« ធនធានបន្ថែមទាំងឡាយ » ចូរមកតាមខ្ញុំ—សម្រាប់សាលាថ្ងៃអាទិត្យ ៖ ព្រះគម្ពីរសញ្ញាថ្មី ឆ្នាំ ២០២៣ ( ឆ្នាំ ២០២២ )
« ធនធានបន្ថែមទាំងឡាយ » ចូរមកតាមខ្ញុំ—សម្រាប់សាលាថ្ងៃអាទិត្យ ៖ ឆ្នាំ ២០២៣
ធនធានបន្ថែមទាំងឡាយ
ធនធានទាំងនេះអាចរកបាននៅក្នុងកម្មវិធីបណ្ណាល័យដំណឹងល្អ និងនៅលើគេហទំព័រ ChurchofJesusChrist.org ។
ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ
បងប្អូនអាចកែសម្រួលសកម្មភាពនានាមកពី ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ដើម្បីប្រើនៅក្នុងថ្នាក់សាលាថ្ងៃអាទិត្យរបស់បងប្អូនបាន ។ ប្រសិនបើសមាជិកក្នុងថ្នាក់ធ្លាប់ប្រើសកម្មភាពទាំងនេះនៅក្នុងការសិក្សាព្រះគម្ពីរផ្ទាល់ខ្លួន ឬជាគ្រួសាររបស់ពួកគេរួចហើយ សូមលើកទឹកចិត្តពួកគេឲ្យចែកចាយនូវបទពិសោធន៍ និងគំនិតរបស់ពួកគេ ។
ទំនុកតម្កើង និង សៀវភៅចម្រៀងកុមារ
តន្ត្រីពិសិដ្ឋយាងអញ្ជើញព្រះវិញ្ញាណឲ្យគង់នៅ ជួយយើងឲ្យមានអារម្មណ៍ពីសេចក្ដីស្រឡាញ់របស់ព្រះ ហើយបង្រៀនគោលលទ្ធិតាមរបៀបមួយដែលងាយចងចាំ ។ បន្ថែមទៅលើការប្រើប្រាស់កំណែបោះពុម្ពនៃ ទំនុកតម្កើង និង សៀវភៅចម្រៀងកុមារ បងប្អូនអាចរកឃើញវីដេអូ និងការថតជាសំឡេងនៃទំនុកតម្កើង និងចម្រៀងកុមារជាច្រើននៅលើគេហទំព័រ music.ChurchofJesusChrist.org និងនៅក្នុងកម្មវិធី Sacred Music និងកម្មវិធី Gospel Media ។
សៀវភៅសិក្សាថ្នាក់សិក្ខាសាលា និងថ្នាក់វិទ្យាស្ថាន
សៀវភៅសិក្សាថ្នាក់សិក្ខាសាលា និងថ្នាក់វិទ្យាស្ថាន ផ្ដល់ប្រវត្តិរបស់ផ្ទៃរឿង និងការអត្ថាធិប្បាយខាងគោលលទ្ធិសម្រាប់គោលការណ៍ និងដំណើររឿងទាំងឡាយដែលមាននៅក្នុងព្រះគម្ពីរ ។ សៀវភៅសិក្សាទាំងនេះក៏អាចបំផុសគំនិតឲ្យមានគំនិតសម្រាប់ការបង្រៀនក្នុងថ្នាក់សាលាថ្ងៃអាទិត្យផងដែរ ។
ទស្សនាវដ្តីសាសនាចក្រ
ទស្សនាវដ្ដី លីអាហូណា និង ដើម្បីកម្លាំងនៃយុវជន ផ្ដល់នូវអត្ថបទ និងមុខងារផ្សេងទៀតដែលអាចជួយបញ្ជាក់បន្ថែមលើគោលការណ៍ ដែលបងប្អូនកំពុងបង្រៀនចេញពីសៀវភៅ ចូរមកតាមខ្ញុំ—សម្រាប់សាលាថ្ងៃអាទិត្យ ។
