ជំពូកទី ២
(មិថុនា–តុលា ១៨៣០)
ព្រះទ្រង់បានបង្កើតផ្ទៃមេឃ និងផែនដី — គឺជីវិតគ្រប់ប្រភេទត្រូវបានបង្កើតឡើង — ព្រះទ្រង់បង្កើតមនុស្ស ហើយប្រទានឲ្យគេមានអំណាចត្រួតត្រាលើគ្រប់ការណ៍ទាំងអស់។
១ហើយហេតុការណ៍បានកើតឡើងថា ព្រះអម្ចាស់ទ្រង់មានព្រះបន្ទូលទៅម៉ូសេថា ៖ មើលចុះ យើងកបើកសម្ដែងដល់អ្នកអំពីខផ្ទៃមេឃនេះ និងគផែនដីនេះ ចូរកត់នូវព្រះបន្ទូលដែលយើងមានបន្ទូលចុះ។ យើងជាដើម និងជាចុង ជាព្រះដ៏មានឃមហិទ្ធិឫទ្ធិ ដោយសារងព្រះរាជបុត្រាបង្កើតតែមួយរបស់យើង ទើបយើងចបានបង្កើតរបស់ទាំងនេះមក មែនហើយ គឺនៅដើមដំបូងឡើយ យើងបានបង្កើតផ្ទៃមេឃ និងផែនដីដែលអ្នកឈរលើ។
២ហើយកផែនដីគ្មានរូបរាង ហើយនៅទទេ ហើយយើងបានបណ្ដាលឲ្យមានសេចក្ដីងងឹតគ្របលើផ្ទៃនៃជម្រៅទឹក ហើយព្រះវិញ្ញាណរបស់យើងរេរានៅពីលើផ្ទៃទឹក ត្បិតយើងជាព្រះ។
៣ហើយយើងជាព្រះ បានមានបន្ទូលថា ៖ ចូរឲ្យមានកពន្លឺឡើង ហើយក៏មានពន្លឺឡើង។
៤ហើយយើងជាព្រះ បានឃើញពន្លឺនោះ ហើយពន្លឺនោះកល្អ។ ហើយយើងជាព្រះបានញែកពន្លឺចេញពីងងឹត។
៥ហើយយើងជាព្រះ បានហៅពន្លឺថាជាថ្ងៃ ហើយងងឹត យើងបានហៅថាជាយប់ ហើយការណ៍នេះយើងធ្វើឡើង ដោយសារកព្រះបន្ទូលនៃព្រះចេស្ដារបស់យើង ហើយការណ៍នោះក៏មានដូច្នោះ ដូចដែលយើងបានមានខបន្ទូលមក ហើយក៏មានល្ងាច មានព្រឹកឡើង ជាគថ្ងៃទី ១។
៦ហើយជាថ្មីទៀត យើងជាព្រះបានមានបន្ទូលថា ៖ ចូរឲ្យមានកប្រឡោះនៅកណ្ដាលទឹក ហើយក៏មានដូច្នោះ ដូចដែលយើងបានមានបន្ទូលមក ហើយយើងបានមានបន្ទូលថា ៖ ចូរឲ្យវាញែកទឹកចេញពីគ្នា ហើយក៏មានដូច្នោះ។
៧ហើយយើងជាព្រះ ក៏ធ្វើប្រឡោះ ទាំងញែកកទឹកដែលនៅក្រោមប្រឡោះចេញពីទឹកដែលនៅលើប្រឡោះ ហើយក៏មានដូច្នោះ ដូចដែលយើងបានមានបន្ទូលមក។
៨ហើយយើងជាព្រះបានហៅប្រឡោះនោះថាជាកមេឃ ហើយក៏មានល្ងាច មានព្រឹកឡើង ជាថ្ងៃទី ២។
៩ហើយយើងជាព្រះបានមានបន្ទូលថា ៖ ចូរឲ្យទឹកនៅក្រោមមេឃប្រមូលគ្នានៅកន្លែងកតែមួយ ហើយក៏មានដូច្នោះ ហើយយើងជាព្រះបានមានបន្ទូលថា ៖ ចូរឲ្យមានដីគោកឡើង ហើយក៏មានដូច្នោះ។
១០ហើយយើងជាព្រះ បានហៅដីគោកនោះថាជាកផែនដី ហើយទីទឹកដែលប្រមូលគ្នានោះយើងហៅថាជាសមុទ្រ ហើយយើងជាព្រះបានឃើញថារបស់គ្រប់យ៉ាងដែលយើងបានធ្វើឡើងសុទ្ធតែល្អ។
