ្វីដែលព្រះសព្វព្រះទ័យឲ្យយើងដឹងអំពីការបង្កបង្កើត ?
-
នៅពេលព្រះបានបង្កើតលោកអ័ដាម និងនាងអេវ៉ា ទ្រង់បានផ្ដល់អំណាចឲ្យពួកគេត្រួតត្រាលើផែនដី និងការបង្កបង្កើតផ្សេងៗទៀតរបស់ទ្រង់ ( សូមមើល លោកុប្បត្តិ ១:២៨; ម៉ូសេ ២:២៨; អ័ប្រាហាំ ៤:២៨ ) ។ តើ គោលលទ្ធិ និង សេចក្ដីសញ្ញា ៥៩:១៦–២១ និង ១០៤:១៣–១៨ ជួយយើងឲ្យយល់កាន់តែច្បាស់អំពីអត្ថន័យនៃការអនុវត្តអំណាចត្រួតត្រាដ៏សុចរិតលើផែនដីនេះដោយរបៀបណា ?
-
ពីរបីថ្ងៃមុនដល់ថ្ងៃបង្រៀន បងប្អូនអាចអញ្ជើញសមាជិកក្នុងថ្នាក់ឲ្យយករូបភាព ដែលពួកគេបានថត ឬមាននៅក្នុងផ្ទះរបស់ពួកគេ ដែលរំឭកពួកគេអំពីសម្រស់នៃការបង្កបង្កើតរបស់ព្រះមកកាន់ថ្នាក់រៀន ។ តើការរៀនសូត្រអំពីកិច្ចការបង្កបង្កើតរបស់ព្រះអម្ចាស់ មានឥទ្ធិពលលើអារម្មណ៍របស់យើងអំពីទ្រង់ អំពីខ្លួនយើង និងពិភពលោកនេះយ៉ាងដូចម្ដេច ? សមាជិកក្នុងថ្នាក់ក៏អាចចែកចាយសារលិខិតណាដែលពួកគេមានអារម្មណ៍ថា ព្រះចង់មានបន្ទូលមកយើងនៅក្នុងដំណើររឿងអំពីការបង្កបង្កើតទាំងនេះនៅក្នុង លោកុប្បត្តិ ១; ម៉ូសេ ២ និង អ័ប្រាហាំ ៤ ផងដែរ ។ ការច្រៀង ឬការស្ដាប់ចម្រៀងអំពីការបង្កបង្កើត ដូចជាបទ « ចំពោះសម្រស់នៃផែនដី » ( ទំនុកតម្កើង ល.រ. ៤១ ) អាចជួយសមាជិកក្នុងថ្នាក់ឲ្យមានអារម្មណ៍ដឹងគុណចំពោះការបង្កបង្កើតរបស់ព្រះបាន ។
រូបភាពផ្ទាំងភួយដែលបង្ហាញពីដំណាក់កាលខុសៗគ្នានៃការបង្កបង្កើតការបង្កបង្កើត ដោយ ចូន ហ៊ិបប៊ើត ឌើតស៊ី
លោកុប្បត្តិ ១:២៦–២៨; ម៉ូសេ ២:២៦–២៨; អ័ប្រាហាំ ៤:២៦–២៨
យើងត្រូវបានបង្កើតតាមរូបភាពនៃព្រះ ។
-
ហេតុអ្វីបានជាសំខាន់ចំពោះយើង ដែលត្រូវយល់ដឹងថា យើងត្រូវបានបង្កើតឡើងតាមរូបភាពនៃព្រះ ? តើបងប្អូនអាចជួយសមាជិកក្នុងថ្នាក់ឲ្យសញ្ជឹងគិតពីសេចក្ដីពិតនេះតាមរបៀបណា ? ពួកគេអាចអាន លោកុប្បត្តិ ១:២៦–២៨; ម៉ូសេ ២:២៦–២៨; អ័ប្រាហាំ ៤:២៦–២៨ ឬ កថាខណ្ឌទីពីរនៃ « ក្រុមគ្រួសារ ៖ ការប្រកាសដល់ពិភពលោក » បាន ( នៅលើគេហទំព័រ ChurchofJesusChrist.org ) ។ តើសេចក្ដីពិតនេះជះឥទ្ធិពលលើរបៀបដែលយើងមើលមកខ្លួនយើង មើលទៅមនុស្សដទៃ និងព្រះយ៉ាងដូចម្ដេច ? សមាជិកក្នុងថ្នាក់អាចទទួលបានការយល់ដឹងបន្ថែមទៀតនៅក្នុងទំនុកតម្កើងដូចជាបទ « ឱ ព្រះបិតា » ឬ « ខ្ញុំជាកូនរបស់ព្រះ » ( ទំនុកតម្កើង ល.រ. ១៨១, ១៨៨ ) ។
-
នៅក្នុងវីដេអូ « God’s Greatest Creation » ( នៅលើគេហទំព័រ ChurchofJesusChrist.org ) ប្រធាន រ័សុល អិម ណិលសុន ថ្លែងទីបន្ទាល់អំពីរូបកាយរបស់មនុស្សដ៏ប្រកបដោយអព្ភូតហេតុ ( សូមមើលផងដែរ « Thanks Be to God » Liahona ខែ ឧសភា ឆ្នាំ ២០១២ ទំព័រ ៧៧–៨០ ) ។ សូមពិចារណាចែកចាយវីដេអូនេះពីមុនអានក្នុង លោកុប្បត្តិ ១:២៦–២៨; ម៉ូសេ ២:២៦–២៨ ឬ អ័ប្រាហាំ ៤:២៦–២៨ រួមគ្នាក្នុងថ្នាក់ ។ តើទីបន្ទាល់របស់ប្រធានណិលសុនបានធ្វើឲ្យការដឹងគុណរបស់យើងចំពោះសេចក្ដីពិតនៅក្នុងខគម្ពីរទាំងនេះកាន់តែស៊ីជម្រៅដោយរបៀបណា ?