Gospel Topics
នៅលើ Gospel Topics ( គេហទំព័រ topics.ChurchofJesusChrist.org ) បងប្អូនអាចរកឃើញព័ត៌មានមូលដ្ឋានអំពីប្រធានបទដំណឹងល្អជាច្រើនប្រភេទ ជាមួយនឹងតំណនានាទៅកាន់ធនធានដែលមានអត្ថប្រយោជន៍ដូចជា សារលិខិតសន្និសីទទូទៅ អត្ថបទ ព្រះគម្ពីរ និងវីដេអូនានាដែលទាក់ទងគ្នា ។ បងប្អូនក៏អាចរកឃើញ Gospel Topics Essays ផងដែរ ដែលផ្ដល់ជាព័ត៌មានដ៏ស៊ីជម្រៅចំពោះចម្ងល់ខាងគោលលទ្ធិ និងប្រវត្តិសាស្ដ្រទាំងឡាយ ក៏ដូចជាចម្លើយចំពោះសំណួរជាច្រើនអំពីសាសនាចក្រ និងការបង្រៀនទាំងឡាយ ។
ប្រកាសដំណឹងល្អរបស់យើង
សៀវភៅមគ្គទ្ទេសក៍សម្រាប់អ្នកផ្សព្វផ្សាយសាសនានេះផ្ដល់ជាទិដ្ឋភាពទូទៅមួយនៃគោលការណ៍មូលដ្ឋានអំពីដំណឹងល្អ ។
ដើម្បីកម្លាំងនៃយុវជន ( កូនសៀវភៅ )
ធនធាននេះចែងពីបទដ្ឋានរបស់សាសនាចក្រ ដែលអាចជួយយើងឲ្យរស់នៅតាមដំណឹងល្អ ហើយរីករាយនឹងភាពជាដៃគូនៃព្រះវិញ្ញាណ ។ សូមពិចារណាយោងទៅកូនសៀវភៅនេះឲ្យបានញឹកញាប់ ជាពិសេសប្រសិនបើបងប្អូនកំពុងបង្រៀនយុវវ័យ ។
វីដេអូ និងគំនូរ
រូបគំនូរ វីដេអូ និងប្រព័ន្ធផ្សព្វផ្សាយផ្សេងទៀតអាចជួយអស់អ្នកដែលបងប្អូនបង្រៀនឲ្យយល់ពីគោលលទ្ធិ និងមើលឃើញដំណើររឿងដែលទាក់ទងទៅនឹងបទគម្ពីរ ។ សូមចូលទៅ Gospel Media តាមរយៈគេហទំព័រ GospelMedia.ChurchofJesusChrist.org ដើម្បីរុករកកម្រងធនធានប្រព័ន្ធផ្សព្វផ្សាយរបស់សាសនាចក្រ ។ Gospel Media ក៏មាននៅលើកម្មវិធីឧបករណ៍ចល័តផងដែរ ។ រូបភាពជាច្រើនដែលបងប្អូនអាចប្រើនៅក្នុងថ្នាក់រៀន មាននៅក្នុង សៀវភៅរូបភាពដំណឹងល្អ ។
ការបង្រៀនតាមរបៀបរបស់ព្រះអង្គសង្គ្រោះ
សៀវភៅ ការបង្រៀនតាមរបៀបរបស់ព្រះអង្គសង្គ្រោះ អាចជួយបងប្អូនឲ្យរៀនសូត្រ និងអនុវត្តតាមគោលការណ៍ទាំងឡាយនៃការបង្រៀនដូចជាព្រះគ្រីស្ទ ។ គោលការណ៍ទាំងនេះត្រូវបានពិភាក្សា ហើយអនុវត្តនៅក្នុងការប្រជុំក្រុមប្រឹក្សាគ្រូបង្រៀន ។