១១ហើយយើងជាព្រះបានមានបន្ទូលថា ៖ ចូរឲ្យផែនដីដុះតិណជាតិឡើង គឺជាកពួកស្មៅ និងរុក្ខជាតិដែលមានគ្រាប់ និងដើមឈើ ដែលមានផ្លែតាមពូជ និងដើមឈើដែលមានផ្លែ គឺមានគ្រាប់ក្នុងផ្លែនៅលើផែនដី ហើយក៏មានដូច្នោះ ដូចដែលយើងបានមានបន្ទូលមក។
១២ហើយផែនដីក៏ដុះតិណជាតិឡើង ជាពួកស្មៅ និងរុក្ខជាតិគ្រប់មុខដែលមានគ្រាប់តាមពូជវា និងដើមឈើដែលមានផ្លែ គឺមានគ្រាប់ក្នុងផ្លែតាមពូជវា ហើយយើងជាព្រះបានឃើញថារបស់គ្រប់យ៉ាងដែលយើងបានធ្វើឡើងនោះសុទ្ធតែល្អ
១៣ហើយក៏មានល្ងាច មានព្រឹកឡើង ជាថ្ងៃទី ៣។
១៤ហើយយើងជាព្រះបានមានបន្ទូលថា ៖ ចូរឲ្យមានតួពន្លឺនៅនាផ្ទៃមេឃ ដើម្បីនឹងញែកថ្ងៃចេញពីយប់ ហើយសម្រាប់ទុកជាទីសម្គាល់ និងសម្រាប់ជារដូវ និងសម្រាប់ជាថ្ងៃ និងសម្រាប់ជាឆ្នាំ
១៥ហើយចូរឲ្យមានតួពន្លឺនៅនាផ្ទៃមេឃ ដើម្បីបំភ្លឺមកផែនដី ហើយក៏មានដូច្នោះ។
១៦ហើយយើងជាព្រះបានធ្វើកពន្លឺធំជាពីរតួ មួយដែលធំជាង នោះសម្រាប់ត្រួតក្នុងពេលថ្ងៃ ហើយមួយដែលតូចជាង សម្រាប់ត្រួតក្នុងពេលយប់ ហើយពន្លឺដែលធំជាងនោះគឺជាព្រះអាទិត្យ ហើយពន្លឺដែលតូចជាងនោះគឺជាព្រះចន្ទ ហើយព្រមទាំងតារាទាំងឡាយ ក៏បានធ្វើឡើង តាមព្រះបន្ទូលរបស់យើងដែរ។
១៧ហើយយើងជាព្រះ បានដាក់តួពន្លឺទាំងនោះនៅឯផ្ទៃមេឃ ដើម្បីនឹងបំភ្លឺមកលើផែនដី
១៨ហើយព្រះអាទិត្យត្រួតក្នុងពេលថ្ងៃ ហើយព្រះចន្ទត្រួតក្នុងពេលយប់ ហើយដើម្បីញែកពន្លឺចេញពីងងឹត ហើយយើងជាព្រះបានឃើញថារបស់គ្រប់យ៉ាងដែលយើងបានធ្វើឡើងនោះសុទ្ធតែល្អ
១៩ហើយក៏មានល្ងាច មានព្រឹកឡើង ជាថ្ងៃទី ៤។
២០ហើយយើងជាព្រះបានមានបន្ទូលថា ៖ ចូរឲ្យទឹកមានពោរពេញទៅដោយមច្ឆាជាតិរវើកជាបរិបូរ និងបក្សីជាតិហើរពីលើដីនៅនាអាកាស។
២១ហើយយើងជាព្រះ បានបង្កើតកត្រីបាឡែនដ៏សម្បើមៗ និងជីវិតទាំងឡាយដែលកម្រើក ដែលទឹកទាំងឡាយបាននាំមកជាបរិបូរតាមពូជ ហើយអស់ទាំងសត្វស្លាបគ្រប់មុខតាមពូជដែរ ហើយយើងជាព្រះបានឃើញថារបស់គ្រប់យ៉ាង ដែលយើងបានបង្កើតឡើងនោះសុទ្ធតែល្អ។
២២ហើយយើងជាព្រះបានប្រទានពរដល់សត្វទាំងឡាយនោះថា ៖ ចូរបង្កើតកូនឲ្យចម្រើនជាកច្រើនឡើង ឲ្យមានពេញពាសនៅក្នុងទឹកសមុទ្រ ហើយឲ្យសត្វស្លាបចម្រើនឡើងនៅផែនដីដែរ