លោកុប្បត្តិ ១:២៧–២៨; ម៉ូសេ ៣:១៨, ២១–២៥; អ័ប្រាហាំ ៥:១៤–១៩
អាពាហ៍ពិពាហ៍រវាងបុរស និងស្ត្រីត្រូវបានតែងតាំងឡើងដោយព្រះ ។
-
មានទស្សនៈជាច្រើនអំពីអាពាហ៍ពិពាហ៍នៅក្នុងពិភពលោកសព្វថ្ងៃនេះ ដែលឃ្លាតចេញឆ្ងាយពីសេចក្ដីពិតដ៏អស់កល្ប ។ ដើម្បីជួយសិស្សក្នុងថ្នាក់របស់បងប្អូនឲ្យរៀនពីទស្សនៈរបស់ព្រះស្ដីពីអាពាហ៍ពិពាហ៍ នោះបងប្អូនអាចអញ្ជើញពួកគេឲ្យអាន លោកុប្បត្តិ ១:២៧–២៨; ម៉ូសេ ៣:១៨, ២១–២៥ ឬ អ័ប្រាហាំ ៥:១៤–១៩ ហើយសរសេរសេចក្ដីពិតដែលពួកគេរកឃើញដាក់នៅលើក្ដារខៀន ។ ពួកគេអាចបន្ថែមទៅលើបញ្ជីរបស់ពួកគេនូវសេចក្ដីពិតនានា ដែលពួកគេរកឃើញនៅក្នុង « ក្រុមគ្រួសារ ៖ ការប្រកាសដល់ពិភពលោក » ( នៅលើគេហទំព័រ ChurchofJesusChrist.org ) ។ ហេតុអ្វីសេចក្ដីពិតទាំងនេះមានតម្លៃចំពោះយើង ?
ធនធានបន្ថែមទាំងឡាយ
ការប្រៀបធៀបដំណើររឿងអំពីការបង្កបង្កើត ។
|
លោកុប្បត្តិ |
ម៉ូសេ |
អ័ប្រាហាំ |
|---|---|---|
លោកុប្បត្តិ | ម៉ូសេ | អ័ប្រាហាំ |
លោកុប្បត្តិ | ម៉ូសេ | អ័ប្រាហាំ |
លោកុប្បត្តិ | ម៉ូសេ | អ័ប្រាហាំ |
លោកុប្បត្តិ | ម៉ូសេ | អ័ប្រាហាំ |
លោកុប្បត្តិ | ម៉ូសេ | អ័ប្រាហាំ |
លោកុប្បត្តិ | ម៉ូសេ | អ័ប្រាហាំ |
លោកុប្បត្តិ | ម៉ូសេ | អ័ប្រាហាំ |
លោកុប្បត្តិ | ម៉ូសេ | អ័ប្រាហាំ |
លោកុប្បត្តិ | ម៉ូសេ | អ័ប្រាហាំ |
ការកែលម្អការបង្រៀនរបស់យើង
ជួយសិស្សឲ្យប្រៀបប្រដូចបទគម្ពីរទៅនឹងខ្លួនគេ ។ « សេចក្ដីពិតដំណឹងល្អដូចគ្នានេះ ដែលបានបំផុសគំនិត និងគាំទ្រដល់អ័ប្រាហាំ អេសធើរ លីហៃ និងយ៉ូសែប ស្ម៊ីធ អាចជួយដល់អ្នកទាំងឡាយដែលបងប្អូនបង្រៀនឲ្យប្រឈមមុខនឹងបញ្ហាក្នុងសម័យទំនើប » ( ការបង្រៀនតាមរបៀបរបស់ព្រះអង្គសង្គ្រោះ ទំព័រ ២១ ) ។ សូមលើកទឹកចិត្តអ្នករៀនឲ្យអនុវត្តគោលការណ៍ទាំងឡាយ ដែលពួកគេរកឃើញនៅក្នុងបទគម្ពីរ ទៅក្នុងស្ថានភាពរបស់ពួកគេផ្ទាល់ខ្លួន ។