« គំនិតសម្រាប់ការលើកទឹកចិត្តឲ្យមានការសិក្សាផ្ទាល់ខ្លួន និងជាគ្រួសារ » ចូរមកតាមខ្ញុំ—សម្រាប់សាលាថ្ងៃអាទិត្យ ៖ គោលលទ្ធិ និង សេចក្តីសញ្ញា ឆ្នាំ ២០២១ ( ឆ្នាំ ២០២០ )
« គំនិតសម្រាប់ការលើកទឹកចិត្តឲ្យមានការសិក្សាផ្ទាល់ខ្លួន និងជាគ្រួសារ » ចូរមកតាមខ្ញុំ—សម្រាប់សាលាថ្ងៃអាទិត្យ ៖ ឆ្នាំ ២០២១
គំនិតសម្រាប់ការលើកទឹកចិត្តឲ្យមានការសិក្សាផ្ទាល់ខ្លួន និងជាគ្រួសារ
ទាំងនេះគឺជាគំនិតមួយចំនួនដើម្បីជួយអ្នកឲ្យលើកទឹកចិត្តដល់សិស្សឲ្យសិក្សាបន្ទូលរបស់ព្រះនៅឯគេហដ្ឋានដោយខ្លួនឯង និងជាគ្រួសារ ។ សូមប្រុងប្រយ័ត្នថា សិស្សប្រហែលជាពុំអាចសិក្សាព្រះគម្ពីរជាមួយនឹងក្រុមគ្រួសាររបស់ពួកគេគ្រប់គ្នានោះទេ ( ឧទាហរណ៍ សិស្សខ្លះរស់នៅតែឯង ឬជាសមាជិកតែម្នាក់ឯងក្នុងក្រុមគ្រួសារ ) ។
-
សូមអញ្ជើញសិស្សឲ្យចែកចាយនូវបទពិសោធន៍ដែលពួកគេបានមានតាមរយៈការសិក្សាព្រះគម្ពីរនៅឯគេហដ្ឋាន ។ ឧទាហរណ៍ អ្នកអាចសូមឲ្យពួកគេចែកចាយនូវខគម្ពីរមួយ ដែលបានពង្រីកសេចក្ដីស្រឡាញ់របស់ពួកគេទៅលើព្រះយេស៊ូវគ្រីស្ទ ។
-
សូមឲ្យសិស្សផ្ដល់ជាឧទាហរណ៍អំពីអ្វីដែលពួកគេកំពុងធ្វើដើម្បីធ្វើឲ្យការសិក្សាព្រះគម្ពីរផ្ទាល់ខ្លួន និងជាគ្រួសារកាន់តែមានន័យ ។ ( គំនិតមួយចំនួនអាចរកបាននៅក្រោមចំណងជើង « គំនិតដើម្បីកែលម្អការសិក្សាព្រះគម្ពីរផ្ទាល់ខ្លួនរបស់អ្នក និង « គំនិតដើម្បីកែលម្អការសិក្សាព្រះគម្ពីររបស់អ្នកជាគ្រួសារនៅក្នុង ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ) ។
-
សូមអញ្ជើញសិស្សឲ្យចែកចាយពីរបៀបដែលពួកគេបានធ្វើតាមការបំផុសគំនិតដែលពួកគេបានទទួលនៅក្នុងការសិក្សាព្រះគម្ពីរផ្ទាល់ខ្លួន និងជាគ្រួសាររបស់ពួកគេ ។
-
សូមចំណាយពេលពីរបីនាទីដើម្បីបង្ហាញដល់សិស្សនូវធនធានមួយចំនួនដែលសាសនាចក្រផ្ដល់ឲ្យដើម្បីជួយសមាជិកឲ្យសិក្សាដំណឹងល្អ ដូចជាជំនួយការសិក្សាព្រះគម្ពីរដែលមាននៅលើគេហទំព័រ scriptures.ChurchofJesusChrist.org; « Scripture Stories » ដែលមាននៅលើ children.ChurchofJesusChrist.org; មាតិកាដែលផ្ដោតលើយុវវ័យមាននៅ youth.ChurchofJesusChrist.org; សៀវភៅសិក្សាថ្នាក់សិក្ខាសាលា និងវិទ្យាស្ថាន; និងវីដេអូ ការថតជាសំឡេង និងរូបភាពដែលមាននៅ MediaLibrary.ChurchofJesusChrist.org ។ ធនធានទាំងនេះភាគច្រើនក៏មាននៅក្នុងកម្មវិធីបណ្ណាល័យដំណឹងល្អផងដែរ ។
-
សូមចំណាយពេលពីរបីនាទីដើម្បីពន្យល់អំពីរបៀបប្រើកម្មវិធីបណ្ណាល័យដំណឹងល្អដើម្បីសិក្សាព្រះគម្ពីរ រួមបញ្ចូលទាំងរបៀបគូសចំណាំខគម្ពីរ ហើយកត់ត្រាអារម្មណ៍ ។
-
សូមអញ្ជើញសិស្សម្នាក់ ឬច្រើននាក់ឲ្យចែកចាយអំពីរបៀបដែលពួកគេបានបង្រៀនពីគោលការណ៍ជាក់លាក់មួយនៃដំណឹងល្អនៅក្នុងក្រុមគ្រួសាររបស់ពួកគេ ។