២៣ហើយក៏មានល្ងាច មានព្រឹកឡើង ជាថ្ងៃទី ៥។
២៤ហើយយើងជាព្រះ បានមានបន្ទូលថា ៖ ចូរឲ្យផែនដីមានពោរពេញទៅដោយចតុប្បាទជាតិតាមពូជ គឺជាសត្វស្រុក សត្វលូនវារ និងសត្វព្រៃនៅផែនដីតាមពូជ ហើយក៏មានដូច្នោះ
២៥ហើយយើងជាព្រះបានធ្វើសត្វព្រៃនៅផែនដីតាមពូជ សត្វស្រុកតាមពូជ ហើយគ្រប់ទាំងសត្វដែលលូនវារនៅដីគោកតាមពូជដែរ ហើយយើងជាព្រះបានឃើញថាគ្រប់របស់ទាំងនេះសុទ្ធតែល្អ។
២៦ហើយយើងជាព្រះ បានមានបន្ទូលទៅកព្រះរាជបុត្រាបង្កើតតែមួយរបស់យើង ដែលបានគង់នៅជាមួយនឹងយើង ចាប់តាំងពីដើមដំបូងមកថា ៖ ចូរយើងខធ្វើមនុស្សឲ្យដូចជាគរូបយើង ឲ្យមានភាពដូចយើង ហើយក៏មានដូច្នោះ។ ហើយយើងជាព្រះបានមានបន្ទូលថា ៖ ចូរឲ្យពួកគេមានឃអំណាចត្រួតត្រាលើត្រីសមុទ្រ និងលើសត្វហើរលើអាកាស និងលើសត្វជើងបួន និងលើផែនដីទាំងមូល ព្រមទាំងលើសត្វលូនវារ ដែលវារនៅផែនដីផង។
២៧ហើយយើងជាកព្រះបានបង្កើតមនុស្សឲ្យដូចរូបយើង គឺដូចជារូបនៃព្រះរាជបុត្រាបង្កើតតែមួយរបស់យើង នោះយើងបានបង្កើតគេមក គឺជាប្រុសជាស្រី យើងបានបង្កើតពួកគេឡើង។
២៨ហើយយើងជាព្រះបានប្រទានពរដល់ពួកគេ ហើយបានមានបន្ទូលទៅពួកគេថា ៖ ចូរបង្កើតកូនឲ្យកចម្រើនជាច្រើនឡើង ឲ្យមានពេញពាសលើផែនដីចុះ ហើយបង្ក្រាបផែនដី ហើយមានអំណាចត្រួតត្រាលើត្រីសមុទ្រ និងលើសត្វហើរលើអាកាស និងលើជីវិតផងទាំងឡាយដែលកម្រើកនៅផែនដីផង។
២៩ហើយយើងជាព្រះបានមានបន្ទូលទៅបុរសថា ៖ មើលចុះ យើងបានប្រទានដល់អ្នកនូវគ្រប់ទាំងតិណជាតិមានគ្រាប់ពូជ ដែលដុះនៅផែនដី និងគ្រប់ទាំងដើមឈើទាំងឡាយ ដែលកើតផ្លែមានគ្រាប់ពូជ របស់ទាំងនោះនឹងទៅជាកអាហារដល់អ្នក។
៣០ហើយចំពោះអស់ទាំងសត្វនៅលើផែនដី និងចំពោះសត្វហើរលើអាកាស និងចំពោះគ្រប់សត្វទាំងឡាយ ដែលលូនវារនៅលើផែនដី ដែលយើងបានឲ្យមានជីវិតទាំងប៉ុន្មាន នោះនឹងត្រូវប្រទានគ្រប់តិណជាតិល្អៗឲ្យធ្វើជាអាហារ ហើយក៏មានដូច្នោះ គឺដូចដែលយើងបានមានបន្ទូលមក។
៣១ហើយយើងជាព្រះ បានទតគ្រប់ទាំងរបស់ដែលយើងបានធ្វើនោះ ហើយមើលចុះ របស់ទាំងអស់ដែលយើងបានធ្វើនោះសុទ្ធតែកល្អប្រពៃ ហើយក៏មានល្ងាច មានព្រឹកឡើង ជាថ្ងៃខទី ៦ ៕